為食仔海鮮火鍋專門店

營業中

休息中

星期六日又係時候幾朋友仔食個飯見個面，，打個靚邊實冇死今次仲一次過食到龍蝦+蜆+生蠔18禁卜卜蜆煲蜆肉味濃，湯底鮮甜，越煲越濃！用黎打邊爐大大煲既沙白蜆，加左蒜茸、辣椒、蔥花，住佢慢慢開，係有「卜卜」聲架 重點係隻隻開哂！法國生蠔 口感好肥美，鮮甜度都唔錯，食落好好味,好滿足火鍋材料推介：極級安格斯手切肥牛 $138 小 / $268 大肥瘦均勻，牛味重，肉質嫩滑，將近入口即溶話明手打真係好彈牙個人鍾意黑松露同芝士餡，值得一試！最後食埋個飯底,朋友同我都飽曬整體水準都算唔錯，三五好友飯聚好去處。

見到朋友喺澳門食卜卜蜆，咁心血來潮自己都想喺香港搵黎食。上網搜尋發現呢間火鍋店，見到食評都算唔錯，所以就嚟一試。咁我哋就嗌咗招牌卜卜蜆鍋。一開頭見到咁大煲好似好足料都唔錯喎！點知一食落發現個湯底好淡，啲蜆又唔算好鮮甜，仲要勁細隻已經有啲失望啦！然後我哋仲嗌咗好多配料嘅。有牛柳粒、豬肉片、響鈴、粟米、生菜、手打丸、雞髀菇。牛柳粒食落好韌，豬肉片又唔知點解厚到豬扒咁響鈴仲離譜，平時應該係脆嘅，但佢硬到腐竹咁。其他火鍋料就普普通通，但唔值咁嘅價錢囉！最後埋單total八百幾蚊，真係幾唔值，去食其他嘢好過。

其實已經唔係第一次食卜卜蜆～食材新鮮～但對上次食有不愉快經歷～就有大半年無幫襯啦！出街食飯，除左環境、食物之外，基本既服務態度都要有既。因為限時1.5小時，未食完都要趕人走，所以隔咁耐先再幫襯今日再次幫襯，有位靚姐服務態度一流又細心，不單止推介優惠同海鮮。仲細心到，我唔小心跌左隻筷子落地，當我彎低身執番隻筷子既同時，靚姐已經離遠拎番對筷子俾我今次仲改左可以食2小時，同上次經驗比，好似去左兩間店咁！講番正題，今日本來想食原味卜卜蜆，點知靚姐話有優惠，9:30前食18禁卜卜蜆雞煲只需要$48!!咁我出試試佢啦～～因為唔食得辣，叫左BB 小辣～都頂得順個煲黎到～賣相都唔錯～好香噴噴～D 雞同蜆已經係熟，所以加一加熱就食得估唔到D 雞好滑，唔會過熟，值得一讚但D 蜆就無咩味食哂D 雞就可以加水打邊爐啦～因為份量唔算多（$48算係咁）我就加多份白沙蜆，另外加既蜆大隻好多，好新鮮好甜，最重要係無沙再加少少配料～無食貴海鮮，靚姐都無黑面，下次會再同一大班朋友再來，真係好抵！！

來這兒晚餐，點了卜卜脆蜆雞煲 （早食價$48），內裏有雞同蜆。2~3人點了半隻雞，點了中辣，份。蜆是小型的，2人份糧算不錯，起碼不是少得離譜果種。由於是特價雞煲，所以至少要叫一碟用來打邊爐的食物（飲品不算），用作打邊爐的價錢同出面應該都係咁上下。因平時打邊爐都係任食，所以唔知價!時間較早,起初以為會冇咩人，點知去到都坐近8成滿，幸好2人搵位都唔算太難！這間火鍋店不是任食的，由湯底到食材等都是按個別價格計算！醬料也是大路的選擇！打邊爐又點可以唔食肥牛，這裡的肥牛種類選擇蠻多，我們就選了價錢最相宜家美國肥牛～它的雪花分佈平均，而且肥膏位不多，不錯！放落湯底煮好快變色就可以食用，如果煮太耐，肉質可能會變老～肥牛味好香濃的牛味，以沙爹湯底一邊煮就最為惹味！魚肉味道也不錯,不過時間要久一點才熟透而粟米是每次打邊爐都是必食的，粟米煮的時間耐一點，可以吸盡湯底內的精華，而且粟米亦十分鮮甜爽口！題外話/補充資料： 後記： 留意食店不許外帶飲品，也沒有食水提供，有少量支裝及罐裝飲品單點的～ 整體食材很新鮮，都是即叫即準備的，也沒有時限，三五知己傾耐左都唔怕過鐘！

都應該過左一排熱潮既卜卜蜆宜家有特價優惠，於是就過去幫襯下。9點半前入座有個$48雞+蜆煲，再另外加火鍋料；而9點半後就有3個蜆煲（唔同湯底）賣$98。$48果款雞同蜆份量都係得例牌既量，而$98則有大概3斤蜆既份量。每加一份蜆就$58，仲有其他海鮮簡，有啲時價，果日去侍應介紹鮑魚$28隻，不過我地就無試，叫左其他火鍋料。$48 蜆煲就不過不失，佢話係18禁，嚇到我地淨係叫左小辣，總之就叫中辣，因為加左湯之後已經唔夠辣，只於其他配菜都合符價錢。另外叫左個$38炸雞軟骨，送啤酒一流.....總括而已，如果無特價都有啲貴，一個煲最小$198只得三斤蜆，唔係太鍾意食蜆既話可以有其他選擇。

約一大班人食飯，唸食乜既責任，往往都會落在我既頭上，又要方便，又要抵食，又要好味，有時真係會唸到頭都爆。而O係呢個時候，火鍋店好多時候都會成為佐我既好朋友，因為揀火鍋店For 一大班人，絕對係無得輸既。今次就揀佐呢間位於旺角既為食仔火鍋，位於最旺既中心點，仲要係特式火鍋店，朋友當然都話無問題啦。步進餐廳，裝潢都幾古式古香，有台灣既感覺。打開餐紙，食物種類都幾多，而湯底就有6款既選擇，比較特別既一定係辣蜆鍋。其他飲品既選擇都有不少。我地既湯底係蜆肉鍋，都幾多料喎！蜆肉味道真係好濃，看見大量既蜆肉，女仕當然高興啦。而另一邊箱既蜆肉鍋加湯之後，飲落味道好甘香，感覺自己成個人暖哂，真係好補下，朋友仲擔心自己會流鼻血tim呀。我地好快已經落黎食物,好期待味道調味料區唔算有好多野可以俾你混醬，但總算係應有盡有，比較特別既係佢地用佐蒜泥汁，而唔係平時見到既生蒜炸蒜。因為同行友人唔係好食牛肉，我地就order佐一碟細size既手切豚肉，份量都唔少wor，而且非常高質，每一塊豚肉既色澤都好靚好完整，食落口感一流而且豬味都夠濃，實為必點之選。另外湯底入面都有豆腐同豬紅,入口比較厚身，食落唔會得空氣感，同埋

近年開始注重健康，喜歡養身，更要養心。閨密飯局想養生又養顏，龍蝦鍋係我地最愛之一！入到餐廳枱與枱之間，以疏孔屏風間隔開，保持私隱度，今晚可以傾得𣈱快店內桌椅主要以木材和為主，裝潢古式，切合主題，食龍蝦煱特別有feel調味區有生蒜、蔥、莞茜、香油和辣椒主打龍蝦湯底，大部分以滋補養陰藥膳食材為主，我地幾個女仕當然聽到就好開心健康湯底，先飲湯，再打邊爐，又滋補又滿足！飲完湯，侍應會加返湯底，湯底唔會淡而無味龍蝦鍋 鍋有原隻龍蝦再加入肉類熬製，桃膠含有豐富膠原蛋白，夠晒滋補，清甜又養顏牛肉片 牛肉沒有羶味，肥瘦適中,每塊都皮薄飽滿又好味不少台灣直送蔬菜，甚少餐廳供應，侍應健議淥十秒，以免破壞了爽脆的口感最後吃了栗米,味道十分鮮甜

睇到9:30後頭半小時任加卜卜硯呢個優惠先黎試下點知。。。。5個人 落單要d時間是常識吧邊有可能係入座嗰刻就已經開始計時仲要d野唔一次講 叫完過多一陣又話未入單 又問多次要咩 咁呢d時間係咪補俾我早計時都算 5個人叫兩煲 同我講另一煲要正價Ok fine 但係當我地第二煲要加卜卜硯個陣 同我地講過左時。。。咩話 d硯煮都要成十分鐘啦下話 仲要你d火自己熄左好多次 兩煲 起碼每煲俾人加一次先啦 唔過份 你咁玩 係咪要我一開頭已經要叫多幾份黎 大佬 入座即計半個鐘 你想d人食幾快 你話我地兩煲價錢一樣我都唔同你計 我地有煲仲要係俾正價 叫你加一次姐 都唔俾 生意唔係咁做 咁樣想有回頭客都難 係咪要我地玩分兩張枱 咁兩煲都有優惠入座時枱面未抹乾淨叫到成枱野食都唔主動加湯 d硯入面又有沙俾menu又唔提供筆 想我用咩寫

呢排真係打得太多邊邊，今日食得再豪d真係好中意睇住個魚缸任選！卜卜蜆煲，唔太多地方有，呢度用料都算多，除左為個湯底而來，都係想食象拔蚌，，食落爽口，放中間既比較鮮甜。豬紅送酒一流！一路飲酒一路打邊爐，心情都靚d。開埋支酒，人生一大樂事，品嚐完小食，再嘆下酒，呢個時候個湯煲得差不多了，飲埋個湯食埋d湯料牛柳粒唔係太瘦亦唔會好靱，肉味都夠；牛肉都幾淋，但係要滾耐D,我地爭D唔夠熟。有一點兒肥d嘅牛肉作配搭，同樣牛肉味都足夠。雖然豚肉與牛肉的肥瘦均勻，但欠缺色澤，不過食落好食就得 珊瑚味道新鮮,煮熟後也是十分煙韌.豬紅的味道也不錯,不會太苦,配上湯底鮮甜栗米鮮甜多汁,食材新鮮豐富的晚餐後,又要回家了

食過幾次，真心唔錯。肉類新鮮，海鮮新鮮，系間唔時d蜆有小小沙。卜卜蜆煲真係平靚正🤤龍蝦煲都超正😋最特別系龍蝦煲食完用原有湯底炒黑松露飯。每次大約人均都系150-200左右。

火鍋是抵御寒天的美食，一鍋熱騰騰的高湯不停地面前加熱著翻滾著，是一道餐桌上的美景。細心的人將食材分門別類地逐一添進鍋中，細看食材由生趨熟；急性子的人把整碟鮮牛肉掃進鍋裡，等不及將直冒熱煙的牛肉吹涼，便一口接一口地狼吞虎嚥。食材下鍋後掀起了一桌人白熱化的爭奪戰，氣氛熾熱，暖意也自然直湧心坎之間。這家海鮮火鍋店的招牌菜式是「十八禁卜卜蜆」，所謂「十八禁」即激辣口味，取名先聲奪人，頗有後果自負、量力而為的警告意味；而「卜卜」則是蜆肉因煮熟而將蜆殻生生逼開所發出的聲音。有見及此，先來一杯Hoegarden啤酒為接下來的火辣場面預先降溫。整鍋辣蜆份量十足，配料亦相當豐富，一片鮮紅贈予食客色香味俱辣的感官衝擊。我不是一個辣妹，只點了小辣淺嚐。輕輕將蜆肉夾出，送進嘴裡，嘴唇開始生出麻痺感，舌尖更是微微灼痛。果然是貨真價實、童臾無欺的十八禁卜卜蜆，辣得過癮。吃了部份辣蜆，加入高湯，正式開始火鍋盛宴。盛宴當然少不了珊瑚蚌，蚌肉放進滾熱的高湯裡灼十秒，入口非常爽甜，是火鍋必點的海鮮配料。炸得香脆的響鈴也是稍為灼熱便可食用。響鈴吸收了火鍋湯底的味道精華，當然也包括了卜卜蜆的辣味。將墨魚滑分成不同的小塊放進鍋

星期一blu monday放工,唔同朋友聚下唔得,2個朋友仔,打邊爐最實際蜆肉煲係我既首選同最愛湯底都唔差但其實食落未算好辣，湯底已有好多餸下,食食下，越食越辣，好刺激,好多蜆肉,2個人先食得曬手打丸拼盤 好好味已經,每款都好彈牙,丸迷必試粟米好鮮甜,蟹柳都唔差,打邊爐唔食依2樣野唔得啦仲有兩人必食既即炸魚皮,好香口真係隊汽水都唔得掂😂😂😂 大家愛食辣可以一試😂如果要我評分，應該都係蜆肉煲係心水第一名❤同場好多人叫龍蝦煲，聞落味道好濃，香噴噴

而家好多時諗唔到食乜都會走去打邊爐。今次去呢間其實唔係第一次，每次都係因為掛住佢個龍蝦湯底而黎今次呢間「為食仔」就係位旺角地鐵站附近既，就算唔熟閏角區既朋友都唔驚會好難搵。食肆都算大，不過好多人，所以一定要訂位龍蝦火鍋第一次食左之後就愛上，味道比好多餐廳還要好。就咁睇已經好足料，有蝦、豆腐(好多)，香料好足所以好夠味，每次都忍唔住要先飲幾啖,呢個湯底開頭唔算好辣，但就會越食越辣炸魚皮：夠脆唔會有陣"憶"味即炸響鈴：因為即叫即炸，所以建議點甜酸醬食，由於太鬆脆關係，落湯浸係會即散蟹籽蝦滑：新鮮即打蝦滑，啖啖都有蝦，好爽鹿兒島黑豚肉：好肥美好滑仲有胡麻醬跟埋比你點黎食,好味道。不過份量唔係好多，所以好多時都要叫兩份 鮮蝦雲吞：即叫即做，夠新鮮自家制韮菜餃：即叫即做，不過我唔食韮菜餃，但朋友們每次都會點，相信都不用多講

上網睇好似好好食。我一直喜歡食卜卜蜆,但好少地方有同好食。聽講佢18禁好出名,但我為左我菊花,我決定食普通版。佢間鋪頭有兩邊,地方比較細 唔算好舒適。一入去當然睇下有咩食啦。決定試佢地既牛,都幾貴咁既位置同舒適度來講,叫左雞煲同卜卜蜆,再叫少少餸打邊爐。呢個雞煲好一般,冇咩特別。不過好肚餓,好快就食完,食卜卜蜆啦😋😋😋😋😋嘩,好大隻,隻隻都好鮮甜,好抵食呢煲,再打邊爐😎綜合佢火鍋配料幾貴,服務同環境一般,如果只食卜卜蜆真係幾推介,其他就不過不失,下次唔會特別想食。

旺角出名多美食，雖然天氣熱,但同朋友一齊吹住水打邊爐,都幾開心今次我就順便預祝埋朋友生日🎂呢間為食仔地方寬敞易搵，前台有種日式居酒屋嘅感覺。舖大但人手夠多，不過多人既時候應該都幾辛苦。我同朋友二話不說就叫左個龍蝦鍋，個爐厲害到湯底幾下就滾，蓋住左都聞到濃郁嘅龍蝦湯味。蝦肉嫩滑，一啖咬落去，身為龍蝦迷嘅我就發現龍蝦真係新鮮即制既！而且份量好大,2個人食都半飽啦醬料免加一，可以任意配搭，份量口味自己決定，嗜辣之人表示佢啲辣椒仔未夠辣。食完海鮮鍋後,開始叫D食物做打邊爐，首先食左個魚肉,魚肉好滑,配埋湯幾好食！新鮮美國肥牛略厚身有份量，啱曬食肉獸，紋理分布得幾好。豬肉條，份量多抵食，豬肉真係好新鮮，不過秘製料味道不太出，味道無咩特別，見仁見智啦。必試驚喜第三彈の即炸響鈴！一上枱見到佢金黃鬆脆個樣就已經夠興奮，店主仲話啱啱炸起熱辣辣！響鈴嘅精髓就係浸飽湯汁之後塞入口，金邊仲脆但係中間又軟又多汁，一啖吞落去個響鈴就係個肚度膨脹嘅滿足感，真係食左四件度就飽曬。兩個人飽到上心口都只係$494，一人$250有找，啱曬大食嘅朋友光臨!!!🤣