燒肉の牛太・本陣 (創紀之城五期(apm))

營業中

休息中

本身係攞左旺角牛x放題既飛既但係6:30攞9點都未有位旺角站又封左咁唯有去第二度食朋友們都好想食燒肉過左apm食依間去到9:50分到職員提醒我地10:30 last order 但最後我地等到位已經10點所以就瘋狂叫野食相都影唔切食物完全唔得牛無牛味有啲切到好似頭頭尾尾咁食落完全好似冇餣過咁乜味都無枱面有枝好稀既野比你點燒肉我地以為係燒汁，食食下覺得唔夠味都係問佢攞枝豉油啦點知佢話果枝就係😥😥😥最後唯有問佢攞鹽第一次食燒肉係無味到咁去果啲韓x苑仲好過佢啦啲配菜諗住係現醒整好既，點知都係伏淨係講泡菜竟然係無味既我地叫中價餐加左一都差唔多330蚊一位超級唔抵唔好食 對依間野好失望 無諗過係apm生存到都可以咁伏P.s 本來約左同行朋友第二日出去玩，點知佢嘔到9彩。。。。

d牛肉唔係話十分之靚嘢，不過佢係任食，所以都ok嘅，食品款式都算可以。我食288果款，加埋加一三百鬆d。六點十五分後不可book 位，只可walk-in 但等咗個半小時，等第一批食完100分鐘走，如果遲放工，六點十五分去不到的話，建議你考慮下㩒飛之後去邊度攝時間。288套餐牛肉還ok，不算是好靚果d。不過任食就算啦。其他食物，比較喜歡燒菠蘿，好甜。泡菜湯，好好味，有麵豉味。可以叫泡菜夾牛食。燒燒下無啦啦好大火，果下嚇死人，不過侍應過來，不用錢換了網，之後d火就變返正常。

前排同好姊妹食呢間響APM開業左好耐既本陣食燒肉放題，今次我地食最平$218，限時100分鐘整體牛肉肉質中上，個人推介點「黃金醬油一口牛」、「蔥燒牛舌」同「燒汁牛肋肉」，都係最易回本位邊食燒肉邊食沙律有助中和燒肉帶黎既油膩感～魷魚都幾新鮮，值得一試「芥末八爪魚」中左伏，千奇唔好點，完全無芥末味，淨覺得好鹹呢到泡菜更鹹，食左2塊已經頂唔順叫侍應收走，又係另一中伏位整體黎講，$218價錢黎講唔太抵食，唔包野飲同甜品，食物選擇夠，但唔算多，而且都多中伏位，不過牛肉質素算係唔錯～

燒肉癮起，好想大啖大啖食肉，之前已經bookmark左本陣，今日放工決定同另一伴黎試試。 要食當然要食好d，所以決定食好d，叫左頂級澳洲和牛放題(100分鐘)。一坐底，店員就會先上一碟咩肉都有齊既拼盤，食完好食可以再按喜好落單。落單形式採用平板，唔洗下下叫店員過黎，好方便。叫呢個級數其中一個原因係有厚切牛舌，厚牛舌真係幾厚，爽口，而薄牛舌同樣美味，可以無限追加，好滿足。牛肉有水準，無因價就貨，油脂花紋都呵錯，有肉味。除左牛肉，仲有腸，雞腎，滿足唔同人士需要。食燒肉點少得配飯，流心蛋撈埋真係好正。飯後仲有雪糕送，大滿足

有二人枱飛無二人枱等咗80分鐘，無得入，餓死咗其實一早同人講不招待二人就算，仲要一路同人講好快好快。七點到八點半，仲未有得食。香港人光陰真不值錢。你可以同我講人地又無迫我，但至小唔好俾人排二人枱。

平日放工，晚餐時間。二人票只有6張，但這6張等了一個多小時，難以置信。店員只安排3-4人或大枱入座，等到大枱票號都清空了，外面沒有3人或以上等位，才開始安排2人入座，非常不友善的安排。等了一個多小時期間，很多剛好的3-4人取票竟然不需10分鐘就可以入座，奉勸大家二人用餐就不要考慮這裡了。餐點方面，很後悔點了$288的燒肉任食，所謂的澳洲和牛非常一般，有一丁點牛味但肉質很乾，很難咀嚼，點了一轉便沒有再要了。整體價錢與食物不符，2人位等候時間出奇地長，大概沒有下次了。

沙律🥗🎉任吃想起吃菜菜🥬🌽🥕本陣午餐無得輸，100元就有🐮🐮， 牛的質素也不差 最重要任食新鮮沙律，每次都有新鮮菠蘿 so lucky🤭(唔係罐頭🍍呀!)，紅菜頭沙律是本人的最愛，飲品係每位一罐(唔係一杯) 👍都算對得起食客店舖內地方不大，所以去之前記得用app攞位先

APM 好多餐廳選擇，而今日想於Lunch time食番個燒肉，1小時入座時間，岩岩好餐廳抽風系統不算太好，如下午有重要會議的朋友，不建議選擇有幾個燒肉套餐選擇，而我今日點左牛豚雞套餐因為我今日唔食牛，所以牛肉變咗做豬頸肉特選燒肉定食會跟配埋免費嘢飲，落單時一併選擇用平板點完餐，就可以出去自助沙律吧任食一人份量，豬頸肉3片、豚肉片3片、雞肉2件肉類份量不算很多，而味道亦不算很入味，不過不失

Waiting for more than 2 hours. The waiter only call the table for 4 because it is more economically for them, and never consider for call the table for 2. We arrived at 6 pm with the waiting number 21, that time the calling number of table for 2 is 11. We left at 8 when the number for 2 person only moved to 18.At the same time, table for 4 moved from 04 to 29, with average waiting time less than 10 minutes.

尼間舖對兩人食（取A字頭飛）超級unfriendly，A飛（2人以下）d人需要等超級耐，我等左個半鐘仲未到，B飛（3-4人）d人就唔使等。奉勸各位couple放棄佢就算....

未試過食日式燒烤要搭台, 即係要同其他人共用一個燒爐, 未免有點不太衛生.食物方面分量比較小, 份量應該大部份男仕都不夠飽, 只有2, 3片牛肉, 2 - 3粒牛肉粒. 一個飯. 湯太咸, 飲左一啖無再飲.那2-3片牛的質素是可以的, 味道亦OK, 有汁醃過. 整體而言比較差, 水準之下.

一行5人食$218嘅餐，餐廳話有多達55款嘢食揀，但只有好少。因為有大部份都係同一款肉，只不過換咗個醬汁就當另一款。坐低後想要幾杯水，點知佢俾我地一壺熱到岀煙嘅水!!除咗食物種類少，就最唔滿意嘅係好差好差嘅服務態度同漏單情況嚴重！由一開始到坐低，職員嘅語氣同態度都非常差，包括用差嘅語氣去對話同要求要多對筷子時miu我地。到仲有15分鐘左右就夠鐘時，由於仲有好多嘢未嚟，於是我地就決定追單。職員嘅態度依然好差，講咗漏一口牛同牛肋肉時又故意報細我地嗌咗嘅數量同扮聽唔到。到追到後，更惡劣咁提醒我地只係淨番10分鐘左右，仲賴我地會遲交枱，但係明明係佢地漏單先！到夠鐘嘅時候，由於餐廳漏單，所以我地仲有一粒未燒好。侍應竟然衝埋嚟熄咗我地個爐，仲要態度好差咁多番趕我地走。服務態度真係想俾負分！食完一肚氣！總之以後都唔會幫襯呢間嘢，一定無下次！

今日去apm整野都唔知食乜好，行黎行去上埋openrice都唔知想食乜。上到4樓，見本陣未食過所以試下。可能已經成2:30pm，所以已經不用等位就有得入座。點知入到去原來得返下以下lunch set，見未食過所以繼續試下。我地叫在一個「上級牛肉燒肉定食」同埋「日本黑毛和牛燒肉定食」。「上級牛肉燒肉定食」👇🏻==> 老實講真係覺得唔好食！冇牛味又韌。比人點嘅醬汁似係普通豉油咁。😫「日本黑毛和牛燒肉定食」👇🏻==>呢個牛肉似番啲樣，好少少少。雖然平，但應該唔會再去食😅

返工咁辛苦, lunch梗係同同事食好啲啦! 今日就嚟到apm試下燒肉定食BBQ Set Lunch包白飯、昆布湯、沙律吧和飲品。雖然沙律吧款式比較少, 但燒肉前食啲沙律都無咁大罪惡咁用餐當日沙律吧有菠蘿供應, 同事就攞嚟烤, 別有一番風味。今次叫咗”牛豚雞肉三品盛合”, 一次過滿足晒三個願望。整體嚟講三種肉嘅質素都唔錯, 但美中不足係雞肉比較厚切, 燒嘅時間都頗長。雖然限時60分鐘, 但呢個價錢可以食個咁豐富嘅午餐絕對係大滿足

「🐱🐶冇錯，我哋好 “興”，要將怒火升級🔥」.呢排社會俾個7婆搞到天怒人怨，貓狗都覺得好「興」，🐱團團決定陪住大家Keep住呢團火升溫🔥🔥.帶著🐶Lucky嚟到觀塘apm呢間「燒肉·牛太·本陣」揀咗頂級澳洲和牛放題，100分鐘放題，提供多達87款上級豪州和牛，肉質鮮嫩，脂肪油花分佈均衡、牛味濃郁。想化悲憤為食量嘅餵食🐱🐶，可以一戰😈.總結評分：7.9/10番啅指數：⭐️⭐️⭐️⭐️