影片
更多
2023-07-12
233 瀏覽
見佢最近轉咗做任食，買一送一個套餐有A5和牛，就搵日落樓下試吓，我哋一行二人叫咗set D限時100分鐘。坐低就上咗一碟牛肉拼盤，大約有七款牛肉，得一款有再叫，其他全部冇！味！你係唔會知自己食緊咩肉，仲要啲肉一塊塊黐住，冇融雪。然後另外再叫淨係呢個set先有嘅A5和牛牛三角，睇個樣都幾靚嘅，點知食落口一樣！冇！味！喺香港都食過唔少燒肉放題，真係未食過一間聲稱係A5但食落係一啲味都冇！好好奇到底老闆入咩貨比客人食？唯有再叫唯一一款入得口嘅M6和牛板腱，不過都係食咗五六件就算，比起其他燒肉店佢都係唔好食嘅級數只係呢度嚟講你冇得揀就唯有食佢。好啦，唔食牛肉食下其他肉，不出所料，又係所有肉都係冇！味！㗎！佢所有款式都係原味白肉就咁上，比較同價錢其他燒肉放題，人哋有幾款醃好嘅味道俾你揀，好老實食燒肉，除咗薄身肉可以燒完點醬汁食，其他厚身肉雞扒豬扒完全冇醃過真係好難靠幾滴燒肉汁同鹽會好食，重要係呢間所有肉都係冇肉味！再好啦，所有肉都唔好食，唯有食下海蝦蔬菜，總算正常。再叫咗啲熟食，又出事，叫明太子雞翼，睇圖明明係連埋雞翼尖，有餡嘅半全翼，結果嚟到只係一隻雞中翼上面加咗啲橙色嘅沙律醬。。。。唔夠40
坐低就上咗一碟牛肉拼盤，大約有七款牛肉，得一款有再叫，其他全部冇！味！你係唔會知自己食緊咩肉，仲要啲肉一塊塊黐住，冇融雪。然後另外再叫淨係呢個set先有嘅A5和牛牛三角，睇個樣都幾靚嘅，點知食落口一樣！冇！味！喺香港都食過唔少燒肉放題，真係未食過一間聲稱係A5但食落係一啲味都冇！好好奇到底老闆入咩貨比客人食？唯有再叫唯一一款入得口嘅M6和牛板腱，不過都係食咗五六件就算，比起其他燒肉店佢都係唔好食嘅級數只係呢度嚟講你冇得揀就唯有食佢。
好啦，唔食牛肉食下其他肉，不出所料，又係所有肉都係冇！味！㗎！佢所有款式都係原味白肉就咁上，比較同價錢其他燒肉放題，人哋有幾款醃好嘅味道俾你揀，好老實食燒肉，除咗薄身肉可以燒完點醬汁食，其他厚身肉雞扒豬扒完全冇醃過真係好難靠幾滴燒肉汁同鹽會好食，重要係呢間所有肉都係冇肉味！
再好啦，所有肉都唔好食，唯有食下海蝦蔬菜，總算正常。再叫咗啲熟食，又出事，叫明太子雞翼，睇圖明明係連埋雞翼尖，有餡嘅半全翼，結果嚟到只係一隻雞中翼上面加咗啲橙色嘅沙律醬。。。。唔夠40分鐘已經冇心機再食，結果就係燒下海蝦(當白灼蝦點豉油)瓜菜菠蘿填肚就算，第一次食任食放題雪糕甜品都冇食到就買單走人，因為根本唔飽唔想食甜品。
兩人連加一$788，就算要四點前入座，但咁嘅價錢咁嘅質素，都差過好多$2Xx嘅放題，一心以為老闆想做好宣傳轉型做任食幫襯，點知食完得個嬲字，就算佢做緊$200一位都冇可能會再幫襯
見到最近啲食評都唔止我哋一台食客覺得啲肉冇味，錢唔係咁賺的
唯一入得口既M6和牛板腱
13 瀏覽
0 讚好
0 留言
用嚟填肚嘅海蝦
2 瀏覽
0 讚好
0 留言
用嚟填肚嘅蔬菜
2 瀏覽
0 讚好
0 留言
張貼
