爸B燒

營業中

休息中

爸B燒位於新蒲崗Mikiki附近，是區內小數的泰式串燒店而且營業到凌晨，越夜越熱鬧。除了氣氛好，食物也有很多選擇，串燒、即燒海鮮、送酒名物等等，辣度可以自由選擇。這𥚃很適合和朋友小聚暢談。海鮮❈ 蒜蓉粉絲燒大扇貝 HK$58隻 (2隻起) - 扇貝鮮甜，粉絲吸收了蒜蓉和扇貝的味道❈ 照燒白鱔 HK$28/串 - 白鱔燒至焦脆，白鱔肉嫩多汁有微骨串燒❈ 香茅燒雞全翼 HK$18/串 - 肉嫩入味❈ 雞軟骨串 HK$18/串 - 口感十足❈ 雞腎串 HK$18/串 - 爽口彈牙❈ 日式雞皮串 HK$18/串 - 香脆煙靭❈ 金菇肥牛 HK$26/串 - 金菇吸收了肥牛的肉汁，好味❈ 鹽燒厚切牛舌 HK$28/串 - 牛舌肉汁豐富❈ 燒豬大腸 HK$12/串 - 肥而不膩其他❈ 燒茄子 HK$38/條 - 茄子超大條加上特別調製的醬料非常惹味❈ 椒鹽粟米 HK$38份 - 果然是送酒名物，粟米香口，甜而不乾❈ 台灣腸(蜜糖) HK$18/條 - 滿滿台灣風味❈ 日本三得利啤酒(金裝) HK$48/380ml ☆分類標籤#nuttylife

喺Mikiki行完街揀唔啱食咩，行返出去原來好多餐廳🍱是但入咗呢間串燒有串燒食之後仲有泰菜食！！咁啱早入去唔使等位，坐坐下就好多街坊同人排隊🫡嘢食好多選擇，無燒到燶晒，燒到啱啱好🔥豬頸肉 雞翼 雞軟骨 豆卜超正超正正！生菜包都好好食啊啊啊！越打越想再去食🤣下次想叫埋條燒魚🤤見到仲有都幾好款唔同酒可以叫，開到凌晨三點同班fd食宵夜吹下水都係好選擇！🙆🏻‍♀️唯一批評，地方比較窄，枱細張😣叫多幾碟嘅話會放唔晒~

在香港最不缺就是連鎖店，然而這家小店卻是個體經營的，烤串的味道十分好吃😋推薦一下給大家🥰昨晚約朋友去暢談一番，細味一番，配上小吃，下班減壓就是這麼簡單了。椒鹽雞軟骨，香脆可口，當你吃上一顆後會情不自禁一個又一個吃下去的。爸B豬仔髀，聽說是店的招牌，豬髀燒得色澤金香，一口下去肉嫩不柴，香啊😍炭燒豬頸肉，跟泰式豬頸肉一樣的用碟上，外皮焦香有嚼勁，肉汁爆棚，還配上泰式辣醬又是另一番口味。泰式生菜包，跟別家真的不一樣，滿滿一大碟，巨好吃😋大量香菜又特別香，配以清新可口的青菜🥬，讚👍燒茄子🍆，每次吃燒烤必須都點燒茄子，茄子很大很大，配上黃金蒜實在是嘎嘎香🥰🥰🥰快約上能把酒暢歡的朋友們來小聚一番吧😎

Soy Egg 🥚同9 Flag 🏳️去新蒲崗食宵夜，講到宵夜點小得串燒，配埋啤酒真係一流😋 是但總結: 氣氛好 野食好食 宵夜唔錯選擇😋是但食評🌟💬✰環境😋 無華麗裝修 但氣氛加分😋小店格局 無咩特別裝修🏡 但勝在乾淨企理 播住唔同流行廣東歌 聽住歌仔 飲下酒🍺放鬆自在 🎵✰鹽燒馬友 ($98) 🐟 Juicy😋燒到剛剛好，鎖住晒肉汁係入邊，一夾開塊皮，肉眼都見到D魚汁🐟食入口，feel到嫩滑，魚油味濃🐟如果唔驚咸，個皮都食得，夠脆口個泰式汁夠開胃，甜甜酸酸，蒜味夠🧄，好似有d魚露味同青檸🍋個汁有解一解個魚既油膩感，好夾😋✰椒鹽燒賣 ($12) 椒鹽雞軟骨 ($38) 🌶️🍗 椒鹽惹味 炸功一流😍一定要趁熱食一上枱 咋一聲食晒實在太好食😍椒鹽夠惹味🌶️ 平均包住每粒燒賣同雞軟骨配埋啤酒真係一流🍺燒賣好好食 炸到剛好 外脆內軟 熱辣辣🔥本身粒賣有小小偏甜 但椒鹽個咸度又cover 到可以煙韌小小 但整體已經十分之出色😍雞軟骨夠爽脆，仲要有肉汁同帶小小肥肉🍗肉汁加埋椒鹽味，濃郁有厚度既配搭😍✰鹽燒厚切牛舌 ($28) 🐄偏腍 麻麻地🙂牛脷偏腍，一咬就爛應該係煮過再燒 牛味夠 夠入味但果人偏向爽

大愛這間串燒店😍係會特登過嚟食～坐底唔洗睇餐牌即叫半打燒生蠔🦪滿滿蒜蓉放係生蠔嘅上面非常新鮮🌟鐘意係到食嘅原因係等緊串燒時候，可以叫椒鹽系列嘅炸物🤤必叫椒鹽雞軟骨$38、椒鹽多春魚$38......🐷炭燒豬頸肉$52都係必食的～仲有爸B串燒半打咁叫都係好抵食$88 有6串包括（豬、牛、雞各2串）再叫左燒牛舌$28、燒雞腎$18、金菇肥牛$26、燒鱔、燒雞泡魚干都有叫，但唔點解幾錢了雞翼尖都正咖～好入味食左咁多熱氣嘢叫左2個椰青水清番熱氣

又同朋友黎食宵夜不過今日飽飽地食少少野就算燒牛舌 $28推介燒牛舌厚燒嘅燒到外面脆脆地，但係入邊依然非常多汁香草燒春雞 $52呢個好抵食，我地本身都無諗過咁大份，如果皮再燒脆啲會好食啲燒魷魚筒 $98配埋佢地個特色醬汁真係好正再黎食都係因為個汁麻辣肉碎茄子 $48上次太飽無食到，今次就叫左黎食，好辣下次可能叫返燒茄子會好啲，同埋夠哂大條鹽燒黃立倉 $68最後食埋條魚，本來想食鰂魚，見隔離食好大條:flushed:又係留返下次食啦，黃立倉啲肉都夠滑，問返侍應佢地都係每日去街市買，夠新鮮

平時都唔會買宵夜食，一買就中伏其他野一般般（可以接受）一食到雞翼尖就中晒招，家下食雞翼尖，唔係食雞「毛」翼尖，本身食第一隻時，情有可原，之後再睇，全部都係雞毛⋯⋯以後都係唔好試

無意中搵到間好食既燒烤小店，啱晒鍾意濃味嘅朋友，連我個奄尖嘅朋友都話正呀！椒鹽粟米係必食架，香口，令人食唔停口！麻辣肉碎茄子都好香口，好濃味。燒韭菜都係濃味，好有特色。麻辣牛柏葉都幾辣，好過癮。食完哂啲濃味菜式，再食啲燒烤，就覺得啲燒烤好清淡😆。其中個燒牛舌係厚燒，但我覺得可能薄燒會香口脆口啲。最後我叫左個冰菠蘿清清個口，兼降下溫，正呀！

是晚係新蒲崗食完一間麻麻餐廳（詳情見上食評），覺得唔盡興，即刻轉下場食串燒，又真係彌補上餐的不快🤣🤣爸B燒主打泰式串燒、小菜，味道質素高，而且價格相宜居酒屋般裝修甚有格調，播著動聽的流行曲，同朋友聚餐一流。串燒排名如下：Top 1 燒粟米 $38真係好好食，粒粒都充滿住孜然粉，好惹味Top 2燒菠蘿 $18外皮燒到略脆，內裏非常香甜、juicyTop3燒扇貝 $38扇貝鮮甜，加上底層鋪上索晒汁的粉絲，正其餘就相對地普通咗啲，例如：牛舌、燒賣，但整體都好好食😋

約咗個朋友去間呢間好多人嘅串燒店食宵夜，平日凌晨12點幾入到去都坐得幾滿。🫣環境有啲迫，等咗30分鐘啲嘢食一次過嚟晒。爸B燒烤 （$82/半打）豬牛雞各兩件，味道中規中矩，對我來講冇話邊樣特別好食，價錢略貴。🫣日式雞皮串（$18）呢個幾大驚喜！啲雞皮查完之後好似變咗一粒粒咁，食落去脆波波勁香口😻有少少乾身，但係可接受。香蜜燒雞中翼（$18）呢款雞翼做得幾好🥵好有喺燒烤爐燒完之後即刻食嘅感覺，雞翼入面冇乜血🫡燒生蠔（$30/1隻）（兩隻叫起）我哋一共叫咗三隻，冇加到芝士，生蠔一般size，對得起個價格🫡蒜蓉味都好重，勁香口。椒鹽海蝦 當日去舖頭做緊優惠，$6隻椒鹽海蝦🥰呢個價錢真心勁抵，而家諗返都後悔點解嗰陣時唔叫多d😢成隻蝦燒到脆卜卜，連個殼都可以食埋🤣椒鹽味好重，唔會剩係得死鹹味，極度推介。🥰

新蒲崗多小店，今次就試下食呢間泰式串燒「爸B燒」。佢唔止有串燒，仲有泰菜主食可以揀，一次過食埋串燒同泰菜都得！ ～～～～～～～～～～～～～～～～～～～～～～～見個椒鹽燒賣係呢度嘅熱門菜式，一於就叫咗碟嚟試下。點知碟燒賣真係幾有驚喜🤩燒到外脆內軟，再加埋面頭嘅辣椒粉，真係會食唔停口😋～～～～～～～～～～～～～～～～～～～～～～～見個蟶子都幾抵食，我地都叫咗嚟試下。隻蟶子都幾鮮味，燒得啱啱好，唔會太乾👍🏻～～～～～～～～～～～～～～～～～～～～～～～多數燒茄子都只係用蒜頭去燒，呢個上面放埋麻辣肉碎去燒，食落去仲更加惹味😚佢啲串燒全部都燒得好好，調味都好夠😋～～～～～～～～～～～～～～～～～～～～～～～整體呢間串燒店都好高質，食物同飲品款式都多選擇，好適合都朋友同事放工之後嚟聚下🙌🏻

在新蒲崗開了幾年的燒烤店，燒茄子、鹽燒厚切牛舌、泰式魚餅、燒蟶子......樣樣是特色，整本菜單都好吃！串燒款式多樣，還有海鮮、主菜、涼拌小菜等等，我和朋友點了燒茄子、鹽燒厚切牛舌、牛油超甜粟米、三文魚撥、燒蟶子、七味燒飯團、泰式蝦餅。個人最推介燒茄子和鹽燒厚切牛舌，茄子上蒜香滿滿，拉起一絲絲，味道一流；燒烤過的牛舌依然保留著肉汁，而且肉質十分軟嫩。泰式蝦餅帶辣，非常惹味。三文魚撥和馬友魚不會燒得很乾身，能吃到魚肉的細膩。食物整體質素很高，價錢親民，進來的客人絡繹不絕，唯一的缺點是店舖小，人手不足，要吃上他們的美食就要花多點耐性了。店舖小而溫馨，夜幕降臨來爸B燒吃一頓燒烤，用美食来慰藉心靈！

早幾日打完波 喺新蒲崗附近行下諗住睇下有咩食朋友就帶咗我去呢間細細地既串燒舗望望餐牌 食物選擇都算多 雖然我唔係好食串燒但係門口個waiter話最近仲做緊六周年既優惠 咁就入去試下啦-燒生蠔(6隻) $138自己一向都好鍾意食燒生蠔🤤可以揀蒜蓉燒/芝士燒/原汁原味，咁我地就揀左蒜蓉，一上到枱，生蠔真係夠晒大隻，口感係偏向比較爽嘅一種，幾欣賞佢嘅味道同口感❤️鹽燒馬友 $98waiter特別推介🤩，又幾入味，不過佢地自己調製嘅醬汁搶哂主角個味道🤪隻汁真係好好食，建議可以比多少少，完全唔夠一條魚分泰式生菜包 $68鎮店之選😳唔會太濕又唔會太乾，不過本身只係俾咗7塊生菜完全唔夠，好彩waiter都即刻免費俾多幾塊我地，like!燒栗米/燒翠玉瓜/燒芥蘭 $12/$15/$15 蔬菜拼盤🫡粟米好甜，翠玉瓜同芥蘭都燒得好好食，我地食緊個陣聽到隔離話茄子一定要試，不過真係太飽了😂下次試下麻辣雞胸骨 $38呢一款係第一次食😋，口味同豬軟骨有啲似😌，辣得黎好過癮，四個人好快食哂😆柚子酒 $200

呢間爸B燒我已經幫襯過10次以上，每次想約朋友食宵夜，我都會選擇呢一間，而且營業時間去到凌晨三點👍🏻啱晒我哋呢啲夜貓子🐱🐱串燒款式很多，尤其椒鹽燒賣、椒鹽鴨舌、金菇肥牛卷我每次必點！佢哋嘅肉類會先醃味再燒烤，即點即燒，做法完全唔求其。店舖職員很友善，每次我過嚟幫襯都會同他們閑聊幾句。除咗串燒之外，可以試吓佢哋嘅炒粉絲、蒜蓉雞翼尖、蒜蓉烤茄子👍🏻佢哋有大中小辣可以選👍🏻👍🏻未試過嘅朋友，即管一試！

見到好多好評，專程嚟試下叫左蠔，蟶子， 扇貝，豬牛雞拼盤同燒茄子除左有一串牛係燒得好，其他都係好水潤既狀態，同煮熟差唔多，未去到有燒烤獨有既質感比左錢，揸住有串燒外表，但食落完全冇串燒味既食物，好失望另外，調味都係做得差，好多蒜同油，但冇調底味最慘係個蠔，好多油係入面， 燒左殼但冇燒到肉，所以係落咗好多油嘅生～蠔，真係生既仲要聽到佢同人傾計話係國產蠔，咁生既真係不了其中一隻蠔，喺個蠔肉嗰度有唔少碎殼總結，我好嬲，比左幾百蚊，食唔到串燒，仲要完全冇樣野好食平時都打食評都要打出嚟，平衡下之前啲好評，激死