燈籠滷味 (新都會廣場)

營業中

休息中

收工同媽媽在葵芳新都會廣場食飯，因為收工都比較累，地一入廣場見到燈籠滷味，食台灣餐廳。坐下即刻點個「燈籠飽飽2人餐」，甚麼都有，大大碗的雜錦車仔麵，材料相當豐富，有爽口彈牙牛肚，有豬耳，麻吉燒，豆腐，白蘿蔔，還有自選的唐生菜。麵條方面，選了手工烏龍麵，彈牙有咀嚼感。因為多材料，所以沒有點小菜，反而點了迷理滷肉飯，外觀同肉燥飯差不多，只是滷肉飯比較濕潤，肉感鬆軟，超易入口。食完還有九份經典芋圓，用紅豆作低配黑糖珍珠加芋圓，甜度及份量剛剛。食完飲杯暖烘烘的柚子綠茶同古早冬瓜茶，整餐充足飽足感。

葵芳新都會呢間台灣滷味午餐晚餐都好多人，今日同朋友要快食晚餐趕睇戲，叫左幾碟人氣dishes招牌燈籠滷味推介-滷味味道好balance, 有藥材味但不過份，有鹹味但不過火，仲有微微的香甜-牛筋肉: 厚切，淋滑，牛味濃-蜂巢牛肚: 嫩口，吸汁，非常撘滷味汁-雞翅膀: 大隻，掛汁，雞肉juicy -水蓮: 係香港好少食到，唔會有渣，清甜香炸花枝丸-每粒都食到花枝肉，唔會太過粉感-炸得好好唔油膩，有台灣夜市的味道蛋餅-奶油芋泥肉鬆起司, 芋泥十分出色，微甜唔係死甜, 綿綿的口感-蛋餅皮做得非常酥脆，overall 口感味道都好有層次

在葵芳的分店就在壽司郎旁邊，裝修相當有台味，有很多台灣招牌燈和仿舊紅鐵閘等，有如到了當地夜市般熱鬧打開菜單一看，開首當然是自家招牌滷味，各式不同口感材料都可以在滷水中翻滾，另外有不少台灣街頭小吃，例如滷肉飯、鹽酥雞和蛋餅等，飲品也有珍珠奶茶和茉香紅茶等，直接如同一個小夜市般豐富點咗一份2人餐($228)，有齊一大碗滷味、小食、甜品同飲品，2個人都夠哂飽招牌燈籠滷味滷味一上檯就聞到好香既滷汁味，份量都唔少，見到有蜂巢牛肚、豬耳朵、麻吉燒、蘿蔔、木耳同百頁豆腐，牛肚好吸味，食落幾有咬口幾過癮，蘿蔔熬煮得幾好，係軟而不爛夠甜，自選咗王子麵同通菜做底，同滷汁好夾易入口麻辣香滷豬耳朵冇留意本身滷味入面已經好多豬耳，但呢款麻辣涼拌有唔同既風味口感，口感係幾爽脆香辣，愈到底就愈辣上頭眷村懷舊炸排骨眷村菜是外省人遷到台灣時與本地菜結合的獨特菜系，特點是用平凡食材炮製出食得飽唔會膩既菜式，呢款炸排骨有一塊半豬扒，炸衣薄得黎幾香脆，味道同鹽酥雞完全唔同，冇咁濃味heavy，主要食口感同埋嫩滑既肉質九份經典芋圓最後叫起呢一份經典芋圓有紅豆、珍珠同芋圓，味道係幾甜，係幾好既ending

好耐冇食台灣野，見到個個都飛台灣，但自己又未買到機票去，決定係香港尋找台灣味道！芋泥蛋餅必點，一份有6件，都幾大件，入面既芋泥加左奶油，食落幾甜幾滑架，另外仲有大愛的肉鬆，鹹甜混合好滿足。之後叫左個豬手魯肉飯，個魯肉汁料豐富，食下食下就清晒d飯，豬手都幾入味。最後點少得叫一份滷味，其實即係好似車仔麵咁，有好多款送可以嗌，估唔到米血糕又幾好食，食落煙煙unun口感不錯。本來仲想叫埋芋圓，但係太飽，已經食唔落，唯有下次再試啦。

開左幾年，一直想黎食。今日終於黎到，一入鋪頭，見到裝飾已經有重回台灣既感覺。呢到有滷味之外，一啲台式野食都有～招牌滷味呢到配料任簡，最後拼埋一碗。呢到滷水都滷得好入味， 唔會只係得面頭有味～佢既滷水唔算好鹹，反而有淡淡既香料味。同台灣一樣有啲酸菜。叫左好多樣野，牛肚、鴨賢、大腸同蹄嗙最好食，又爽口，又入味！其他就除個人喜好了蛋餅我地叫左花生醬，火腿、芝士餡～ 鹹鹹甜甜咁，估唔到又幾夾幾好食。佢花生醬好多，每啖都食到香味，不過怕肥人士要注意了 haha甘梅香脆地瓜條地瓜條又厚切，又炸得香脆，比薯條多左蕃薯既香甜，食落都幾滿足！加左甘梅粉都係好好既配搭，更加有層次～再黎都會叫一個做小食！

呢幾日同朋友回憶番去台南旅行時早餐食蛋餅，佢即刻話葵芳有間台式餐廳有得食就相約放工一齊去😋 除左蛋餅 ，仲有唔少台灣地道夜市小食、滷味配料、台式飲料，真係好岩疫情未飛過台灣但又想食台灣野既人~ 奶油芋泥肉鬆起司蛋餅蛋皮煎得香口，夾起嚟唔會鬆散，芋泥餡質感順滑，多到一咬落去就吱出嚟，中間夾雜肉鬆味道咸咸甜甜，食完已經飽一半！招牌台式滷味1️⃣先選配料2️⃣再選麵好似平時車仔麵咁擇餸，擇咗蜂巢牛肚 、百頁豆腐、 水蓮 、豬耳、芋絲 配 王子麵，大家一齊share食！秘製滷汁係台灣直送，所有配料內外都滷得入味腍身，特別係蜂巢牛肚 、豬耳、雞翼，淨食餸唔會覺得咸略帶少少甘甜，只係食王子麵時先覺得有丁點咸。另外，台灣水蓮係必叫配料之一😋平時去台式火鍋店都一定會叫，通常都係捲成一大綑，呢度係剪成一條條，食得方便，最鐘意佢個種獨有嘅爽脆口感！金黃糖心滷鴨蛋 鴨蛋蛋黃較漿口，香濃入味。香烤炭焙烏龍珍珠奶茶叫咗半冰半甜加珍珠，甜度剛剛好，烏龍茶底突出！

今夜晚餐是在［燈籠滷味］享用台式料理。首選是燈籠飽飽二人套餐~五款人氣台式小食任選其一，揀好是外脆、口感煙靭的起司麻薯。五款地道夜市小食任選其一，心儀Shake shake海苔鹽酥雞，香酥海苔鹽酥雞配合香脆海苔，Shake 一 shake好味自然來。主食是六款滷味與冬粉：牛肚、豬耳朶、百頁豆腐、麻吉燒、白蘿蔔和黑木耳，材料豐富，湯底兼備香濃滷水與牛骨湯味道，祇嫌湯底較少，冬粉及白蘿蔔也大大吸收湯底，味道也挺好的。九份經典芋圓是不可不吃的甜品，但紅豆比較偏甜。台式特飲熱茉香奶綠/凍柚子綠茶。除了二人套餐，還有台灣紅燒牛筋肉魯肉飯~紅燒牛筋肉很有肉鮮與滷水香味、魯肉和汁液是很好下飯，還有椰菜、粟米粒蛋伴飯，份量蠻豐富！

個二人餐計埋加一total 2百7 得一個麵 叫咗米線 但得3 4啖左右上面啲餸都足嘅 但兩個人一定唔夠個餐有兩個小食 叫咗個蛋（得一粒） 另外一個叫咗個鹽酥雞 份量還好 有7 8小舊 兩杯野飲就冇咩特別 正常水準 最尾有個細碗芋圓 芋圓水準一般 味道同口感都馬馬 份量如果係兩個細胃口嘅女仔食應該可以 但正常就一定唔夠 由於個價錢真係對唔住份量 個餐叫燈籠飽飽二人套餐 嚴重懷疑應該係兩個初生嬰兒應該會食得飽飽 所以警世 唔好叫2人餐 除非你想做水魚

今日要加班，同事提議到附近新都會廣場的台式餐廳“燈籠滷味”，食一個快靚正的晚餐，再返工公繼續開工🥲。餐廳似快餐店格局，整體環境企理乾淨🥰。眷村懷舊排骨滷肉飯 $75豬扒🐖好大塊，調得入味，炸得鬆脆，再切成6小件方便進食。配菜有鹵蛋、少量椰菜、酸菜同蔥花，配上美味的滷汁一齊食，就更完美😋。奶油芋泥、肉鬆、起司 $56看似一小份，但同事話食完會有飽肚感😆。夾了一件，嘩！餡料份量十足，芋泥好有質感又幼滑，肉鬆味帶甜與芋泥好夾🥰，薄餅煎得香口加上起司，整體味道更香😋。招牌燈籠滷味我地試了幾款蜂巢牛肚 $14大腸 $22雞翼 $143️⃣款招牌滷味都煮得軟腍入味，沒有雪味。大腸有小量肥膏，比較香😋。Shake Shake 海苔鹽酥雞 $48鹽酥雞🐓一口一粒，炸得香口酥脆，鹹香好食。撈埋海苔一齊食，又多了一陣鮮香味，更加好食😋。總括而言，食物質素有台灣當地的水準，價錢合理，上菜速度快，地點非常方便，喜歡去台灣夜市的朋友，可以到這裏解一解癮。

一個人行緊葵廣心血來潮想食台灣菜發現原來新都會開咗燈籠滷味喺門口㩒票等咗幾分鐘就入得！平時食麻辣鴨血最常配嘅冬粉一定係不二之選！但其實之前喺銅鑼灣食過王子麵都好食😋今次揀咗- 水蓮(去台灣熱炒店必叫！) - 腣膀( 即係豬手，好大嚿有三四嚿，肥而不膩)- 鴨胗( 個人覺得滷水嚟講真係好夾!) - 甜不辣 ( 爭扎過米血糕但始終都係想食煙靭口感) 份量好足，冬粉掛湯真係好好味！ 唯一美中不足就係位與位之間嘅間距好少變咗講嘢大聲少少都影響到隔離枱除此之外都冇咩可挑剔了！

今日(22-4-2023 Sat) 同老公送完膠就嚟葵芳買嘢,買完就食晏喇,去邊喥食?由於我哋唔肚餓,只可輕食,我諗起呢間台灣嘢,於是走嚟,嚟到時仍有位,坐低睇完menu,就決定要:4. $26.00嘅冷泡白桃烏龍係樽庄茶同有兩個茶包,味道正常冇問題.味道:3分3. $26.00嘅熱桂圓紅棗蜜呢個好甜,飲到底見到有桂圓肉.味道:1分2. $46.00嘅九份經典芋圓伴QQ蕨餅材料有芋圓,地瓜圓,蕨餅,紅豆,珍珠,黑糖同花奶.芋圓,地瓜圓同珍珠口感正常但冇味;蕨餅煙韌味道又夠,好味;紅豆夠腍同夠甜;黑糖撈埋花奶食好味. 味道:2.75分1. $56.00嘅奶油芋泥肉鬆起司手抓餅呢個製作須時,材料好足,食落,手抓餅外脆;芋泥夠味;肉鬆正常嘅鹹;成個鹹鹹甜甜,幾好味.不過面上嗰啲汁係食吉列豬扒嗰隻汁.味道:4.5分服務:帶入座嗰個Staff見客人多嘢拎住,就會拎埋個籃放喺凳底俾客人放嘢.環境:坐嗰個位啱啱有啲熱.2.5分抵食:有加一,所以收$169.00.其他:呢喥有好多台灣地嘢食,唔使去台灣都得.而佢哋有限時60分鐘,同時每人最低消費$50.00.

行過見到2人餐幾好一個滷水有麵有2個小食1個芋丸2杯飲品超抵吃。燈籠飽飽2人餐店外以燈籠做裝飾，坐位比較迫，環境有夜市感覺。鹵味麵有牛肚、金錢肚、百葉豆腐、蘿蔔，木耳、豬耳朵、麻吉燒。牛肚和金錢肚很入味軟綿綿，蘿蔔多汁鹵水味和港式不同，不帶胡椒味道，咸度適中。豬耳朵和木耳以口感爽口為主，全個麵材料多口感豐富。蔬菜有3款選擇：西蘭花／通菜／唐生菜麵當然食地道王子麵啦！這樣才像台灣，雖然覺得自己蠢了材料真的滿滿，覺得同港式最不同之處，樣樣都一口大小，而且食不飽……所以小食可以吃台式蛋餅，我最喜歡。芝士、火腿、粟米yummy ! 蛋餅外酥軟，包裹蛋醬和半溶芝士火腿粟米真的好好味！炸花枝丸，爽口彈牙好正！去不到九份都可以嘗到芋丸糖水有紅豆、珍珠、花奶、黑糖碎冰，爽涼舒服，現在天氣開始熱特別好吃。如果份量大碗d多少少冰更好！

在葵芳新都會廣場一樓食店集中、其中一間超人氣的台式過江龍小食店「燈籠滷味」常見排長隊入座的、聽聞味道不錯!今晚约了同事放工一起也去試試！幸好時間尚早還有位可即入座!Menu内所有招牌台式滷味，经典台式小食，甜品、冷泡茶和特飲等。都很吸引!麻香滷豬耳朵 48元質地夠爽脆， 有咬口稍嫌未夠麻辣，但很入味也很不錯!麻辣鴨 野菜冬粉 52元這個相當滋味!夠麻辣入味、鸭血爽而幼滑。冬粉吸收了麻辣汁又爽又滑超惹味!燈籠古早滷肉飯(小碗) 35元與平時吃到的滷肉飯有大不同!這碗味道特別的地道。滷肉入口即溶，肥美甘香而不膩，味道濃厚層次豐富。很滋味!豬肚爽中带彈牙的。燈籠芋見你（冷) 48元材料十足，滑脱脱的凉粉、紅豆、黑糯米加上椰奶、红糖等。合凑出一道其味無窮的甜點。特飲~阿里山黄金夕陽果茶 28元冰冰凍有橙味口感清新。冰泡茶 26元很有春天的味道!吃得相當開心!

✿╮❤╭✿✿雜感女生   好味日記✿˚*•✰。燈籠滷味．探店台灣滷滋味！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤好耐冇放假好耐冇去飛好耐冇去台灣夜市咁就要食番餐台灣菜啦！ 最近，朋友發現其公司附近有一家台式小檔攤FEEL的餐廳原是「燈籠滷味」！開了在新都會，裝修別緻，燈箱設計極引人餐牌食物又誘人於是一起來個師大下午茶chill番下要夠風味，一定要從台式飲品叫起！ 黑糖珍珠奶茶水準之作，黑糖包裹在珍珠之中香軟甜蜜，奶茶好飲非常推薦一飲  茉香奶綠夠晒茉香，看起來全是「奶色」入口卻是茶味香濃意想不到的清新B餐：招牌滷味拚盤：包括牛肚、大腸、唐生菜、百頁豆腐配古早滷肉飯此餐份量不少，滷味拚盤非常入味牛肚、大腸、豆腐非常下飯唐生菜夠清甜滷肉飯醬汁夠多，非常好吃 C餐：海苔鹽酥雞、台式香蒜腸台式炸物是必須的！鹽酥雞夠晒香脆，惹味非常香蒜腸又甜又微辣好有台味，非常好吃  

位於葵芳的燈籠滷味，有豐富多樣的台式美食選擇，從招牌的Shake Shake海苔鹽酥雞，到台式手抓餅，再到甜點燈籠芋見你和大甲濃厚香芋鮮奶，每一道菜都鈎起台灣旅行時的回憶！Shake Shake海苔鹽酥雞是這家餐廳的招牌菜，價格為$48。外皮酥脆，肉質鮮嫩，加上香氣四溢的海苔和鹽，簡直是令人回味的美食。台式手抓餅也是必試的美食之一，價格為$54。餅皮鬆軟，搭配豐富多樣的餡料，包括花生醬、火腿、起司等口味，每一口都能感受到不同的風味。如果你想試試甜點，燈籠滷味也提供了多種選擇。其中，大甲濃厚香芋鮮奶是一款冰涼的飲品，價格為$35。濃郁的香芋味道和鮮奶的結合，讓人回味無窮。燈籠芋見你是一道不試會後悔的甜品，價格為$48，內有竽圓、糯米和紅豆，香氣四溢，口感鮮美。除此之外，燈籠滷味還提供了多種滷味和其他小食，下次來必試！燈籠滷味 (葵芳)葵芳興芳路223號新都會廣場1樓181號舖#燈籠滷味 #葵芳美食 #台式手抓餅 #ShakeShake海苔鹽酥雞 #甜點菜單 #燈籠芋見你 #大甲濃厚香芋鮮奶 #美食評論 #美食分享 #美食愛好者 #高質素食物 #餐廳美食 #環境舒適 #放鬆時光 #回味無窮