燉 (已結業)

看到個門面，「燉」，專做燉湯的，以為會好好味，怎知真的非常一般。後來才知道，原來是楊明開的店。想起他賣的廣告，又用心又足料等......要知道廣告還廣告，還是自己試下，才知龍與鳳。兩個字：一般。自助形式，高枱，坐得不太舒服。豉汁蒸白鱔$69，（加$20配白飯及湯）- 看看圖片，白鱔以豉汁蒸完變灰色，味道一般，不惹味；菜心有喳。桂圓杞子燉花膠 - 都算足料，不過味道不是真的很棒。清是清，就是太清，不夠味。總體ok啦。不值這個價錢。不要信廣告，不要信明星。

叫咗一個花膠螺片燉雞湯$68同泰國原個椰皇燉雞湯$58，冇諗過一間燉湯嘅專門店可以冇味到咁樣，根本同水冇分別，真係是但去惠康買個湯包，再搵一個唔識煮嘅人都好飲過佢。真係奉勸各位 千祈唔好試

I hope this review will help this restaurant to improve as I am about to provide a very honest opinion while feeling very disappointed, extremely bad execution, 點解可以咁樣出貨!! 😭😭😭😭 Ricebox 1: Pork Belly Preserved Mustard Greens 梅菜扣肉飯, I could only find a few pieces of meat this size in my entire ricebox, I almost couldn’t believe my eyes. Taste was actually tasty, but I didn’t expect to have a dinner like this, ruined my Sunday night 😭😭😭😭😭😭😭😭😭😭Rice Box 2 and 3: Red Wine Braised Beef Brisket 紅酒炆牛

以前喺荔枝角想飲燉湯，必去強記，強記無左。晚上又想清清地飲燉湯及食蒸飯，專誠嚟到這間店吃飯。這店是自助形式先買票再取餐。晚上7:30去到，好多食物已經賣晒。我跟朋友選了兩個燉湯及兩個蒸飯。我點的蟲草花肉餅蒸飯，味道是OK的。但吃到肉餅中間嘅部份，我發現肉餅是未全熟的 （肉餅外圍部分係全熟，只有中間部分是粉紅色如圖）。我跟店員溝通，店員只跟我說這肉餅飯她今天賣了很多個。她收回此肉餅飯，叫我選另一個飯，但需補差價。當時蒸飯只剩下肉餅飯，我唯有叫個另外一個客飯- 紅酒燴牛腩飯， 味道平平，優點是熟的而已。蟲草花排骨蒸飯- 整體是熟的。但整個飯都充滿碎骨，連白飯內也有碎骨，每口也會吐出小碎骨。 泰國原個椰皇燉雞湯- 這個是正常發揮，滿滿的椰皇既甜味。 但無雞味冬瓜火腿燉瘦肉湯- 很清淡的一個湯。 金華火腿只有一少粒，沒有味，可惜。可能我抱太多期望，店名叫 「燉」 燉湯應是出色。 但 燉湯唔夠味，蒸飯一係未全熟，一係有好多碎骨。 下次我都係乖乖去返灣仔 強記 飲燉湯。服務方面，基本上店員是有禮貌的，但當我跟她說肉餅未熟，她跟我說賣了很多個，很奇怪的理由， 賣了很多個= 肉餅就不會未熟？

位置很方便，荔枝角D2出口一出轉過彎就到點了粟子燜鴨飯，非常入味，粟子好林好甜鴨肉燜得剛剛好，鴨肉有咬口而且一點都不油膩，送飯一流，贊而且份量足夠，白飯粒粒分明，軟硬適中生菜也是不油不膩，非常健康燉湯點了天麻川芎白芷燉魚頭湯，喜歡藥材湯的朋友一定要試，味道濃郁，不加味精，足料靚湯😋更能補血補身，適合女士們經期後兩天飲用👍👍不能常常在家吃飯，但又想食倒家的味道，黎“燉”就啱曬啦❤唯一不足的地方是賣曬椰皇燉雞湯，下次要早點幫襯

好耐都冇幫襯過，一食就覺得啲水準下降晒！！！都唔知係咪因為老細問題，連嘢食都差埋...... 最主要就燉湯冇以前咁鮮，料又少左，呢個價錢可能買鴻福堂冇咁嬲，少左個地方食飯都幾傷心......第二就係客飯，以前食紅酒燴牛有肉味，而家得個淋字，食完仲要係咁飲水勁口渴...... 我諗我都應該唔會再幫襯，希望其他人睇到唔會中伏先。好可惜... 仲話開分店？ 做返好啲嘢食先開會好啲囉！聽講係合伙人開，可能少咁個老細啲水準會好返，又可能會多啲香港人幫襯！

平時唔得閒煲叫湯 呢個價錢 講真值得試 返工多數日日味精飯 有時有得飲下湯確實唔錯 價錢合理 係lunch 時間等位時間比較長 但有老火湯飲 有飯食 真心 藉得推介 下次會帶多d同事一齊去

本身諗緊食咩晚飯好竟然行行下見到楊明鋪頭😍之前某傳媒都有介紹過而我自己都好鐘意飲湯 就決定試下🙆🏻‍♀️環境不錯👍🏻好乾淨 舒適空間叫左個魚肚排骨飯+猴頭菇螺片燉瘦肉湯魚肚好滑 排骨味道可以不過骨有小小碎😂食左幾啖飯都咬到小碎骨啊😂重點來了👉🏻燉湯好足料👅唔止有猴頭菇螺片 仲有准山好健脾胃👍🏻同埋個湯係無味精🤤健康之選❤️係附近返工就好 可以食到家的味道😎另外會有客飯 有機會可以再黎試下😝

話說我來左幾次，有試過燉湯同燉甜品，味道ok，但覺得價錢有d貴，有d湯要$68, 起廣州飲過達楊燉品，就會覺得香港的燉湯都係爭d，不過如果你係大忙人唔得閒煲湯，e道都係唔錯的選擇。因為店名叫燉，一直以為個個都係來飲燉湯，直至看倒食評，先知有飯食，仲要係好平的價錢，我最鍾意來叫梅菜扣肉飯！因為個味道好好，梅菜唔會太咸，送飯一流，扣肉唔會太肥！好有住家飯的感覺, 重點係只係$38，放工一個人想平平地解決，都會來這裡。如果你係經常同另一半來，建議買套票，因為一張$50, 哎2個飯都係補少少錢，算幾抵食。

獨居老人成日都想飲啖老火湯，聽人講哩間嘅湯品一律用椰皇原個燉，聽落非常吸引，開咗成年前排終於嚟試咗。價錢唔平架湯品類$58起，叫咗客貴少少嘅天麻魚頭湯$68。椰皇裡面湯料差不多佔一半，細細仔連湯帶料，哩個份量太少喇，大概只有一個飯碗多少少咋，味道還可以就係藥材味唔算濃。不過勝在有位座可以堂食，比較方便D！晚餐淨飲湯點夠飽，就再點多一客蒸餸飯試下。見佢是日推介「酒漕雞翼」飯$38，雞翼有6隻，跟一個白飯，份量一般一定食得鲍嘅！但係味道方面，基本上係冇味道！有啲似E院個D健康餐！超失敗！回頭機會應該不大⋯⋯

我飲嘅係泰國原個椰皇燉雞，友人就嗌咗蘋果雪梨百合燉瘦肉。因為要即燉嘅關係，所以都等咗一段長嘅時間。同時員工可能產生咗啲誤會，本來應該好快上到，但係就等多咗好耐，所以凍咗少少。上到嚟我嗰個就唔錯，味道偏甜，有濃濃椰子嘅味道。但係友人嗰碗可能係無味精嘅關係，淡咗少少好似無乜味咁。不過無加味精真係好健康，經過都考慮會再幫襯。

記得幾個月前第一次黎食花膠燉鮮奶時，撈起隻花膠時，我係哇左出聲，估唔到$48有甘大隻花膠。我成日有係中式糖水店叫花膠燉鮮奶，所以都可以比較到大小。食完果次之後，我就念念不忘好想係燉食多次。一黎唔貴，一黎唔洗自己買料燉同洗。甘岩見到openrice外賣自取有優惠，折完都只係$28，就拿拿臨落order去拎。返到黎打開個蓋都唔係好見到隻花膠，再撈下發現比起第一次黎食細左好多有d失望呀，雖然個鮮奶用薑汁燉得好好味，如果有返以前個size就好啦！

每次搭巴士，途經英皇道，總會見到以楊明作招徠的「燉」」。這天，去荔枝角D2 Place，路過其在荔枝角的首間燉湯專門店，當然要入內一試了﹗ 店子裝潢，以簡約實用為主，沒有太多的花巧或擺設。 小店除了數款主打滋補燉湯外，還有數款蒸飲、客飯、蒸魚，以及燉甜品，索價由$29至$69不等，豐儉由人。堂食的話，更可無限添加白飯。在工業區來說，一大吸引力也﹗ 小妹，要了一盅海底椰麥冬川貝燉瘦肉$58，以及梅菜燘扣肉飯$38，合共$96。 梅菜燘扣肉飯$38，白飯與餸菜分開，白飯粒粒乾爽，極富口感與嚼勁，最適宜混入醬汁與梅菜同吃。簡單，卻鮮味洋溢，教人回味不已﹗梅菜，是上乘之作，好吃非常。扣肉，份量不多，卻，是水準之作。一層肥而不膩的肥豬肉，再配上一大塊香腍瘦肉，教人吃得舔舔脷﹗ 海底椰麥冬川貝燉瘦肉$58，這款燉湯有止咳、潤肺作用，味道清甜帶甘，據說，如果把湯內的川貝原粒吃掉，療效見佳。由於期望過大，最後，難免有點兒落差了﹗

係荔枝角地鐵站D1一出就黎到呢間「燉」有蒸飯 客飯 同埋燉湯可以選擇湯真係冇味精 如果唔落鹽 真係會唔係太夠味真係好足料的另外都叫左個蒸飯 $29算抵食 份量都足夠 食完感覺好健康😆😆😆

每次行過佢地嘅舖頭，就會自自然然被佢嘅香味吸引住，無錯，呢d香味就係由佢地嘅燉湯傳出黎。我午餐時間如果無約到同事食飯，我就會心思思想去飲佢嘅靚湯同食佢嘅蒸飯。先講個湯，除咗款式多之外，佢哋嘅材料都好足好靚，有時候仲會覺得有d「杰」，個感覺就係超級精華喺晒個盅入面手，有時諗，攞黎溝滾水可以開到兩三碗，總之就係非常香濃。至於蒸飯，我個人鍾意佢嘅魚肚系列，無論係雞或者排骨都好入味好正，佢地次次比我嗰包豉油其實都真係可以慳返洗落。