燒蝦蝦 (金福閣） (已結業)

唔係講笑出面拎海鮮個位真係好似街市海鮮檔咁,超多選擇! 我地一盤盤拎返來都有點唔好意思😂,但當然最後食得晒唔好浪費就冇問題,我諗當晚我個人食左成年海鮮份量🤣蚌真係好好味 好大隻 肉爽鮮嫩滑身,螺, 鮑魚, 鮮蝦根本完全唔需要落調味,燒完食落口就只有鮮味尤其是鮑魚,好多時候出面食既係冇味得個爽口口感,但呢度既鮑魚係甜! 有海水味, 超正,所以又拎左幾轉我地食海鮮食到完全冇空間去食肉/串燒/菜.....,出去買就算自己煮都好貴啦, 連殼磅的,所以任食真係超回本同補充左好多蛋白質😂

燒蝦蝦唔止燒蝦, 仲有好多唔同海鮮同肉類,但我個人都prefer食海鮮, 放題回本ma😂同埋食海鮮冇咁飽可以食多兩杯雪糕🤣🐟好大條大眼雞可以拎😍人地滷水店果D凍魚我勁鍾意食!!自己燒大眼雞我就未試過, 原來燒魚都幾正D肉雖然冇凍魚咁滑, 但魚味就好出🐚青口原來冇開一半所以仲見到D海草😂 真新鮮,我地燒到佢開口後沖一沖就OK🦪扇貝好大隻, 肉質鮮甜, 連個裙邊都好好味🍦最後食甜品 (其實唔係最後, 我中間燒得太起勁鮑魚仲好熱辣咀時掂到條脷, 所以中間已經食左條雪條降溫🤣🤣🤣)最後再食其他味, cocoberry 雪糕好味😍

想bbq好耐 但之前又限眾又乜乜77 呢排又成日落雨 男朋友就帶我黎食呢間😂其實都幾好玩 自己夾蝦玩 btw啲蝦都幾生猛 唔知係我手殘廢定啲蝦蝦我-,-我夾咗勁耐先夾到幾隻 然後我男朋友同隔離檯都笑9我😂btw男朋友夾嗰陣啲蝦都勁生猛然後啲水彈到我😂然後隔離檯話諗清楚先好結婚吖😂😂😂sls 嗰到有蝦 鮑魚 蟶子 生蠔 魷魚etc….數得到嘅海鮮都有 連成條黃花魚都有(利申冇試 太大條)但試過嘅都幾新鮮幾好食！！！嗰到有啲兜可以比你裝住黎燒 男朋友加咗清酒落去煮蜆 勁好食😂推薦呢個煮法！隔離都有啲bbq常見嘅肉類 嘢飲方面都幾多 好多款酒都有 酒鬼男友表示滿意 不過我surprise 係竟然有得自己整花茶！！佢擺咗好多唔同種類嘅花比你自己沖 幾正！！！Overall有得玩又有得食 質素對得住價錢 不過得2.5hrs就要睇住時間食lol

食物質素唔係唔得啲職員服務態度唔好唔出聲諗住局我地坐一張二人台個張台併埋有三張我心諗 6:30去到又無人坐兩張台有咩問題你一張台放左個爐請問我真係唔洗放其他野咩？好啦 到晏啲7:30你安排左另外兩個客坐隔離唔好意思又唔講野又唔幫去地推番過去人地坐埋落黎 得番1.5張台好心你地加多張台（併埋4張）唔會死架嘛？個個同比同樣價錢 比成400幾蚊去食地下又滑 職員都唔會間唔中拖下連個職員呀 自己都滑到就換來啲咁既對待我唔會有下次

🦐燒蝦蝦 🦐搵食搵到元朗，住係元朗的舊同事上次見到元朗的流水蝦放題，一問之下係任飲任食2.5小時，我之前試過其他的流水哈放題，但係佢未試過，又叫我一齊同佢試新嘢😆Book左平日去食，原來除左任食流水蝦，仲有勁多海鮮，好多燒烤料，最重點係更可任飲啤酒梅酒清酒，嘩，我地應該可以食到夠👏🏼😂🦐流水蝦：任食唔嬲，係座位側邊，超容易夾到！🦑海鮮:有鮮鮑魚，好多款蜆，貴妃蚌，花甲，仲有花螺，翡翠螺，即開生蠔呢樣唔錯，同埋有青口。🐠魚類：有大眼雞，黃腳立。我主攻大眼雞（平時街市買都唔平呀）🐷🐮🐔：另外豬牛雞都好多款，同腸仔呀、包呀、丸類！講得出嘅燒烤款式都有。佢有多款醬料，仲有烏冬可以煮，另外有熟食嘢，甜品，雪糕等等！🥂🍻多款飲品之外，仲有啤酒，梅酒，清酒，全部都係任飲，超讚呀！

元朗「燒蝦蝦」有得食流水蝦😆仲有其他任飲任食🤪去食多次先.流水蝦放題🦐座位旁邊都有流水蝦水缸🌊每隻蝦都好生猛🤪燒完肉質彈牙😆仲有好多蝦膏😍.海鮮🌊有鮑魚、生蠔🦪魚🐟扇貝🤍花甲、東風螺🐚大蜆、魷魚🦑多款海鮮新鮮💦加自己調較嘅醬汁焗🧄🌶🧈或者調味料燒🧂都超級正🤤.燒烤類🍢重點有雞翼🐔玉子🥚大啡菇🍄牛肉🥩丸類🍥窩夫🧇茄子🍆五花腩🐖雞軟骨等🐓每款食物嘅質素都唔錯😋.熱食🔥有炒硯、魷魚🦑炒菜🥬幾好味.甜品🍩有撻🥧奶凍🍮糖水、雪條🍦雪糕🍨泡芙🧁.飲品🥤有自助花茶🫖3款生啤🍻梅酒🍸清酒🍶紙包飲品🧃汽水

新界區都有流水蝦食啦！唔駛出到去尖沙咀個邊，今日近近地同朋友落元朗食流水蝦。海鮮鮑魚串燒任飲任食中午時段11:30-15:30 成人$298，小童$188 食足2.5小時！唔怕唔夠時間，又唔會太趕，可以慢慢燒每個座位附近都有蝦缸，蝦缸入面有成40-50隻蝦，隻隻都勁生猛，一路夾一路走佬😂😂😂海鮮種類每次出去都有唔同款有連殼飽魚、東風螺、原條魚、魷魚串、花甲、蜆、扇貝、青口、生蠔等等，其實只食海鮮都夠晒飽串燒都多達三十多種有肉、丸、腸仔、紅腸、蕃薯仔、金菇、茄子、秋葵、菠蘿、粟米，一串串已經串好晒，而且佢有個錫紙兜，可以裝住粟米粒加牛油拎去燒，超正呢。熟食有十多款炸薯格、炸雞、炸餃子、炒麵、泰式鳳爪、泰式雞翼尖等等！炸物好欣賞，全部都新鮮熱辣辣炸起，仲要好脆。飲品區都有3大個雪櫃燒酒、啤酒、紙包、罐裝都應有盡有，無限添飲。食埋雪糕，甜品都飽到上心口

網上好多人介紹燒元朗燒蝦蝦, 食左openrice食評果D唔錯, 所以訂枱試試佢!  果然海鮮肉類種類好多，但作為醒目消費者, 當然專食回本既流水蝦, 鮑魚同貴妃蚌 😍 真心新鮮, 流水蝦就不用講係水缸游得好生猛, 但連出面D海鮮仲識郁係活海鮮 🤤新鮮游水海鮮食落更鮮味, 外型完整岩晒我打卡, 食落肉質更飽滿爽口☺️ 食靚海鮮係食鮮味, 但我臨熟時都搽左D牛油同蒜落去令佢鮮味更出同香濃以前係親戚屋企飯聚都有海鮮食, 食過清酒鮑魚勁正,  又見呢度酒任飲, 有啤酒清酒梅酒等等, 都拎左一杯仔清酒淋下個鮑魚, 好香, 不過小心唔好落太多, 揮發唔晒會太濃味🤣啤酒有幾個牌子揀, 隔離枱年青人飲somersby我地就飲erdinger😎 大家各有各享受, 開心!

2.5小時流水蝦放題，海鮮串燒任飲任食，三百幾蚊抵!燒蝦蝦有流水蝦就預左，我一出去見到多款唔同海鮮直情呆左，貴妃蚌、青口、花螺、蠔、貝殼、大眼雞全部都冰鎮任夾,仲有調味架可自己較味，但我食得比較淡就鮮燒，更能食出海鮮鮮味👍🏻雖然海鮮好吸引，但我作為食肉獸當然都唔會放過我最愛既雞全翼！已經串埋俾我地好方便，直接拎去燒就得，燒到雞翼金黃色，雞皮脆卜卜，外皮焦焦地，裡面岩岩熟仲有肉汁爆出黎，真係不得不驚嘆自己廿幾年燒雞翼既經驗同技巧🤤大眼雞雖然係淡水魚，但唔會好腥，肉多骨易挑。大頭蝦好爽口，蝦膏好甘香！仲有得自己係水缸夾都幾過癮。大快朵頤後都有食返D蔬菜同菇類，燒菠蘿超級甜，爆晒汁。風琴豆腐都有好驚喜！燒到好乾身好脆又係豆香飄出來味道一流。😌

流水蝦係泰國食得多你有冇係香港食過呢？🦐🦐即捉即燒生猛流水蝦啲蝦新鮮到係咁跳嚇到我係咁傻笑😝場內大量新鮮海鮮同串燒加上唔同醬料 任你點燒都得雪櫃有好多雪糕雪條飲品俾你揀最surprise 係有draft beer任飲🍺有得燒又有得笑既餐廳真係去極都唔厭

元朗這間流水蝦任飲任食2.5 hours, 7:30pm前離席仲有discount, 食完之後覺得d海鮮好得！全部都係好新鮮，蝦生猛係魚缸到自己夾，之後就可以燒！雖然唔係話好大隻，但勝在鮮味，夠甜，夠爽搭夠！郁算係幾厚肉。海鮮區有過十款海鮮供應， 青口，扇貝，蜆，魷魚，鮑魚，魚等等等等。全部都好易控制好易燒！個爐都好夠力，鮑魚不得不提！ 燒完後煙韌度十足，但又唔會過老又焦！易燒易掌握！ 還可以自家 配搭唔同既調味粉。 孜然粉相當不錯更增添鮮香惹味。其他海鮮都幾正，食得好開心停唔到口。還有好多其他唔同款既肉類蔬菜可以燒！又有啤酒汽水，幾多選擇。

係社交平台見到有介紹好似在泰國燒流水蝦，好有興趣！疫情下冇得去旅行 ，咁就約朋友去試下！餐廳設於地庫，每張枱側邊有一個大水缸，服務員會將一網生蝦放落水缸裡，就要自已用夾仔將蝦先放入冰桶裡，整暈咗d蝦就放上爐燒，都幾好玩。除咗蝦外，餐廳仲有好多海鮮，如生蠔，鮑魚，帶子，貴妃蚌，蟶子，青口，扇貝，花甲，蜆，東風螺等及多款鮮魚…………。全部都好新鮮，最值得推介係鮑魚，貴妃蚌，爽口彈牙又鮮甜，我同朋友食咗好多隻！鮮魚我們選擇了金古！一共燒咗二條，真係好好食。除咗燒海鮮 ，還有好多其他食物可以燒，因食咗太多海鮮，肉類就唔想食，祇想食吓菜，我哋認為燒秋葵，菠蘿同雜菇都唔錯。之後仲有甜品供應，有蛋糕仔，雪糕，雪條唔少得。結賬都係每人三百多元認真超值，朋友話下次約多幾個朋友一齊再來！

好掛住泰國🥺，上個星期就去左元朗既一間任燒流水蝦同海鮮既餐廳止止癮，整體既用餐體驗都唔錯🤣🐽海鮮海鮮既種類都好多，當中小編係咁encore既有扇貝、生蠔同一啲貝類，可以自己係出面夾，扇貝隻隻都好大隻，上面仲可以加啲蒜蓉辣椒，好香好惹味，生蠔都幾肥美，燒完唔會縮到好細，而啲貝類建議可以放入錫紙兜裏面再加啲湯燒，咁就唔會燒到乾哂，仲仍然保持到水份🤤當然唔少得重頭戲-流水蝦，啲蝦係水缸入面十分生猛，大家記住要先將佢地放入冰水🙇🏻‍♀️，然後先再燒，蝦頭既膏好正，肉質爽彈😋🐽自助區除左海鮮，仲有好多肉類，例如牛仔骨、豬扒、羊架、雞全翼、雞軟骨、雞腎、煙鴨胸、丸類、蔬菜等等，仲會有啲炸物熟食、湯同已經烹調好既海鮮可以比大家攞🤣🤣等緊野食熟既同時都可以食住先😎食到最後當然要食埋甜品先滿足，呢度有各或各樣既雪糕雪條，仲有啲細細個既撻仔同甜品杯😋順帶一提，醬料可以自由搭配，而有個泰式酸辣汁點大頭蝦真係好夾😜 價錢：$298（另加一）

海鮮來講呢度真係專家 出去拎野食好似去左日本漁市場咁😄好多唔同種類既海鮮,另一邊就似酒店自助餐! 凍肉串燒菜類丸類甜品飲品全部都係任食 非常豐富👍🏻🦐但我最愛都係自己親身夾既大頭蝦 蝦身唔大但勝在膏甜爽口,即夾即燒 係個爐上面排排坐 一路燒一路好香蝦味飄出來,除左蝦頭既膏 成隻蝦身既汁都好多好Juicy😋🦪青口為保新鮮冇開半殼 可以原隻燒到佢開口 入面都好乾淨🐚貴妃蚌都係燒到佢慢慢開口,蚌肉好鮮甜,去除個沙囊就可以成粒拍入口,啖啖肉超好味😍

燒流水蝦聽就聽得多,今晚黎到長知識了,以前成日覺得D人夾蝦去燒 唔似打邊爐即刻浸到佢唔識郁,咁蝦仔係個爐度咪會扎扎跳???,原來係要用冰先凍暈佢地先拎去燒😂,出面冰任拎 凍暈晒全缸蝦都夠做我第一次試夾果然好生猛,即刻插佢落去冰桶就唔識郁了😌玩完蝦就出去拎其他野食,好多款海鮮都任拎好抵,我地拎左勁多,仲勁低能好貪心一次過鋪滿個爐搞到疊住晒都熱唔到😂,奉勸大家要知足,唔好學我地扇貝好大隻好爽甜,蜆有D原隻燒有D搵個錫紙兜裝住落蔥蒜咁燒蜆有D隻都各有風味👍🏻好味👍🏻新鮮👍🏻