影片
更多
2010-10-31
115 瀏覽
超級開心可以出席今次飯局，仲要係我最愛既美食之一: 日本菜，真係開心到爆呀。今次既店舖係牛蔵，係尖沙咀彌敦道63號 iSQUARE 7樓1號舖 。比個菜單你地睇下啦，好多野食呀!!日本溫室番茄沙律白飯魚明太子沙律牛藏壽司拼盤和牛他他極上和牛盛合龍蝦花竹蝦盛合泡菜香草雞腿肉特選牛肋骨野菜盛合明太子海膽炒飯和牛燒石鍋飯豆腐雪糕日本溫室番茄沙律，其實本身我唔係太鐘意食番茄，因為我覺得個味好腥，但佢呢個配左芝麻汁，冇咩腥，又ok wor。白飯魚明太子沙律，我幾鐘意佢張個白飯魚整成一塊，幾特別，脆卜卜咁。而明太子都唔腥，幾好。牛藏壽司拼盤，有三文魚, 吞拿魚, 三文魚籽, 火炙芝士三文魚腩, 立魚, 八爪魚，我覺得最好食係三文魚籽，好大粒，好好食。不過其他壽司我覺得細左d，如果大件d就仲好啦。和牛他他，今次係我第一次食生牛肉，其實我個人唔係太鐘意生牛肉，硬係驚驚地，怕肚痛。但一場黎到，冇理由唔試既，結果食左一啖，其實都ok既，唔講唔知自己食緊生牛肉，加埋隻生蛋，都食得過既，不過我個人問題冇再食第2啖，haha。極上和牛盛合，呢個係我既最愛，超級好食。其中黑毛和牛牛柳係我最愛，脂肪比例最均勻，入口
今次既店舖係牛蔵，係尖沙咀彌敦道63號 iSQUARE 7樓1號舖 。
比個菜單你地睇下啦，好多野食呀!!
日本溫室番茄沙律
白飯魚明太子沙律
牛藏壽司拼盤
和牛他他
極上和牛盛合
龍蝦花竹蝦盛合
泡菜香草雞腿肉
特選牛肋骨
野菜盛合
明太子海膽炒飯
和牛燒石鍋飯
豆腐雪糕
日本溫室番茄沙律，其實本身我唔係太鐘意食番茄，因為我覺得個味好腥，但佢呢個配左芝麻汁，冇咩腥，又ok wor。
白飯魚明太子沙律，我幾鐘意佢張個白飯魚整成一塊，幾特別，脆卜卜咁。而明太子都唔腥，幾好。
牛藏壽司拼盤，有三文魚, 吞拿魚, 三文魚籽, 火炙芝士三文魚腩, 立魚, 八爪魚，我覺得最好食係三文魚籽，好大粒，好好食。不過其他壽司我覺得細左d，如果大件d就仲好啦。
和牛他他，今次係我第一次食生牛肉，其實我個人唔係太鐘意生牛肉，硬係驚驚地，怕肚痛。但一場黎到，冇理由唔試既，結果食左一啖，其實都ok既，唔講唔知自己食緊生牛肉，加埋隻生蛋，都食得過既，不過我個人問題冇再食第2啖，haha。
極上和牛盛合，呢個係我既最愛，超級好食。其中黑毛和牛牛柳係我最愛，脂肪比例最均勻，入口即溶，冇渣，好好食呀。之後佐賀和牛肉眼都係好食，好林，加上海鹽就濃味d，但唔加都好好食，佢本身牛味都好濃，好正。
牛柳粒切到粒粒坦白講差小小，佢好jucy，但如果再林多dd就完美啦。
美中不足係牛脷唔夠分，我冇得食。總括，佢d牛真係好好食，推介，同埋待應哥哥姐姐都勁好人，教我燒，同埋幫我燒，服務好好。
龍蝦花竹蝦盛合，超興奮，睇相就知道佢好大碟架，望到都勁開心呀，有好多野食架，有帆立貝, 大蜆, 蠔, 花竹蝦, 鮑魚, 鯖魚, 豬大腸,鴨胸, 雞肉, 牛肉。帆立貝勁大隻，加埋牛油同清酒燒，好好食呀，好香，不過我地燒耐左，有d un，美中不足。
花竹蝦唔知點解燒完之後d肉痴住曬，好難整出黎食，所以感覺一般啦。
鮑魚好好食呀，好鮮甜呀，仲好細心咁整開一片片，好正。
蠔，恕我坦白，唔好食，我食到有沙而且好似有d乸，好怪。
鯖魚，好食呀，皮脆肉嫩，有小小汁咁，好好食。
而其他我冇講既就係正常，冇咩特別，ok。
特選牛肋骨，幾好食wor，我起初以為好un tim，點知林wor，好食。
泡菜香草雞腿肉，一般，冇咩特別，ok。
野菜盛合，正常，最特別係個蕃薯仔，好可愛，而且仲好好食，好甜，我想食多次tim呀。
明太子海膽炒飯，淡口左d，同埋可能開始飽，所以一般。
和牛燒石鍋飯，呢個ok wor，本身牛肉係生既，拌勻之後就熟左，岩岩好，而且有d飯焦，好食呀。
豆腐雪糕 ，個外觀好可愛呀，雪糕都ok。
嘩...呢遍文搞左成個鐘呀，打左好多字，整左好多相，但都值既，因而呢餐真係好食同埋好豐富，好開心呀。
張貼
