熊小館

營業中

休息中

今日跟老公睇完戲諗住食晚飯，出嚟就見到呢間餐廳，有好多熊bear bear，好可愛，跟住我就話不如去呢間餐廳吧。職員安排我們坐一張有小熊陪住你食飯嘅枱，真係好得意，然後我就點咗個二人套餐。餐湯係羅宋湯，旁邊配咗個蒜蓉包。羅宋湯好足料，每一口都有好多配料，甜甜酸酸，好開胃。而蒜蓉包就焗好香，淡淡蒜蓉味道，幾好食。小食有法式香草牛油焗田螺，仲有薯蓉做伴碟。田螺一d都唔少，有五隻咁多。田螺同薯蓉入口都有好香嘅香草同牛油味道，調味唔太鹹，剛剛好。其中一款主菜係燒美國穀飼厚切小牛扒伴醋漬野菌，小牛扒係我想要嘅六成熟，紅紅的，口感厚實，配埋旁邊甜甜酸酸嘅醬汁，感覺特別。伴碟仲有薯條，薯條入口真係熱辣辣，又香又脆，唔配茄汁都覺得好好食。另一款主菜係露筍野菌意大利飯，露筍大大條，食落爽口。意大利飯入口有好多醬汁，仲雜住有好多菇同切開左一粒粒嘅露筍，無論味道同口感都配搭得相當好。我叫咗杯特飲係爆谷紅豆冰，好大杯，飲落有爆谷味道，配紅豆好夾，甜甜地，我都幾鍾意。而老公就係叫咗杯凍檸茶少甜，味道正常，唔太甜。甜品我就加錢叫咗個心太軟，個樣好吸引，旁邊有啲芒果同埋忌廉。切開個有流心朱古力流出嚟，呢度整得唔錯，

最近同朋友去咗Megabox行街,行到咁上下就梗係要同朋友去食晚餐，見到呢間以熊作為主題嘅西餐廳睇落好吸引所以就決定試吓_呢度嘅晚餐主打二人套餐，定價合理，$298 就包左有湯品、前菜、主菜、甜品和飲品，真係好抵食_是日湯品係忌廉湯再配上蒜蓉包☺️前菜方面我哋就揀咗意式烤肉醬茄子，朋友同我都非常喜愛吃茄子，這裏的茄子十分入味💜_主菜我哋就揀咗燒美國殼飼厚切小牛扒同香茄奶油吞拿魚螺絲粉美國殼飼厚切小牛扒，可以自行選擇生熟程度，店員就推介左我哋揀七成，開頭都會擔心會唔會過熟，上菜時已經非常貼心切好了，口感仍嫩滑亦都留有肉汁_除咗螺絲粉之外呢度亦都有唔同飯類選擇，大家可以因應自己嘅食量選擇，螺絲粉有滿滿的吞拿魚食落去非常滿足_直到最後梗係要食返個甜品呀，除咗本身包嘅雪糕之外大家仲可以加錢轉呢度嘅心太軟，我哋都叫咗一個燉蛋白，味道都唔算話太甜，整體來講CP值好高大家下次黎到可以試吓

今次同朋友一大班細路去試下呢間餐廳。幾得意位置好闊落，同好多熊熊影相位。可惜因為疫情下有個小朋友圖書閣仲冇得入去。野食賣相幾好，西餐野，全部都好好食。之前睇過食評都係讚果個羅宋湯好飲。到我試下，真係唔錯，有好味道同足料。二人套餐都幾抵食。豬仔骨好讚，夠juicy 軟熟。幾樣小食都好好味，叫左薯條，洋蔥圈，雞翼。洋蔥圈平時小朋友唔鐘意食洋蔥佢地今次都有食。岩曬一家大小去食下，又無時間限制慢慢坐傾計。一點唔係幾好就係餐廳有比到小朋友膠餐具，即係ikxx 果d.朋友見到d 餐具好污糟同有異味，最後冇用到。

之前已經黎過一次，囡囡愛上左，每次都話要黎以到食野，今日我地就行完街過黎食野。餐廳以熊熊毛公仔為主題，好有童真，以家比較少有既主題餐廳，門口特別超級大既熊熊毛公仔，超級吸睛，以到影相打卡真係一流，餐牌有鐵板餐、兒童餐、沙律、頭盤、二人套餐，價錢合理。酥炸魷魚圈配檸檬沙律汁（$48）新鮮熱辣辣炸起，魷魚圈炸得非常酥脆，魷魚爽口法式香草牛油焗田螺（$50）田螺肉肥美，薯蓉夠滑，口感Creamy ，好香牛油味自家製生日版心太軟（$48）整得好靚，而且餐廳仲送左個生日帽比囡囡，以到既心太軟做得出色，蛋糕外脆內軟，一切開暖暖的朱古力流心一湧而出，非常流心清涼仲夏（$28）香草薄荷橙汁，薄荷味濃郁，透心涼熱情玫瑰（$28）玫瑰花茶熱情果，玫瑰味好香，玫瑰花突出，不算太甜。

放左工同想同朋友係附近餐廳食下野、傾下計，揀左坐得舒服的【熊小館】，之前食Lunch多人到爆棚，今次夜晚黎係另一番體驗。凱撒沙律 $64先叫個開胃Caesar Salad，生菜新鮮爽口，大量脆口麵包粒，加上Parmesan Cheese碎，香濃又清新口感。啤酒脆漿炸洋蔥圈 $48見到隔離枱叫左呢個炸洋蔥圈，雖然好熱氣又邪惡，但都係忍唔住叫左黎試。洋蔥做得好好食，去除左原有的辛辣味，保留左其香甜。脆漿混合啤酒，做出超香脆口感，無論熱食定凍左仍然好酥脆，而且油膩感不重，唔會食到成手都係油，沾少許檸檬汁和沙律醬可以減低罪惡感蜂蜜味BBQ豬仔骨 $140呢個價錢會唔會太抵食唔理咁多，即刻試左薯條先，每條香脆内軟，有少許煙韌口感，薯香超濃郁，有點喜出望外。豬仔骨腍滑入味好多肉，味道甜甜地，亦有香濃的燒烤醬味，陪襯薯條一齊食真係好夾。蒜片辣椒煙肉芫荽扁意粉 $69蒜片扁意粉係我其中一個最愛的意粉口味，蒜片經過煎炸至金黃色，香脆重蒜香。辣椒和芫荽的味道好突出，有少少搶味，建議可以咸少少，味道會更豐富，呢個Pasta勝在份量夠多，價錢較平。心太軟 $42最後以心太軟作結尾，如果跟餐加$28就食到，朱古

行完ikea買嘢行到好攰，去咗一間比較趣緻可愛嘅，熊小館食嘢， 之前有一次朋友生日過嚟食過一次嘢， 有個小型空間感既開放式房間， 坐到兩打人即係 24個左右， 老闆花咗好多心思喺佈置上面，每張枱都有好得意嘅熊仔， 入口位置附近呢都有個熊仔小廚房， 如果怕悶，兩個人可以去坐近窗邊，睇人玩滾軸溜冰。餐廳開放式空間有 私人空間感之餘位置鬆動， 可以俾人輕鬆自然relax一下。大讚一下，呢到果位waiter叔叔好nice....有親切感餐牌選擇非常多，可以點二人餐，扒餐抑或係散叫都得。👐鐵板肉眼扒薯條粟米粒套餐 142hkd 包餐湯，法包，餐飲 ( 橙汁 + 3hkd)一上枱加入咗黑椒醬汁，聽到沙沙聲 ，1.5cm~2cm 厚度，好難冇口感， 剛剛好六成熟， 兩部幾iphone size😂，勁勁勁多蛋白質，肥瘦比例好正， 牛肉紋理清晰， 薯條外脆內軟，份量多，一個男人食量，九成飽，配上甜甜地既粟米粒，口感豐富。👐軟殼蟹意粉 95hkd +28hkd set最正係個醬汁及香料， 紅椒，黃椒，綠椒， 意粉有牛油嘅香味，加左幾種菇類，茄子， 原隻軟殼蟹，豆苖，材料多元化， 軟殼蟹大大隻，豎左喺意粉中

係mega box 睇完戲，就順便黎呢到食🥰因為之前已經食過一次覺得好抵，同埋有我鐘意既熊仔，超級可愛！😚今次叫左個二人套餐，有哂前菜，main,甜品同野飲真係好抵！個餐湯好味好夠濃，個蒜蓉包好香好脆跟住簡左法式香草牛油田螺，呢個上次食過覺得好好味，今次再試真係完全冇失望😋必點跟住仲有蜂蜜bbq ribs，呢個份量好大，好鐘意個sauce，薯條粗身好有薯仔味意粉就簡左卡邦尼煙肉意粉，呢個個味岩岩好，唔會太咸，唔錯～甜品我地加左18蚊食心太軟😋😋岩哂我呢d朱古力控！😍😍餐飲簡左薔薇之戀係玫瑰花茶柚子，個味好清香唔會太甜Overall真係好抵食，間餐廳又好靚🥰見到佢下午茶時段仲有7折真係好抵，下次試下下午茶黎先！🥳

某天晚上朋友帶我去左一間好多熊仔既餐廳，叫做熊小館，熊迷一定會鐘意，因為可以同熊仔一齊坐又好多熊既畫同門口有勁大隻熊公仔迎接熊迷，地方好闊落好大，仲有個小朋友既玩樂地區不過疫情關係暫時關閉，我地坐低左响一個可以睇到溜冰場同冰球比賽既卡位，由於我地夜左去所以職員話心太軟已經賣晒，我地叫左個二人餐，有餐湯配蒜蓉包，田螺薯蓉小食香口，一碟蕃茄吞拿魚螺絲粉，好多吞拿魚肉，蕃茄配螺絲粉好開胃，之後仲叫左碟手切牛肉配薯條，牛肉比較煙韌，加埋黑醋汁都幾特別，薯條熱辣辣，再叫左炸雞翼小食，雞翼大大隻，飲品就叫左一杯爆谷紅豆冰，紅豆加爆谷既焦糖甜味都幾特別，另一杯士多啤梨橙汁，呢兩種味道又真係幾夾，幾好味，由於我好口渴所以我叫多左一杯薄荷特飲，薄荷味好fresh，味道不錯。仲有雪糕甜品食。

今日下午唔洗番學，就同朋友去九龍灣行下。本來諗住去德褔的，但估唔到三丶四點嘅時段都勁多人，行得唔舒服。突然諗起megabox，心諗要搭shuttle 先去到，應該會少人d 🙈🙈不出所料，megabox 冇人頭湧湧，行到7 點幾入黎呢間餐廳食， 重唔洗等位tim🤗🤗涷奶茶我哋兩個都係飲凍奶茶，佢嘅茶味比奶味重，唔會話過甜，飲落口可以飲得到茶嘅味唐揚脆脆雞翼呢個雞翼真係好抵食，50蚊都唔洗，舊舊都大大隻。佢配咗沙律汁同檸檬，個人比較鍾意檸檬汁。佢嘅雞翼皮真係炸得好脆，咬開入邊啲肉重好滑，又有肉汁，一啲都唔乾，配埋啲檸檬汁食真係好夾海鹽瘋薯條薯條係肥薯條，咬開入面係滿滿嘅薯肉，建議大家一嚟到就要即刻食，熱辣辣食係最好食的。我呢啲重口味人士覺得，如果海鹽再多啲就好了🙈🙈🙈意大利墨汁魷魚意粉幾好吃，魷魚唔會好銀好難咬，意粉亦唔會煮到林晒，唔係一夾就爛嗰啲。我keep 住起咁食，食到個嘴比d 墨汁整到黑哂🙈🙈🙈真係要同個冇形象包伏ge fd 黎先可以食到呢個意粉黑松露帶子黃金意大利飯賣相幾靚，帶子大大嚿，啲粟米又甜，配埋啲飯食一流，佢d 飯粒係仍然做到粒粒分明，冇話mix 左cream sauce

上年來過覺得幾好味，今次帶亞媽來据下扒。餐廳以熊仔為主題，熊公仔處處，小朋友望見實好開心，好合適一家大細來食。環境確實唔錯非常闊落，仲可望到人溜冰。價錢經濟上年至今無加過價，水準依舊好味。蘑菇忌廉湯配蒜蓉包 (跟餐)忌廉湯味濃郁，滑溜好飲。白酒忌廉煮藍青口 $68廿隻藍青口份量勁多，食極都仲有幾抵食，個汁偏重白酒味好香但就無咁奶油，作為小食前菜都唔錯。軟殼蟹牛肝菌意粉$95軟殼蟹炸得香脆，意粉份量唔少好飽肚，味道好夠，每啖都咬到彈牙菇菌，好足料下。鐵板肉眼扒 $148粗薯條外脆內軟口感味道極佳，配料鮮艷栗米粒、蕃茄、露筍、洋蔥皆見。主角肉眼扒厚切有十六安士相當大份，七成熟肉質軟腍，肉汁豐富，淋左黑椒汁非常惹味。紅豆POP-POP +$18不一樣的紅豆冰，飲到爆谷焦糖味，味道非常特別，甜美可口。熱情玫瑰有玫瑰花香，淡淡的熱情果味，適合少甜朋友選擇。自家制心太軟心太軟層次分明，外層微脆內軟，劏開朱古力漿流出甜度適中，水準不俗，作飯後甜品非常滿足。玫瑰法式燉蛋白 $25燉蛋面有層焦糖脆面，蛋白不算好滑，清清地的甜品。

今晚和家人到九龍灣megabox睇戲，見到同層呢個好吸引好多熊仔的餐廳，於是晚餐就決定入去食啦。餐廳內真的好多熊仔佈置和公仔，令到童心未泯的我好開心呢！其實喜歡熊仔也不一定只是小朋友專利，大朋友都喜歡的，餐廳內有好多大朋友來吃呢。法式香草牛油焗田螺，價錢＄50，焗得好香，熱辣辣，配埋牛油味香濃的薯蓉來吃，推介！法式蛋黃醬焗鮮露筍，價錢＄48，露筍焗得夠曬淋，但又不失水份，咬下仍然好鮮甜多汁，健康之選。黑松露忌廉汁煙三文魚天使麵，價錢$92，天使麵好多忌廉汁，不會乾晒水，而且多菇菌，三文魚捲成玫瑰形。美國安格斯牛肩扒，價錢$158，牛肩扒比牛扒稍硬身，但仍有口感的，而且扒身厚切，肉汁鮮嫩，不錯的，同埋仲有薯條的。餐廳仲有二人餐供選擇，飲品款式亦頗多，還可以望到冰場，放輕鬆的一個好地方。

今日同食肉獸男友出到嚟九龍灣MegaBox呢邊拍拖行街，行到腳軟就搵野食，竟然比我地係11樓搵到利間熊小館🐻熊全部都係熊呀😍充滿童真嘅我一野就拉住男友衝左過去，等咗一張枱就入得去啦，仲要勁好彩咁樣俾我哋坐到靠邊位，點解會話勁好彩呢？因為可以望正溜冰場，而更更更好彩嘅係今日竟然有冰上曲棍球比賽睇🤤同熊仔一齊睇比賽 感覺好正呀❤️❤️講下今日既晚餐食左咩先🤤我哋叫咗個二人套餐餐湯係勁足料既羅宋湯加牛油法包，真係唔係講笑㗎，超足料，而且羅宋湯個味到調得啱啱好唔會好酸，個包又脆卜卜👍🏻頭盤小食我哋揀咗法式香草牛油焗田螺，呢個真係好意外地滿意，田螺連埋薯蓉一齊食個味道超夾👍🏻主食我地就揀左厚切小牛扒同埋芝士焗蜜桃汁去骨雞腿飯😍開頭仲以為牛扒會好細份，點知原來勁大份，我哋揀咗七成熟，呢個熟到啱啱好，煎得好靚，咬落唔韌，質素高👍🏻👍🏻蜜桃汁雞腿飯超開胃，甜甜地，啲雞腿既肉好嫩滑😍😍我哋另外仲叫多咗份雞翼😁😁因為我最鍾意就係食雞翼，所以點都要食😋啲雞翼炸得好香，唔會好厚粉，真係好正🤩飲品方面我哋就嗌左橙色派對同埋爆谷紅豆冰🥳男朋友話橙色派對反而啱女仔飲啲因為清清甜甜，但我真係勁鍾意佢杯爆谷紅豆冰，味道好夾

大人小朋友都喜愛既熊啤啤餐廳熊小館，未入門口已經比門口個兩隻大熊啤啤吸引。7點到達已經9成滿座。餐廳裝潢四周都擺放熊啤啤，比熊啤啤包圍，食野都開心D，另外有間房入面佈置都好有心思，餐廳除左有好多熊啤啤，原來仲有kid’s corner 可以比小朋友入面玩，但由於疫情關係所以暫時關閉鐵板肉眼扒送餐湯、牛油法包、咖啡或茶（轉特飲+$18）羅宋湯&牛油法包牛油法包仲好脆，蒜味香濃，另外羅宋湯好足料，酸甜適中，都幾辣肉眼扒點了5成熟，份量十足，好大塊，5成熟剛剛好，肥膏位及筋位不多，牛味濃郁，肉質軟腍草子莓莓-顏色好靚，士多啤梨橙汁，甜度適中玫瑰法式燉蛋白-法式燉蛋白夠滑

熊小館今日收工去開MegaBOX搵個老朋友見到間主題餐廳都幾好環境大又唔係太多人一路食飯仲有隻熊仔陪你鐵板餐都只係$105起，真係好超值！紅湯夠味，一定唔係水溝。蔬菜喺入面，仲見到有牛肉蒜蓉包好香脆又熱辣辣鐵板西冷好多配菜，份量十足！好多薯條又好好味西冷7成岩岩好，唔會老，份量都超級大好岩食肉獸既我心太軟流心效果，暖暖的熱朱古力醬流出味道不太甜依個價錢食到鐵板又有好既環境，CP值超高店員非常友善同有禮貌，服務好好下次要再食過，因為好滿足#liukahin@gmail.com #93575555#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comme

耐不耐就會黎熊小館到食下，一來是店內滿滿的小熊深得小朋友喜歡，二來價錢十分親民，食物選擇又多。平日的下午更是超級抵食，一點半後九折，兩點半後更有七折！是日放下晏，當然是等到兩點半才入座啦，呵呵～平日下午人流不多，基本上可自由選位。店員見我只有一位，安排了跟小熊合座，這位置一向很受歡迎。點了全日套餐，再加了餐湯，是日係蘑菇湯，很香的菌味，再配上牛油香草多士一件，簡單又美味。餐飲要了熱檸茶，檸香茶濃，好飲。主菜點的是烤美國牛肉漢堡包配賓尼廸蛋炸薯條，即點即整關係都等左一陣㗎，上枱時香噴噴，正啊。厚厚的漢堡肉，煎得香口，入面仲有肉汁不乾身。蛋汁呀～勁好味！仲有荷蘭醬同沙律醬，至鍾意多醬！漢堡肉+蛋+生菜蕃茄，完全組合，唔少得塗了牛油的麵包，同樣煎過很香脆。薯條炸得香口，鹽略微多了點，哈哈，重口味。還加了甜品，是奶凍啊～滑滑的充滿奶香，上面有一個不太可愛的圖案，哈哈，店員盡力了～兒童區，有不少玩具及圖書，因為疫情影響下暫時關閉了，可惜呢。餐廳很大的，還可以包房辦生日party。周圍都是熊熊裝飾，除了小朋友，大人也會心動吧。