煲皇 (已結業)

本人食過個人覺得最好味既火鍋唔o係香港. 因為冇再去, 所以好耐未食過火鍋料夠多選擇, 又好味, 而且麻辣湯底都好味既火鍋.上星期同兄弟姊妹6人去煲皇. 係第1次. 就令我好滿意, 因為以上所講佢都有.手切牛肉. 我地 end up 食o左 3大一小. 大真係好鬼大碟.要肥d既食牛腋, 要廋d既有牛頸牛脊. 人人唔同要求都滿足到.我特別鍾意既有: 魚腐, 冰豆腐, 魚肉釀油條. 呢d唔係咁多地方有, 魚腐, 冰豆腐食麻辣湯底必食. 十分正. 個魚肉釀油條都正, 魚肉已熟, 所以落湯浸下就食得, 索左d 湯, 油條仲脆卜卜架.仲有d芝心丸, 唔同丸配芝士, 喜歡芝士既我當然十分喜歡.

一班大食之男又再出動,個個都係第一次嚟,一坐低環境光猛企理,唔會同後面枱背頂背,好!侍應阿姐招呼甚好,有笑容,唔錯!十個人兩個湯底,一個唔記左名,有花膠,另一個係火炎海鮮湯,上枱先點火,將海蝦,花甲等,蟹等材料燒一燒,再倒入湯,食落海蝦彈牙有鮮味!正如其他食評所講,牛類係主打,全枱人至愛牛腋,叫完一碟再一碟,仲要一碟靚過一碟,點停囗?正如友人所講：使乜食和牛!其他食物叫左韮菜餃、芝心牛丸蝦丸、四色丸、四色餃、大大隻生蠔、冰豆付、百花釀油條…全部都甚有水凖,絶非一般廿蚊碟火鍋貨色・

同老公偶爾經過西環，去煲皇試試。牛肉個樣都OK，但食落就唔多得，似冰鮮牛多D。完全令人失望，打邊爐最重要牛肉嘛！！！海鮮OK，普通野。個湯底，叫左個海底椰，無MUD 料，水汪汪。都尚算有椰香。雖然環境不錯，但D野真系差D lor總括來說，我自己就不會再有第二次。

是晚得八度，凍冰冰想打邊爐，朋友又想食啲有特式有心思既火鍋，諗都唔洗諗，就黎左呢度，三個人，叫左好多野：1) 牛脊併牛頸 ($158)：好濃牛味，有咬口2) 牛邊併牛腋 ($158)：一試之下，發覺牛腋超好味，肥瘦相間，不單好香牛味，仲好滑！3) 野生竹笙 ($48)：好大條，好爽口，顏色自然，靚貨！4) 冰豆腐 ($28)：好出色！唔會雪到成舊冰咁，切得夠厚，質地一層層富彈性，夠豆味！5) 手唧魚麵 ($28)：雖然魚味唔濃，但吸晒湯既精華，而且又彈又滑，好食！6) 蝦滑併墨魚滑 ($78)：墨魚滑有墨魚味，富彈性；蝦滑相比下略為遜色7) 白鱔片 ($72)：份量一般，切得唔夠厚，有鱔味，但唔彈牙，食落唔夠油份，應該係條鱔唔夠肥美喇8) 脆鯇片 ($28)：亦係切得太簿，無一般脆鯇既脆，鯇味亦唔特出食物中，以牛既食材最出色！其他亦係水準之上，湯底方面亦有好多選擇，我地亦有好多種想試：海底椰鍋、胡椒豬肚雞腳鍋、百芷天麻大魚頭鍋… 服務方面，係事頭婆較粗聲粗氣 (可能太多客，太好生意喇！)，其他伙記大多笑容滿面，服務殷勤，good 呀！

有一天翻閱一本介紹火鍋店的舊雜誌，發現有一家開張不久、而肥牛著稱的店，就開在住處附近！思索良久，原來就是某天開車時經過、位於山道大斜路的店家。這天專程到那兒吃個late dinner，順便走走斜路，運動一下。一到達門口，未看店內，先見到門前坐著的是劉家輝師父，正和朋友打牙骹。十時都要等位？幸好不是，但店內也是大半滿。我跟同伴說，就以五百元為預算，痛快吃一頓吧！翻閱餐牌，發現她的招牌貨 － 牛 － 有四類供選擇：頸、脊、邊、腋。（有些同業如英記等，頸脊是合為一種的）小碟$118、大碟則$148，嗜牛的我們點了大碟的頸腋雙拼（需另加十元），還有少見於他店的牛胸尖（$58）。另外點了百花釀油條（$58）、芝心三寶丸（$78）、花甲（$48）和蔬菜籃（$38）。湯底的選擇是海底椰（$58），顏色帶奶白，跟在別處（如德興）的同類湯底很不同，下了椰子肉，飲落有點椰汁味。牛肉來了，新鮮沒話說！一如老闆娘介紹，牛腋確實比較肥美，入口柔軟、稔滑即化；牛頸當然不是指別人頑梗的性格，而是另一個美味的部位；但口感的確帶點那種勁度（卻並非韌）。兩款牛肉，就好像兩個脾性完全不同的朋友，各有各討喜，卻同時需要人閉起

...煲皇宜家愈黎愈多人......頂枱都要8.30先有位.....即場WALK-IN....要預左有掛等...除夕夜, 兩個人book左枱去煲皇打邊爐, 兩個人食左:冬瓜瑤柱花膠湯底唐生菜水餃皇手切本地牛邊(大)墨魚滑食完仲有生果送返比你食..正埋單 $393 for 2....D 牛真係好正, 食得開心o既一餐, 除左牛邊..仲有牛脊.....鍾意食牛o既一定要食呢兩個

Agree with the comment below with the quality of their food. All the food, especailly the beef are fresh and yummy, and the sashimi is reli reli delicious. With quality food and fairly nice environment, $150 per one is a good price.The only drawback is the location. it's hidden in the middle of hill road which is quite difficult for non-western district ppl to reach.i would definately try this restaurant again.

Yesterday 16peoples hot pot here, having 2 big tables. Place there are nice and clean. Many space between tables. And the beef there are good. Got many different part of beef you can choose. We've tast it all and I think the beef neck part tast the best! All other things a good too. And the price are ok, by around $170 per head. Fair enough as the food they serve. Also got many TV around, ha ha ha, Very good resturant!

琴晚我地一行三個大人加一個小朋友去, 地方乾淨企理, 仲有唔會夾到手指仔既高櫈仔俾小朋友添, 讚! 講番食物, 先叫左個木瓜魚尾湯底, 木瓜, 雪耳同埋粟米都好足料, 而令我地最驚喜既係條魚尾, 居然同個煲一樣咁長, 勁呀~ 第一回合我地叫左牛頸+牛脊拼, 鮮雞件, 娃娃菜, 粟米, 黑柏葉同埋鵝腸. 牛頸+牛脊都好嫩滑, 雖然有少少肥但個陣甘香味實在令人欲罷不能, 好快我地已經清左一碟 (隻碟有一隻黑膠唱片咁大, 仲要中間係無生菜絲, 無蘿蔔絲甚至冰塊”浪”起既)!! 至於黑柏葉就very good, 好爽口只係賣相差啲, 因為真係好黑!! 娃娃菜同粟米無乜特別 (其實可以有乜野特別呢?) 只係粟米比較細段囉. 鵝腸一向係我地既至愛, 呢度既鵝腸雖然細細條但勝在脂肪夠多, 烚熟後仍然爽滑. 第二回合我地叫左羊片, 芝士三寶丸, 烏冬同埋一碟牛邊併牛腋, 個羊肉片好滑好有羊味 (即係有羶味), 芝士丸都ok但我覺得芝士味爭少少, 不過食得出啲丸係手打既, 因為好彈牙! 至於牛邊同牛腋, 我只係試左牛邊因為實在太飽… 總括黎講, 我覺得要行一條斜路先至黎到呢間舖頭係值得既

昨天是我的生日，一班人去煲皇吃魚生打邊爐。火鍋先上，牛丸第一口咬下，內竟有芝士味！有點不新鮮的感覺，當然叫待應來問清楚。他們說他們有一種特色的芝士牛丸，可能弄錯，牛肉是我的至愛，於是再叫一碟，千叮萬囑一定要原味。不過，再上的也被芝士染污。經理解釋可能打牛丸時不小心混入芝士…唔係呀？！成餐飯立即無哂興致。牛是我至愛的食物，當然清楚靚牛的層次感和味道，不能蒙混過關。但最失望的是同桌沒有什麼反應，大家也分辦不出調味還是肉本來的味道，深感孤寂。

未食過一間火鍋店有咁多牛揀: 有牛背, 牛頸, 牛舌 etc.. 雖然佢話有分別, 但我食落真係覺得樣樣都好滑~ 每樣菜都有heart 做到最好~ 例如普通的鵝腸, 我唔食真係唔知鵝腸都有高質素的! 相比起其他連鎖火鍋店, 呢間真係專業夾新鮮!環境方面比較適合大班朋友或家人去, 也岩慶祝場合, 因為佢有幾間套房, 氣氛十分不錯~喜歡打邊爐的朋友, 怎能不試?

上星期同朋友食煲皇, 真係好 surprise ! 啲食物可以咁新鮮!!芝心三寶丸用嘅牛丸。蝦丸。墨丸都用鲜肉做！！！有誠意！！牛肉滾完好耐先食都好軟好食！！！！仲有沙嗲鍋 !! 真有味！！我哋坐樓下嗰層，地方好光猛，好乾淨！待應都好快幫到手！諗唔到有咩唔好的確地方，唯一可能是地點不太方便，如果唔係在附近探朋友都唔會近石塘咀。但係呢間野真係食過番曾味！！一定會再嚟！！

今晚一家人去左呢度打邊爐之前已經想試下, 點知個次冇位, 所以走左今次就有位lu, 因為佢地開埋隔離下面間舖地方大左, 又坐得舒服佢地d野食都唔錯, 幾大碟我地就叫左以下食物1) 手切牛脊 --- 都okay(2) 牛脷 -- 呢個我覺得正(3) 炸魚皮 -- 咸左d(4) 雲吞 -- 粒粒入面都有2隻蝦, 少少肉, 幾好味(5) 魚皮鮫 -- 一般(6) 鵝腸 -- 呢個正到爆, 好多肥膏架(7) 墨魚滑 -- 呢個抵, 食極都好似食唔完咁(8) 冰豆腐 -- 一般(9) 豬皮 -- 一般(10) 豬面青 -- 麻麻地(11) 油麥菜 -- 唔太新鮮, 同埋好碎(12) 珊瑚蚌 -- 一般(13) 豬潤 -- 唔苦, 好大碟, 食唔晒整體黎講, 真係唔錯, 可以試試, 同埋下次都可以再去佢地而家beer都好平呀, $15 已經有一枝大啤, 有藍妹, 嘉士伯,....等等仲有佢地而家三文魚刺身做緊特價

上星期一行五人到煲皇食野叫了火焰汤低，牛肉，四宝丸，sashimi牛肉看上去很新鲜但吃下就没什么味道。真令我怀疑那些是不是安格斯牛肉，而不是所写的本地肥牛。如果是安格斯的话，那就很不值了！（因为安格斯比本地便宜！！！！）讲真，其他野麻麻地，汤底就只是火焰特别而已，食落好普通。sashimi 就几新鲜。。。价钱有点贵！可能不会再去。

今晚終於試到火焰海鮮鍋湯底！皆因我早五日前打電話去訂，問題清楚肯定有就帶住期待既心情去試！首先唔講食物，什麼叫賓至如歸真係完全感受到！上次去食係二月尾，事隔差不多個半月，唔知係唔係老闆娘，佢居然認得我，我真係覺得佢好勁，亦都帶比我上述既感覺~賓至如歸~!!(其實我好buy呢種感覺)食物質素無變，只係個菜藍好似縮少了一點點，而menu就較之前清晰左好多，火焰海鮮鍋湯底真係好好好好好正！好有酒味，頭兩三輪既食物都帶有好勁既酒味，尤其開頭浸住黎煲既蟹同蝦，真係至岩我地"好酒之徒"！有兩個朋友食左兩輪話有ｄ醉既感覺(佢地少飲酒，唔知會唔會因為咁而有醉意)，正到暈～～～！(是晚湯底$188,唔知會唔會係睇時價，因為menu無打價錢的)桶蠔好正，大大隻好好味，上次介紹朋友黎食過紐記既珍珠蠔話好掂，可惜今次無訂到~沽！反而試左美加生蠔(唔記得咩名)，大大隻，海水味勁，都幾咸(可能我唔係好慣食海水味勁既蠔喇，呢樣就睇個人口味喇)，脆鯇真係幾爽口，今次既三芝丸好似好味過上一次添！今次ｄ餃食唔哂打包走，另外飲左成十幾支啤酒，五個人食左唔少野，$225/per head！下次要試下其他湯底先得！(今晚無帶相