煲皇 (已結業)

出去食飯真係最怕菜唔新鮮，見到友人網誌有間新野亦唔錯，所以心血來潮昨晚四個人去打打邊爐，其實最想就係試果個"火焰海鮮鍋湯底"！去到睇到個格局真係唔會想像到ｄ食物質素咁好！可惜美中不足係無我最想試既"火焰海鮮鍋湯底"！！但，我地卻試左個"滋陰海底椰湯底"，而佢地就介紹沙爹湯底，咁我地就兩樣(要加$10，因清湯+沙爹就不用加錢)！點知一拎埋黎，就嗅到椰子既香味，飲一啖簡直可以話係自選推介囉！一開始我地叫左個抵食刺身拼盤$118 (新鮮到暈)，跟住就係好抵好靚$38既菜籃(貪佢咩都有，又平)、牛腋(超正!)拼牛柳粒(一般)$150、牛胸尖(得意之作，都唔錯)、魚腐(er..一般)、白鱔片(超大片好厚肉好味道！)、三芝丸即牛肉、蝦及墨魚芝士丸(新鮮手打，蝦丸好彈牙！)、四餃即雲吞、九餃、水餃、魚皮餃(即包，超新鮮)、黑柏葉(好夠份量)最後啤酒、可樂各1支，４個人埋單$750，我唔覺得貴，因為好難搵ｄ咁新鮮既打邊爐既地方。遠都直得山長水遠再去一次！服務又唔錯，因下次我一定要試到火焰海鮮鍋湯底為止！晏少少post 相比大家睇！

因為朋友介紹，我們一行10人去了這裡打邊爐！地點實在有D山卡啦，都幾唔方便。不過好唔好食至係最重要！那裡的地方有點兒迫，而我們那麼多人，所以坐得有點兒不自在。我們叫了一個火焰海鮮鍋湯底，很有排場呢！不錯不錯！醬油配料是自己混的，也很好！因為我們太多人了，點了很多野食，太多了，已經不記得exactly食左d乜！不過最深刻就是牛肉，真的很好味，還有不同的部位揀！食物的種類也很多，連花膠也有！可惜除了牛肉，其他也只是普普通通，我想我很難會再去第2次！但如果住石塘咀，我想這裡也是個不錯的choice

見呢間開咗無耐,就去試下~~total 5個人,要個香茜皮蛋湯底($38),兩碟大嘅牛肉雙併(牛頸+牛脊,$138each),一碟鱔片($58),一碟四寶丸($58),一碟花膠($58),一碟韮菜餃($48),兩兜西洋菜($25 each), 一個雜菜籃($38),仲有唔記得幾多枝啤酒...全部嘢都好新鮮,尤其個牛肉&鱔片,掂呀~~衰就衰在個位,如果唔係住附近同成日經過,根本好難知道有呢間嘢存在...