焱丸水產 (已結業)

焱丸水產係銅鑼灣有分店，非常方便就食到日本地道感覺帆立貝厚切~質感仍然綿綿細密~好有彈性帶出鮮甜既味道海膽是日本貨色~size比加拿大既海膽細塊，但係鮮味回甘香味完勝超好味又唔腥必叫呀！！三文魚中卷~看似非常普通平平無奇！但係有意想不到既感覺~黑魚籽帶來質感既衝擊三文魚都幾肥美甘香焱丸號壽司~係餐廳既招牌菜大量海膽，三文魚籽，吞拿魚蓉，雞蛋絲，沙律菜組成~看似隨意！！但食落樣樣新鮮特別海膽最出色蟹味噌甲羅燒~鵪鶉蛋，蟹膏mix埋燒！蟹膏味道超特出濃味又好味烏賊磯燒大大條~晶瑩剔透既外表好吸引~燒熟後好香好有咬口飲杯柚子啤酒~2者味道好夾size都算幾大杯幾抵oo

是日跟朋友放工後到銅鑼灣行街，當然除了行街之外就是一定要搵好野食下啦，搵左一陣搵到一間都幾多人既日本餐廳就一齊排隊試下。刺身3盛($160)共有三款刺身，每款都有三件，而且件件都好厚切，一咬入口就滿滿既感覺，另外魚肉十分鮮嫩幼滑之外，還有油脂好夠，令你食入口中已經有陣陣的魚香在口中散發，十分美味。花魚半條($100)個人認為花魚是一款挺吸引既料理，首先燒完的花魚仍然可以保留到魚既肉汁在內，除此之前花魚的肉質都十分厚實及多肉多汁，用黎燒烤真是不錯的選擇，燒完的外皮還有陣陣既燒烤味，令到魚味更濃郁，整體味道更加有層次。炸魷魚大盛($68)食日本野真係要點下炸物黎食下，十分香口之外，中間的魷魚仍然保持彈牙及肉汁豐富，今次沒有叫酒飲，下次叫埋黎酒黎作下酒菜會更加一流。醬汁焗原雙魷磯燒($70)個人喜好魷魚，連叫了兩款魷魚既菜色，呢一款醬汁焗原雙魷磯燒，濃濃既醬汁深深地混入了魷魚之中，味濃而惹味，食完刺身等鮮甜之後再食另一番的濃味也是一種好好的體驗。

浜燒在香港已不是新鮮事，近來越開越多，但焱丸係當中嘅元祖級代表，係我地班朋友心目中地位好高架，因為佢價錢唔貴，氣氛又夠好，好似去左日本食嘢咁。呢個甲羅燒每次必點，要一人食一個先夠霸氣，甲羅燒有原味同南瓜兩款，蟹膏、蟹子、鵪鶉蛋攪拌一齊燒到香噴噴，真係人間美味！原味較咸香，南瓜口味多了一份香甜，味道也較柔和。接著係烏賊磯燒，烏賊又叫墨魚，由生慢慢燒到熟，搽左鰻魚醬汁，再剪成一圈圈，過程好在有店員幫手，我地都太識燒呢，燒好後嘅墨魚好有彈性，唔會靭，甜甜地，又幾鮮味呢。呢個三文魚雜菇牛油燒，我最欣賞佢牛油味唔重，感覺唔會太肥，亦唔油膩，雜菇煮到剛好充滿菇香，無晒草青味，真不錯。刺身七盛包括甜蝦、三文魚、帶子、海膽、拖羅、兩款油甘魚，當中最吸引最受歡迎係海膽，又甜又甘香，入口即溶，好美妙！三文魚、油甘同拖羅都係厚切，肥美動人，拖羅油脂喺口腔遊走，好邪惡，油甘兩款係一軟一爽，唔同感覺。

之前吃過尖沙咀的焱丸水產，一直念念不忘，原來銅鑼灣也開了一間，所以決定和細佬一起再去試！裝修佈置也很有日本漁場風味！先點一客蟹子蟹肉薯仔沙律作前菜，很清新的口味，蟹子在口中卜卜聲響，配搭蟹肉一流！再來一份刺身三盛，有帶子、三文魚和油甘魚，特別喜歡帶子刺身，非常鮮甜！油甘魚肉質彈牙較爽口，也很新鮮！三文魚也很肥美！因為這晚我們非常肚餓，我們點了壽司盛盒，海膽軍艦中的海膽很鮮甜，三文魚子也是在口中卜卜聲，其他刺身壽司也是一級棒的！飯的軟硬適中！最期待的就是這盤活貝大盛，都是由日本運來的海鮮，全部都非常生猛，活鮑魚還在動呢！活貝大盛有帶子、生蠔、活鮑魚和大蜆！店員會協助我們燒烤，服務很貼心！燒完的大蜆還是很飽滿，漲卜卜，好juicy！帶子超大粒，店員還會幫我們剪開，方便食用，燒得剛剛好，很甜！鮑魚很大隻，非常彈牙新鮮！因為生蠔本身是超級大隻，所以先完之後都沒有變得很小，完全不會腥，好鮮！來到焱丸，都定必試它的招牌菜，蟹味噌甲羅燒！鮮味的蟹膏混和蟹子、蟹肉和鵪春蛋一起燒，一邊燒著，香氣很撲鼻！很甘香的蟹膏，完全是邪惡！真是超滿足的一餐，無論是尖沙咀還是銅鑼灣店，都維持一貫水準！

位於銅鑼灣的炎丸水產，是一間浜燒日本餐廳。今晚來吃晚餐，全院滿座，還遇到吃貨朋友呢。刺身三盛$160刺身包括: 三文魚，帶子，油金魚。友人不愛吃刺身，由我獨力吃光光吧。刺身厚切，鮮甜軟腍，油金魚魚肉爽滑，帶子鮮甜腍滑，水準依舊哦。三文魚中捲$78向來喜歡吃壽司，但最近更愛吃卷物，囗感更豐富。中卷以三文魚片，煎蛋，牛油果，蟹柳，黑魚子組成，壽司飯甜甜的，沾一沾醬油，整體合配，好好吃呢。蟹味噌甲羅燒$68南瓜蟹肉甲羅燒$68來到炎丸水產，當然要吃浜燒吧。一人一個甲羅燒，大滿足呢。甲羅燒以蟹肉，蟹膏，蟹子，青蔥，蛋組成，燒時拌勻，入囗蟹膏味濃香，啖啖鮮膏，味道好好呢。烏賊磯燒$66烏賊即八爪魚，亮澤的外皮，燒後烏賊微微收縮，肉質彈牙，質感煙靭，沾上濃稠燒汁味道更好呢。牛油粟米$52蟹子蟹肉薯仔沙律$38一大球的的薯仔沙律，澱粉控很開心呢。薯仔球內有蟹子，絲絲蟹肉，拌勻沙律醬後，惹味香濃，不斷吃阿吃，很快吃光了。辣味燴豆腐$38豆腐條炸得香軟，炸皮軟腍，豆腐滑嫩。豆腐主要靠外層的辣粉調味，濃一點更好。嘢菜湯蕎麥麵$55最後要多份蕎麥麵飽腹一下，湯底清甜，蕎麥麵條幼身滑腍，味道不錯。

焱丸水產，之前已經紮根在尖沙咀。尤其愛它特色的居酒屋和浜燒海鮮的風格! 香港人，衣食住行，問你最捨得的是什麽呢？我認為，應該是食啦。父親也常説，吃進了肚才算是自己，他講得也有點道理，我没理由再繼續固執下去，要繼續去找好西吃好了。大約一年前來過這家焱丸水產之九龍店，既然父什喜日本料理，這晚再帶他來這店吃，但今次去的是位於銅鑼湾謝斐道之分店。這分店之裝修，與九龍店的一樣，充滿著日式漁港之味道，讓食客有置身日本漁港之感覺。焱丸水產，主打是浜燒海鲜，是由客人親自動手去燒，三兩知己，一起研究怎樣燒，怎樣為之熟，過過手癮，彼此的友誼又可增長了。當然，客人亦可以全權交由店員，由他們代勞。鹽檸檬酸サワー ($48)和父親點了兩杯居酒屋必點的燒酎，談天說地。鹽檸檬加上燒酎和梳打，何其配合。甜甜的微酸，有如人生一樣。刺身盛合 ($280)好多款刺身，主打浜燒的店所賣的海鮮果然沒有令人失望。三文魚好厚切，海膽好鮮甜，油甘魚的肥美令人流哂口水。咁大個場面真係唔影相都唔得啦！北海丼 ($150)店內都有不同的刺身丼供應！一大碗的刺身丼，好滿足！咩款的刺身都有，唔使怕有選揀困難症。惟一失色的地方是壽司飯有點過暖，

朋友是海鮮既愛好者，為左幫佢預祝生日就搵到間食海鮮既日本餐廳俾佢食過開心既生日飯。焱丸海鮮沙律($78)沙律既用料都十分豐富，除左有幾種魚既刺身粒粒之外，上面還有一塊塊既三文魚刺身，整個沙律刺身都佔接近一半，真是用料十足。另外刺身都十分新鮮，肉質都十分鮮嫩幼滑。加上新鮮又爽口既蔬菜更加令人胃口大開。焱丸活貝大盛($368)可以說係我們就是為了呢個而來的，活貝大盞既份量也太多了吧，真係見到都覺得好興奮。鮑魚好新鮮，上台果時仲係到郁動緊，就知道有幾生猛，其他既生蠔同埋扇貝都好新鮮。另外店員仲好貼心咁幫你睇住黎燒，服務都十分好。我地可以專心係到傾計，燒好店員就幫我地拎起就可以食用。北海海鮮丼($150)最後黎番個海鮮丼，真係不得了，每款海鮮食物都份量充足，多款刺身放滿了在電上，而且都厚切，三文魚，吞拿魚都十分肥美，還有海膽同埋三文魚子，整碗飯就好似食左整個大海既鮮味入口一樣。令人十分飽足。

原來焱丸起銅鑼灣都開咗分店，一蘭格離。店舖裝修及食物同尖咀風格也差不多。在香港島出末就放便D了。日式蕃茄豆腐沙律配麻醬，不錯，先清一清、開下胃。叫咗兩隻活生蠔，肉質較清爽甜美。廚師推介有網燒鮑魚，唔算貴，叫咗兩隻，上檯時鮑魚已經好'生猛'，上到網初時依然好活躍，第一次見咁活躍。 職員燒咗大約十分鐘後，可以上碟食，用刀切片食，味道唔使再落鹽都好鮮甜、味道剛好、口感仲好淋身， 好好味。蟹殼味噌甲羅燒，有蟹膏同鵪鶉蛋，膽固醇極高，但係亦都好好味，小食無妨。有美食再加一杯 ... 巨峰提子乳酸，小小酸、小小甜，好開胃。新鮮開原隻海膽，用紫菜包來食可以保留海膽嘅鮮甜味道。燒大蜆，火喉啱啱好，燒完仍然可以保持蜆肉嘅水分，鹹鹹地而又帶出蜆嘅鮮甜。約7-8寸長大蝦，蝦燒完都仲唔好爽口，亦好鮮甜。日式甜醬牛肉野菜湯烏冬，sabusabu嘅湯底，甜甜地，配上野菜都幾清甜。燒飯團，店員好用心，燒到飯面剛剛好，有啲飯焦起面。

話說前排小弟喺網上見到平機票去日本，一心打算搶咗之後，可以平平哋喺畢業之後去轉日本，點知搶唔到，好傷心，連個server都入唔到⋯⋯我姑姐知道咗我嘅苦況之後，就話帶我去食好嘢補番數。原來佢帶咗我去銅鑼灣食日本嘢，就係焱丸水產！我上年同家姐喺尖沙咀食過第一次，佢哋喺港島區開咗新店！一入到去，熟悉嘅日本風裝修，令到我好似真係去咗日本咁，呢度嘅裝修不比尖沙嘴差啊！如果要選最佳裝修嘅餐廳，我一定會選焱丸水產！坐低冇耐，店員熱情咁介紹是日精選，我哋都諗咗十分鐘，之後就決定到叫咩食喇！首先，先食一個沙律，就係蟹子蟹肉薯仔沙律，蟹肉都幾多，薯仔粒唔會好硬，再撈埋沙律醬，好清新！下一樣梗係必食嘅刺身啦！我叫咗個小刺身盛，入面有帆立貝、油甘魚同三文魚，三文魚好新鮮，食落冇渣；帆立貝非常鮮甜，又爽口；油甘魚完全唔韌，又唔腥，全部三款都要讚啊！姑姐話想食啲飯落肚，所以我就提議叫一個壽司盛合，個盛合好豐富，有吞拿魚、熟蝦、三文魚、鰻魚、三文魚子、海膽、帶子、青瓜小卷、鯛魚等，海膽極鮮甜，食落有海水味；仲有個鯛魚好特別，好爽口，唔講仲以為食緊魷魚！呢個壽司盛合真係冇得彈啊！之後就到全晚嘅焦點喇！就係食浜燒！呢個

這次的四人飯聚為了和食家朋友慶生, 當然不能失禮, 於是約他們到壽星女很欣賞的焱丸水產, 來個磯燒海鮮之夜。之前到過他們的尖沙咀總店吃午飯, 記得質素很高, 也在那兒第一次吃甲羅燒。這間銅鑼灣的分店與那邊裝修也差不多, 充滿着日式漁市場風味, 亦有專人負責磯燒, 好讓我們舒舒服服吃新鮮海鮮。壽星女總是有太多俗務纏身, 未能準時應約。我們先點了個蟹子蟹肉薯仔沙律小吃邊吃邊等。切件的薯仔沙律比蘿泥更有口感, 咬吃來更為實在。雖然材料很簡單, 但這個沙律是意外的好吃! 咸香脆口的蟹子, 令帶甜的薯塊味道更豐富, 一濃一咸的, 非常夾味。雖然內裏蟹肉不算多, 但作為小食分量卻是剛好的。既然今晚是吃磯燒, 配一杯果汁燒酎就十分適合。帶微酸的檸檬澆酎酒味不算太濃, 味道其實有點似jolly shandy, 幾適合女生飲。我們三個都各自點了飲品, 談個不停...刺身五盛送來時, 我們終於齊人, 正式開始這晚飯聚。刺身雖然不算大碟, 但每款味道都相當好。其中帶子和海膽真是超級新鮮, 真正由日本空運。帆立貝size 珍寶, 色澤光亮油潤, 吃起來又嫩又鮮甜; 而海膽更是近期吃過最好吃的大裝海膽, 是真正

我們呢班白領麗人，平日食晏趕頭趕命，約朋友傾唔到多句，今日一位升了做優閒呀太的朋友請我食晚飯，因為佢唔想未講完嘢就要埋單！現在流行去魚市場食丼，出名的要排隊又要趕住走唔合乎我們的要求，呀太話做了一輪資料搜集搵到呢間焱丸。環境如在日本魚市場有氣氛，食物以海鮮為主，點煮都得，有丼，魚生及濱燒。呀太非常豪爽，今晚吃得豐盛，難得唔趕。刺身三款，切得大件又夠厚，油甘三文帶子基本組合，$180唔貴。海草白飯魚子煎蛋，玉子十分滑，夾埋白飯食增加口感。先燒汁燒魚翅，原來未燒之前係咁樣，燒完之後極香，送酒好。焱丸活貝大盛是招牌，售$368，有四款海鮮，白蜆、帶子、蠔、鮑魚款款游水新鮮，並非冰鮮貨，尤其燒之時，見到鮑魚肌肉伸縮活動，有些殘忍感覺！又試下天婦羅，呢款野菜天婦羅完全唔油膩，各款素菜新鮮有汁。最後食鰻魚飯，飯多料都足，鰻魚汁濃郁，魚夠滑，飯亦香，滋味。白桃梳打是特別推薦，香甜可口，朋友的梅酒加冰，塊冰超大溶得慢，非常保冷。

最近總覺得自己喜愛吃的食物很麻甩，火鍋、bbq及大排檔一定是首選，不過我當然也有文靜的一面，日本菜、壽司、西餐其實也是我首選，看來我真的很博愛，什麼也喜歡吃。這晚很高興，放工後便相約朋友到位於銅鑼灣的焱丸水產，不多講廢話了，立即開始豐盛的浜燒晚餐！三文魚牛油果酢漬吃浜燒前，先吃點開胃前菜，三文魚味道新鮮肥美，牛油果甘香滑潤，醬汁酸酸甜甜的，非常開胃。鯛魚刺身鯛魚呈透白色，表層充滿光澤，白肉中透著嫩嫩的粉紅色，肉質較柔軟富彈性，齒感滑潤，經咀嚼過後更感彈牙，味道甘香鮮味，甜度十足。焱丸蟹噌甲羅燒$68吃浜燒，甲羅燒是必點的！蟹蓋上放了滿滿的蟹黃，另有鵪鶉蛋、蔥花及魚籽，店員先把食材拌勻，再燒了一會兒，已經聞到蟹黃的濃郁香氣，香味四溢，而且因爲加了鵪鶉蛋，所以口感倍滑，鮮味十足，香味倍增！真係好香好濃味，鐘意食甲羅燒的你一定不能錯過！殘酷活鮑磯燒真的非常殘酷，鮑魚還在動呢，看着他慢慢變熟，很有罪疚感。鮑魚軟腍可口，不會燒至過硬，而且鮮味十足，加少少海鹽，味道更鮮更美味。烏賊磯燒 $66有冇人同蕉蕉一樣勁鐘意食燒魷魚😍😍呢度有專人即時幫你燒，聞到已經流哂口水，烏賊充滿光澤，醬汁味道濃郁超惹味

大熱天時要係街行黎行去，簡直係火燒一樣中午飯想搵啲冷食，降降溫食刺身就夠哂涼快呢到午餐選擇都唔少，而價錢亦豐儉由人月頭出糧食好啲，點左個特撰刺身定食有配上麵豉湯，茶碗蒸，沙律同前菜刺身夠冰凍，即刻消暑新鮮既油甘魚，無筋既吞拿魚，肥美既三文魚，鮮甜既甜蝦，彈牙既帆立貝茶碗蒸蒸到剛剛好，滑不溜口唔夠食，點多一個甲羅燒即係松葉蟹膏，加上蟹肉，蟹籽，蔥肉，鵪鶉蛋，現場有員工即刻幫忙燒剛燒起，一陣陣蟹香飄逸，蟹籽咬落“卜卜”聲再加上青瓜絲增加口感，超好送飯

焱丸水產就聽過好多次，琴日終於有機會一試，一試難忘，朋友都話會介紹比佢識食老豆試下。刺身3盛$160餐廳非常豪氣，每件刺身厚切，帶子大粒鮮甜，刺身好新鮮，解凍時間合適，不會太凍。活雲丹$108第一次知道雲丹原來係海膽，客人可以用紫菜包住海膽食，海膽綿滑，入口鮮甜。蟹味蹭甲羅燒$136呢個係絕對值回票價嘅菜式，先會先將蛋混合蟹膏和蟹子，放喺爐上燒大約10分鐘左右，最後放青瓜絲係入邊就食得，蟹膏勁香，口感好豐富，唔需要任何嘅調味料都已經，我哋兩個食到冇停口。雲丹海苔天婦羅$98第一次食海膽天婦羅，一舊壽司包住海膽再炸成天婦羅，炸漿夠薄，不會油膩。香蔥金倉魚蓉丼＄150其實已經好飽，但係都想有少少飯落肚，丼飯微暖，唔會似外面咁係凍飯，金倉魚味道似吞拿魚，魚蓉撈勻喺飯入邊，一個非常完美嘅結束。整餐飯都處於非常滿足嘅心情，食完真係會令人好開心，因為每樣食物都好好食，理單$1168，偶然豪一次絕對值得。

今晚走到謝斐道吃海鮮，行到謝斐道第一眼就望到 焱丸水產既旗幟，之前到過尖沙咀店，對食物和服務都印象極好 !焱丸水產一向主打浜焼海鮮，係日本漁民即捕即焼的食法銅鑼灣店以日本漁船設計，有旗幡、魚網等作裝飾。有點像在漁船的感覺，舒適而悠閒 !海鮮由築地的山源水產入貨，每天空運過來，材料夠新鮮大部分都不需加調味，以浜焼或簡單的方法烹調便可。識食的又想吃到鮮中之鮮，記得一定要記得問店員「是日推介」。每檯都附設小烤爐，因為浜燒水產是這裡的主打菜，只要點選了適合的海產，便可放在網燒小烤爐上，不用加任何調味，原汁原味地吃新鮮水產。飯腳未到, 叫住杯野飲住先黑加侖子乳酸 酸酸甜甜好好味在重頭戲活燒海鮮之前，先吃個麻醬蕃茄豆腐沙律開開胃先 活雲丹即係活海膽，直接由北海道空運到港，原隻海膽即開即食 一瓣瓣咁食好過癮 鮮甜甘香 時令活生蠔，有大和細 (大$68細$48)，我咁鍾意食生蠔又咁啱新鮮到港，梗係要大大隻啦 ! 生蠔肥美肉厚、 嫩滑冰爽，一口吸入口腔內，連同鹹鮮海水的味道一併吞下，鮮美又滋味，回甘味強。  放滿松葉蟹肉、蟹膏既招牌蟹味噌甲羅燒    幾乎是每個客人都必點的，蟹痴必食蟹蓋內放了滿滿的