熊拉麵 (蘇杭街)

營業中

休息中

咁耐冇得去旅行 好掛住日本拉麵🍜今次去咗食熊拉麵睇吓會唔會搵得返日本嘅味道 今次我就揀咗食招牌熊拉麵($88) 俾大家睇吓我剔咗啲咩啦招牌熊拉麵嘅材料都好豐富 叉燒嘅份量一啲都唔小 啲肉好易咬 完全冇煮過龍 糖心蛋方面做得超好 好流心 仲有啲木耳絲同埋蔥 湯底濃郁但係唔會話太鹹 係我心中係一碗中上嘅拉麵好搞笑地 我哋發現佢嘅辣芽菜勁好食 停唔到口係咁食🤣整體來講價錢合理 味道不錯 尤其而家冇得去日本 推介大家可以嚟呢度食下拉麵

食咗個魚介熊拉麵，味道幾好，但可惜太鹹，湯底偏鹹，豬肉好鹹，我是因為佢係少鹽少油餐廳先會試的，所以有點失望。職員服務態度不錯，地方雖然較細，但都好坐，乾淨衞生。

終於試到熊拉麵我地叫咗熊拉麵同黑蒜拉麵黑蒜好好味，蒜味香濃，熊拉麵相比起黑蒜就有小小普通，不過勝在有隻蛋，黑蒜凈係得叉燒佢中間個隻係辣芽菜，超級好味，又辣辣地，我同朋友食咗勁多，完全停唔到真心推介呢間拉麵，唔貴又好食

難得一日早咗食lunch就得登揾一啲平時排到好長龍既舖頭試吓即刻就諗起熊拉麵💛睇完餐牌決定試試魚介熊拉麵🍜上菜速度都好快一陣間就準備好第一下聞到嘅係魚油香之後係火炙既味道火炙過既叉燒好香，不過一片略嫌太少麵既粗幼我選擇咗1.5 mm，普通硬度咬感唔錯成碗麵我最深刻嘅係個湯底好濃郁，屬於杰身既一飲落去會有啲微微既粒粒而且飲完唔會口渴我覺得呢個湯底甚至比起某啲舖頭嘅沾麵湯汁更濃厚我個人好喜歡，值得推介💛但係我都認同之前有啲comment所講員工態度要注意吓好多時間佢哋都自己掛住傾偈我斟水既時候因為水壺裝得太滿而倒瀉咗倒到一枱都係水但係員工們無人留意到，無一個人嚟幫我抺直至佢上我碗麵嘅時候見到我喺度努力咁抹枱先去拎毛巾當時舖頭只有我同另一個客人希望舖頭方面睇到comment會留意吓

屹立多年，一路以來都好多人排隊。因為實在有太多人排隊。今日係星期六去，未到12點已經去到門口，唔算多人，所以可以入場一試。入去tick紙仔嘅時間，感覺良好。因為除咗有得揀麵之外，麵嘅軟硬程度，同埋需要飛走嘅嘢都有得揀。幾好！事實上，如果你只係叫一個普通$83/89嘅麵。份量嚟計，相信好多人都會覺得唔夠喉。如果第一次嚟食，建議叫個超級（即係大碗嘅）。因為如果叫一個普通碗，係得一塊肉。如果你叫嘅仲要係黑熊，連糖心蛋都冇。所以你將會係必定加單嗌其他小食嘅。其實除咗份量唔係好夠之外，所有嘢都唔差。但由於份量唔係好夠，需要再嗌嘢食，可能會令到個價錢提高，有啲人會可能覺得唔底。味道嚟計，樣樣野都非常之好！湯底超濃，超入味，一定食過返尋味！好容易成碗湯底都會飲晒。

 每款拉麵最平都要$83，topping 每樣亦$10起，價錢貴，食物量少，拉麵碗比起其他店細，味道亦一般冇咩特別，完全同價錢不成正比。好處係可以根據個人喜好選擇配料，等候時間亦唔算耐。

⭐️ 呢餐係：「選擇困難症惡夢」嘅一餐懲罰節第一彈！熊拉麵有兩間分店，今日就去咗上環嗰間！去到已經排曬長龍😯 等咗20-30分鐘之後就入得！🥳 menu有好多選擇，除咗湯底都有幾款，叉燒都有得揀要普通，火炙或者角切😍 麵底就有得揀1.25mm同1.5mm😂 根本就係有選擇困難症嘅我嘅惡夢😂🍜魚介熊拉麵 $89湯底好濃郁，好香魚介位😍 麵底就略為普通咗啲。眼望就覺得兩款麵都好似冇咩分別🤔 叉燒都燒得好正！火炙係3款入面最香，但又唔會太油！👍🏻 值得讚嘅係溏心蛋醃得唔錯，入味得黎仲食到滲蛋香🤤一切開個蛋黃已經不停流汁， 我個人鍾意再熟少少。環境質素：🌕🌕🌕🌑🌑食物質素：🌕🌕🌖🌑🌑CP值：🌕🌕🌘🌑🌑回頭指數：🌕🌕🌕🌑🌑其實拉麵黎講唔算超級好味，但係喺香港都算中上水平。係一啲雖然樣樣野都好似唔錯，但係第二日再會唔係太記得味道嘅餐廳😅 麵份量都算夠，但係成$90一碗麵得一塊叉燒就唔算太抵食。

難得去到上環，估唔到星期六嘅夜晚得翻好少鋪頭開門🙈於是即刻行快兩步，希望熊拉麵仲有開啦😛😋-入到去見到座位都有十幾個，相對其他拉麵店都算比較大☺️今次我就坐左bar枱位置，可以望住煮拉麵嘅過程😆-我叫左赤熊拉麵$83 （8/10）🥵拉麵唔算好辣，而佢嘅湯係偏杰身😋所以拉麵都好掛湯🤟🏻揀左普通軟硬度嘅幼麵😋食落好有咬口好彈😹唯一不足係本身碗麵冇包溏心蛋😭要另外叫😢-而同行友人就揀左元祖魚介熊拉麵$89（8/10）我偷飲左一啖湯，魚介嘅味道好香好濃郁😋味精唔重，食完唔會頸渴😛不足嘅地方係朋友嗌左加麵，但係已經冇乜湯底，如果可以多啲湯就好啦💓😹

星期日黎到上環 搵間有開既餐廳好難🤣咁啱想食拉麵 所以就去左呢間 熊拉麵叫得熊拉麵 當然要叫佢個招牌熊拉麵啦！有得揀叉燒 我就揀左火炙肥叉燒麵可以揀幼/中幼我麻麻地太幼既拉麵就揀左中幼仲可以揀軟硬度 我鍾意煙煙韌韌的可以走蔥走木耳 不過我就無走到啦~ 多d配料 豐富d😛拉麵好快就黎到哇 有成隻溏心蛋🤤 好正飲啖湯先 好濃郁既豬骨湯底但唔會覺得好鹹 到最後差唔多飲曬🙈叉燒超大舊 好好味麵軟硬適中 係我想要既texture

係巧合之下突然見到呢間熊拉面 一望到個門口就知係良心小店💛果斷就決定要試下佢 當自己返左去日本咁🤣係門口等個陣已經好掙扎食期間限定好 定係招牌既熊拉面 好彩男朋友都冇任何意見 所以我就直接揀左呢兩款黎試一試～香魚湯拉面 $93揀呢款拉面既其中一個原因係佢既曲面 同埋我見到香魚湯既介紹係由5種魚去熬湯 一試佢既湯底果然冇厄人 真係好濃好香 不過第一下會覺得好似魚介拉面既味對於重口味既我 最後係狂食呢一碗🤣而男朋友就覺得 呢一碗食耐左會有啲油膩既感覺招牌熊拉面 $88 睇相都會見到呢個招牌拉面係有啲奶白色既豚骨湯底 呢個既味道會令你覺得真係似日本地道既拉面 就連我好重口味既人都好欣賞 個湯底係好飲到可以飲到見碗底🤣🤣

自從搬到中上環這區，經常幫襯呢間拉麵。今日同家人黎到晚飯，被安排坐係bar台。企係bar台既一男一女侍應雞啄唔斷、自己傾計，逼食客（包括我和其它食客）邊食邊聽佢地既私人對話（好彩有口罩，否則佢地將係食材前口沫橫飛）。之後上少左配料已立即問侍應：第一次問，整緊；第二次問，您追加咁少，唔知點俾您；到第三次要我拿張單問，唔係追加，而係您未上。兩人先恍然大悟（但我已食完同準備埋單）。若果該員工覺得佢地既工作係傾計第一，顧客第二，無熟客（如我）再光顧。

掛住日本🇯🇵但冇得飛，唯有食拉麵🍜頂住心癮先。上環呢間良心小店絕對值得一試。首先環境裝修充滿日本小店Feel，鋪面唔算大，但有齊吧檯同埋二至四人揀。餐廳做足防疫措施，中午時間排左十五分鐘先入座。招牌熊拉麵（$88）麵身軟硬度適中，湯底濃郁但唔會過鹹。中途加左少少辣芽菜落湯底，成個拉麵嘅湯底就轉左另一種風味☺️ 今次揀左梅頭瘦叉燒，感覺輕盈啲，不過就冇左火炙肥叉燒果種炙燒風味。配料溏心蛋就正正常常，木耳絲就令到拉麵更加有口感！自家製辣蔥餃子🥟有五隻，餃子邊煎到脆卜卜，配埋辣蔥一齊食係幾特別嘅。

建議：想食番日本味道，近近地去上環👍 唔好Miss 左曼德拉「名句」😂 新一年第一個星期日，唔幫襯💛真係唔知食咩好 (有心既其實周邊總有一間✌🏻)今日去到上環食熊拉面，舖面個環境都好日本😌 除左店員會講234 (いらっしゃいませ)之外，每張枱仲有必有既冰茶壺今次試左：スーパー巨熊ラーメ (HK$128) 超級巨熊拉面有3塊梅頭叉燒+一塊半肥叉燒😍 半肥叉燒好好食，層次好分明。份量好足，湯頭好濃郁👍 面款有 幼面/粗面揀，硬度有 硬/普通/軟 揀如果想加面可以係落單紙剔 (替え玉 +HK$13)。另外落單紙仲有得揀叉燒款式：梅頭/肥叉/角切叉燒迷 ミニチャーシュー丼 (HK$34)迷你半熟玉子叉燒丼 隻半熟蛋岩岩好，唔會過熟 😌 叉燒係角切叉燒粒，食落個口感都唔錯👍睇餐牌仲有魚油撈面，唔知係咩味道呢。下次可以再黎試😂

想食拉麵通常會黎公司附近呢間良心小店，每逢午市都有約十人排隊，食過四次，質素穩定。最鍾意佢自由度高，可以揀梅頭瘦叉燒或火炙肥叉燒，麵都有唔同粗幼。之前見人飲晒啲湯會見到碗底嘅熊仔圖案，好奇嘅話可以試下。🍽招牌熊拉麵(火炙肥叉燒，中幼麵，普通硬度，健康無油) ($88)招牌的豬骨湯底不油不膩，小杰，味道濃但唔會好鹹。叉燒只有一片有點小失望，但肥叉燒唔會過肥，而且非常入味。普通硬度中幼麵口感彈牙，份量頗多，掛湯力不錯。溏心蛋流心，另有竹筍同木耳絲增加口感。🍽黑熊拉麵(火炙肥叉燒，中幼麵，普通硬度，健康無油) ($83+10溏心蛋)重口味嘅可以揀黑蒜湯，呢碗會比豬骨湯油少少，聞落好香黑蒜味，食落無想像中咁濃但都OK，其他選項一樣就唔重複啦。秘制醬幾香微辣，如果可以畀多少少撈麵就正。🍽自家製辣蔥餃子 ($43)外觀好吸引，蔥粒多到滿瀉，有炒過唔係全生所以唔會好難入口，餃子幾香口，當日嘅餡料係芝士雞肉，咬開仲有少少拉絲，芝士味幾明顯，配微酸嘅餃子汁。記得要即食因為啲蔥同汁好快會浸淋餃子皮。

2個拉麵都揀咗火炙肥叉燒係有燒香, 麵有得揀幼麵or中幼麵, 中幼麵軟硬適中, 不過自己係鍾意再粗身啲嘅嗰款拉麵, 配爽口木耳同蔥粒😋✨招牌熊拉麵 💰88💫評分: 7.3/10📝豚骨湯底濃郁唔會太咸, 糖心蛋🥚都算流心~✨黑熊拉麵 💰83💫評分: 7.2/10📝黑蒜油湯底好香𝕂𝕦𝕞𝕒 ℝ𝕒𝕞𝕖𝕟 熊拉麵📍上環蘇杭街84號(上環🚇 A2出口行3分鐘就到)💫評分: 7.3/10💬呢度有芽菜, 雪菜同薑任夾, 芽菜好食不過有少少辣, 食到唔想停🤣, 拉麵🍜店都係快食因為中午時間都有少少嘅人龍🤣❣️其他分店❣️📍佐敦白加士街8號地舖(佐敦🚇 C2出口行2分鐘就到)