爆丼屋 (已搬遷) 新店位置

位於megabox的爆丼屋主打重量級大丼飯，星期六晚上黎到不需要等位，人流亦未見好多🧐記得以前係旺角分店食過一次，座位好逼坐得唔係幾舒服，九龍灣店就好好多喇🙆🏻‍♀️叫左兩個丼飯，跟配味噌湯🍥舀落去見到都幾有誠意😯入面有海帶牛肉豆卜紅蘿蔔🥕😳🔆火焰盛丼$𝟙𝟞𝟝火炙經常都係我首選🙈丼飯鋪上三文魚、左口魚、帶子同蟹棒🍣最吸引的自然係兩款魚類，半生半熟的雙重口感，掌握得不錯👍🏼不過未算好肥美🔆燒鰻魚盛丼$𝟙𝟞𝟠 鰻魚數量超多的😍而且件件都好厚肉😋值得一提係雖然下層只係飯，但壽司醋嘅用量好適中，令人可以就咁食白飯都唔會覺得dry🔆玉子明太子燒$𝟜𝟝 玉子外層燒至乾身香口，內裡保持嫩滑🥰配上明太子沙律醬，雖然因為味道太濃食落有點涸喉，但成個配搭都係好食🐰大丼飯個樣真係幾吸引，刺身份量都好足夠😎一個飯都唔平，食海膽拖羅果d當然價錢就更高，但我會驚食呢種丼飯未必用料好好，所以食番普通少少好了🤣

📍爆丼屋📍💡九龍灣甜蝦盛丼($155)今日返工食晏，同事話想一齊去食日本野，簡左呢間食，甜蝦好新鮮美味，料好足，成個丼飯好多料，真係食到好飽😂不過冇乜特別，下次要試下其他先😋

今次試下爆丼屋外賣自取即叫即做都唔算等好耐一班同事一齊食就可以叫多少少試吓價錢偏貴但份量足三文魚火山丼三文魚粒 同三文魚蓉可以一次過兩種唔同口感😋再加上三文魚籽增添鮮味火焰盛丼外賣賣相 一般🤫冇想像中咁吸引爆盛慢燒牛肉丼佢有幾個size以供選擇今次叫左細size食肉獸大滿足不過個汁有啲漏😛燒鰻魚盛丼大大份既鰻魚不過性價比就見人見智啦😂極上拖羅盛丼略為遜色睇落去好正但係好多筋…😮‍💨成件事扣哂分

Big Bang Don 爆丼屋🦐港島之後就回來九龍區了🤓這間餐廳在香港開了一段時間，但這次也是我第一次去試😂今天介紹的是在香港開了很久的爆丼屋🤩甜蝦盛丼：那天特別想吃蝦，所以就叫了甜蝦丼😁真的和他的名字一樣：爆丼🔥甜蝦鋪滿了整個丼，是重量級人物🙈如果你不是很餓的話,應該可以兩個人叫一份就夠了😎我覺得蝦的鮮度是及格的，飯的味道有微醋味和溫度也適合我😻我覺得整體的體驗還好，服務員的態度很友善，但是食物準備的速度就有點慢🥲我覺得價錢方面可以接受，因為份量真的很大和食材的新鮮度我也是能夠接受的🥰。。。。。。。。。。。。。。。。。。。。。。。甜蝦盛丼：$155餐廳：Big Bang Don 爆丼屋Overall (Out of 5): 🔆🔆🔆地址：九龍灣宏照道38號企業廣場5期Megabox 1樓21-22號舖。。。。。。。。。。。。。。。。。。。。。。。

爆丼屋以日本大熱的「デカ盛り丼」打響名堂，之前每次到位於旺角豉油街的總店都大排長龍，這次經過發現MegaBox分店原來更加寬敞得多，難得有機會再次回味澎湃洶湧的丼飯，而當中最吸引的定非三款春夏祭新品莫屬。每款丼飯均會附送一碗麵豉湯。三重大極上丼 ($398) 將拖羅片舖滿丼飯，頂層加上一瓣又一瓣日本海膽，外圍再繞上一圈蟹肉，賣相有如火山一樣。蟹肉鹹鮮而海膽甘甜；拖羅雖然較薄但油潤豐腴，口感軟嫩而不帶筋。煙燻丼 ($268) 特別之處在於經過蘋果木及櫻桃木煙燻，打開玻璃蓋時隨即煙霧彌漫，為海膽及厚切帶子增添淡淡煙燻香氣，出乎意外地底層更蘊藏兩隻磯煮鮑魚，而赤醋飯中再加入鵝肝粒，每一口均充滿鵝肝油香。

落單時見到款款都好吸引咁，最後我揀左拖羅丼相係又厚又淋又多油花，點知真相係又薄又硬又冇油花，仲要切到奇奇怪怪咁，重點係塊塊都好硬勁硬！口感勁差！係塊塊口感都勁差！真係第一次食到成塊板咁硬既拖羅，完全有被騙既感覺！另一個重點係以為叫後爆丼，啲相又堆到咁豐盛咁，應該好足料啦，點知真相係爆多飯，啲飯真係堆到好高好爆呀，仲要飯粒又係好硬，然後魚生片就切到勁薄咁。朋友叫個火炎丼又係勁流。我地都覺得冇下次，勁後悔嚟左呢間食！

🈵️自從冇得去旅行😣已經好耐冇試過好似去日本🇯🇵個時啖啖魚生嘅感覺😫估唔到爆丼屋喺九龍灣開咗分店👍🏻冇旺角咁多人而且坐得舒服啲😛一於試試佢😆-🐟🍣三重大極上丼（$398）💯 海膽、拖羅、蟹肉超完美配搭🤩拖羅份量超多🍣有成8️⃣片🤤油脂分布均勻⋯⋯入口即溶🤤幸福滿滿嘅感覺🈵-🐠🍱鵝肝海鮮盛丼($248）🎉新鮮配搭組合😂喜出望外估唔到鵝肝、帶子同三文魚子咁夾👍🏻建議食法將鵝肝同帶子夾埋一齊食👏🏻鵝肝將帶子嘅鮮味帶出😏-📍 爆丼屋 (九龍灣)九龍灣宏照道38號企業廣場5期Megabox1樓21-22號舖

去開Megabox買嘢，順便喺度食晚飯。今次試爆丼屋。他們的吸引之處是鍾意獨沽一味去揀某一款魚生又得，鍾意乜都試吓可以選擇他們好幾款的雜錦盛丼。最後我們選擇了北海道盛丼，因為咩都想試吓。再加一個極上拖羅盛丼，因為特別想食拖羅。食物到達後，看見實物和menu中的是一樣，尤其個北海道盛丼。所有海鮮都新鮮，冇得彈。初初落單時覺得價錢比預期貴，但交到咁高質素的貨，突然覺得值回票價！極上拖羅到達時，第一感覺是比相片細碗，但細心看，menu放得平些，面前的碗比較細，所以推高和窄了，但份量是一樣的。當時好急不及待開餐，沒有細心數有幾多塊，睇返相應該最少有8塊。真是一分錢一分貨，很肥美，沒有筋，好滿意！食埋個丼飯，仲加埋隨丼附送的麵豉湯，比預期更飽！ 食物質素我比滿分！環境方面只是枱比較窄。是手機落單，食物都好快就到。經過可以試吓，誠意推介！

之前係旺角每次經過都總係有人排隊，今次係Megabox行街見到有分店，當然要試下啦😆九龍灣分店比起舊舖旺角大好多，每檯之間都有屏風隔開，疫情之下坐得安心又舒服😌👍🏻六重相撲爆盛丼 $225碗size比預期中細，但實際食落份量一點都唔少，完全夠飽，一個女仔可能食唔曬啲丼飯。材料上三文魚籽鋪滿成個丼面，面頭上加上黑魚籽點綴，海膽鮮甜唔腥，蟹肉、左口魚邊配上牛油果，既有鮮味又有油香🤤👍🏻制霸！鵝肝海鮮盛丼 $248帆立貝輕輕燒過，食落有點香口，帆立貝本身比較淡口，配上鵝肝一齊食，中和左鵝肝本身嘅油脂感，適合口味想食鵝肝但又好怕肥膩人士享用🙈

中秋節同攝影朋友四出影相打卡, 今晚打算去觀塘海繽前先去食個dinner填飽肚。揀咗人流較少嘅MegaBox, 首選更係食日本野, 最後去咗食爆丼屋。 5點左右未係放工時間, 店內未見太多客。自助scan QR code落單, 每個丼飯都跟一碗味噌湯, 【三重大極上丼】HK$398壽司飯壓成小山丘, 被多片拖羅緊密覆蓋, 沿碗邊圍上了鮮甜蟹肉碎, 頂層加上了海膽做點驟,  海膽鮮甜唔腥, 入口即溶; 拖羅油花相當豐富, 配壽司飯一齊食, 有助平衡一下油脂, 不過拖羅有筋, 整件入口嘅口感較好, 油脂中帶點筋位嘅爽口感。【重量級燒牛排盛丼】HK$238熱辣辣白飯上疊滿了層層切件牛排, 果然稱得上重量級, 沒有要求牛排想要幾成熟之下, 牛排為7成左右熟, 入口很林, 多肉汁, 肉味仲好重, 加上了少許燒肉醬、黑椒, 令牛排更加惹味。

很久很久沒有吃「爆丼屋」，對上一次差不多已經是兩三年前的事，因為旺角店十分受歡迎，令怕排隊的我經常卻步。然後我發現有另一間分店於九龍灣MegaBox，坐得更加舒服，晚上去的話根本不需要排隊。今晚就到九龍灣框框傢俬之後去一樓的「爆丼屋」吃晚飯。手機下單十分方便。一行二人點了兩碗，賣相吸引。【三重極大上丼 $398】此丼飯有齊 北海道海膽、中拖和松葉蟹肉，份量多，十分滿足！北海道海膽香濃香甜毫無澀味；松葉蟹肉清甜；中拖大約有十塊，塊塊魚脂豐富，入口溶化脂香極濃，中拖帶筋，但筋位會愈嚼愈香；因為油脂重所以膩感相對亦會重，配飯一流可以減膩感，而珍珠米飯粒粒分明、口感煙韌，醋味適中，不知不覺令人吃了整碗。【六重相撲爆盛丼 $225】有三文魚籽、海膽、牛油果、灸燒左口魚裙邊、鮮蟹肉和黑魚籽。鱘魚籽的鹹香突出，色澤明亮，十分鮮味；炙燒左口魚邊油脂香又肥美；海膽奶滑香濃，令人難忘。跟麵豉湯及熱茶，另點汽水 $18/罐。

呢間爆丼屋之前bookmark 左好耐，聽講佢地嘅魚生丼同海膽丼好足料，今日一試果然又好食又飽肚。 今次叫左兩個丼飯：三色海膽盛丼 and 夢之丼夢之丼樣樣都有啲，三文魚，油甘魚，拖羅，帶子，甜蝦，三文魚子，基本上所有魚生都好新鮮，一次品嚐5款鮮味三色海膽丼用左三款不同的海膽🤤分別有兩款日本海膽和一款韓國海膽，可以見到海膽嘅份量一啲都唔少👍🏻入口鮮甜又creamy，撈飯食一流💓

人氣爆丼屋終於爆出旺角，今次係 Megabox 開分店。入到去用QR點餐非常方便，而且丼的款式多，亦有其他丼以外的選擇。三色海膽丼盛作為海膽迷真係要會一會佢，海膽多到一個點。點餐描述就話兩款日本海膽，一款韓國海膽，總之就係滿滿海膽。近睇海膽既質感絕對令人著迷，每一口都係海膽，食到你懷疑人生，正！火焰盛丼帆立貝，左口魚裙邊，松葉蟹棒，三文魚全部炙燒香噴噴，連飯都一樣散發住灸燒香味。松葉蟹棒配沙律醬無得輸，左口魚裙邊油脂夠晒豐富，帆立貝同三文魚灸燒恰到好處，唔會令人覺得過左火。其實個碗真係會令你懷疑個份量係咪好少，但食食吓又真係唔少喎。

< 爆丼屋 >📍九龍灣上星期去咗megabox 行街 原來呢度都開咗爆丼屋😍 一於試下🐟三重大極上丼 $398 呢款丼飯滿足晒我呢個拖羅控🤣🤣 丼飯幾大碗 鋪滿拖羅、海膽同蟹肉 份量好多😆😆 拖羅有差唔多十塊 厚度適中🥰 拖羅油脂感豐富 入口即溶 日本海膽好鮮甜 一啲都唔腥😋😋 松葉蟹肉一絲絲鋪滿外圍 好重海水味😝🐟鵝肝海鮮盛丼 $248呢個海鮮丼有齊鵝肝、三文魚籽、帆立貝、海膽同黑魚籽😆😆 鵝肝幾厚 燒得好香 口感軟滑😋 帆立貝大大塊 表面炙燒過 好鮮甜🥰🥰 三文魚籽鹹香十足有咬口 口感豐富 成個丼飯都好有層次 唔錯💖

晚上去咗Mega Box 超市購物後，又很想食刺身類嘅食物，唸起#爆丼屋, 咁順便進入開餐啦😙。見有全新春夏丼飯供應，喜愛嘗新的我們便叫了2款丼飯分享食用。#三重太極上丼（使用日海膽）蟹肉咸鮮味甜，拖羅重油脂味，分佈均勻，但略略有點根位，而鮮甜海膽堆砌在拖羅上，很有美感，食材新鮮，我們都食得很滋味。#夢之丼，材料極之豐富，有脆卜卜的三文魚籽，鮮味蟹肉，油份甘香的中拖、三文魚、油甘魚，彈牙的赤蝦，再配上滑嫩的帆立貝，真係一碗令人開心又滿足嘅丼飯。#麵豉湯麵豉湯足料味濃郁，用上白、紅蘿蔔、三文魚粒、海帶，飲到啖啖鮮甜味，且唔會過咸。#飲品，叫了可樂解解渴。