燈籠滷味 (新都會廣場)

營業中

休息中

自從食過一次燈籠滷味後，係搵食既時候見到佢，都唔會感到抗拒，亦會係選擇範圍內既一間食店。今次第一次到葵芳店食午餐，午餐Set有麵有飲路，埋單$90，價格唔係太平，亦唔係貴，不過不失，但勝在不用等位。今次叫左招牌滷味Set A冬粉飲凍茶, 麵及餸既份量充足，一碗都食唔晒。而滷味既湯味濃濃，配上冬粉，完全吸收晒湯既精華，好食😋而牛肉都非常好，不太硬又不太軟，有質感而不會太硬，值得一試👍而整合感覺良好，環境服務都不錯，可以再光顧😂

繁忙時間等位好快，但野食質素難食到唔會有下次。 野食咸而無味，粉面飯濕淰淰癡埋晒一齊。 價錢質素在葵芳被比下去。鹽酥雞粉面感濃郁，肉感稀少得可怕。👏食完嘴裡滿滿的油味與純粹的味精味。食完餐飯半小時嘴裡仍有咸味揮之不去。☺️午市排骨滷肉飯好大份 好似畀地盤佬咁 好滿足 份排骨好貼心咁去曬啲骨 啖啖肉 可惜唔知係咪要自助調味 但係附近好似又無調味料?_? 食落成餐最好食就係+$3嗰杯綠茶 好正宗

位於葵芳新都會廣場的燈籠滷味，提供了不少台灣夜市的獨有菜式更有招牌滷味。菜單上有多款精緻的滷味菜式，除滷味外、鹽酥雞和黑糖珍珠奶茶也是必嚐的美食。首先，甜不辣、麻吉燒、王子麵等不少的滷味也是台灣菜獨有的。台家有特製的滷味汁配上香蔥及其他配菜，令單調的王子麵添上一份色彩，王子麵的麵質較彈，配上甜不辣、麻吉燒等小食，可令味道昇華。鹽酥雞是這家店的經典菜色之一。一口咬下去，酥脆的外皮與嫩滑的雞肉相互結合，帶給食客滿足感。而且鹽酥雞調味適中而不失香氣，賣相也相當誘人。作為小吃，相信出色。除了鹽酥雞，這家店的黑糖珍珠奶茶也值得一試。這款台灣經典飲品以其順滑的鮮奶與Q彈的珍珠驚艷了我的味蕾。黑糖的香甜與茶香的結合令人陶醉，口感醇厚。對於愛喝奶茶的我來說，這杯黑糖珍珠奶茶絕對有台灣的味道。除了菜色的精緻口感，店員在用餐過程中總是微笑，耐心解答菜單上的疑問。整個用餐環境佈置得有台灣夜市的風格，感覺令人置身台灣加上舒適整潔，讓人倍感放鬆。

叫咗個「燈籠飽飽二人餐」，$228加一唔抵食，一碗麵、2個小食、2杯飲品、一碗芋圓！味道正常，飽唔飽就見仁見智最有趣係個甜品！係得一細碗！真係好少見2人餐，得一份甜品，仲要係糖水！仲要加冰（係凍飲啲冰），糖水有幾舊未融嘅冰……整碗甜品可唔可以俾啲誠意？！唔夠凍都唔係咁呀嘛…🤢

燈籠滷味台灣紅燒牛筋肉滷肉飯白米飯上擺滿了滷肉、牛筋肉，粟米，椰菜等等。牛筋肉經過細心嘅燉煮，肉質軟嫩。滷肉散發出濃郁的醬香，牛筋肉入口即化，帶來豐富的口感。燈籠招牌滷味推介揀咗幾款燈籠招牌滷味，有雞翼，豬耳，西蘭花。各種滷味都經過精心調配嘅醬料同熬煮嘅過程，非常入味，口感豐富。雞翼肉質幼嫩，豬耳韌中帶嚼勁，西蘭花爽脆可口，每一種滷味都值得一試。燈籠黑糖珍珠奶茶燈籠黑糖珍珠奶茶十分吸引，奶茶的口感濃郁順滑，黑糖嘅香甜彌漫其中，珍珠Q彈有嚼勁，令人無法抗拒。燈籠芋見你燈籠芋見你呢個名好特別，材料豐富，有芋圓、地瓜圓、仙草、芋泥、紅豆、紫米、燕麥、黑糖、花奶等等，每一種材料都有其獨特嘅口感同風味。無論你中意濃郁嘅芋泥定係清爽嘅仙草，呢個甜品都可以滿足你嘅味蕾。

晚上六點幾到，都算多人排，上菜速度快，所以好快入去坐低，叫咗自由配搭（大腸，蹄膀，台灣麵，水蓮菜)，水蓮菜係台灣熱炒店必點既菜，炒過會特別清脆爽口，放落湯就好似無，台灣滷味就較甜，不辣。shake shake 海苔鹽酥雞，有包海苔粉俾你自己shake shake ，雞炸得非常香脆，咬開雞仍有肉汁。肉鬆蛋餅，蛋餅偏軟身，食落去甜甜咸咸咁。黑糖珍珠奶茶凍$31，甜度揀左半糖，味道正常。見到兩人餐228都幾抵食，包一個麵，兩個小食，有埋芋圓甜品，同兩杯飲料。

這間連鎖台灣菜「燈籠滷味」，由台灣過江龍開設，主打台式滷味、滷肉飯、台式小食及飲品等。環境佈置很有台灣特色，掛滿招牌燈箱，令人感覺置身於台灣夜市中。我一個人就叫了一份奶油芋泥肉鬆芝士蛋餅，但今日這份蛋餅令我很失望，因為餅皮很硬，感覺是在無顧客時預先整定，然後有人落單才翻熱。另外叫了一份期間限定的麻辣糯米釀雞翼，價格$48 ，但只得兩隻雞翼，感覺略嫌有點貴，不過雞翼很嫩滑，味道不錯。飲品方面，我叫了一杯凍冬瓜仙草檸檬，味道清新、不太甜，仙草好好味，很解渴！

下午茶叫咗四拼車仔麵、啲湯得勁少、王子麵好咸林曬發曬嘅、雞翼鹵水味完全唔特別、個味好似平時屋企醃咗嘅雞翼、只係得個大腸叫做夠淋可以食下、但個味道一啲都唔香呀、如果台灣啲嘢食係咁我真係食一次我唔會再食囉、織下午茶連埋加1 七十幾蚊、食完完全唔知道自己食咗啲咩、因為實在太難食我淨係夾硬食咗啲送個面係完全食唔到、所有嘢食都係各自各咁、烚咗啲冬菇通菜掉落去鹵水咗啲雞翼大腸放入去一個超淋嘅面擺入去然後勁少嘅湯、所有嘢個味道都係唔夾、可能佢其他嘢食好食、但呢個四拼車仔麵一定係劣食

呢一晚同朋友去葵芳行街 行到累又到食飯時間👯‍♀️朋友揀左間台灣菜輕鬆食 呢間叫燈籠滷味📍-位於商場內 位置算多 但枱與枱就相對偏近⚠️食物方面都係以台灣菜為主呀! 同埋有台式車仔麵🍲所以我就點左 而且有少見既冬粉呢!😍我揀左水蓮🥬冬粉，牛筋肉、多蔥材料都好足夠 台式車仔麵幾特別🥣如果湯再多少少會更好✅-之後點左台式必食既燈籠古早滷肉飯🍚細碗的，滷肉份量好足夠 而且好濕潤!😋-之後再點左人氣蔥抓蛋餅🌮點了花生醬，火腿，起司. 份量都幾大份呀!我個人覺得花生醬有D太多 會有少少甜!⚠️-甜品方面就點左燈籠芋見你🍧🍡材料都好足夠 包括有芋圓，地瓜圓，仙草，芋泥，紅豆，紫米，燕麥，珍珠，花奶🫘🥜少少偏甜，個人好鍾意D珍珠 好好咬!😆-飲品就點左蜂蜜荔枝紅茶, 正常之選!🍹幾抵食既台式晚餐 輕鬆之選不過人流都幾多 晚市可能要預等下位!‼️

碌OpenRice 睇新都會廣場有乜好食啦，見到燈籠滷味個名就吸引，成個台灣滷水味出晒嚟🤭行入舖頭，同想像一樣，整間店舖充斥着滿滿的台灣滷水味道😍因為唔想食得太飽，與朋友合叫一碗雞翼、鴨珍、麻吉燒、木耳、高麗菜手工烏龍麵，雞翼是我最愛，不用多講，鴨珍軟硬適中，麻吉燒煙煙韌韌，好好味👍🏻仲有麵質彈彈嘅烏龍麵，加上獨特湯底，完美。另外再叫一份芋泥蛋餅，蛋外層煎得香口，蛋內有芋泥加肉鬆，味道很夾，係台灣嘅味道呀😙

香港好多台灣菜餐廳，不過就比較少食到台式滷味，而燈籠滷味就係少有主打台式滷味嘅餐廳▪️招牌燈籠滷味 - 豬耳朵、雞腎、百頁豆腐、高麗菜台式滷味帶有甜味同醬油香，豬耳朵、雞腎爽口，百頁豆腐、高麗菜好索汁，好入味▪️Shake Shake 海苔鹽酥雞鹽酥雞炸雞香脆juicy，仲可以自己將鹽酥雞同海苔粉放入紙袋入面shake，令鹽酥雞沾滿晒海苔粉▪️人氣葱抓蛋餅 - 奶油芋泥、肉鬆、起司蛋餅脆身，芋泥幼滑，不過偏甜少少，肉鬆、起司帶有鹹香▪️燈籠古早滷肉飯 (小碗)滷肉肥瘦適中，而且份量好多，夠晒撈飯燈籠滷味📍葵芳興芳路223號新都會廣場1樓181號舖

之前都有食過燈籠滷味，見佢出咗個二人餐好似幾掋食，就同朋友嚟食下。燈籠飽飽2人餐 ($228)套餐包咗一份招牌燈籠滷味、一份人氣台式小吃同地道夜市小吃、餐後甜品同埋兩杯飲品。大大碗嘅燈籠滷味，六款精選滷味已經係定咗，都叫做係樣樣都會食嘅嘢。蔬菜同麵就係自選。今次我地就叫咗冬粉同通菜。全部配料都索哂啲湯汁嘅味道超入味！而且份量都幾多，兩個女仔食其實唔係好食得哂。金黃糖心滷鴨蛋用鴨蛋做嘅流心蛋，食落又軟又流心，而且仲好滑鹽酥雞原來佢有另外比到啲紫菜粉同紙袋我哋，可以好似shakeshake薯條咁樣，將紫菜粉同埋鹽酥雞搖匀。雞肉嫩滑，外皮香脆可口，調味足夠。最吸引嘅係套餐仲有一碗芋圓，有齊芋圓、紅豆、珍珠等，芋圓食得出淡淡嘅番薯同埋芋頭味，好有咬口，糖水用咗花奶做base, 為美好嘅一餐作結。同朋友各自叫咗杯珍珠奶茶，外賣杯要加一蚊但可以食飽邊行邊飲，所以都願意加錢。珍珠奶茶不過不失啦。

喺新都會廣場行街行到攰，搵嘢食見到呢間台灣嘢，睇餐牌都幾多選擇，睇價錢都好抵食，今晚就揀咗呢間醫肚，呢間嘅裝修好有台灣feel，好靚，好適合打卡，麻辣鴨血野菜冬粉 - $52揀咗餐廳推介嘅麻辣鴨血野菜冬粉，好抵食，分量好多好大碗，可能因為我比較食得辣，所以我覺得唔算好辣，鴨血彈牙惹味，不會過鹹。水蓮 - $20台灣原生蔬菜，水蓮，口感非常爽脆，這家餐廳炒得很好吃，必點！Shake Shake海苔鹽酥雞 - $48餐廳會俾鹽酥雞、紙袋同盒紫菜粉俾你自己shake，紫菜粉均勻地鋪滿在鹽酥雞上，鹽酥雞咬開仍有肉汁，炸得外脆內嫩，高質！冷泡桂花烏龍 - $26冷泡桂花烏龍也是餐廳推介，茶色清澈，桂花味道芳香，茶味濃而不澀。

冇諗過咁好味！燈籠滷味呢個名都聽過一兩年，今日先有機會試，點知一試難忘！！！滷味一打開蓋，已經聞到好香，有好香嘅藥材味，睇得出係真材實料👍🏻👍🏻（食完之後都唔頸渴，值得一讚）牛筋肉滷得非常腍，白蘿蔔直頭不得了，，鮮甜又夠腍！配粉絲（佢哋叫冬粉）完全吸收咗佢湯底嘅精華，絕對係最佳拍檔❤️ 仲有佢哋個酸菜好特別，唔似一般餐廳食到嗰啲，應該係自己炒出嚟，好有台灣風味！下次我一定要試埋佢哋嘅滷肉飯、蛋餅！好似仲有好多其他好嘢食，要約啲朋友嚟一齊食先食得晒….

原本諗住同朋友去食壽司郎, 但係因為我OT, 朋友張票就過左半個鐘入唔到去啦,所以我地轉場過左隔離既燈籠滷味食台灣, 佢都要等位, 不過等五分鐘左右就入得了入面既裝修係有D似台灣既夜市, 令人有種感覺係去左台灣咁, 幾有特色奶油芋泥, 肉鬆, 起司蛋餅-$56我地都好鐘意食蛋餅的, 呢度既強餅切到一舊舊咁, 幾方便食, 上面有少少大板燒既汁, 幾惹味同新鮮既配搭, 而入面既奶油芋泥, 肉鬆比例岩岩好, 再加埋起司既邪惡參與, 大滿足招牌燈籠滷味-$56其實幾似我地食開既車仔麵, 但係台式咁, 我地叫左牛肋腩, 腎, 大腸, 滷到都變晒色, 所以好入味下, 口感同味道都唔錯, 我地再叫埋最索汁既冬粉去索咁好味既汁, 我覺得D個組合係一絕排骨滷肉飯-$75台式便當我最鐘意就係食佢既排骨飯, D個排骨滷肉飯就完全滿足到我啦, 排骨炸得好香脆, 但仲保持到D肉汁, 再配埋個珍珠米去食, 真係有回到台灣的感覺黑糖珍珠奶茶-$28食台灣野又點可以唔叫珍奶? 我地叫左少甜, 味道岩岩好!總結D個台灣野幾好味, 而且幾有特色, 幾有古早味, 令到我心思思想去食下一次。