爸B燒

營業中

休息中

味道同出面食既串燒鋪差唔多⋯無特別但真係平價之中既選擇⋯可以值得一諗既但最意外⋯係食食下有個女仔入泥同好似呢道個老闆嗌交先知應該好似係佢老婆老闆重要報埋警拉佢老婆我第一次泥食⋯原本女朋友話係聽到爸b燒個好溫馨得意泥食嘈到我都忍唔住嗌左句到底呢度係咪家事法庭女朋友即刻上網睇啲報導係咪咁溫馨⋯點知都唔知係咪個親中又收錢做假其實唔講真係以為個樓面係老闆娘其實味道唔差但女朋友話唔會再來⋯佢同朋友之前泥過一次味道都無咩特別變但佢朋友係做新蒲崗XX已經講過呢間野不如以前了……………………………………………………………

7點去到唔洗等位,叫左 2隻大扇貝(無味又淡,完全無鮮味) 2串安格斯牛肉串(不過不失) 1串煙肉車里茄(好普通) 1串燒菠羅(一般,唔夠蜜糖) 2串厚切牛舌 (難食,淋既 一d牛味都無 完全唔好食) 1條燒盲曹 (全晚最好食既 鹽燒 有香料味) 叫左2支啤酒飲 凍既都ok 埋單5舊幾。應該都唔會再幫診,好唔掂 條街仲有幾間比佢更好lol 

附近有電單車位🛵，泊車好方便，行一分鐘就到呢間小店，喺門口望左一陣，餐廳姐姐好熱情出嚟介紹，仲講咗我最擔心係重點:要飽肚!!入到去其實都唔貴，每樣野都係十零幾十蚊，每日都有特價美食。今日係星期日，特價美食係燒豬仔髀。其實我本身麻麻哋呢啲咁肥嘢食，估佢唔到啖啖肉，又多汁又唔肥，燒到好香，好好食。金菇、炒烏冬、豬頸肉等等都好好食。最難忘係佢杯薏米水，係我出街咁耐以來最好飲嘅薏米水，好有心機報煲嗰隻。屋企人係勁心急嘅為食鬼，上菜好快，我覺得屋企人都幾麻煩，都幾多嘢問/講，但餐廳姐姐好熱情好有耐性一一解答。整體來講，價錢公道，高水準烹調技巧，其實都好抵食。誠意推介👍🏻

一到夜晚，最令人苦惱就是吃什麼才好。因為商場已經關門，選擇少了很多，但是也剛好可以試試小店～突如其來想吃多春魚，所以就去了串燒店！餐牌有很多選擇，連炒粉麵都有，不用擔心肚子餓啦！串燒大集合！因為不能吃太辣，只選擇了少辣。整體而言，香辣味頗濃，其中娃娃菜最辣，入口時以為不辣，但吃到一半辣味會留在口腔久久不散～變得超辣！爸B豬仔脾，味道不錯，可惜燒得太乾了，有點硬和韌⋯⋯錫紙包金菇份量適合2-3人，蒜蓉很多，味道香濃！日本紫薯入口有融化的感覺，很綿密香甜！值得一試。椒鹽多春魚炸到脆卜卜，很惹味，多春魚的魚春夠多夠爽脆～滿足！泰式炒金邊粉味道不錯，可惜晚了吃，糾結成一團⋯⋯值得一提的是，店內的音樂簡直可以媲美紅van～大播經典廣東歌～令人心情更放鬆！讚！

今日真係為左e間嘢而突登開個account寫食評，體驗極差，食完好嬲，無下次。今晚4個人8點坐低左，嗌左第一轉嘢食，上菜速度極慢，9點幾已經催過一轉，因為見其他枱明明遲過我哋到，但佢哋d嘢就一路上，我哋就岀左少少係咁乾等，驚佢哋落漏單，問左一次係咪落漏單，嗰度個待應就話燒緊。我知佢哋係做街坊生意，人手係少d，所以都諗住體諒下等下。催完之後，有多兩個朋友黎左，第一轉叫d嘢應該唔夠食，就再叫多轉，d嘢都係黎得好慢，坐到差不多十點，有3分1嘢食都仲未黎，我發現其他枱遲過我哋坐低嘅客已經食完走埋有新客再坐低。我哋大大話話都坐左兩個鐘，好明顯係落漏單，我哋都仲未食飽，但咁等落去都唔知等到幾時，前面已經提過佢哋係咪落漏單，都唔理我哋。咁我哋打算唔要佢未岀嗰d嘢，話埋單，個老細死話d嘢全部燒緊，前面有成兩個鐘，8點鐘落單嘅嘢燒到10點都仲燒緊？隔離枱嘅嘢又唔見燒咁耐？老細話因爲我哋枱多人，所以會燒左俾其他客先。個答案完全不知所謂，因為多人所以最遲先有得食係咩玩法？好明顯係落漏單又死都唔肯認，又想屈我哋繼續等，我哋仲有下場，趕住走，真係要買單，無食過嘅嘢你哋又落漏單又未整緊係唔俾錢啦。e個時候老細就鬧

經朋友介紹，一嘗這間位於新蒲崗的爸B燒牆上貼滿報紙的報道，原來老闆只是一名20多歲的小伙子！生了寶貝的BB後用這個命名。夥計不多，老闆親力親為生菜包辣到適中，分量也算多。炒都十分有鑊氣串燒雞皮十分好吃，夠脆又不會太油，雞軟骨也好很吃，送酒必吃配上大支裝啤酒實在是享受炸魷魚鬚，外脆內軟，即炸即食，又一配酒小吃燒娃娃菜和翠玉瓜，食得太多肉需要吃點蔬菜我們還叫了茄子船，但沒有拍照燒蝦做得10分出色！新鮮不會黏殼，香口車厘茄煙肉串，酸酸的清油膩感老闆空閑時還會和客人吹水，這間店會營業到凌晨，實在是舊區的深宵食堂，12點後仍然有很多人到來。溫馨的小店，充滿着一個年輕小伙子對孩子的愛

男朋友考完試個排好鍾意食串燒，可惜美味佳服務每況愈下，與其等咁耐仲要受佢氣，不如食其他仲好過。於是我地就黎左屋企附近既爸B燒啦😎由於已經食左飯既關係，唔係叫左好多串燒🙈燒茄子超級惹味，整條茄子上面鋪滿蒜蓉，蔥粒同辣粉，又唔會燒得太乾，一大條茄子肉夾出黎好滿足😋店舖做緊$6一隻蝦既優惠，蝦幾大隻好抵食。另外仲叫左司華力腸同豬頸肉。司華力腸剪開左一粒粒，燒得啱啱好唔會肉質乾曬。豬頸肉點泰式醬酸酸地好開胃😋見到menu仲有炒飯，下次同男朋友再黎試先。好豐富嘅宵夜😍😋

見到呢間串燒店既名咁得意就入去試下啦~雖然鋪頭細細, 但都坐滿哂人, 而且價錢唔係太貴~鹽燒海蝦見佢特價$6蚊串, 就叫左4串試下啦~其實都ok, 肉質都彈既燒茄子勁多蒜蓉係上面茄子都燒得好淋, 加埋一齊食好好味原隻魷魚筒/雞腎/雞皮/雞心/厚切牛舌最鐘意個泰式辣汁配魷魚筒, 魷魚唔會煮到好難咬開~雞皮燒得脆卜卜~錫紙包金菇又係有好多蒜蓉係入面, 金菇份量都有好多香葉肉碎炒飯剩係食串燒唔夠飽, 所以叫多個炒飯食個炒飯都幾香, 份量夠哂2個人食

哩排成日都走去食串燒🍢真系食開有條癮😅😅又系例牌深宵時份出動今次搵左位於新蒲崗既逢星期一至日都會有吾同既特價食品仲有$6一隻海蝦🦐吾知會吾會霉呢嗌左好多野食,記得既就講下la可能會有d講漏同冇影相📷牛仔骨夠味不過好似太少雞脾菇清淡既菇都可以好惹味豬仔脾肉質好爽,比想像中好食都系睇完食評先會嗌豆卜串燒未試過食豆卜,但原來甘脆口蠟腸我冇份食,所以吾知好吾好食!!但系同伴話吾錯生菜包菜好新鮮爽脆,最緊要系乾淨燒黄立倉🐟個肚位咸得有d過份如果吾系就真系牛舌我哩個舌控一定必點黎試出乎意料吾系炆林左果d哩間個牛舌真系算系甘,85分雞皮通常都系package貨,所以周圍都差吾多系爭在個味道上既問題雞腎爽既吾會有衣有渣食吾哂…牛柳都有牛味!!粟米夠甜,但系得半條海蝦掛住食冇影到6蚊一隻新鮮海蝦嗌左4隻,追加多半打外賣返屋企雞翼尖特價左都要$28個人覺得吾抵食同埋um....麻麻地整體黎講系既會再黎,下次再試下其他野

今次幫襯嘅係位於新蒲崗的爸B燒. 其實區內食肆很多, 我作為鄰區的鑽石山人, 經過呢間餐廳幾次都因為不同原因而冇幫襯過.. Anyway今次終於有機會品嘗美食了幫襯時間為4~5點左右, 其他食肆於此時段通常都會午休, 加分店內裝潢簡潔, 坐枱舒適, 大人小朋友都啱坐, 值得加分 可惜枱上並沒有額外餐單, 牆上亦只有正門面向廚房位置貼有廚師推介, 欲加單者請向侍應招手. 食物方面,餐廳菜式只要1張正反兩面餐單就包含哂, 啱哂有選擇困難嘅食客 唔好以為得好少嘢食, 佢地分別有一般燒烤類(牛舌等),泰式燒烤類(泰式串燒等),蔬菜類,海鮮類,主食類(泰式炒飯等), 好似仲有廚師推介. 我個人偏好海鮮, 點咗牛舌,爸b豬仔脾,鱔,生蠔, 扇貝,蟶子,象拔蚌同埋2隻生猛海蝦,另加1支大藍妹. 牛舌厚切咬落口感豐富 爸B豬仔脾睇落成個bb斧頭扒咁咬落亦香口like. 燒鱔口感爽脆不過不失. 其他海鮮全部食落都好有驚喜: 蟶子同象拔蚌熟得黎夠哂彈牙有咬口海蝦6蚊一隻好扺食而且都食得出係新鮮蝦. 生蠔佢地竟然可以煮得熟得黎但又好豐滿勁juicy係扇貝細粒咗少少感覺唔夠喉.. 現場目測大約有三名員工皆為後

今日同朋友去左新浦崗，目的就係去試朋友極力推介新開張無耐既泰式燒烤店"爸B燒"!!我地一行5個人，瘋狂叫左超過20款以上既食物，係香港真係好少見到咁高質素但價錢合理，甚至已經叫做幾抵食既燒烤店，我本身住係元朗已經有一兩間好出名既燒烤店我以為已經叫做幾好食，點知一試爸B燒發覺天外有天，無論食物質素新鮮度甚至款式種類都更好，每一樣食物都睇得出係好俾心機燒，燒得靚之餘還能保持食物既水份，外面香脆入面依然非常Juicy, 而且全部都係燒到熱辣辣再上，好似生蠔咁，d蠔汁仲係滾燙到彈下彈下，但一都唔乾身，龍蝦，聖子，扇貝，鰂魚等食得出係新鮮貨，尤其燒鰂魚係我見過咁多間燒得最靚既，嗰泰汁亦非常好味。爸B燒仲有一樣同其他燒烤店唔同既係，佢地不會用太多香料蒜蓉等去遮蓋食物既味道，因為食材新鮮而且調味剛剛好，食完唔會點口渴。另外仲有一樣一定要推介的係佢地既原個椰青，清甜到不得了，水份又多，問過老闆先知原來佢地特登去九龍城專賣泰國嘢既地方入貨，所以同一般其他既椰青質素係唔同。同爸B燒老闆傾開偈先知，原來佢後生仔16歲升到F.4時就已經退學，早早就出黎投身社會工作，所謂"工字不出頭"，學好一門手藝之後達成夢想

跟朋友去了一家開業不久但人氣爆登的串燒店吃晚餐 🍢今天有幸不用等 (是農曆七月十四的原因嗎)平常我不是很愛吃串燒，但這裡我真的覺得滿好吃食材全部都很新鮮，而且價格也很親民吃了好多好飽🌟推介🌟✔️椰青：好清甜好好喝超好喝 我喝了兩個嘿嘿 🙊當你喝過無限淡的、酸的、怪味的椰青的時候你就會發現要喝到一個像泰國一樣好喝的椰青是一件有多難的事老闆是跟泰國的批發店進貨的，保証貨源質量 😁✔蒜蓉龍蝦：肉質很彈牙，而且還有膏✔燒蘇格蘭蟶子：很新鮮很鮮甜不會烤過頭✔燒鮮扇貝：雖然還滿大隻但是烤出來不韌 (偏愛扇貝)✔古法燒鰂魚🐟：我平常只吃蒸魚不吃烤魚，但這個真的很好吃，很多時候外面的烤魚都會烤得很乾，但這個是很Juicy、魚肉也很嫩✔蒜蓉海蝦🦐：爽口彈牙又很划算 ✔️燒菠蘿🍍：飯後吃這個感覺很清新🍢 爸B燒 🍢🍢 電話：3594 6128🍢 地址：新蒲崗富源街19號地舖G/F, 19 Foo Yuen Street, San Po Kong

高質港x泰式燒烤🇭🇰🇹🇭-古法燒鰂魚 ($98)多數都要係泰國餐廳先食到好味既燒鰂魚🐟，估唔到呢度作為一間燒烤店都做得非常出色😻！即叫即燒，落單後要等大約半個鐘，但一上枱熱辣辣出爐就知道值回票價👍🏻。魚肉鮮嫩多汁，淡淡鹽味及燒烤既煙燻味道，魚肉點少少秘製醬汁，食唔停口🤤。-泰式生菜包 ($52)又一泰菜必食😂，但店家再用心啲，連入面既米碎都係自己做😯。食落唔算太辣，肉碎份量頗多，鹹鹹酸酸既肉碎被生菜包起，好開胃！-燒本地龍蝦 ($88)本地龍蝦亦都係推薦之一，夠新鮮，所以冇太多既調味料👍🏻。肉質彈牙嫩滑，燒烤既方法令龍蝦更鮮甜。-串串蝦 ($6)6蚊一串抵到不得了😂，但都唔係交行貨，蝦串同樣鮮味十足。-燒雞翼 ($14)燒雞翼亦為用心之作。好多時候出去食燒烤都會食到內裏唔熟帶血水既雞翼😔，但今次就完全冇呢個問題😎。而且食得出雞翼醃料有用心調配，鹹中帶甜，外皮燒得略脆，十分香口。

高質串燒店，開到夜一夜，啱哂所有夜鬼去試試佢張餐牌係2面既A4紙，係超多選擇炒金邊粉都有，海鮮，蔬菜，肉類都多選擇串燒燒得好香，表面脆但黎肉質仲鎖住係入面。燒過既肉都仍然食落新鮮。價錢比美味佳貴少少，但性價比高！10幾蚊既牛舌已經大大舊，全部野食都唔錯已經食咗幾round，飽到呢！！強力推介大家試呢度既燒牛油粟米同日本紫薯，小小炸蒜係面，做到真正既外脆內軟！炸燒賣，同金菇肥牛都好正！ 食物質素都好好，可以再去食過

宵夜時間，口痕想食下串燒，附近雖然都有串燒，不過我鍾意爸b燒個名，哈哈價錢上都ok，唔算貴，有d款式仲覺得低食，不過都係叫d普通野食，最勁係，叫燒茄子多蒜，真係全面都係蒜，個面全金黃色，好吸引