燒肉 帝 (已結業)

期待變成失望，呢個價錢冇諗過可以咁難食，唔係因為佢價錢唔平所以對佢要求高，而係因為佢哋食物質素真係垃圾。未食之前都覺得應有中上水平掛，點知連中間水平都冇，味道同校長燒肉一個檔次。果啲牛肉拎出嚟都未解凍好，牛冇牛味，雞冇雞味，啲牛肉唔新鮮之餘級數非常之低，又難咬又冇味，除咗紙包飲品冇樣好味衛生亦做得好差，上一手啲紙包飲品飲管仲黐喺個爐入面想問聲講好食嘅人平時食開乜野？呢間嘢只能夠用垃圾去形容。用咁多心機做marketing搞優惠又搞宣傳單張，不如還原基本步用心做返好食物質素，搞咁靚裝修虛有其表，點靚嘅裝修配咁垃圾嘅食物質素乜心情都冇曬十分滿分我會畀呢間嘢3分，2分係環境

見佢最近轉咗做任食，買一送一個套餐有A5和牛，就搵日落樓下試吓，我哋一行二人叫咗set D限時100分鐘。坐低就上咗一碟牛肉拼盤，大約有七款牛肉，得一款有再叫，其他全部冇！味！你係唔會知自己食緊咩肉，仲要啲肉一塊塊黐住，冇融雪。然後另外再叫淨係呢個set先有嘅A5和牛牛三角，睇個樣都幾靚嘅，點知食落口一樣！冇！味！喺香港都食過唔少燒肉放題，真係未食過一間聲稱係A5但食落係一啲味都冇！好好奇到底老闆入咩貨比客人食？唯有再叫唯一一款入得口嘅M6和牛板腱，不過都係食咗五六件就算，比起其他燒肉店佢都係唔好食嘅級數只係呢度嚟講你冇得揀就唯有食佢。好啦，唔食牛肉食下其他肉，不出所料，又係所有肉都係冇！味！㗎！佢所有款式都係原味白肉就咁上，比較同價錢其他燒肉放題，人哋有幾款醃好嘅味道俾你揀，好老實食燒肉，除咗薄身肉可以燒完點醬汁食，其他厚身肉雞扒豬扒完全冇醃過真係好難靠幾滴燒肉汁同鹽會好食，重要係呢間所有肉都係冇肉味！再好啦，所有肉都唔好食，唯有食下海蝦蔬菜，總算正常。再叫咗啲熟食，又出事，叫明太子雞翼，睇圖明明係連埋雞翼尖，有餡嘅半全翼，結果嚟到只係一隻雞中翼上面加咗啲橙色嘅沙律醬。。。。唔夠40

以為板神旗下的燒肉唔會差，結果太難食了，上的肉 有啲仲未溶冰，癡住一舊舊，太不專業了、而且份量牛肉份量太少，比牛角仲差，揀嘅D餐5百幾一位完全不值，頭盤嘅擺盤只為呃like。

哩間燒肉店，改裝後俾人感覺好好多，之前成間外圍黑蚊蚊，入口處都係完全睇唔到入面，好有伏嘅感覺，好驚入去一頸血出嚟，令人望而卻步！無耐就圍板裝修，依家開揚好多，感覺良好。今晚就試咗個C餐，120分鐘，啤酒、清酒、其他飲品都係放題。服務好，落單啲嘢好快到，唔會dump波鐘！👍🏻秋涼仲可以有室外燒。

作為超懶嘅人 平時食到幾伏嘅嘢我都廢事寫食評 但今次真係唔忍。1. 肉質/海鮮質素極差我地叫咗Set D 佢聲稱係有和牛嘅set。上到黎好明顯係雪藏牛肉 冰都未溶 燒完又硬到根本吞唔落。而其他M7牛燒完係有臭味嘅😅。佢跟餐有2舊唔知咩魚 擺咗喺度一個鐘魚痴住嘅冰都未溶 唔敢食2. 燒爐個design都好差。真心未試過每一塊牛/海鮮都可以燒到燶 我唔認為會係自己燒得衰3. 蔬菜亦都係垃圾肉太難食 咁我唔食轉食蔬菜啦。估唔到菠蘿可以完全冇汁冇味 粟米硬得黎有啲苦值得讚賞嘅嘢食一件都冇 2位午市埋單826 可以話係貼錢買難受。絕對冇下次 希望大家唔想中伏就信吓我同其他劣評 否則會好似我咁食幾舊就停手嬲嬲地喺餐廳打呢篇食評。

上兩星期同屋企人食飯諗住試吓佢新放題，選了D set ,心諗都第二貴應該都有返少少質素。－坐低見到個爐網我已經有啲唔開胃，又係嗰啲好似陣風都吹得走嘅網，咁我就知呢餐應該都唔好得去邊。座低拼盤到，牛肉薄切得非常，再加上個西網全程牛肉都係一夾落去就爛！連最普通嘅豬腩肉都可以超薄切！D set指有黑和牛三角，點了到埗只見是－堆看似頭尾唔要部位，食落口更好肯定唔係嗰回事！海洋全程冰凍狀態，全部要燒嘅嘢都係冇味道嘅！好嘢！最攪笑個經理唔係叫我地食多啲，而係叫我地攞多啲野飲，因為熱氣！再講佢都唔係有好多款嘢飲揀！成餐飯就好似食垃圾咁！認真過份！呢餐埋單三個人要成千六蚊！我保證唔會再去！請我打死都唔會再去！我記得以前做散叫嘅時候都好高質吓，依家搞成咁，真係唔知你點做落去！

呢餐飯想約到食到都應該超過半年🤣原本係係結婚前，阿哥話要睇下呢個男人到，結婚個日幫手影相，到我屋企人回來，我考試，我屋企人再回來，到阿哥考試再中covid... 都唔知拖左幾耐...因為男人話要多謝阿哥，所以要叫最貴個隻，而其實試完之後，我覺得可以叫C或D,因為E只係多個和牛牛助肉同和牛和尚頭（ok... 小妹我係分唔到既）同埋和牛，希靈魚同油甘魚刺身不過咁，可能佢係做燒肉，好多刺身未完全解凍，最後個和牛刺身都係要燒一燒先ok (可能我地都唔識食啦)，而魚生都係，真係比較冰，原不過個刺身蝦係好食既我個人都比較喜歡痛風餐，所以我攻海鮮多過肉肉，我都幾鍾意佢個蠔，不過佢再俾個帆立貝時又係用同一個牛油兜兜，呢個令我唔知到底係就咁燒定keep住重用？不得不提，平時唔靖魚，唔多喜歡燒魚既我，個日我食哂成舊，因為覺得好好食我唔一一細講，佢地選擇都算多，而且而家有折，都可以再戰！ 男人仲諗住睇下幾時可以4點前可以買一送一我自己當時狀態叫做可以食番多D野，如果唔係仲唔抵🤣 但如果以細食既人黎講真心唔洗叫太貴，反而係睇自己想食個樣係邊個set唔可以唔提既，佢地service 好好，而我地都好surpri

重開後轉咗做任食，見佢裝修都OK，所以就諗住去試吓，叫咗個中間價錢嘅晚市套餐。一開波送咗個牛肉拼盤，同埋每人一塊薄和牛加隻蛋，望落去幾靚。點知伏到不得了，所有牛都係冇肉味，連封門柳啲咁重肉味嘅部位都可以係完全冇肉味，後尾叫嗰啲完全係冰格拎出黎，放落個爐都怕個爐會熄。平心而論肉以外嘅嘢係正正常常，試晒可以叫嘅嘢，最好食居然係鯛魚燒同埋雞軟骨。價錢唔算貴，本身都冇諗住會好好食，點知咁難食，同樣價錢出邊大把選擇。仲有，通風麻麻，冷氣都唔夠大，越燒越熱。感覺上衛生都一般般，張梳化黐立立，但明明重新開張唔係好耐。之後行過都見好多人排隊，真係想行埋去勸佢哋唔好嘥錢。

朋友山長水遠來到，諗住食啲平時出便不會成日食的食物，所以選擇了燒肉，價錢一啲都唔平，連加一起碼超過四佰元一位，不過只要好食就當然冇所謂啦，已經是食夜晚120分鐘放題三位有七五折，一坐低是8:10pm,係最後嗰輪，三人個比咗一張卡位但分兩個細爐，本身是諗住一個爐三個人一起燒開心啲，不過佢地話6個人先得，我地指向隔離枱話嗰度4個喎，個經理就改話係吖，4位是可以一個爐，咁算啦唔緊要，最恐佈係一坐低兩個爐四邊都是之前嗰輪食物殘渣同汁，而拎起個鉗生肉的夾都係冇诜一樣咁污漕，而每次個待應放低食物都是快速把掉上張枱度，好冇禮貌，冇一個好面口，叫親待應都冇即時停低，掂行掂過，真心地講，如果在出面200任食的話都算，但呢度講緊過四佰一位，有啲仲要六七佰一位，係咪都相對地應該有番合理的衛生同服務態度呢，只係呢兩點就足夠不會再去食了。

見佢新開諗住試吓，咁就誤打誤撞今晚試到，抱住一個好興奮嘅心情去食，我就同女朋友一齊揀咗D set! 咁諗住唔會差得去邊啦，都有人介紹！點知啲所謂和牛、海鮮係未解凍就拎出嚟（成粒冰嘅帶子），食個陣係好勁嘅雪味，和牛就肯定唔係啲好靚嘅和牛㗎啦，只不過冇諗過咁差，絕對唔值呢個價錢，建議大家用同樣價錢出去食，好食好多…嘢飲又少又cheap，甜品係阿菠蘿最平果啲雪條，其他一杯杯果啲就真係擺唔落口啦！最好食係埋單送果兩杯dreyer’s!絕對唔會再幫襯！

位於將軍澳日出康城商場嘅日式燒肉店《燒肉 帝》裝修完重開新推出咗燒肉放題套餐🤩餐廳仲做緊買一送一嘅優惠‼️見有買一送一咁抵，今日就豪少少試咗Set D，呢個套餐有得任食130種食品，除咗和牛、伊比利亞豬🐖同雞肉，仲有啲蔬菜海鮮、小食同刺身任食，日本生啤同清酒🍶都係無限任飲🍻唔飲酒嘅朋友都有其他紙包飲品或者罐裝汽水選擇一坐低餐廳就會每位送一客野原燒，呢塊和牛油脂分布平均，幾乎入口即溶，點埋蛋漿🥚真係好滑好好食，最好食已經係呢一塊牛，好可惜只係每人得一塊🤣之後餐廳仲會送嚟一個好啱📸打卡嘅木架牛肉拼盤同幾款海鮮，一次過比你試哂咁多款牛，我揀嘅SET D仲可以食到M7和牛腹心肉同A5日本黑毛和牛三角😍呢個價錢食到呢兩種高質和牛真係好抵，食完拼盤我地都係主力食呢兩款和牛😋😋至於燒海鮮，鯖魚同海蝦都幾好食，海蝦夠大隻新鮮爽口🦐特別值得一提嘅係醬汁，佢除咗提供基本日式燒肉汁、鹽🧂、黑椒之外，仲有炸蒜片、檸檬醋、柚子醋呢啲特別調料🫶🏻個人係蒜頭愛好者，食咁多間燒肉都係第一次見有炸蒜片供應🤩刺身同熟食小食都有略略試幾款，刺身唔太好食叫咗一轉試完都冇再嗌，小食嚟講炸雞算幾好食，其他都覺得一般，可以主攻返和

突然想食燒肉，諗起屋企附近有燒肉帝，就即刻當日下午打電話book當晚兩位。Openrice 睇埋餐牌，有野原燒，生日月送火山牛肉盤，Set C 同D仲有包清酒飲添，滿心歡喜去食啦。一去到，就話生日月送嘅火山牛肉盤要前一日Book先有，我估個火山牛肉盤都唔會好大架啦，難道廚房連果幾塊和牛都冇而要訂咁跨張？算啦佢話要book先有都冇得再要求，咁入去開始食，坐低就立即叫清酒啦，跟住同我地講冇清酒...咁都算啦，入黎都係食燒肉姐，燒肉好食咪得囉。開始點肉，發覺啲燒肉都幾單調，冇醬燒，冇鹽燒，冇醃製，單純嘅肉片，我估佢係賣肉質肉味啦，試左一塊冇點燒肉汁嘅牛，食唔出味。仲有個爐又細，同出面果啲一人燒肉嘅爐一樣，放多兩塊肉就冇位。再燒下海鮮，蠔，鯖魚不過不失。糖心蛋食左幾個，飲品選擇都唔多，兩個鐘好快就過左去，精彩位欠奉。價錢又唔係平，呢個價位，呢個質素，我個人黎講，食過就算啦，唔再食第二次。

剛巧在附近看戲，又看到廣告說有買一送一，於是早一點到達排隊。六時正已有很多人排隊等候進埸，大部份已預約，幸好剛有位置才能順利walk-in… 不過原來夜晚並無買一送一，但無損雅興（仍有八折）。選擇了set D，因為有其中一款和牛三角和清酒、啤酒任飲。一坐下等一下就送來牛肉拼盤，非常打卡able，亦可趁機試一下不同部位的牛肉。不過之後再揀選的牛肉就只混亂地放在一個黑色盤上，所以要留意打卡位😂。食物款式很多，燒肉可選牛、雞、豬、海鮮。也有刺身，但只有三款（三文魚、八爪魚、蝦），不算新鮮，有冰感，未完全解凍。也有不少熟食和甜品。普通可樂及飲品可在外邊counter取，清酒、啤酒則等要向工作人員order。最後還有雪糕、雪條作個總結。總括來說， CP值一般，但算在燒牛肉款式多選擇。與喜歡日本燒肉，可一試。

燒肉帝之前滿心期待這間日式燒肉店開張，可是之前價格定位太高，所以乏人問津。今次重新裝修後增設日式燒肉放題優惠，立即和家人去試吓。裝修後的店舖呈日式風格，座位舒適闊落。有很多個燒肉放題餐供選擇。星期一至日下午四時前入座還有買一送一優惠，價錢十分抵。我們選了「SET C」，有差不多125組食品開選擇。可享有買一送一優惠，還有一些日式漬物、雞泡魚乾等特別小食。飲品種類亦算多。最特別是送增「野原燒」一碟，肉質真的很美味。如果生日要早一日預訂，送火山牛肉盤！

此燒肉餐廳🥩最近剛重新開業一個月，坊間報道好似好吸引，就嚟試吓未重新開業前都曾試單點餐目，屬於仍接受的水平，滿帶期望嚟再次嚟享用日本燒肉😋入座時間約8時半，⭕️屬最後一輪入座，當時餐廳只有約50% full, 但獲安排坐搭枱面位置，經提出意見後已安排理想位置💯用餐體驗1）每一款🥩牛肉(包括梯級型頭盤/放題項目)都切到勁薄勁細塊，碎碎的，爛爛的，已經全無應有肉感😫2）所謂的A5日本和牛三角肉，無論肉感與油脂分布頂多是A4日本和牛3）值得一題，推廣期內，每位客人可享<野原燒>和牛一客，這是唯一尋回日本燒肉感覺的和牛類別🥹4）手機點餐功能有限制，最多可選五個項目, 每項只可點5件，就必須送出點餐，而且每件肉都細細件碎碎的，即要不斷頻密地點餐，要勤力+手速點5）爐具是一人燒肉的長方爐具，兩個人用有點不夠用📛6）驚喜的是，最好味是一品料理：柚子炸雞翼/名古屋炸雞翼/ 糖漬流心蛋不錯🥚這次的二人日本燒肉體驗，就以上限制，未算滿足口感及果腹，半小時後再食宵夜還可☺️