83
3
0
港鐵尖沙咀/尖東站 B1 出口, 步行約3分鐘
繼續閱讀
電話號碼
23673838
開飯介紹
親民價的日式燒肉店，主打九州產的黑毛和牛，油香十足且有不同部位，可單點或加配成豐富的套餐。
繼續閱讀
營業時間
今日營業
12:00 - 16:00
17:00 - 22:30
星期一至日
12:00 - 16:00
17:00 - 22:30
以上資料只供參考, 請與餐廳確認詳情
有關餐廳
有關獎賞計劃
食家推介
尖沙咀燒肉801人龍店經過尖沙咀TheOne附近,有一間招牌紅色的日式燒肉店,平日晚上8點半竟然還有大量人排隊,既然如此,不如一試?!找另一天晚上人流較少入去,都是用QRCode自己落單,非常方便~牛舌盛Single $136牛舌盛有齊兩種牛舌(醬油牛舌/鹽味牛舌),可以試到兩種味道,從來都是我最喜歡的牛部位,建議每邊燒5秒鐘就可以食!神盛Single $168*特上胸腹肉/腹前牛小排/牛板腱肉特上胸腹肉的肉質嫰滑，油香和肉汁都豐富。腹前牛小排，肉質軟嫩可口,而牛板腱肉的脂肪好少,好高質素!801盛Single$198*大判燒黑毛和牛肩胛肉、腹前牛小排及蔥鹽味雞腿肉嘩!黑毛和牛肩胛肉的牛味好強烈,是我食過最勁的肩胛肉;雞腿肉好滑好正,一定要點的801盛!好滿足黑毛豚無骨小排 $68 不想只吃牛肉,所以叫了一小碟豚肉,脂肪較多,要燒耐一些才可以食,都不錯~泡菜+冷麵+白飯+麵豉湯套餐(套餐追加)泡菜及冷麵就是韓國特色,白飯及麵豉湯是日本風格,兩者結合都幾搞笑,基本上吃完澱粉就大滿足了~燒肉801尖沙咀加連威老道14號地舖#燒肉801 #燒肉 #Yakiniku #Yakiniku801 #尖沙咀 #三傻 #熊本熊 #傻鴨 #kumamon #神盛 #牛舌 #無骨小排 #黑毛豚 #泡菜 #冷麵 #黑毛和牛 #肩胛肉 #雞腿肉 #香港 #脂肪 #麵豉湯
繼續閱讀
睇IG loop倒尖沙咀嘉連威老道新開嘅燒肉801有得食日式燒肉勁吸引，weekend 約埋表妹一齊感受下鄉下嘅味道先！menu主打九州產黑毛和牛，晚市可跟3㮔套餐，有生菜、冷面、白飯等；以火紅色裝潢加濶落卡位，燒得舒服，食得happy🔥用餐時間70分鐘。🥩黑毛和牛燒肉盛 $ 298 / single 大判燒！黑毛和牛肩胛肉：巨型一大片大過我塊面嘅黑毛和牛肩胛肉，肉脂分佈均勻，煮一陣就熟，肉質軟嫩，油脂豐富甘香！配埋生雞蛋食口感更滑溜！黑毛和牛牛小排：牛小排厚切小小，呈雪花嘅紋理，油脂滿滿肉味香濃，有咬勁但完全唔韌，配埋生菜同辣醬一齊食可balance返個油膩感！套餐＋$25，我揀左Set D ，有生菜🥬辣醬同泡菜，配和牛食簡直冇得彈。🍖醬油和豚胸肉 $78 ：豚肉加上特製醬油，燒完個樣同食落味道都有D似叉燒，燒完都保持濕潤有肉汁，相當唔錯！🍗蔥鹽味雞腿肉 $58：雞脾肉切得四正，唔會好大片雞皮啱哂我，蔥鹽係另外小碟上嘅，可按算己嘉好加多少份量，雞肉燒完都好juicy同嫩滑！推介！🌭️日本熟成豚香腸 $58: 外脆內香！咬開會爆汁嘅豚香腸係必食架！🍚最後點左個紫菜飯$38 share 食，滿滿紫菜加左温泉蛋無敵好食！ 燒肉801地址📍：尖沙咀加連威老道14號地舖
繼續閱讀
餐廳環境舒適， 大紅木系傢俬主調， 十分搶眼， 配上強勁冷氣 ， 環境和氣氛相當不錯，主打日本燒肉， 價錢十分抵食，吸引不少粉絲支持。神盛 /single $168▪特上胸腹肉▪腹前牛小排▪牛板腱肉每款薄切牛肉，雲石紋均勻滿佈， 賣相吸引， 燒烤時， 香氣十足， 肥油滴在爐端中，令火光更旺盛。特上胸腹肉， 咬入時，肉質軟嫰，咀嚼幾口，油香及肉汁在口腔迴盪。腹前牛小排，顏色鮮艷，輕輕 燒至五成熟，肉質軟嫩可口。牛板腱肉，脂肪少，品嚐純樸的牛肉鮮味， 牛味突出。 炎盛 single / $88腹前牛小排蔥鹽味雞腿肉薄切腹前牛小排，燒至油光亮澤， 咀嚼時，慢慢滲出肉香及肉汁， 讓人回味。 肥美的雞腿肉， 肉質十分軟嫩，再沾上自家製的香蔥汁， 滋味加倍提升。海鮮盛 double/ $228▪赤蝦 ▪薑鹽味雞腿肉 ▪帆立貝巨型的虎蝦，蝦皮燒至微微焦香 ， 蝦身卷曲， 蝦肉挺身，鮮味彈牙。大隻的帆立貝， 雪白圓潤，放在錫紙裏燒烤，香氣四溢， 趁著熱燙燙， 大口咬下， 香甜軟嫩， 啖啖 牛油香氣， 滋味吸引。冷麵 / 小 $38幼身的冷麵， 口感煙韌， 完全浸泡在酸汁之中， 入口冰冰涼涼，夠曬開胃， 為燙燙的燒肉，帶來冰涼的感覺，十分爽。杏仁豆腐/一碗 $28震騰騰的杏仁豆腐，用杏汁及豆腐 製成，吃一口， 既有濃郁杏汁香氣，又有迷人的豆香， 甜度適中， 香甜滑溜，口感一流， 讓人喜歡。
繼續閱讀
燒肉801（尖沙咀）星期三約咗幾個朋友去呢間燒肉。聽講好出名，實際上果然名不虛傳， 去到真係勁多人排隊。 間店位於尖沙咀The One對面，位置好方便。店舖嘅裝修都好有日本風格，不過佢嘅賣點係主要食牛嘅燒肉，而整間店提供嘅肉質都係非常優質！醬油牛舌/ 鹽味牛舌食得燒肉通常都知道燒牛舌係一定冇死嘅，通常都好食。但係佢哋嘅牛舌真係唔係一般嘅好食，真係好有咬口之餘再加上佢本身有嘅醬汁，真係唔使再點醬都超好食。三腹盛顧名思義就係牛腹嘅唔同部份。 食落去覺得好鮮嫩，好有牛味。 即使係一啲有脂肪嘅部份（燒得好惹火） 但係放落口係冇油膩嘅感覺。特上牛胸腹肉一句講晒：鮮嫩嘅牛味。建議大家食嘅時候唔好講嘢， 因為咁先至能夠細味一下極品牛肉。極上厚切牛胸腹柳同上面一樣，不過係更加鮮嫩嘅牛味。一整塊牛空腹柳上碟，建議先將佢剪開一塊塊，然後放上架度燒，唔使燒得太熟，見到一邊熟熟地就已經可以反轉燒第二面。記住：食嘅時候唔好講嘢，用全個感官去細味呢塊牛。赤海老蝦店員話呢啲蝦係刺身級嘅蝦，所以唔使燒得太熟。食落真係超級鮮甜，的確係刺身級。鍾意食蝦嘅人一定要試。辣牛肉麵最後，都叫咗碗牛肉麵。建議大食啲嘅人都可以食一碗。要推介一下佢入面嘅麵質真係超好食，爽口彈牙。湯汁更加會吸引到你飲晒佢。好值得一試。我哋四個人叫咗10樣嘢， 每人都係二百幾蚊落樓，但食到日本燒肉店級數嘅燒肉，真係超值！！P.S. 呢度啲店員超級Helpful！ 好讚！ 話說我哋唔識點樣燒牛空腹柳，店員都樂意仗義相救， 好細心教我哋點樣燒，仲幫我哋燒埋（雖然一般佢哋唔會咁樣做）！ 淨係人情味都足以令我哋再返食。
繼續閱讀
3號風球，晚秋初冬🌬凍凍地，聽日好想食燒肉。尖沙咀呢間新舖頭，我哋叫咗⋯⋯黑毛和牛燒肉盛 配 SetSet 的選擇有冷面🍜 白飯🍚 生菜🥬 ～雖然白飯都不是好大份量，即使生酮飲食都無太大問題，唔會太濟。而且米飯應該係用珍珠米～ 飯米都幾均勻。配燒肉食我覺得幾夾。和牛燒肉盛有兩款牛～ 一款是薄切和牛，油脂非常豐富。所以侍應介紹埋：「要配埋生雞蛋食，入口口感就會無咁油膩。」黑毛霜降和牛牛小排 $128呢款牛小排係我最喜愛的，因為佢既牛味係最出的，油脂都好足夠，一啲想唔會韌，如果想解少少油膩感，仲可以加啲檸檬汁添，都幾夾架另外，牛舌都幾好食，唔好燒得太熟，啱啱好就拎起嘅話，就可以食到彈牙的感覺京蔥雞脾肉京蔥通常食烏冬的時候會加，加喺燒肉就比較少見，個人黎講覺得係幾好味，雞脾肉都好滑，整體配搭唔錯的杏仁豆腐（甜品）我同朋友食燒肉飽到都唔記得自己叫甜品，差啲就想埋單走人，不過店員好好，即刻提醒我哋。佢嘅杏仁味好香，而且好滑，但嗰種滑同中式豆腐花唔同，係好特別的，我同朋友好味到要搶住食😬
繼續閱讀