爆丼屋 (已搬遷) 新店位置

呢間餐廳其實不用多介紹，因為不是新開，亦唔係有咩新菜式，純粹太耐無食，又好掛住日本美食，同對上一次食拖羅時食到有兩片有根而唔多開心，今次想比多次機會佢平反一下我對佢既印象😀帆立貝三文魚籽盛丼 $178重量級大大碗滿到瀉既三文魚籽，見到都已經好療癒～今次揀食帆立貝都好新鮮無根，每一口飯都夾雜大大粒飽滿既魚籽，閉上眼睛，咀嚼落去有爆珠既口感，即時有置身到黑門市場既感覺，不是誇張，而是我真係好想去日本加碳加碳加碳，再跑番個馬拉松🥲唉～幾時可以飛呀⋯⋯

好掛住爆滿嘅刺身飯，所以又去咗爆丼屋食😍 今次想食滿口油脂嘅拖羅😋 而家轉左掃QR code落單好方便，唔使下下遞手叫侍應🙈 雖然係咁，侍應依然有服務，有keep住幫我哋加茶👍🏻丼飯跟埋麵豉湯，飲完湯再食飯～三重大極上丼 $398三重分別係海膽、拖羅、蟹肉。睇個賣相就知道有幾爆啦～ 拖羅多到有五六塊，啖啖油脂香味，好肥美。海膽入口即溶，蟹肉亦好鮮甜👍🏻 多到應該有幾隻蟹腳係裏面😆海膽親子丼 $278三文魚一樣鋪得滿滿的，件件肥美軟淋又新鮮，魚籽一粒粒係口中爆開嘅感覺好正🥰 魚油豐富嘅味道～ 日本海膽好順滑，有淡淡回甘，好味😋

1. 北海豐盛丼$198北海丼有帶子, 三文魚子, 牡丹蝦, 海膽同炙燒左口魚邊. 份量同嘢食都叫對得住個價錢啦.帶子 - 鮮甜, 解凍做得好, 原粒上會更有口感更好食👍🏻三文魚子 - 都幾甜同爽, 比一般壽司店食到的好食牡丹蝦 - 夠哂大隻, 值得一讚佢已經去咗蝦腸, 可以全隻食. 非常新鮮. 唯一可惜係唔知點解上面要落蔥, 其實隻蝦本身已經夠鮮味唔需要再extra加調味海膽 - 用左加拿大海膽, 哩個就好一般, 唔甜仲有輕微苦, 中下水準左口魚邊 - 只係輕輕燒左外層, 入面唔會熟左, 口感仲保持魚生感覺, 幾得意2. 四重火山盛丼 $298哩個就貴啲啦, 主要係因為都幾多海膽同呑拿魚蓉, 仲有大量魚子同少量蟹肉, 賣相真係有’爆丼’嘅感覺海膽同魚子 - 同北海丼一樣蟹肉 - 份量比較少, 味道偏淡, 明顯係雪藏貨呑拿魚蓉 - 反而有驚喜, 完全唔腥. 出面有啲鋪頭會用次貨做呑拿魚蓉, 哩間食得出唔係, 幾新鮮同稔滑, 同飯一齊食好配合, 係兩個丼之中最出色嘅配料👍🏻👍🏻Overall 成餐都還可以, 除左海膽同蟹肉其他料都好新鮮, 飯都煮得唔錯. 麵豉湯竟然有豐富嘅湯料, 有牛肉

二訪爆丼屋💥上次去完旺角分店，一直都好想再番啅🤤 原來九龍灣Megabox都有分店，我當然要encore啦😎燒鰻魚盛丼 $168鰻魚多到就快滿瀉，鰻魚多過飯，好誇張呀😂 店員由廚房拎去俾客人，都要小心翼翼🙊 動作大一點，鰻魚都會跌落黎😳 燒鰻魚真心好正，完全唔腥，配上甜甜地既鰻魚燒汁，撈飯一流👍 撈埋流心蛋一齊食，錦上添花🙌🏻制霸!鵝肝海鮮盛丼 $248大家估下依度有幾多粒帶子🤓 答案係: 12‼️粒粒都又厚身又鮮甜😍 淨係食帶子都飽啦🤣 本身覺得煎鵝肝係熟食，同丼飯好似有啲格格不入🧐 但原來鵝肝既鮮味，同刺身係十分夾🤩 撈埋蛋黃，三文魚籽，海膽，每一啖都係享受😌

朋友話想食丼飯，我第一時間就想起了人氣爆燈的 ，放工去了較近的Megabox分店。地方不大，但感覺開揚，設計幾有心思，打卡也不錯。我和朋友二人各點了一個丼飯配罐裝汽水+$18，丼飯同樣是滿滿的，拱起來像一個小山丘，快要滿瀉的樣子🙀🙀🙀鵝肝海鮮盛丼$248 – 鵝肝大大塊，口感綿密，氣味香濃，仲有海膽、魚籽、帶子和蛋，顏值超高。煙燻丼$268 – 上餐時用透明罩蓋上，煙霧瀰漫，令人充滿期待，拿開蓋子，煙燻的香氣撲鼻而來，滿滿的帶子和海膽鋪滿飯面，食落原來仲有驚喜，廚師將剁碎了的鵝肝混入了飯內，仲有兩隻鮑魚，餸多飯少，仲要係有味飯，視覺和味覺都大滿足💯味噌湯材料十足，有紅蘿蔔、白蘿蔔、海帶和豆卜，但味道略鹹。

之前有聽朋友講過旺角嘅爆丼屋但幾次都好多人食唔成今次係Megabox經過見到梗係衝入去試吓☺️同大爺每人叫咗一個丼飯🍚丼飯嚟到真係好驚喜啲刺身魚生真係山咁高好興奮🥰✨夢之丼個丼飯嚟到真係好多刺身三文魚子 海膽 牡丹蝦 呑拿魚 帶子真係夠哂足料😎每件刺身都好新鮮又好夠鮮味😍大爺表示滿足❤️✨四重火山盛丼座呑拿魚蓉山真係好高好吸引淨係見到個丼飯已經好興奮😆入面除咗有呑拿魚蓉仲有海膽 三文魚子 蟹肉呑拿魚蓉真係好鮮甜口感軟綿綿咁 好味三文魚子好新鮮唔會有腥味一咬就爆汁 大推介❤️食完好滿足 下次再嚟過😎#heacookmama@bigbangdon.hk #megabox #爆丼屋 #真係爆丼 #勁滿足 #魚生飯 #四重火山盛丼 #夢之丼

➡️ 火焰盛丼（$165）呢個丼飯有超多toppings🥰 -炙燒三文魚+蟹柳隻+帶子+左口魚. 個人覺得最新鮮同好味嘅係三文魚,三文魚嘅程度亦都唔會over左,吾會cover咗本身佢哋原自帶有嘅鮮味👍🏻 蛋黃撈埋一粒粒嘅珍珠壽司米亦都令成個配搭更加好味😗 (因為個人好憎啲林晒好冇質感嘅飯😥）建議怕食生冷野或者唔鍾意刺身腥味嘅朋友可以order炙燒類別嘅丼👌🏻➡ 六重相撲爆盛丼（$225）呢個丼飯就有6種toppings:黑魚籽+海膽+三文魚子+蟹肉+火炙左口魚+牛油果🥑 個人比較鍾意呢個丼!! 欣賞佢三文魚子夠晒大粒同埋好新鮮,咬落去爆汁,好啱撈飯食. 不過略嫌海膽唔夠新鮮🥲🥲蟹肉本身鮮甜味唔夠,但加埋mayonnaise就啱啱好 😍#爆丼屋 #香港餐廳 #魚生飯 #hkfoodie #勁滿足

雖然話爆丼，但只係因為個碗太細，而造出來的效果，男友吃完後完全不夠飽。魚生用料還算新鮮，但價錢偏貴，貴價比人打卡，同一價錢有其他選擇。用app下單不太user friendly, app上根本看不到丼有甚麼食材，要另外問店員取餐牌。店員態度有待改善，只顧聊天和禁電話，不會主動看看客人有沒有需要，顧著按電話，喊了幾聲都沒有聽見，非常無奈。因需另加一服務費，自助下單，但店員沒有服務，服務費不值。試過就算，不會再來。

爆丼屋的丼飯出名澎湃鼎盛！之前一直以為得旺角店，原來九龍灣MAGABOX 都有! 仲要唔使排隊!好耐都冇嚟過,估唔到多咗咁多新菜式! 一於試晒新野!▪️六重相撲爆盛當丼 $225呢個六重丼有六種配料- 黑魚籽，海膽，蟹肉，三文魚子，火灸左口魚同牛油果。我超愛左口魚的説，有左口魚丼飯我都係第一次食！左口魚肥美的油脂牛油果的creamy 互相融合，出奇的合拍！海膽的甜味和大鹹鮮黑魚子三文魚子撈飯一流！成碗飯好快清！多到滿瀉的蟹肉亦令成丼飯增加口感！極力推介啊！▪️四重火山丼 $298 果真飯如其名，餡料堆到成座火山咁高！超級搶鏡！這個四重火山一次過有新鮮松葉蟹肉，三文魚子，海膽，吞拿魚蓉！成個飯好足料好豐富，值得讚一讚海膽，大嚿又creamy幾高質！▪️麵豉湯這裏的跟餐麵豉湯先係極品！一飲落去就飲到好多豬肉同配料！個湯超入味，一啲都唔Hea！▪️菠蘿味波子汽水 $28好多由日本入口的不同口味波子汽水！菠蘿味士多啤梨味！出邊好少見到

當初於旺角開業爆紅嘅爆丼屋，原來已經進軍左九龍灣😳想當日旺角店萬人空巷，想食就起碼要排一個鐘呀😭今日去開Megabox，見九龍灣分店唔洗排隊，即刻衝入去呀！九龍灣分店座位夠晒完。。🔘三重大極上丼 | $398評分: 🌕🌕🌕🌕🌗評語: 一坐低店員就送上兩碗熱辣辣嘅味噌湯，未食飯個肚就飲到暖笠笠😋三重大極上丼呢個丼飯岩哂鍾意食海膽同拖羅既我😋成個飯嘅造型都十分吸引，材料份量多到滿瀉非常足料，拖羅山加海膽再以松葉蟹肉圍邊，剩係打卡影相都要啲時間😂。拖羅油脂分布均勻，口感一絕！海膽亦都好新鮮，每啖都係甜甜的。。。🔘鵝肝海鮮盛丼 | $258評分: 🌕🌕🌕🌕🌑評語: 如果單計材料種類，呢個鵝肝海鮮盛丼更加豐富！有海膽、鵝肝、帆立貝、三文魚籽，再加一個生蛋黃拌飯！如果你係鵝肝愛好者就一定要試下喇。鵝肝煎到外脆內軟，咬落就有好強勁嘅香味，而且入口即溶！帆立貝大大粒，而且用火槍燒過令其帶有微微焦香😳雞蛋黃撈埋落醋飯一齊食，令到口感香味更佳。呢個價錢有咁多款食物，我覺得非常抵食呀！。。🔻九龍灣分店唔洗排隊呀！🔻魚生新鮮到港🔻拖羅係必試呀！推介指數: ⭐⭐⭐️⭐️

爆丼屋之前食過覺得好正🤩，今日黎到megabox就即刻食多次啦🥳.三重大極上丼 $398呢個丼飯超級豐富😆，有拖羅、加拿大海膽、松葉蟹肉😎，我最滿足就係有超級多片拖羅😍，夠曬肥美，油脂分布平均🔥，而且食落都唔會有筋，好有入口即溶嘅感覺，真係好滿足💕.制霸!鵝肝海鮮盛丼 $248呢個丼飯都好特別😜，估唔到食海鮮丼飯都會有鵝肝😌，而且上面仲有好多片帆立貝、海膽、三文魚籽😝，見到都覺得吸引😙，特別係鵝肝同其他海鮮都好搭配，帆立貝都好厚切，真係超級惹味🤤.飲品: 可樂 $18+雪碧 $18

好日唔行𝙼𝚎𝚐𝚊𝚋𝚘𝚡都唔知原來呢度都有「爆丼屋」😳 對比旺角店人流相對少啲，座位又寬躺啲，感覺舒服好多唔洗同人逼☺️丼飯包埋麵豉湯，價錢雖然唔算大眾化，不過食材的確新鮮，份量豐滿🤤 一分錢一分貨👍🏻《 三重大極上丼 》$398 5 / 5 🌟🌟🌟🌟🌟見最多推介嘅就係呢個飯🤩 豪華程度簡直可以用「震撼」黎形容！飯上面鋪滿肥美拖羅，頂頭有鮮甜海膽做點綴，沿住碗邊仲鋪滿蟹肉絲🦀 賣相睇落好似一座由海鮮砌成嘅活火山🌋 而粒粒飽滿嘅珍珠米飯沾上拖羅嘅油脂，成個丼飯啖啖鮮味冇得彈！🤤🤤🤤《 制霸！鵝肝海鮮盛丼 》$248 4.5 / 5除咗個名夠霸氣之外，用料亦都相當豪邁😎 大大粒帶子經炙燒外表焦香，肉質亦都保持到嫩滑，鵝肝厚薄適中，亦比想像中來得大塊🤤 油脂香濃但又唔會搶去海鮮嘅味道，旁邊有魚籽同海膽襯托，仲可以撈埋生玉子食😋 份量十足，一次過滿足多重享受😋👍🏻———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛———————————————

近日特別想食丼飯，所以今次嚟到爆丼屋叫咗三重大極上丼同鵝肝海鮮盛丼。三重極大上丼，丼飯有北海道海膽、中拖同松葉蟹肉，北海道海膽夠鮮甜，松葉蟹肉清甜份量好多，中拖油脂非常常豐富，丼飯大大碗，刺身份量超多，初頭食要小心D，驚d刺身多到會跌落枱🤣鵝肝海鮮盛丼有鵝肝、海膽好同多嘅帆立貝，鵝肝大大件仲要超厚，煎過的鵝肝更香更好吃😋海膽、黑魚子、三文魚子都夠新鮮，幾款一齊食好滿足啊！而且每個丼飯會有麵豉湯，麵豉湯幾濃郁幾好飲💗。

🎏三重大極上丼 舖上滿滿厚切肥美拖羅的丼飯山，拖羅色澤亮麗，油脂豐腴，份量超多，多得吃極也吃不完，配上入口即溶的日本海膽和大量松葉蟹肉，有三重新鮮的滋味，同時衝擊視覺和味覺。 🍚三色海膽盛丼 滿載來自日本、加拿大和韓國的海膽，是海膽迷必點丼飯。北海道馬糞海膽入口即溶，加拿大海膽質感厚身一點，韓國海膽鮮甜。啖啖海膽配上生鵪鶉蛋，和醋飯是絕配，每一啖都可嚐到海膽的鮮甜。 🥣每款丼飯都附上麵豉湯及熱茶，可另外加配汽水或優惠生啤，肚子很滿足的一頓飯。餐廳環境很寬敞，用餐體驗不錯。

魚生飯，刺身 係香港唔難就人食到但係要食到新鮮食材 而配搭得宜既其實唔係一件易事 而今晚食既爆丼屋 做得幾唔錯由於係工作地方附近 所以收工就過去 非常方便之前公司同事聚會都黎過食幾次今晚我決定食個之前冇食過既✨三重大極上丼 ✨拖羅同海膽係呢個丼飯既主角拖羅油脂分佈頗為平均 食落人有少少入口即溶既感覺 海膽肥美 帶有少少海水味 再加少少碗邊既蟹肉 喜愛食魚生丼飯既朋友應該會中意✨夢之丼 ✨價錢上較剛才既極上丼較為相宜但係如果想食更多唔同種類魚生既朋友呢款夢之丼又的確係一陣唔錯既選擇除左有拖羅之外，仲有帆立貝，牡丹蝦等等蝦肉一食就會食得出好新鮮每個丼飯都會配上一個麵鼓湯如果想飲返杯既 呢度都有啤酒選擇可以飲返杯