燒蝦蝦 (興泰大廈) (已結業)

今日同男朋友特登入咗屯門食佢哋新開嘅流水蝦小店，佢哋嘅放題兩個半鐘可以任食㗎！餐廳佔地都幾大，環境闊落，有好多條長形嘅魚缸。魚缸入邊有好多生猛嘅大頭蝦喺度游嚟游去，我哋首先拎咗冰同埋水放入冰筒然後就可以拎個鉗去夾大頭蝦㗎啦。你唔好以為大頭蝦好容易夾呀！其實都幾難㗎，一個唔小心仲會比佢哋整到周身都係水。😱如果大家夾到之後就可以將佢哋即刻放入去冰桶入邊，然後就拎去燒，如果覺得咩都唔夠嘅話我哋仲可以自行加添椒鹽粉同埋孜然粉㗎！估唔到佢嘅大頭蝦有咁多蝦膏，蝦肉又爽口彈牙。餐廳除咗有大頭蝦之外，自取枱嗰度仲有好多唔同嘅嘢食㗎估唔到海鮮都有咁多款最令我覺得好味嘅就係鮑魚同蜆，建議大家都去試吓呀😝

相信大部分接近九成嘅客人嚟到呢間餐廳應該都係為咗佢哋主打嘅流水蝦體驗🎣流水蝦係最近係香港興起嘅活動參照曼谷正宗泰國嘅流水蝦🇹🇭放喺餐廳等食客可以享受到美食之餘又可以享受自己夾蝦 充滿玩味嘅過程😳自己釣自己燒自己剝殼嘅蝦真係特別好味！！蝦肉肉質紮實彈牙又唔會太霉太爛👍除左自己釣嘅蝦餐廳都提供左個經過調味嘅泰式鮮蝦沙律呢款就明顯更濃味 因為流水蝦嘅係自己臨時調味架嘛🤣泰式鮮蝦沙律味道酸酸辣辣 偏酸多過偏辣🍋配搭啲紫洋蔥同埋沙律菜整體爽脆又開胃👍食物種類款式多所以食左兩個幾鐘都唔會膩😚

今日喺屯門嘅一啲群組入邊見到好多人介紹呢間新餐廳-燒蝦蝦😝，今日終於輪到我去食啦，成餐飯其實都又驚又喜。其實因為我都幾細膽㗎所有昆蟲同埋動物我都好驚，當然哈都唔例外啦，佢郁得太快我超級驚啊！好彩今日帶埋男朋友嚟，佢話俾我知原來我哋夾蝦嘅時候要快很準，睇中邊隻就要夾邊隻，唔可以貪心㗎。夾完之後要即刻放入冰筒入邊，點解要放落冰筒？因為要凍暈隻蝦🦐，等佢放上燒烤爐上面嘅時候唔會熱到扎扎跳。呢間餐廳除咗食蝦之外仲有好多唔同種類嘅海鮮，大家可以去到自選枱嗰度慢慢揀最重要係有好多海鮮已經使到超級乾淨！👍🏻

我同屋企人成日都會喺唔同嘅節日搵啲新餐廳去食飯，今日就係我爸爸嘅生日，我上網搵咗好耐先發現原來屯門有一間新餐廳係食流水蝦放題嘅！爸爸好鍾意去食放題店㗎，因為嗰度可以有多啲選擇同埋汽水任飲。去到嘅時候冇諗過竟然可以嚇親我，首先呢度嘅地方都幾寬敞，唔會話好逼夾，枱同枱之間有距離。每一張枱嘅旁邊都有一個魚缸裝住左啲羅氏蝦，即係平時我哋講嘅大頭蝦！我見啲蝦都有得幾快都幾生猛㗎，幫我哋放個鉗落去準備夾嘅時候佢哋走得超級快😖想夾到佢哋一啲都唔容易㗎打開夾到之後我哋仲要即刻放落冰筒入邊將佢哋凍暈，然後先拎去燒。其實成個過程都幾好玩最緊要係啲嘢食幾好食👍🏻價錢都唔係話好貴我覺得佢哋啲嘢好新鮮都值呢個價😌

ღღ•̥̑ .̮ •̥̑).:*･ﾟ° 𖥧𖡆𖦥⠱ꎺ⠜燒蝦蝦° 𖥧𖡆𖦥⠱ꎺ⠜ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧上次同朋友去過元朗店✨鍾意四圍食嘢嘅我今次走到嚟屯門分店🤭屯門分店人流勁旺!!食材一樣好新鮮！𓆸 ॱଳॱ ⸜ ̠ꌇི͚̠⸝ 𓌉◯𓇋 ‎⸝⸝⸝ 𓎩 ⸝⸝ 𓌈˒˒* ⸜ ̠ꌈྀ͚̠⸝每人會有一串白鱔串✨啖啖肉食完又想食！另外有自助飲品區🪬海鮮區🪬肉類區而且呢度仲有提供花茶🌸第一次見🫶🏻✨座位旁邊就有夾蝦地方🤭真係好方便🧡夾到差唔多仲可以叫店員幫手加蝦😍不得不說海鮮真係好新鮮！鮑魚、大蝦、貴妃蚌～全部都係識郁架🙈!出邊仲有生蠔🦪、青口、東風螺、原條魚🐟蒜蓉包～格仔餅～可以自己查牛油同蜜糖🫶🏻個格仔餅燒嘅時候淋芝芝～估唔到食落超級正！🫶🏻✨諗起都回味！°. ︎* 。.:*・° ✰.。.:*・° ✰.。.:*➿〰️•〰️•〰️•〰️•〰️•〰️➿༶•┈┈┈┈୨♡୧┈┈┈┈•༶(⁎⚈᷀᷁ᴗ⚈᷀᷁⁎)如果鍾意我嘅分享記得fσℓℓσω 我◡̈ ‎ ༘

近來都有好多人到訪嘅燒蝦蝦，身為屯門嘅我梗係可以放過試新嘢嘅機會啦，之前從來都未食流水蝦，但係聽講喺泰國超級出名。唔香港又係咪真係咁好食呢😌去到餐廳職員同我哋講所有嘢都係任食，包括活生生嘅蝦都係任夾任食！都喺度提醒下大家食得晒先好嗌！暢飲暢食2.5小時😚呢度嘅環境尚算乾淨，最緊要係啲魚缸唔會太污糟！啲水仍然好清澈，亦都冇死蝦嘅情況！枱同枱之間唔會相隔太近👍🏻仲要讚嘅係呢度所有嘢飲食之餘佢嘅火爐都幾猛火！好容易就可以燒熟啲食物‼️海鮮竟然有埋生蠔🦪，除此之外仲有好多唔同嘅食物可以任君選擇，我認為食物質素都幾好。員工服務態度非常友善👍🏻

近排經常見到有一啲關於屯門嘅社交平台 group經常分享呢間餐廳，所以今日就嚟試一試。首先一嚟到店員就已經好熱情咁樣為我哋講解食用嘅方法同埋燒海鮮嘅技巧，佢仲教我哋點樣夾啲下會容易啲🔥。唔講都唔知原來啲蝦夾起上嚟之後要即刻放入冰筒入邊將佢哋冷凍之後先可以拎去燒如果唔係啲肉就會冇咁結實冇咁好食㗎啦😌我哋玩玩下估唔到竟然都食咗40隻左右🤣同男朋友燒到冇停手👍🏻除此之外呢度仲有好多其他唔同嘅嘢食可以免費自取任食，有超過30款嘅燒烤食物、中式料理、甜品、同埋新鮮海鮮等。又有唔同款式可飲湯任君選擇㗎‼️

嚟到餐廳門口已經覺得好有活力好開心感覺好適合大人帶著小朋友嚟 有得食又有得挽🌈門口放咗個好吸睛嘅正紅色大蝦吹氣公仔係會隨風飄揚嗰種 感覺就好似喺門口歡迎你進店咁🥰流水蝦就係會比食客自己喺座位隔離嘅水缸釣蝦釣完燒 燒完就可以食架啦🦐蝦都幾大隻 而且有啲有好多蝦膏 有蝦膏嘅部位就更重鹹香味道🔥除左蝦都有啲丸類 肉類 海鮮類 甜品類 飲品櫃 炸物 串燒種類超超超多 完全唔需要怕無野啱食😄配料有蒜蓉 蜜糖 酸辣汁 辣椒 豉油 牛油 蔥花 同埋味蒜 酸辣鹹都有👍

一入到去見到海鮮嘅種類多然後份量多到好似冧山泥咁🤣海鮮種類有好多 包括：開左半個殼嘅生蠔、原條魚、扇貝、鮑魚、貴妃蚌、花甲、東風螺🐚我地對生蠔特別驚喜🦪因為好多時候係出面食放題嘅生蠔一係就超級細隻蠔肉又薄一係就有啲莫名其妙令人受唔住嘅腥臭味道但呢款肉厚得嚟又有鹹鮮味 所以都無忍住攞咗好幾次🦪自助區域有好多應有盡有嘅配料醬汁等食客可以自己調配🥄配料有蒜蓉 酸辣汁 辣椒 豉油 牛油 蔥花 味蒜 同埋 蜜糖🍯我事先就調咗個好開胃嘅酸辣鹹味道嘅醬汁加咗酸辣汁 辣椒 牛油 同埋 蔥花碎碎🌶️同新鮮鮮味十足嘅海鮮配搭得好好 相輔相成😋

呢間餐廳嘅位置寬敞每個卡位旁邊都有個水缸裝著啲生鮮嘅蝦🦐可以夾完就即刻放到自己面前嘅烤爐度燒一路傾計一路燒都幾chill🔥座位亦都唔會好窄 都坐得幾舒服💺幾適合家庭嘅親子時間或者同朋友黎聚餐👍好深刻係今次係我地第一次釣蝦再即燒見到佢哋仲係扎扎跳好生猛都覺得有啲殘忍😢不過食落蝦嘅肉質真係特別特別彈牙 而且都有好多蝦膏質地好綿密🦐出面嘅自助吧檯位置都有各種各樣嘅：肉類 海鮮 小食 串燒 蔬菜 甜品可以拎甜品仲有窩夫🧇 可以自己加朱古力醬做點綴🍫

住屯門嘅人真係好幸福通常有好多嘢食屯門都會有，近期都好興嘅流水哈放題，屯門終於有啦之前食流水蝦一定要出到去尖沙咀或者荃灣，而家喺屯門就啱晒啦好近我呀！店舖嘅面積都幾大㗎，每張枱嘅旁邊都會有水缸，方便客人夾👍🏻流水蝦隻隻都好大隻全部都係羅氏蝦‼️即係平時大家講嘅大頭蝦，蝦頭真係好大㗎而且每一隻都好多蝦膏😆除咗大頭蝦之外仲有唔少其他嘅嘢食，淨係海鮮已經夠晒豐富啦，有生蠔、扇貝、原條魚等等燒起上嚟肉質好鮮嫩😋不過時間方面大家就要留意吓睇吓點樣控制啦久唔久要將啲魚或者蝦反一反，如果唔係就會燒到過咗龍㗎啦。

今日返工同事都帶咗我去食一間屯門新開張嘅餐廳，餐廳位於何福堂附近，一入到去已經見到雪櫃放咗好多唔同嘅飲品，除咗飲品之外仲有甜品都係有好多唔同嘅款式聽店員講原來係全部可以任食任攞㗎 ！😚每張枱嘅旁邊都有一個大魚缸放滿左好新鮮又生猛嘅大頭蝦，坐低冇耐我哋就即刻用夾同埋筒勁快手就夾好晒啲蝦放入冰筒內將佢冷凍。呢個動作可以減少啲蝦俾人燒嘅時候嗰種痛苦同埋燒緊嗰陣時唔會因為個爐太熱，而彈嚟彈去🤔。我睇我講解好似好簡單咁呀其實好難夾㗎，有興趣玩嘅朋友都快啲嚟食啦😚佢此之外呢度嘅海鮮都係有唔同款式包羅萬有自己可以任君選擇㗎，可以睇吓佢哋嘅海鮮自助枱對到成座山咁高😂我自己就覺得鮑魚同埋生蠔最好味😋

屯門新開左一間新餐廳就係專食流水蝦，初頭我以為呢度淨係食蝦㗎咋，不知原來呢度仲有其他嘢都係任食嘅！一個價錢包晒所有嘅嘢食真係超級抵呀！呢度嘅環境都尚算闊落，最緊要係佢哋抽風系統做得好好，唔會太侷促同埋唔會好臭🔥首先為大家介紹吓呢度嘅任食自助區啦，指着佢係可以俾人隨時出去任拎海鮮，有鮑魚、生蠔、魚、帶子、蜆等等，全部都好鮮甜㗎令我最意外嘅係原來呢度仲可以有原條魚可以夾返去自己張枱度燒😱醫生一下先我全部都試過晒，好鮮甜同埋洗得好乾淨啊！其次就係有肉類、串燒、丸、蔬菜等等，款式包羅萬有大家可以揀自己最鍾意食嘅食物然後拎去燒㗎。

今日一定要同大家介紹呢間又好食又好玩嘅放題餐廳！喺香港食過咁多唔同類型嘅餐廳，我唔到呢一間竟然會令我讚不絕口👍🏻呢間餐廳可以話係一間放題餐廳亦都可以話佢係一間可以玩嘅放題餐廳😝呢到既生蠔大大隻，甜到不得了，就甘燒黎食已經好正，但加埋蒜蓉醬真係無得輸💕💕💕大頭蝦同平時食嘅海蝦有啲唔同，平時食嘅海蝦有啲唔同，蝦味比較濃，肉質比較實淨！值得一試💕💕呢度所有提供嘅食物都係任食任燒，海鮮當然係主角啦，知趣台嘅海鮮包羅萬有有好多唔同嘅款式，全部都好新鮮㗎例如有生蠔、鮑魚、蜆肉、扇貝同埋原條海魚🐠。

流水蝦放題店已經紅遍全香港，屯門終於有分店啦我梗係要約朋友去食啦！朋友一嚟到已經同我講呢個價錢可以食到呢啲嘢真係超級抵呀。我仲同佢講呢度係要自己夾完自己燒，玩味十足😆一入門口我就覺得我好似你都海底世界咁呀，因為每一張枱嘅隔離都放滿左魚缸，如果入邊有好多生猛嘅大頭蝦游嚟游去。除咗蝦之外我係強烈推薦呢度嘅海鮮！因為全部都非常新鮮，有鮑魚、生蠔、扇貝、帶子、原條魚、海螺、蜆等。鮑魚生蠔嗰啲都係任食㗎！😍啱晒我口味！除咗海鮮之外我哋仲可以去到自選揀選自己想燒嘅肉類😆鹽啲嘢食唔夠味嘅話就可以一陣間啲椒鹽同埋孜然粉👍🏻