燒皇燒烤專門店

營業中

休息中

老闆比較親切，配合到客人嘅需要，例如比到適當嘅位置，有室外同室內選擇，食物同飲品種類選擇多，適合不同人士Gathering,員工態度都好好，至於食物方便,佢哋嘅串燒好夠味道，越食越上癮，尤其是茄子一流，我本人鍾意食韭菜，分量十足，真材實料，仲有雞煲選擇，仲有燒海鮮，不得不食，加啲啤酒送，真係同一班朋友玩，最輕鬆最開心，價錢都不算太貴，去到荃灣多一個選擇，交通都方便，近地鐵同巴士站，大家可以值得一試☺️

鐘意食燒烤嘅我 逢襯聚會都會首選食呢間 D串燒都幾有風味 雖然環境麻麻哋 不過價錢都算OK平時同fd食開 今日屋企人突然間話好耐冇食過燒烤 就收工順便買返屋企俾屋企人嘗試下 估唔到屋企人都幾滿意D嘢食 係咁稱讚炒米粉睇落去好似好普通咁 不過食落去都幾好味 有大排檔嘅風味茄子 油咗少少 不過夠香豆腐乾 夠脆 都幾好食四季豆 秋葵 味道幾好 細佬仔都鐘意食牛利 乾咗少少 不夠接受到 牛粒睇落去好似乾咗D 不過食落去都OK唔覺得乾炒蜆 夠辣有鮮味芝士焗金菇 啱曬細佬仔食燒菠蘿 夠甜 正

買D宵夜同女朋友反屋企撐枱腳黑松露鵝肝多士香香脆脆唔錯燒茄子好多蒜辣辣地海鮮都好新鮮，鮑魚大大隻超好味不過反到屋企都凍咗下次早D堂食先平民價錢宵夜好地方性價比都ok

如今晚限罪令已放寬至四人， 我約了幾位朋友再次去到荃灣燒皇燒烤店去聚聚， 我哋之前都有幫襯過， 餐廳除咗食物生鮮，衛生可靠，亦有多種款式選擇🥰🥰🥰有多款啤酒選擇我哋揀咗一個小辣嘅雞煲， 味道啱啱好雞肉好嫩滑蒜蓉燒茄子招牌炒米粉，必:其實仲有好多串燒都好好味滿足

荃灣燒烤選擇唔多 難得有一間好食嘅燒烤店如果你覺得剩串燒唔夠飽的話 仲有炒烏冬 雞煲果啲選擇 野飲方面雖然選擇唔算多 但係椰青好鬼大 重點係夠汁又夠凍 真係好好飲 而果串燒尖椒 我落咗一條 佢送左2條過嚟 問返個服務員原來係一開二 真係好大條 又抵死 10/10仲有果條燒魷魚 佢有個燒汁配果條魷魚去提味 真係好夾 可惜係䓤比較多 好似唔洗$感 落咗好多落去 可惜我唔係感鐘意蔥味 如果唔係可以比到10分比佢 8/10感果份燒九菜 都係果句啦 真係好大份 可惜係比較多油 同埋賣相一般 6/10呢間啲份量真係算多 好抵食 推介比各位

媽咪同啲朋友食過介紹燒皇好食！見今日係荃灣就去試下！果然好有驚喜😍😍我同朋友兩個人叫咗一份雞煲，燒茄子，雞軟骨，雞肉串，燒燒賣，同埋燒鮑魚，全部都好好食！夠味多汁！我哋最鍾意食燒茄子同燒鮑魚👍🏻👍🏻半隻雞雞煲份量好多！好多雞肉同配菜！性格比極高！食到我哋好飽又好滿足！下次叫埋其他人咁可以試多啲款式🥰🥰🥰

經過荃灣是但去一間食下野，竟然有驚喜依間舖唔算大，串燒唔洗等好耐，同區算高水準，蒜香同牛油燒蠔都好夾~ 好幸福既味道☺其實呢個組合邊得輸啊✌雞泡魚乾同豆腐乾送酒一流👍👍係燒豬頸肉就有D乾👍👍服務又幾好，店員每次上菜同收碟都講唔該晒，都算無野可以比我彈😅

已經有第4次幫襯哩間雞煲 開頭中意佢地個雞煲夠多 d雞肉又夠爽 加枝啤酒真係好正🤗今次再番黎食雞煲 疫情一波又起 尤其宜家要用安心出行/寫個人資料 衛生相當重要 等緊雞煲既時候 見到有個員工係廚房唔戴口罩準備野食出貨俾客人 另一個係廚房煲煙 試稔整出黎既雞煲可以有幾衛生 真係要滾耐啲我先敢食除此之外，啲枱枱発発都好近 又無野擋住隔開咁 問員工有無野隔住 又話無 咁岩個日早左食飯 無咩人，但安排座位上安排得太密  等緊野食既時候 隔離枱個個人野食未到已經除左口罩 仲打左個乞痴 🤧做餐廳既，仲要係疫情下 衛生環境真係好重要

食串燒不嬲都野味，香口為主，食食下就會停唔到口🤣😂🤣 今日我地三個女孩子食瘋了，食左15樣野🤪燒勝子皇▶️新鮮大隻，燒出來剛好 ，蒜蓉味香👍🏻雞泡魚干▶️我的至愛，燒至乾爽有咬口🤓燒茄子▶️茄子面有蒜蓉，而且好香口😋燒馬刀貝▶️爽口 大隻🤭燒牛舌▶️厚厚地加上籽賢粉👍🏻燒雞皮▶️香口脆卜卜😉（如加點鹽會更好）燒貴妃蚌▶️新鮮👍🏻爽口燒大海蝦▶️唔太大隻，不過都爽口😋燒秋葵▶️尚可！如大條d會更好😆燒四季豆▶️幾好！咁多熱氣野，這個可中和下😙燒豬頸肉▶️燒得唔太過火，配上泰式醬汁，正👍🏻👍🏻燒牛肋胸▶️已叫細份，但來到都大大地，有少少過份，無左肉汁😅燒白鱔▶️由於我唔食魚，評價不了🙇🏼‍♀️燒大扇貝▶️ 燒得剛好，唔會燒到硬呀🤣😂羊肉串▶️ 有點點蘇味😔備註：可要求分辣，自行加辣粉也可

朋友突然話想食燒烤臨急臨忙就搵到哩間鋪頭因為冇訂位既關係 我地就要係街出面等位（老實講真係好熱 佢如果擺部風扇俾出面等位既人會舒服d) 終於到我地入去 叫左個茄子 雞翼 雞軟骨 牛肉包車厘茄 韭菜 仲有金菇不過不失 茄子最好食

好耐冇食過燒烤，喺OpenRice見到呢間評價唔錯，決定去試吓。去到後見到間舖頭都幾多人食哩間鋪嘅食物質素唔錯，同埋幾難得嘅係我食完呢間燒烤唔會有非常口渴嘅感覺，可能味精嘢加得唔算多但可惜我哋嗰日坐咗個風口位，食燒烤嚟講最重要係夠熱、即燒起即食先最正，但係由於冷氣係咁吹啲食物，好快就凍哂，所以有啲減咗分烤法式鵝肝多士上嫩下脆，非常好食肥牛卷正常，特別一提嘅係哩個牛舌非常嫩滑，配上京蔥，風味一流燒牛柳粒、燒雞皮及燒牛舌牛柳粒多汁好食，雞皮好脆（好似食緊薯片）但呢個燒牛舌無汁燒京蔥牛舌咁好食，唔知係咪放咗陣吹凍咗燒蕃薯葉 其實佢應該係炒嘅，個味道同火喉都控制得好好雖然炒米炒個樣好似好普通，但食落真係唔錯，有大排檔風味女朋友話油咗啲，但我覺得可接受，正常燒茄子都應該係偏油，哩個餸重蒜味，喜歡蒜嘅朋友可以一試埋單Total $250左右，我覺得算ok唯一美中不足就係全程被冷氣風吹住，食得好急，感覺啲嘢食上枱唔即刻食就會被吹凍吹乾，所以環境分要扣分

收工夜晚9點幾，好多舖頭都好早閂，但呢間燒皇仲未閂，就入去坐低食晚餐。之前食過一次，不過係外賣，今次堂食感覺都唔錯。.坐低有張紙比你點餐，點完都好快上菜，如果唔想啲野食凍左，建議分2 round嗌。我地因為好肚餓，都嗌左幾多野食，佢個燒茄子、雞翼、翠肉瓜、冬菇、韭菜同金菇肥牛都好好味，必食！.燒茄子真係好大份，雞翼個汁好好味，雞肉keep到好滑。另外翠肉瓜同冬菇好juice，金菇肥牛卷都好出色，唔會燒到啲牛老哂。.豬頸肉、雞肉串同魷魚普通，可以唔洗試。下次會再黎試埋佢個燒菠蘿。

前排和朋友去了荃灣的燒皇食dinner，餐廳是由朋友所介紹的，所以我特別想品嚐啊～椰子雞煲：椰子湯底味道好清甜，可以在放雞件之前先飲少少湯；之後再將雞件放左煲中。雞件肉質嫩口，因吸入了湯底，所以有啖啖既椰子香味啊！美國頂級安格斯肥牛：由相中可見牛肉既顏色極鮮艷，可知道牛肉是很新鮮，而吾會雪到變色！加上牛既紋理好幼細，牛脂分佈比例平衡；經焯後牛滲出不少肉汁，牛香味濃郁，口感吾鞋口啊～鱔燒後好香口，肉質很嫩滑之餘，外皮帶點點脆口；師傅在上加入了燒汁，可調一調味啊～朋友特別愛吃生蝦，生蝦味道帶鮮味；再配合埋泰式醬汁令整體味道酸酸辣辣，好開胃！貴妃蚌好大隻，師傅加入了香蔥及蒜蓉令蚌既鮮味更加突出，口感很彈牙；同時又吾會好乾口，清潔得也乾淨啊！蒜茸牛油燒生蠔：蠔同樣加入了蒜蓉和香蔥一同燒，蠔SIZE吾會縮得好細，味道沒有腥臭味。

多數我地都係日式放題食串燒 但食物質素就一般加上款式不多 所以我地一家就決定找一間燒烤店食串燒做晚餐呢間餐廳既食物款式很多 超過50多款 有海鮮 豬肉 牛肉 羊肉 蔬菜我最喜歡佢既鰻魚串燒 厚既肉身 燒得吾會太乾 保留左鰻魚既肉汁 好好食另外 佢既海鮮都好新鮮 蒜蓉蟶子 扇貝! 超正!燒菠蘿同燒玉米需要耐性 要燒得夠乾 但吾好燒焦 都講求技巧 佢算燒得好好食好甜啦仲有呢間鋪頭用發泡膠裝食物 一開頭我地諗...都幾吾環保wor 一款食品一個發泡膠 但後來我地發現佢地會加一張牛油紙 然後可以重用 當然重用既都係俾番我地呢台 👍🏻👍🏻👍🏻

哩間系集合雞煲加串燒嘅餐廳今次去就冇試到雞煲 主要食串燒一睇餐牌 種類好多 海鮮都唔少選擇不過價錢黎講就唔算平價 部分海鮮都系按時價 份量都唔算多 $30份娃娃菜但得一棵菜都冇嘅份量😅 但食物質素都ok嘅 燒得幾好食 上菜都算快 蔬菜類茄子 韮菜 娃娃菜都有keep到水份唔會燒到好乾身 加左蒜蓉都幾香 又唔會太搶味 特別推介茄子 肉類方面都一樣唔會燒到乾加小小辣粉仲惹味啲想食牛舌嘅朋友要留意翻佢系厚切嗰種肉質略嫌唔夠爽口 海鮮方面魚同硯都好好食 硯肉冇沙有洗乾淨不過魚就唔系好大條 但配上酸辣泰式辣醬都值得一試嘅推介雞泡魚乾 送啤酒一流嘅小食