煮打菜打冷小菜館 (已結業)

今晚走左黎筲箕灣搵食，上網見呢間近地鐵站，評分又幾高既打冷試下！跟住地圖黎搵，好易搵到！每次食打冷餐廳，都必叫滷水拼盤，今晚2個人食，叫左個細既，入面有墨魚，紅腸，腎，腩肉，大腸，生腸，豬耳同鵝腸。滷水汁味好香又唔會滷得太咸，每款野都有幾舊，2個人食岩岩好呀！辣椒油香但唔辣的！腐乳炒通菜: 通菜炒得靚！蠔仔粥(碗):2個人食唔到一鍋啦，所以叫一碗岩岩好！蠔仔好大隻，食落都有蠔味！蜜椒薯仔牛柳粒:呢個貌似普通，實際不得了，真心好食！薯仔外脆內軟，加埋蜜汁甜甜地，超好食！炒牛柳粒係街食，好易煮到過硬，但呢個係用左好似薄牛扒既牛柳肉，所以無煮到硬，仲令蜜汁有啲入味！呢間水準唔錯，下次我會帶朋友屋企人再黎食！

個名叫得做打冷小菜館，所以我嚟都係主打食打冷嘢，叫咗3個打冷的同1個小炒的菜1.鵝片鵝腸雙拼$118 - 都幾大碟，鵝片有肥有瘦，肉質ok，d鵝腸就完全無肥膏，無咗陣香味，個人鍾意食肥就不合胃口😆，個滷水汁幾好味，加埋墊舊豆腐幾滑，全部食晒！2.潮式爆花蠔餅$78 - 好大碟，超多蠔，d蠔大大隻，最like係每啖都食到蠔，唔會太多粉漿，真係好味，大碟到食淨少少添😋😋3.蠔仔肉碎粥一碗$42，除咗大大隻蠔仔同肉碎外，仲有冬菇絲同冬菜提升不少香味，不錯。4.飲食均衡d，加個菜同想清清地，就叫咗個魚湯海味浸莧菜 $78 - 有銀魚仔，魷魚，蝦乾，冬菇絲同其他海味乾，好足料，份量不少，ok嘅

難得嚟到筲箕灣，見呢間中菜好多好評就嚟食個夜晚啦😝7點左右到唔洗等位，晏多小小都要排隊嚕😅 首先嗌個細嘅滷水拼盤，有d腎片，鵝腸，紅腸，豬大腸等等🙆🏻‍♂️ 個人最愛腎片，好爽口👍🏻之後嗌左椒鹽豬仔脾，有成5大隻🐷好香口，帶小小辣，偏乾身😌送酒一流！茄汁大蝦🦐🦐個汁幾開胃，酸酸甜甜嘅😌不過d蝦唔太新鮮，有d霉🤦🏻‍♀️黑椒薯仔牛柳粒🐂🐄薯仔外脆內軟，帶蜜糖香，好好食！牛粒亦幾好咬，易入口，又香！最後嗌左上湯白菜仔，幾fresh! 唔好淨係食肉呀嘛🐉

總是有時突然好想吃一些煮家菜，這間主打菜除了是一間潮州打冷，還有一樣很特別就是它的銀魚爆牙肉餅拎過獎，吃過非常讚，今次特別再來吃多次銀魚爆牙肉餅，用料非常之多，單睇都見到好多魚仔係面頭，肉餅彈牙厚肉，汁爆多，非常入味，食幾多都唔夠，最岩拎黎送飯，不愧係得獎的肉餅芝士焗大蝦伊麵，芝士同大隻係面頭焗得微焦，芝士味濃，伊麵唔會爛口有少少彈性，大蝦蝦肉冇霉爛而且夠大隻，陣陣芝士味，但又唔會太膩，芝士迷可以一試！蒜蓉牛油蜆最重要係蒜蓉夠多！D蜆全部新鮮冇咩沙，而且夠鮮甜，蜆肉唔會過細，蒜蓉味超香，令人食唔停口，除左豉椒炒蜆之外，蒜蓉牛油蜆都係一個好好既選擇！潮州菜館其實少不了既係滷味同蠔餅，呢兩味係煮打菜既水準都不錯！但下次再吃吧，一個人食唔到太多

成日都去筲箕灣東大街搵食實在有d悶，所以今次explore 下附近嘅餐廳。甚少食中菜嘅我成日覺得要配碗白飯感覺似喺屋企煮😂😂所以我今晚都係貫切始終：食粥都唔食飯！我估計呢間煮打菜主打打冷野（講完好似無講） 😂但實質佢嘅蠔仔粥同蠔餅出色到我會想返轉頭！認真我都未見過d蠔可以咁大粒用黎煲粥，當中的肉碎和酸菜令粥底變得好好食。蠔仔嘅鮮味都滲左落去粥底度，令呢碗索價只需40幾蚊嘅粥變得不平凡。第二個想推介嘅都係潮州嘢～蠔仔餅！同樣地，呢間鋪頭嘅蠔真係正正正（重要的事重覆3次）。薄脆嘅口感證明蠔餅無加入多餘嘅粉漿。蛋同蠔味跑出，食落去蠔仔仍然肥dude dude 漲卜卜😏😏成隻手咁大。。另外今日海鮮胃口大開嘅我點左蒜蓉牛油焗蜆。用小煎pan上菜嘅感覺專業。蜆每隻都有手指公咁大左右。賣相好好，如果唔係追求豉椒炒咁濃味的話，呢個亦不妨一試最後當然要點個健康嘅菜中和下！減肥最怕醬汁好濃，呢個清淡嘅節瓜粉絲煲個汁望落都唔油。不過由於我自己成日煮菜，係屋企我鍾意將節瓜切粗身d，會更有口感😋✌🏻總括黎講呢對兔夫婦嘅綜合性價比評：7👏🏻👏🏻👏🏻👏🏻下次再黎我想試拼盤啊(●°u°●)​ 」

今日去咗筲箕灣到探朋友， 唔想朋友辛苦煮一餐， 就去左樓下度食嘢，咁岩好耐冇食潮州野，就食呢間-煮打菜啦太耐冇飲住家湯，呢到有就試下啦: 花生眉豆煲雞腳: 有健脾和祛濕既功效。豆類煲到好林，好似媽媽煲既湯，足料好味豆豉鯪魚炒油麥菜: 鯪魚既油份同豆豉既咸味,令油麥菜更入味。而且仲有一舊舊既鯪魚，夾住油麥菜一齊食，更加有咬口。最重要呢個菜唔太油，好食鹵水鵝肉: 潮州菜必食鵝，鵝片，肥瘦適中、肉質鮮美。墊底豆腐，豆味濃厚。最後店員介紹荷葉鮮魷蒸肉餅: 用荷葉墊底，原個籠放入爐蒸，上檯已經聞到好香荷葉味，最重要夠熱。肉餅厚身彈牙，雖然冇落豉油，但夠入味。鮮魷份量夠多，出奇地蒸完鮮魷都唔乾身。用黎送飯一流。果然係得獎名菜，名不虛傳食完呢餐後，感覺好似返左屋企食飯，好好味，下次屋企聚會可以黎食

上文提及: 抵食爆牙肉餅餐喺台灣食過蚵仔煎發現蠔餅好味過佢億倍so I'm here仲想打冷,不過午市冇...上層比較鬆脆, 下層就大大粒蠔~好大塊蠔餅, pizza size但椒鹽九肚魚更加好食~金黃外皮夠乾身, 脆卜卜~椒鹽份量恰好~~一上枱已經feel到佢嘅熱~急住食幾乎燙傷脷~九肚魚好鮮嫩, 帶啲脂肪, 溶成魚油好香~骨頭都好脆身, 唔會刺親口~細細件但大大碟~易入口, 又食飽飽~~卡位好闊落~店面都大, 但要行樓梯入, 帶老人家嚟要注意~

煮打菜其實好易去, 就喺天悅後面轉右。但唔係開喺正街所以熟客幫襯為主。肉餅正價要$88架, 午餐只係$45!跟大碟飯同飲品, 肉餅仲好大塊添難怪電廠工人當正佢係飯堂爆牙!我終於知係咩一直以為係啲人改埋啲怪名吸睛XD肉餅好似肉丸咁彈牙, 仲會咬到啲脆脆地嘅嘢原來係豬耳嘅軟骨!!!屋企絕對唔會做到呢種微妙嘅感覺。咁食令肉餅食多都唔覺漏~上網check過, 呢個肉餅仲加埋海蜇, 等佢爽口啲梅菜甜味滲入豉汁, 送飯一流~lunch真係幾抵食, 份量特大, 最啱share午市低消$36以為我食得一個set?錯喇, 下篇就係豪華版

To a Kowlooner, Sau Kei Wan is a far place. There arent any specific attractions and I just pass by maybe once a year when go to Stanley.However, I came here yesterday for a Chiu-chow restaurant recommended by my good friend. The restaurant location was convenient - less than 10mins walk from the mtr. It was around 8pm upon my arrival and there were quite some people waiting. At the entrance, there were many photos of chef with celebrities. There was also a board saying the restaurant won an Ope

通常 d 人係筲箕灣都係會去東大街搵食， 其實周邊都有好多特色食市， 係天悅筲箕灣廣場隔離條街呢間連"街坊廚神" 都介紹過嘅煮打菜， 今晚老公想食小菜喎， 哈哈~~ 老公一坐低就話要啤啤佢， 馬上就叫咗支Asahi嚟飲先， 雪凍咗嘅杯嚟飲啤酒一流。 睇睇餐牌， 有好多好特色嘅菜式喎， 可惜我地得2個人， 都唔可以叫太多， 唔可以做大嘥鬼嘅。 第一樣叫嘅緊係我最愛食嘅茄汁老虎蝦啦， 大大隻嘅老虎蝦真係啖啖肉，茄汁味道啱啱好， 仲完全掛住成隻老虎蝦， 好味。 跟住就係老公想食嘅古法蒸多寶魚， 多寶魚最 good係因為佢無咩骨， 而且肉厚， 古法嘅冬菇瘦肉味道濃。 一餐飯點都要有菜嘅， 所以我地叫咗鮑片野菌扒油麥菜， 鮑片野菌好出味， 芡汁啱啱好唔太鹹。 3餸1飯再加啤酒， 呢餐食得好飽飽喔！

我同個同事放工在附近行下，見到呢間食打冷小炒所以就入去醫肚。六點幾D位已經好滿，好在二人枱剛好唔駛等位！😌入到去本來見到D滷水鵝好想食但係我同事又話想食蠔餅所以就叫咗個潮式爆花蠔餅。個蠔餅都幾大份，炸得都幾香脆，D蠔都幾多又鮮味！好耐冇食過咁有水凖嘅蠔餅啦！😋黎到見到佢哋攞咗獎嘅招牌銀魚爆牙肉餅啦！肉餅份量都幾大份同個肉餅係用蒸籠蒸，連個籠一齊上，一黎已經覺得好香同好夠熱！食落真係名副其實好彈牙又冇咩肥肉，又有荷葉嘅香味加上銀魚仔真係好夾!正！👍🏻食咗咁多肉點都要食番D菜，伙記亞姐勁好，介紹咗佢哋嘅廚師推介啫啫通菜煲比我哋！個通菜煲都幾多料！有肉碎同好多蝦乾，食落好惹味！送飯送粥都一流！😋我就鍾意送粥，佢個粥真係好綿好正！👍🏻

今晚又去 skw 開飯，skw 好多小店，小菜都好出色，今次去煮打打冷，成日都見到有人排隊，今日剛好有檯，感謝食神！首先要個真芝士拉絲蝦丸，食第一粒嗰陣時啲芝士熱到辣親個口，真係拉到絲，我二話不說，拍左4粒！滷水鵝片鵝翼好大碟頭，滷水好入味，鵝翼都好鬆軟，唔會硬實實咸蛋籠仔荷香蒸爆牙肉餅，肉餅好爽口，佢冇落豉油都好入味！ 發現原來佢加左豬耳同海蜇落去打肉餅，唔怪得知咁鮮味咁爽口啦！ 爆牙就係咁解！呢個送白飯一流，我見差唔多每檯都有點！蒜蓉牛油焗蜆，好 fushion，冇咗平時炒蜆個種鑊氣，不過蒜蓉同蜆更加混為一體，係一個不錯嘅新嘗試。都大碟頭，兩個人食都仲要打包走，適給一家人開飯。

去到筲箕灣好多人都會覺得淨係得東大街有好嘢食。其實天悅對面有間叫"煮打菜打冷小菜館"都好值得去食雖然話打冷菜館...但打開餐牌發現有大量小菜選擇見到佢哋個肉餅好似攞晒獎咁 我就叫咗個"籠仔荷香蒸爆牙咸蛋肉餅"一切個肉餅嘅時候見到啲肉汁喺個餅裏面滲出嚟,食落口因為塊肉餅有一定嘅厚度所以做到一個好豐富嘅效果再加上有一啲脆卜卜嘅爆牙，真係抵佢攞獎再嚟就到呢味"豉油皇炒老虎蝦"個侍應攞緊埋嚟嘅時候已經聞到陣陣嘅豉油香，炒得乾身之餘蝦肉都可以保留到肉汁！一個人橫掃4隻"鵝片拼鵝翼"有時出面食鵝翼好多時都會滷水味同鵝翼嘅味道係分開咁，但呢個食到每舊肉都有滷水嘅味，好好食～～～真。芝士拉絲蝦丸蝦滑打得唔錯，超彈彈！絕對唔會有實的的嘅情況，重點啲芝士係流出嚟㗎勁好食！

今天午飯時間特登來食小菜，進入食店的第一感覺就跟以前在九龍灣返工時在工業大厦的飯堂模式一樣，雖沒裝修但總算整潔。逗留了短短一小時，已有很多藍領白領進進出出。幸好我們12:30到，不須要等位。今天4個小菜當中，兩碟炸的勝出。除炸得有水準外，味道好，性價比高，值得推介！風沙金錢鱔，每件鱔都算肉厚，炸後仍食到鳝本身的油甘香。肉質亦彈牙，佐酒之選！潮式爆花蠔餅一看就知香脆，煎炸得很乾身，蠔仔不腥，粉漿不厚。當然不可不食此店必食之選"彈牙肉餅"，但由於已叫了半隻湛江雞，所以只好在午飯套餐中選一個蒸肉飯套餐，份量相對少，可以一嚐但又不會太多肉。蒸出來的肉汁一點都不油，所以肉餅彈牙原因不是有很多肥肉在內，而是師傅加了豬耳令肉質有彈性。湛江雞略遜色，味遍淡，好靠當中的豉油汁提升味道，汁裏有很濃的黃酒味。因今天只有3人分享，不能試更多菜色，但大家已決定再找一晚約多幾個朋友一起來食下飲下，一樂也。

家住筲箕灣，好多街坊都話呢間潮州美食小菜夠巧手，今晚無人住飯，獨個兒來搵食。小店是典型打冷式飯店裝修，比大排檔食得舒服，起碼大熱天時唔會食到身水身汗。好想食肉餅，店員介紹呢個銀魚爆牙肉餅，好想食。一食真係巧手！肉好彈牙，蒸到好有肉汁，入面有D馬碲粒，加上上好的銀魚仔，還有芫茜蔥粒，淋上惹味生抽後，層次一流，又鮮又有肉香又彈牙爆汁，如此家常菜做到咁好，足見師傅功力十足，真係高人也。另外叫了一個久遺了的蠔仔粥，蠔仔比較大，但十份鮮味，去腥做到足，食到有方魚碎味道，加上濃郁蔥香和芫茜香味，加上胡椒粉香，呢款鮮到震蠔粥，係必食潮物。還有個例湯，菜乾煲豬骨，清甜潤喉，無咪精，好潤。心想我都應該跟佢地學下師啦。