燒肉801

營業中

休息中

Yakiniku 801鮮紅色嘅招牌非常搶眼，有好多唔同嘅肉類選擇，呢度簡直係食肉獸嘅天堂👼卡位非常舒服，抽油煙機系統好好，食完都唔會成身肉味。神盛燒肉盛合150g，分別有特上牛胸腹肉、腹前牛小排、牛板腱肉，個人特別喜歡牛小排，牛肉品質非常上乖，肉質軟稔香嫩。牛板腱肉處於牛肩胛部位， 入口充滿油香✨隨set加配嘅冷麵酸甜冰涼，麵質口感煙靭，非常推薦，可以去除油膩🧊另外推介嘅部位係特上厚切牛板腱肉，厚切牛肉味非常濃郁，肉質結實，口感十足。鍾意食牛舌嘅你，仲可以叫牛舌盛，有分single/ double，我哋叫咗double，份量真係超級超級多，好抵食，牛舌好高質！作為內臟愛好者，估唔到呢度竟然有！當然要試吓，分別點左辛辣味噌味牛腸、辛辣味噌雞心，辛辣調味增強惹味，食材準備得非常乾淨衛生。店舖非常細心，更準備圍裙比客人，整個用餐體驗非常良好

今次同一班好友去尖沙咀搵食，發現係the one附近新開咗間燒肉店，緊係要一齊入去試下喇！餐廳內環境乾淨企理，座位空間夠大，抽風系統十分完善，仲有一次性圍裙提供，真係好貼心，燒肉嘅時侯就唔怕整到衣服。而佢哋嘅燒肉盛合有分single 或 double，另外可以加升級做定食，一個set 包泡菜＋飯＋湯 / 泡菜＋冷麵 / 泡菜＋泡菜＋生菜。今次同班friends大飽口福啦！神盛 Double(300G)特上牛胸腹肉＋腹前牛小排＋牛板腱肉，牛肉三重奏，好滿足！- 特上牛胸腹肉：肉夠香又軟嫩！- 腹前牛小排：瘦肉和脂肪交叉重疊，肉質較實，食入口非常有口感。- 牛板腱肉：牛板腱部位位於牛的肩甲部位，肉質相當細嫩且富含油花，入口柔軟，口感帶彈性，非常美味！豚肉盛 Single(150G)日本黑豚肉油脂肥而不漏，肉片表面燒至金黃色，每邊只需燒一次，食入口肉質比一般豬肉更鬆化更香！雞肉盛 Single(150G)來自九州雞肉出名柔軟多汁，燒起嫩滑又多汁，美味可口，非常有口感！黑毛和牛小排肉面布滿清晰的網狀油花，軟嫩肉質，用快火每邊燒一燒，就可以食得啦！個人覺得用生菜包牛肉或者豚肉都唔錯，令到口感可以

新開嘅燒肉店用上紅色裝修好精神！全店都係卡位設計有privacy得黎又好闊落枱上有menu，揀好就可以用QR code落單同男朋友試左三個盛合有齊和牛黑毛豚同雞再加左紫菜飯同冷麵勁豐富勁飽！招牌801盛有大判燒！黑毛和牛肩胛肉呢個超正！美美嘅油花炙燒後嘅和牛入口即化再加上溫泉蛋令口感更嫩滑好好味！蔥鹽味雞腿肉另附洋蔥碎將雞腿烤熟後沾洋蔥碎同食微微辛辣又爽口腹前牛小排呢款又係非常軟嫩Juicy!樂盛有齊牛豚雞豚肉片薄身所以唔駛燒好耐又食得神盛有三款牛肉每款都已調好味就算唔用燒肉汁都好味不過我都有試用佢枱上嘅醬料支青唐辛子幾正少少辣但更多係檸檬鮮香幾解膩👍值得一讚係啲醬汁全部都好乾淨唔會一上手就痴笠笠清潔做得好好！帆立貝佢就咁寫帆立貝但原來個底有少少芝士白汁所以又係食落有味嘅👍略略烤到變色又食得好鮮味🤤🤤男朋友喜歡燒肉配飯呢度嘅紫菜飯很可以份量足中間仲有溫泉蛋添！我就試下冷麵冷麵相當有嚼頭湯汁酸酸的開胃得黎又可以解到燒肉嘅油膩感唔錯喎！店內有日本人員工仲有好多日本客人食燒肉都好有日本feel呀～～～～

今晚收工去左試新餐廳，地點係尖沙咀既燒肉801，係一間新開既燒肉店。餐牌有燒肉盛盒，黑毛和牛盛，名物菜式，牛豬雞海鮮，蔬菜，湯同麵飯，甜品，飲品等。肉類分單份同雙份做唔同價錢。仲可以加錢要米飯，冷麵或者生菜。落單掃QR code。今晚要做食肉獸，叫左個燒肉盛盒再加兩樣燒肉單點，最後加個沙律平衡下。神盛 Double $328 另加一神盛 Double包3款牛肉，分別係特上牛胸腹肉，腹前牛小排，同牛板腱肉。Double各有6片。牛板腱肉有返咁上下厚度又大塊，口感幾好。連少少筋，不過唔會韌，燒完好快就食得。腹前牛小排中等大細，望落瘦少少，厚身d所以要燒耐d。食落都好多汁。特上牛胸腹肉大大條好厚切，估唔到好嫩口而且多汁啖啖肉，正！味道方面主要係惹味燒肉汁，必定夠味。黑毛和牛霜降 $128 另加一黑毛和牛霜降即係黑毛和牛小排，一客4片，和牛上面已經加滿燒肉汁。反轉先見到原來油花好平均。燒一陣就食得，肉質嫩口而肉汁豐富，燒肉汁味道到位。九州雞脛柳 $68 另加一九州雞脛柳一客4條，上面加左黑椒同鹽調味，味道剛剛好。我燒到燶燶地，食落又滑又脆，好食。一開始服務員就送上燒汁，不過唔洗點都好夠味道。8

有點像日式居酒屋的燒肉店主打黑毛和牛燒肉燒肉盛盒分single 和 double個人覺得叫single份量剛好而且可以多點幾款其他肉類黑毛和牛盛single 150g $298是一大塊九州黑毛和牛肩胛肉油花分佈豐富 肉質嫩滑 沾温泉蛋漿是絕配黑毛和牛小排則用甜醬汁醃製牛味濃郁牛舌盛 single 150g $98食燒肉我最愛就是燒牛舌鹽味及醬油牛舌各一半爽滑惹味一般都會用細火來燒燒肉感覺上比較易控制又不會過火但店員建議用大火燒燒肉效果更佳果然如此 👍🏻

前幾日, 去尖沙咀行街經過見到一間新開嘅燒肉店, 見價錢又唔算貴👀 所以就決定試下🤣.Lunch set 已包飯同湯😛 我覺得個麵豉湯都幾好飲, 好夠味🤪 仲有好多紫菜係入面樂盛 $108有曬牛/ 雞/ 豬, 我覺得全部肉嘅質素都好好🙆🏻‍♀️ 尤其牛嘅質感好好食, 好有牛味, 又唔會太肥👍🏻 雞係會跟蔥, 俾你額外點, 好食🙈.牛舌盛 $98想講都好多塊🤣 真係同menu張相一樣, total 有十塊🤣 好爽口, 牛味重, 同埋已經調好曬味🙆🏻‍♀️ 有兩隻味🙈 overall 好高質!!!! 兩個人share都好夠了😚.海鮮盛🦞 $118有兩隻蝦, 三粒帆立貝👀 仲有啲雞🤣 帆立貝勁好食🤤 超大粒!!!! 燒蝦嘅時候, 成間店都勁香🤣 見到隔離枱都望咗過嚟🤣🤣 勁香海蝦味😆.杏仁豆腐 $28好大杯!! 個杯好靚而杏仁豆腐真係好好食!! 好滑🤤 解膩一流.P.S. 佢啲熱茶好似係麥茶嘅味, 本身已經好好飲🥰 店員都好細心, 服務態度好好🙆🏻‍♀️🙆🏻‍♀️👍🏻.📍燒肉801尖沙咀加連威老道14號地舖

呢排返工返得好辛苦今日一定要食返餐好嘅慰勞番自己今日去咗尖沙咀加連威老道嘅燒肉801舖頭裝潢幾好選咗三個燒肉盛盒佢哋嘅手本名菜801 $198 Single (150G) 大判燒 黑毛和牛肩胛肉和牛脂肪分布非常完美我自己就覺得呢一個套餐最抵，佢用高質嘅黑毛豬牛肩胛肉，在混合日本嘅雞蛋真係超級好食😋牛嘅脂肪溶化喺嘴入面呢個時候如果加啖白飯真係無敵佢呢個套餐加$38可以有飯set都算設計得唔錯😋腹前牛小排 三片牛小排，牛味非常之濃郁在配搭起冰涼麵有種好清新嘅感覺由於真係真係好鍾意食雞所以叫多咗個九州嘅盛盒 810九州雞盛b (150G)😋蔥鹽味雞腿肉日本嘅雞肉真係唔同啲燒到脆卜卜嘅外表入面都係鬆軟彈牙肉汁豐富😋九州雞脛柳彈性十足裏面有一啲有咬口嘅軟骨、筋再加上佢豐富嘅油脂每一啖都非常之滿足香滑好味😋果然係九州嘅雞😋九州雞心店員介紹，雞心唔需要整到非常之熟咬落去雞心有好香油脂所以自己燒嘅時候要特別小心第一次食到呢個熟性程度嘅雞心好正爽口彈牙仲有油脂感😋海鮮盛 single $118赤蝦非常新鮮本身已經有海鹽同黑椒喺上邊唔使再調味而蔥鹽嘅雞腿肉非常鮮嫩每一件都粉紅色半透明皮脂分布好好仲有非常大

今日嚟到尖沙咀食燒肉，入到餐廳環境乾淨企理，抽風系統完善，唔會話好大油煙，座位都舒服空間夠大。黑毛和牛盛套餐包括有招牌嘅大判燒！黑毛和牛肩胛肉同黑毛和牛小排，牛肩胛肉好巨型，有成隻碟咁大塊！但係切得好薄，店員仲特登推介我哋每邊燒30秒就夠，咁先至保持肉質最鮮嫩，果然食落係入口即溶。而牛小排相對冇咁肥，肉味更香濃。801盛另一個有黑毛和牛肩胛肉嘅招牌套餐，唔同嘅係黑毛和牛小排變咗做腹前牛小排同蒽鹽味雞腿肉，而價錢亦較為親民。腹前牛小排嘅油脂雖然無黑毛和牛小排分布咁平均，但肉味依然香濃。而雞腿肉亦好嫩滑，同蒽鹽醬汁非常夾，略帶咸香。淨係食燒肉有啲膩，於是加咗個紫菜飯，白飯上面鋪滿紫菜，驚喜嘅係中間仲藏左一粒溫泉蛋，配埋燒肉食特別好味。

今日放假去咗尖沙咀行街街，突然間係加連威老道發現咗間好日系既燒肉店。「燒肉801」睇吓門口個menu 好吸引worGogogo入去食吓先。仲有靚靚卡位坐餐廳裝修好日式😍我哋叫咗個805九州產黑毛和牛盛大判燒！黑毛和牛肩胛肉黑毛和牛小排再追加101大判燒！黑毛和牛肩胛肉501赤海老502烏賊703日本米飯（小）店員幫我哋嚟個大判燒先！嘩！正呀黑毛和牛肩胛肉又滑又淋！我哋再燒赤海老肉質彈牙爽口😋好食呀黑毛和牛小牛排配埋啲汁燒送飯食一流🤤

今日約咗朋友一齊食中秋飯，見THE ONE對面新開咗間紅色店面超搶眼嘅燒肉801，睇落都幾旺場！餐廳大部分都係大沙發卡位，私隱度幾高又坐得舒服，另外仲有幾張圓枱。枱上面放咗一次性圍裙、筷子、熱茶、杯、牙籤、紙巾同醬汁，滿足曬客人嘅需要，而點餐就可以 scan QR code 落單，非常方便！樂盛 Single (150G) （$108）燒肉盛合有分single 150g 或者 double 300g，客人可以因應自己食量選擇，夠曬自由！肉類就包括腹前牛小排、黑毛豚無骨小排、蔥鹽味雞腿肉，蔥鹽味唔會太重太鹹，反而另外淋係肉上面嘅醬汁就比較甜同入味。神盛Single (150G)（$168）就有特上牛胸腹肉、腹前牛小排、牛板腱肉，一個set有三款牛，好滿足，最鐘意特上牛胸腹肉，肉夠香又軟嫩！只要係餐牌上嘅全日燒肉盛合套餐，加$38配冷麵set或者加$25生菜set，個人超推薦呢度嘅冷麵，煙韌彈牙，又有芝麻香，下次要再試埋個檸檬冷麵！生菜好大片又新鮮爽脆，包住油香十足嘅黑豚肉加泡菜同少少辣醬食夠曬正！另外單點咗鹽味牛舌（$78）、冬菇（$28）、玉子湯（$38）。朋友好欣賞玉子湯，蛋花加上冬

💕Yakiniku 801天氣開始涼，代表食燒肉嘅季節又到喇🥰Yakiniku801地點方便，鮮紅色嘅門面十分搶眼，有燒肉盛或者單點，牛肉、豚肉、雞肉、海鮮類，品種暫時唔算好多但熱門嘅食材都有齊🙌🏽🌈黑毛和牛盛 $298黑毛和牛嚟自九州，肩胛肉燒一燒已經香味四溢，肉質嫩滑，有入口即溶嘅感覺🥰沾上蛋漿食🥚味道更豐富之餘亦減低油膩感😊.黑毛和牛小排加上微甜醬汁，厚度適中，均勻嘅油花口感滿分👍🏽.跟餐加咗冷麵，估唔到呢度都食到冷麵🤤麵條質感爽彈，食落涼浸浸啱晒解膩🍜.🌈醬油和豚胸腹肉 $78醬油豚肉甜甜哋，味道有啲似中式嘅叉燒🥰調味做得唔錯，胸腹肉脂肪較少，肉質依然軟腍juicy🧡.🌈黑毛豚無骨小排 $68黑毛豚無骨小排肥瘦相間，滿滿油香，特別加咗生菜🥬包住食，再加上辣醬、檸檬汁，絕配❗️🌈杏仁豆腐 $28Signature嘅日式甜品🍨杏仁味濃郁，口感滑溜，甜度適中，食埋甜品大滿足🧡

經過尖沙咀The ONE，就發現對面有間紅色門面極之搶眼的燒肉801剛剛新開業。卡位座位寬敞，坐得舒服，加上枱面又夠大，可以放到大量食物。這裡貼心地供應了圍裙，吃燒肉時就不用擔心衣服會被濺污了，放有一壺熱茶，可以自斟自飲，掃描QR code後就可用手機點菜，方便快捷，餐牌主打日本直送的黑毛和牛燒肉，除了散叫之外，提供不同組合的盛合，還有兩個份量以供選擇。抽風系統亦夠完善，不會燒到煙霧瀰漫。黑毛和牛盛り $298一客盛合包括大判燒！黑毛和牛肩胛肉及黑毛和牛小排，集齊薄身大片及厚身小件的兩種口感。大判燒！黑毛和牛肩胛肉和牛肩胛肉肉質細嫩，油花較重，切成薄片更能感受到入口即溶的口感。爐火火力均勻，很快就可燒熟食物，不怕會外焦內生。黑毛和牛肩胛肉肉質鬆軟富油香，滿口瀰漫著牛脂香氣。將日本雞蛋打成蛋漿，蘸進薄切黑毛和牛，入口更滑溜，這樣最能嘗出肉質的鮮嫩。黑毛和牛小排和牛小排帶鮮紅色澤，霜降脂肪分佈細緻平均，肉質有彈性，口感軟嫩適中。黑毛和牛小排鎖緊豐富肉汁，醃得入味，甘甜秘製醬汁與上乘品質的牛肉相互融合。蔥鹽味雞腿肉 $58雞腿肉貴為雞身上最有肌肉的部份，每口都是啖啖肉，較有嚼勁且肉味濃郁醇厚