燒肉の牛太・本陣 (創紀之城五期(apm))

營業中

休息中

雖然成日喺apm搵食，不過呢間本陣開咗咁耐，真係只係食過一至兩次咁啱有同事想食燒肉，咁就揀咗呢間。我同同事都揀咗牛三品，用tablet點餐。原來宜家包咗沙律吧，印象中之前係無嘅不過款式好少個餐包咗個飯同味噌湯。唔知係咪唔識燒，牛肉粒略為韌，薄片牛肉比較香。整體嚟講普普通通如果同樣價錢會揀食其他嘢😅

試左個lunch set，一款澳洲一款日本牛，質素好普通但唔難食，但最唔中意係佢冇得散叫，lunch 剩係可以叫set, 如果唔夠飽想叫其他，係冇得選擇，而且入黎時候要逼人坐埋一齊，但明明又唔係好full, 要逼住坐，服務好唔得，而且出面有salad bar可以自己拿，又冇講清楚比人聽，價錢上唔算好抵食，食完都唔係好飽，應該唔會番食呢間野。

上月2人去食午餐。叫了2個燒肉午餐是豬牛鷄79元。另叫黑毛和牛棑190元。但同幅相不同。相塊牛排好厚。我的是2塊很薄和好肥的牛排。燒時搶火而且唔林。食到40分鐘就叫你埋單。午餐時間是1小時。我話食到1點先走我12點入坐。司應無答我。我唔理佢食到1點離開。沙律吧的款式也少了很多。沒有泡菜。蟹柳。睇開飯就可比較。見議只吃午餐定食較抵。另外抽風唔好無嘜冷氣。

公司附近食lunch食到悶，同事提議去遠少少APM食，我本來以為APM一定多人，肯定有排等，點知同事帶路直上樓上4樓食，到本陣門口，仲要完全冇人等位，正！Lunch可以選擇BBQ Set 或 Rice Bowl，去到本陣，就梗係BBQ。大家諗法差唔多，分別點左本陣牛三品同豚三品，利用pad點，唔駛等人黎幫手落單，方便又快捷。肉未到之前，仲可以去沙律吧任食，女同事就開心，覺得食烤肉前食d沙律健康d，我本身為食肉獸，對個沙律吧真係冇咩興趣，不過聽其他同事話，沙律吧d食物偶爾都會有變，之前佢地食有任食蟹棒，我冇緣，太可惜。我係食牛三品，質素唔錯，望落係新鮮吸引，有牛肋肉、一口牛等等，醬汁醃製好惹味，配白飯都唔錯，不過依我自己食量，食完係唔夠飽。同事食豚，望落就乾身d，但同牛一樣，一d都唔會薄切，食落都係有質感。以呢個價錢食到質素唔錯的肉，雖然唔夠飽，但真係滿足。

一開始未入去就叫我落單。人都未齊。到入去左張menu勁污糟又油淋淋。個tablet又無開比我地。問佢又話唔洗用pad落單。d waiter 講嘢又細聲鄉音有重，完全聽唔明。 到落單時先同我講話得放題，一開始未入坐又唔同我地講清楚！

一向食開尖沙咀店覺得品質不錯，黑毛和牛餐兩人份量大約一千元左右，之前間中也有在觀塘分店食（也是消費約一千左右），感覺質素較差，但因地點就近及間中也想食放題，就覺得還可以接受。今日再食完全超失望，首先要迫先食一碟送的頭盤（牛肉拼盤），四百幾蚊黑毛和牛放題被迫食較平價牛肉頭盤，是想人食少啲貴價和牛？還是迫人浪費食物呢？已經表明沒有order，但要求取走又要mark 底沒有食完食物，超不想浪費食物但食又激氣；也算了，黑毛和牛菜單只有5項，第5項還只是前3種的拼盤，可選另外醬汁也換成不是以往的燒肉醬；唯一可取之處只有豆腐沙律，以後不會再光顧此分店。

其實已經幫襯了本陣幾次，不過幾次都是吃lunch， lunch $100內有找，有6至8塊牛肉燒下，又是套餐都可謂抵食之選。今晚第一次吃晚餐放題，肉類頗多，上菜很快，不過出錯幾次不過是放題關係，我們也照吃了，反正想吃的再叫便是。什麼也叫了一點，叫1-3份也只是很塊少少的，也好，可以試更多款，不過吃起來，覺得lunch的肉更好食不知道是否少食多滋味？！牛腹肉最好食，口感最好，又有牛味。其他可一試。牛舌，牛花腩encore了幾次。其他肉就.........吞了便算。豬五花腩是我平時燒肉叫最多的，可是本陣的豬花腩肥到不敢放入口放題有110分鐘，到了後半，我們一致認為越食越難食，un到吞不下去埋單每人$300多～很飽很飽！算不失為過啦～我去食X角$300幾可以食到7-8成飽，但人地d肉好吃很多

二人，叫了澳洲和牛放題，晚餐。今晚去左觀塘分店食晚餐，不過今餐真係超難食，唔同部位既牛竟然可以完全無牛味，衰啲講句「吉野家」既牛肉飯仲好食過佢。另外等左好耐先入到舖，當入到去原來要同人搭卡枱，第一次搭卡枱而中間無野隔住，我倆二人被安排坐外面，故服務員每次要把餸菜傳去入去比入面客人或收搭他們碗碟時其手袖必在我們食物上經過，另身要貼枱邊上身彎前取物， 勁不衛生，服務員態度需改善，以$288/人頭，不值一試。

$288頂級澳洲板腱燒肉放題除咗靚牛肉之外仲有不同牛嘅部位豬肉雞肉海鮮等等選擇又多又豐富 所以晚市座無虛席和風鹽燒醬可以帶出鮮香肉味牛肋肉肉質非常鮮嫩 一口牛肉亦都非常正而且絕無漏單情況可以安心任點點餐同時店員送上鮮肉拼盤比我地食住先服務貼心其他嘢食方面仲有蕎麥面 口感彈牙 推薦點上蛋汁令牛肉更滑身軟腍 牛味突出又充滿油香烤牛舌香羶可口 絕對唔可以錯過食飽飽仲有甜品 多種口味嘅Häagen-Dazs雪糕任君選擇

呢度嘅燒肉放題套餐價格十分優惠$288就可以任食頂級澳洲板腱肉係落單嘅同時店員隨即附上燒肉盛盒俾我哋食住咁就唔怕餓親 非常貼心分別有蔬菜豬肉牛舌等等 之後頂級澳洲板腱肉油花分布非常漂亮 未食已經知道品質非常高而且仲可以任食認真抵食入口即溶 皆因肉質非常鮮嫩！而且店員會比雞蛋每人一隻點上蛋汁之後牛肉味更香濃突出之後重點咗黑椒羊架 大大件啖啖肉品質都幾新鮮另外仲試咗其他牛肉部位選擇都幾多食咗咁多肉另外都掂左啲泡菜嚟食味道都幾正宗

觀塘放工，同女朋友食飯，就去左APM搵嘢食，最後揀左 燒肉牛太·本陣！！都幾多人排隊，好彩我地今日早黎，等佐一陣就入得。我地就揀佐距個 「日本黑毛和牛放題」仲可以任飲罐裝汽水同朝日啤酒。齋係日本黑毛和牛任食都已經抵曬！所以係好唔錯㗎！主打當然係日本產黑毛和牛西冷扒啦，成塊面咁大塊，d雪花非常均勻，油分好高，輕輕燒下2面就食得！入口即溶，陣牛油香味充滿個口，好好食！仲要任食添，即刻繼續加碼！仲有日本產黑毛和牛牛肋肉，都係非常淋滑，味道非常正，口感多d。除佐最靚ge日本黑毛和牛之外，豬肉方面，都有黑毛豬腩肉，豬梅肉，豬頸肉選擇，我自己就鍾意個黑毛豬腩肉。仲有海鮮等提供，有蝦，牛油帶子，扇貝，墨魚。另外各式沙律，蔬菜，菇類都應有盡有。最後甜品係每人一杯haagendaz雪糕。黎個happy ending。好多款式食物提供，而且味道都好有特色，唔錯。而且餐廳服務都幾好，上菜速度幾快，而且漏單情況我自己今次就無遇到，唔錯。

係APM分店見到呢張menu見幾吸引，咪入去食囉，仲要叫 recommend 嘅牛肋肉飯。點知黎到嘅實物竟然係咁嘅樣!!!呢一刻我有個念頭即刻上腦 - 乜我入錯左吉野家咩？！好，搵個 waiter 問下先>>>我: 我想問下呢個係叫牛肋肉?waiter: 係呀～我: 呢啲係肥牛呢喎~ 同你 Menu 唔同嘅？waiter: 我地啲牛肋肉係切片嘅，炒左出黎係咁架!我: 哦……呢一刻我心知我中伏鳥……一路食一路將啲肥膏分番開, 利申我平時並唔係一個一丁啲肥肉都唔食嘅人，但係呢碗……結果分出黎嘅呢堆肥膏 ⬇同埋碗底嘅油……係呢度食仲要加一……對唔住真係冇下次!

同朋友黎觀塘ＨＥＡ，諗住坐低食下野吹下水～好少下午食燒肉，就試下啦～入面都幾多位，坐得幾舒服落單方便，唔錯！可以慢慢揀＃味噌湯係我地揀野食既途中，店員就好快送上左味噌湯＃沙律呢度有個沙律吧，材料都好充足！沙律菜夠新鮮＃澳洲產和牛二品盛我叫左個和牛ＳＥＴ～＃人氣豚三品盛合朋友就揀左呢個：牛，雞，豬Ｄ肉真心高質，入口即溶，食過返尋味！雖然係午餐，但我地都食到好唔夠喉，好想繼續食！如果分量多少少就好喇哈哈！

前幾日草根姐妹 去咗食本陣牛太嘅100分鐘燒肉放題，解決一下草根妹妹對燒肉的相思病！等侯的人不少，想吃一定要早一點排隊。餐廳以ipad下單, 十分方便，又不會漏單!頂級澳洲和牛放題（$288）燒肉套餐有齊3款肉類 、前菜、沙律🥗、蔬菜、飯麵和甜品。肉類有，牛、豬和雞，雞肉嫩滑 ，但3款中草根還是最愛吃牛，除了拼盤，亦可單點特定部位。牛肉有3大口味：和風鹽、燒汁及辛辣，肉類的質素也算不錯 。另外還可點海鮮 ，有蝦、鹽味帆立貝和魷魚🦑。鹽味帆立貝嫰滑鮮味，草根點了一次又一次 ！不夠飽還可點飯、烏冬、蕎麥麵和拉麵 ，特別是還可點特制豬肉飯 ，可惜草根姐妹胃納不多，只試了稻庭烏冬。烏冬幼滑，口感煙韌，不錯！最後每人可選一款口味的Häagen-Dazs雪糕 。草根選了較罕見的香蕉味，味道不錯，特別是吃完燒肉後吃感覺特別清新！總體上，這個燒肉放題肉類、海鮮任點，加上最尾有Häagen-Dazs作結，吃得十分滿足！以價格而言，質素還算不錯。

今日帶著媽媽、男友及一歲外甥女去食晚飯，唸住同媽媽食好啲，點了4百幾的日本和牛餐，可惜食物到來覺得好一般，同之前食過2百幾的差唔多。所以性價比應該食2百幾就夠了。服務方面，比左幾次唔係我地嘅牛肉比我地，我地無點咁多，同番佢講唔係我地，可能佢地實在太忙，望一望就無理，唯有放啲肉喺度。問題係最後的雪糕甜品，我地問有咩味選擇，個侍應話士多啤梨同香蕉，我同媽媽都唔食士多啤梨的，唯有選擇極奇怪的香蕉味。問題黎勒，喺點甜品時我問過幾次仲有冇其他味，侍應話無，我問雲呢拿呢？唸住最普通唔會無呱，竟然係無，仲要強調係得呢兩隻味。但由於香蕉真係好奇怪，我食左兩啖就無食了。到隔離枱埋單，相差唔夠十分鐘，侍應竟然話有cookie n cream, 我同媽咪完全O 咀，覺得個侍應可能覺得我地又要熱水，又要佢地收嘢，所以特登講啲奇怪味雪糕要我地食。當知道有其他味後我無去問點解，因為太明顯係侍應問題了，佢地好忙，做到不停手，再去問都無補於事，只係唸住寫番個食評，如果公司睇到，可以唸下增加番少少人手，等佢地唔會做到咁亂。又或者大家去呢間舖時，唔駛叫最貴了，因為唔太值，食物及服務也是。