燈籠滷味 (新都會廣場)

營業中

休息中

終於食到台灣名物啦！上星期去葵廣行街 買年花行完就去咗新都會食飯7點前嚟到喎洗得位菜單有多款滷味、滷肉飯、台飲、芋圓等入座後用QR code落單好快就上菜啦！🔸招牌燈籠滷味（$63）：有30-40款滷水可選，我哋揀咗花枝丸、蜂巢牛肚、炸豆腐、王子麵，滷汁十分濃郁、很入味、好香中藥香，牛肚軟Q，炸豆腐和王子麵吸了湯汁，好惹味。🔸麻辣鴨血野菜冬粉（$54）鴨血吸了滿滿滷汁，麻辣香口，非常入味！大約有五大件鴨血。冬粉似是粗身粉味，口感煙韌。🔸Shake Shake 海苔鹽酥雞（$52）每一燈麵炸得脆卜卜，五香粉及海苔好香，令人一口接一口食唔停。🔸凍燈籠黑糖珍珠奶（$33）🔸燈籠黑糖珍珠奶（$30）一杯熱一杯凍，個人比較喜歡凍的，茶香奶滑還有黑糖香，珍珠煮得剛剛好，不會太硬或太軟。

我第一次食係中環嗰間，覺得好好味，所以當時即刻join member,因為我本身好中意食蛋餅，而我覺得佢整得好味，之後去過旺角嗰間，覺得都ok,今次去咗葵芳新都會呢間分店食，一見到餐牌已經差好遠，吾明點解每間分店嘅餐牌都吾同！明明就係同一間公司🥹有一次我特登去登龍街嗰間分店，諗住食蛋餅，結果原來銅鑼灣嗰間係冇做蛋餅，已經覺得失望😔今次新都會呢間，我嗌左兩個午餐，一個蛋餅，蛋餅超吾好味，皮好硬，又求其，又細舊！另外個午餐叫咗1個排骨肉燥飯，滷水麵個排骨又乾又硬，啲肉燥完全唔係水準！滷水麵同車仔麵個感覺冇分別，但係收78？呢個價錢我唔知自己食咗啲乜😟其實開分店，水準係咪可以一致啲！超吾想再食

冷泡桂花烏龍通過冷泡嘅方式，茶葉嘅香氣得到了更加充分嘅展現，濃郁而清新嘅茶香完美適合食完滷味後飲用，有效解腻，為整餐增添了一抹清爽。甘梅香脆地瓜條嘅即叫即炸做法確保咗食物嘅新鮮出爐，甘梅嘅酸甜味道與地瓜條嘅天然甜味相結合，外脆內軟嘅口感令人難以忘懷，是一款兼具美味與創意嘅小食。懷舊排骨滷肉飯則是一道充滿傳統風味嘅主食，豐富嘅配菜同足夠嘅飯量令人十分滿足。酸菜同雞蛋嘅入味，加上排骨外脆內嫩嘅完美烹調，令這道菜成為了一個令人一食難忘嘅選擇。紅燒牛筋肉滷肉飯則展示了滷味與飯嘅另一種搭配可能，豐富嘅牛筋肉塊既有咬口又充滿味道，搭配濃郁嘅滷肉及飯，創造出了一種新嘅味覺體驗。

今日去葵芳新都會逛街，晚上不太肚餓，想食一些簡餐，發現一間好有台灣排檔特色的餐廳，就入去試試，餐廳不是很大，但好有台灣小店feel 。見到好大個餐牌，燈籠飽飽二人餐，都幾多野食，決定試試。麻辣香滷豬耳朵，份量都不少，豬耳好爽脆，幾有咬口，但都幾辣，好惹味。Shake shake 海苔鹽酥雞，附一包海苔粉一個紙袋，把鹽酥雞放進袋內shake ，幾好玩。外脆內軟，雞肉有肉汁，還有陣陣的海苔香味，幾好食。六款滷味配店灣王子麵，有牛肚、豬耳、百頁豆腐、麻吉燒等等，好多餸，鋪滿碗面，牛肚軟滑入味，湯底好惹味，好似台灣街頭麵店，王子麵幾有彈性，幾煙韌。豬蹄肉牛肉冬粉，牛肉超林入味，冬粉爽口，其實最令我回味的就是湯底，濃郁但不膩。九份經典芋圓，芋圓好Q彈，加上紅豆和粉圓，好有台灣風味，不太甜，如果大碗一些更好。茉香綠茶好好飲，奶味香濃，有淡淡的茉茶味，雖然顏色比想像中淡色，但味道是好的。

嗌咗個滷肉飯同埋滷味拼盤啲嘢食唔夠熱 食完之後肚痛仲要唔肯幫手落單 一定要QR code限時用餐70分鐘 竟然仲有最低消費仲要夠膽加一 服務態度非常差未試過喺香港食到咁差嘅台灣菜唔會有下次

今日帶小朋友去咗葵涌新都會廣場， 去三聯書局打下書釘， 順便睇下旅遊書安排下嚟緊新年之旅🤗🤗🤗 睇完書下午茶時間到， 去咗一樓燈籠滷味食返個tea 招牌滷味拼盤+燈籠古早滷肉飯雖然係下午茶， 但係份量一啲都唔少👍 滷味拼盤有蜂巢牛肚，大腸，唐生菜，百葉豆腐， 全部都夠入味😋 燈籠古早滷肉飯， 係粒粒肥肉嗰款， 加入香菇😍😍好味。 台式蜂巢牛肚滷肉拌烏龍麵蜂巢牛肚都鹵得幾淋， 而且有八九片， 份量好足。 烏龍麵係台式叫法， 即係我哋嘅烏冬😉 烏龍麵幾煙韌， 連埋滷肉一起拌， 好夾好襯， 味道一流😋😋😋 海苔鹽酥雞＋香色香蒜腸原味鹽酥雞上枱， 附上一個紙袋同埋海苔味粉， 需要diy自己shake🤗 香蒜腸係正宗台灣腸， 切片後油炸， 拌生蒜片一起食😋 冬瓜茶呢間嘅冬瓜茶帶有麥芽味， 幾特別✨✨ 超大杯好抵飲， 亦唔怕好甜👍 之前有嚟過燈籠滷味食晚餐， 香港區同呢間都有食過， 食下午茶就第一次👍 估唔到下午茶咁抵食😁 四十零五十零蚊有交易， 仲包埋凍飲， 性價比高👍👍 而且地點方便， 喺正地鐵葵芳站對面， 去開嗰區嘅朋友可以試試🤗🤗

今日同朋友到葵芳食飯，到達餐廳之後等一會就可以入座。我們叫了一個燈籠飽飽2人套餐，入面有招牌燈籠滷味，我們選了唐生菜再加了三蚊轉了手工烏龍麵，另外一份金黃糖心滷鴨蛋 、Shake Shake 海苔鹽酥雞和一份甜品九份經典芋圓，兩杯飲品分別是台味奶茶加珍珠和茉香奶綠加珍珠 。首先上的是招牌燈籠滷味，入面有蜂巢牛肚、豬耳朵、百頁豆腐、麻吉燒、白蘿蔔、黑木耳，滷味味道不會太鹹，其中百頁豆腐吸收了不少滷水汁，味道比較濃，口感滑嫩 。而手工麵軟硬適中，入口不會痴牙，口感有點似烏冬 。再來是金黃糖心滷鴨蛋，比一般市面上經常見到的雞蛋不同，鴨蛋比較大隻一點，而且糖心處理得剛好，滷汁入味香而不鹹 。再來是Shake Shake 海苔鹽酥雞，海苔粉再配上鹽酥雞，味道意外地夾和雞肉有汁嫩滑，味道不錯 。最後是芋圓，入面有芋圓和珍珠，有咬感又不會太甜 。整體而言，味道不錯，價格親民 。

燈籠滷味．台式好味道葵芳有好多好吃的其中一家是我朋友最愛因為她喜歡吃台灣野這家就是燈籠滷味次次入去都人山人海可見味道有保證好在等左一陣就有位先叫2杯台灣好味特飲潤一潤燈籠黑糖珍珠奶茶 (左)地道正宗，珍珠很香軟黑糖味道香濃茶味好有台灣風味整體味道甜美超讚！清新冬瓜仙草檸檬 (右)夠清新夠爽口我中意佢有大量仙草畀我吸吸吸仲有檸檬清香，冬瓜的微甜口感非常好！台灣紅燒牛筋肉滷肉飯味道濃郁好吃牛筋薄透彈牙又入味滷肉醬香十足，配香香的米飯特別開胃！滷味小食：蜂巢牛肚+鴨胗金黃的牛肚入味可口鴨胗彈牙有咬口2款都好好食我想要點辣椒油，店員仲介紹右邊的秘製辣醬果然味道別具特色有另一種惹味的辣香配上鴨胗好好食海苔鹽酥雞鹽酥雞極其香脆尤其即點即製即食灑上特別香口的海苔粉又有另一種香氣滷味店水準不錯難怪總是人頭湧湧！燈籠滷味葵芳新都會廣場1樓181號舖電話號碼 28051333

最近食了間位於葵芳新都會廣場的台灣滷味店，這裡提供了多種美味的滷味選擇，包括招牌台式滷味、滷肉飯、鹽酥雞和黑糖珍珠奶茶，讓我彷彿回到了台灣的街頭小吃文化。招牌台式滷味絕對是這家店的明星菜式。它們選用的滷汁味道層次豐富，而且滷汁香味充足。這道菜亦讓我有了品嚐各種滷味的機會，從甜不辣到滷豬耳朵，每一樣都是嚼勁十足且口感豐富。我特別喜歡他們的豬耳朵，口感韌勁十足，滷汁入味，搭配起台灣招牌的王子麵，王子面的麵底能充分吸收滷汁的香氣，讓人欲罷不能。除了招牌滷味，他們的滷肉飯也是令人難以忘懷。滷肉飯是台灣著名的小吃之一，此店米飯QQ彈且飯粒分明，上面鋪滿了滷汁香濃的肉塊，肥瘦均勻，使口感更豐富，充分吃到台灣的傳統味道。最後必須要提起的是黑糖珍珠奶茶。這杯奶茶充滿了黑糖的香甜風味，珍珠煙韌有勁，兩者相互交融。它絕對是我不可錯過的一道台灣特色飲品。

週日心情麻麻，惟有尋求以食為先去調節吓，正考慮荃灣定葵芳去覓食，係OpenRice睇到呢度台式滷水，便決定一試。首先碗滷水熱騰騰，香葱又夠，色藝雙存👍可是台味奶茶就比較淡和稀！唔知係咪台味便是這樣呢？所以冇飲哂，留下胃口吃其他！

夜晚去食叫左個二人餐，小食有一開二既炸3粒花枝丸，火腿粟米芝士蛋餅，一碗麵，兩杯野飲，仲有甜品，我仲叫左碗細滷肉飯35蚊。2人餐份量小，味道非常一般，兩杯餐飲淡如水，叫左台式奶茶同茉香綠茶，凍飲加3蚊，珍珠加5蚊，珍珠唔Q彈。二人餐個甜品芋圓用一隻細碗裝住，感覺上都係得一人份量，芋圓亦都唔Q彈，黑糖甜到拿喉。主打既台式風味同滷水欠逢，埋單加埋一310蚊，呢個價錢有更好選擇，以家做優惠二人餐先228，如果照原價收300幾的話，呢個餐就真係好搵笨。

下午四點幾經過諗住食少少野，點了一個滷味麵超級難食，花枝丸有怪味，難食到食咗小半碗就擺低去買麥當勞。仲要有最低消費$50 加一，平時見人多諗住可以試吓，結果中晒伏。

#小秘書 呢排真係忙到有氣冇埞唞😮‍💨 好難得先就到時間，可以同朋友仔坐低食個飯、分享吓近況🫠 呢日終於扚起心肝放自己半日假，整個指甲、同朋友仔去 #葵廣 行個圈、掃吓街，做個貼地嘅港女😆不過篤魚蛋又點會食飽人吖… 放假就梗係要搵啲特別嘢食，慰勞吓自己😉 朋友仔話已經有一段長時間冇去 #台灣，思鄉病又發作… 提議過去「新都會廣場」樓下間 #台灣食店「燈籠滷味」一解佢嘅思鄉情🤭 既然有人揀埋地方，我梗係舉腳贊成啦😆#燈籠滷味 環境裝飾得充滿台灣氣息，五顏六色嘅霓虹招牌，入到店內有如置身 #台北夜市 一樣🤩 嚟得幫襯，梗係要試吓佢哋最馳名嘅 #滷水小食 啦！餐牌上嘅 #蜂巢牛肚、#豬腸、#豬耳朵、#鴨珍… 通通都咁吸引👀 為食嘅我哋，當然唔會放過🤤 牛肚肉質爽彈又入味，🐽豬耳朵又夠晒脆口，難怪佢哋嘅 #滷水食物 都咁受歡迎🤤 朋友仔仲配埋個 #出前一丁 一齊食，估唔到呢個港台合璧嘅配搭又幾夾喎😆 之後我哋又加咗個 #香炸花枝丸 做小食，師傅喺 #花枝丸 上曬上 #椒鹽粉，香脆嘅外皮非常惹味🤤 餐後就梗係要啲甜食，不過我就揀咗杯 #桂圓紅棗蜜 嚟補一補，呢餐食咗咁多嘢，再飲埋呢杯 #養生茶

如果你想食滷味，我推薦你去呢間招牌燈籠滷味店。佢哋嘅滷味選擇非常多，你可以自選你鍾意嘅配料😎第一碗揀咗鴨胗、大腸、唐生菜、木耳同台灣王子麵。鴨胗同大腸滷得入味，肉質鮮嫩，配上唐生菜同木耳，味道層次豐富。台灣王子麵夠多😋第二碗揀咗豬耳朵、高麗菜、甜不辣同冬粉。豬耳朵滷得腍滑，高麗菜同甜不辣增加咗口感，冬粉吸收咗滷汁嘅味道非常美味😋小食揀咗香炸花枝丸同海苔鹽酥雞，花枝丸炸得香脆，海苔鹽酥雞味道鹹香，兩款小食都唔錯😗至於飲品，我試咗佢哋嘅蜂蜜茘枝紅茶，甜度適中，茶味唔錯，茘枝同蜂蜜嘅結合非常搭配。

葵芳商場底層嘅燈籠滷味，裝飾到好似身處台灣嘅夜市🌆滷味推介1️⃣白蘿蔔 百頁豆腐 香菇 貢丸 手工烏龍麵 $542️⃣ 唐生菜 香菇貢九 花枝丸 冬粉 $48🥪奶油芋泥、肉鬆起司$56🍹柚子檸檬茶 $29🍸蜂蜜荔枝紅茶 $29兩個人食咁多野真係飽到上心口，食完兩碗麵其實已經夠飽，但心思思想食個蛋餅，所以就食埋啦🙈🙈兩杯飲品方面，我覺得就比較唔抵，$29但好普通，兩樣野唔係咁夾餐廳枱與枱距離好近，同隔離好貼，個袋都要放地下