為食仔海鮮火鍋專門店

營業中

休息中

近排好火紅既卜卜蜆，所以約左2個朋友一齊去試下呢間卜卜蜆可以係openrice 網上訂位，咁就book左夜晚9點半98蚊一鍋冬陰功卜卜蜆，頭半個鍾仲可以免費加蜆一開始我地先食左蜆先。。。食食下越黎越咸，跟住再加第一次蜆，佢d 蜆連埋d 蜆既水一齊幫我地加左落個鍋度。。。。我懷疑個d 係海水。。。haha....因為成個鍋都越黎越咸。。。到第2次加蜆時，佢幫我地加左d 清湯。。。咁就冇咁咸。。。至於其他配料就正正常常，吾算好好味。。。價錢都吾算平。。。3個人食左4百幾5百蚊。。。但一d都吾飽既d侍應亦都吾醒目。。。我地去到坐底吾比menu..要自己問佢攞。。。。比完menu又吾比筆。。。。又要問佢攞。。。。。成台蜆殼又吾理。。。。最基本不過既金菇又賣曬。。仲要餐廳只收現金，有d 吾方便

朋友生日佢想食卜卜蜆好耐但又唔想過澳門見到OpenRice 做緊優惠就黎試下係OpenRice 上面訂枱服務唔錯即刻有人Whatsapp你去Confirm9點半準時去到車就咁停係門口好方便頭30分鐘可以無限加蜆我地加左3次侍應完全冇黑面加比我地仲有黃金響玲係一般既響鈴就加上蛋黃好特別既配合仲有個牛拼盤不過488黎講好似份量少左啲

好耐冇寫食評...真係忍唔住OPENRICE訂座 野尋晚都食完 今日都未確認我OPENRICE訂座先講位置 覺得唔係好就腳...餐廳分左幾間細 感覺又迫又窄 一行7人食 張枱又細又迫..D野食都冇咩位放..我每次食一啖野 都好驚D熱湯彈到我對眼..可想而知個距離有幾近...野飲貴到離晒譜 汽水講緊接近$20一枝細玻璃樽....呢個不得了呀 成煲野都冇咩味...好淡好淡 底層是娃娃菜同豆腐...明明可以好入味嘅野變得一D都唔入味...龍蝦肉同蝦肉都唔夠新鮮..食落D肉又林又唔彈牙呢個湯底叫冬蔭公 除左食到佢有少少辣之外..都係好淡好淡冇乜味蜆肉就OK嘅 冇沙甜得黎 夠彈牙 係唔大隻囉...卜卜蜆頭30分鐘可refill...但是我地都只係refill到一次 點解呢....全因為職員扮傻 不停漏單~雲吞呀 菜呀 野飲呀...總之所有 係所有野食都要叫2次先黎..refill蜆都嗌幾次先黎1次 再嗌又唔黎追多兩追佢話夠鐘 冇得再免費再refill鮑魚還可以啦  不過不失...優惠價$28一隻食到都冇心機影相...手切肥牛 肥瘦均勻 有牛味重 肉質嫩滑紫菜響鈴:又硬又唔脆 一食就知唔係都叫即炸

之前去澳門玩，食過卜卜蜆鍋後好離忘～今次同朋友食香港版嘅卜卜蜆鍋😀.個鍋雖然比澳門個間細，但蜆嘅份量都好多，等左五分鐘差唔多就食得，蜆肉睇落幾飽滿，隻隻都鮮甜無沙😋 食哂大部份蜆後，落埋粉絲飲啖湯汁好惹味🤤 可能配合返香港人口味，湯底比較偏濃同多蒜蓉辣椒，味道偏濃味但都好正👍🏻.三個女仔食得唔多，再叫左自家製響鈴，炸枝竹，油麥菜，四寶丸就滿足哂～ 四寶丸其中嘅鹹蛋蝦丸同黑松露肉丸好好味😋.不過環境比較嘈音樂幾大聲，想傾計就難少少啦😂

連續返左10日工,終於有機會出街啦！今日同朋友黎左旺角為食仔火鍋,由於沒有預先訂枱,所以要等一會兒位置原味的卜卜蜆，看著送到桌子上時，感覺口水已經流滿一地，太愛吃。這個卜卜蜆加了那麼一點點的辣椒，還有加了一點蔥和香蒜，所以吃的時候能吃出了一點點的香蒜味。另外，吃蜆時能吃到鮮甜的味道，連湯也喝得出蜆所帶出來的鮮甜味，蜆的口感並沒有很韌的感覺！！口感有點滑滑的,並沒有那種"鞋"或"韌"的口感,吃多幾顆幾塊開始飽,但也沒有膩的感覺！！整個火鍋吃起來也蠻新鮮的,也沒有很腥的味道，清爽又有點味道的感覺！

今日去左試好似前排好興既卜卜蜆煲😍本身我好鐘意食蜆，但好怕d蜆食到成口沙叫左個bb辣既雞煲，因為友人食唔到辣um bb辣黎講都算頗辣，似小辣多d可能因為多花椒八角講番d蜆，係好食既，冇沙乾淨鮮甜🤤🤤🤤我見隔離枱兩個妹妹encore左三碟😂好我又嗌💪🏻另加既蜆明顯大隻d，食落再鮮甜d，唔怪之得隔離係咁叫😂再嗌左碟最平既牛同埋脆骨腩d牛睇落麻麻地，食落又ok喎，冇渣有牛味👍🏻魚就真係一般喇，主要係切既問題佢呢個切法將本身脆骨腩d長骨切短晒所以食既人唔可以輕易起骨我完全唔知點食，無從入手，好多骨🙄總結而言，呢間野係可以encore既但建議去食既人睇清楚d優惠條款先例如我地9點前去，只有辣既蜆煲有優惠，冇得免費加蜆，同埋一定要再叫其他食物先可以享用優惠價既蜆煲

吃了很貴的一餐 七個人吃了大約三至四千元卜卜蜆煲很清淡 好入味 值得再去吃 食物很新鮮 服務態度也不錯叫咗一個香辣蜆煲 吃完蜆之後再加其他嘢 有刺身 有海鮮 叫咗個象拔蚌 但覺得味道怪怪地 其他海鮮都算新鮮 有機會會再去幫襯

9點半前入坐，雞煲$48所要以去試，點知勁小雞同蜆仲要無咩肉既，咁$48就算喇，叫左個黑豚肉 $88 得6舊，牛肩肉小就$128 但都唔夠兩人食，見到個豚肉已經唔想再叫，就叫多左個金菇，又係好小，完全唔飽最後食左每人二百...原來d醬都收十蚊位仲要加一...總結係完全唔飽就食左二百，又唔飽又唔好食又貴，比多小小食放題仲好

今晚黎到為食仔好多人, 都等左一段時間, 入到去見台台都食緊蜆煲,所以我地都叫左.先要一鍋卜卜蜆, 睇下份量多定少先決定再叫咩.上枱成煲都好多, 放滿晒, 面頭仲加左辣椒, 蒜蓉, 蔥花等調下味.滾左一陣D蜆終於開口, 應該差唔多熟, 先飲一下個湯, 好鮮甜, 好香蜆既味道, 呢D湯底仲正過果D濃味既湯, 夠天然.蜆肉唔會太瘦太細粒, 夠彈牙好多肉, 濃郁海鮮既鮮甜味, 帶少少辣刺激一下, 好爽.個FD食貝殼類仲未夠喉, 再要多碟節瓜, 好鮮甜.食落更加爽口, 唔會有嚼唔爛既感覺,竹笙又係邊爐至愛, 因為吸收晒湯既精華. 竹笙大條, 淥完唔會散晒渦晒, 食落好爽口.見呢度仲有其他邊爐鍋底, 下次再黎試下先.

無下次伏、伏、伏！卜卜蜆雞煲！見網上介紹講到咁好味，而且朋友和我都好中意食蜆一於去試試，點知原全中伏佢啲蜆有好多沙又臭臭哋，個伙記系咁Sales我哋叫！隻雞食落去又無雞味，個汁一味得個棘字原全同網上介紹差十萬八千里，跟著即埋單轉地方食！

呢期咁興食卜卜硯,所以黎依間為食仔係近期最紅預早3日book位 同朋友一行4人黎食食火鍋,望到D海鮮就令人禁不住叫海鮮,餐廳既策略好成功所以今次食卜卜硯煲應該 唔會中伏話明呢期最好梗係好多人book位啦一嚟到我哋已經即刻嗌咗個卜卜蜆煲先之後個煲黎到我哋即刻嗌埋配料個卜卜蜆煲至少起碼嗰度有成四十隻蜆咁多呀而且湯底鮮甜啲蜆又冇沙。我哋嗌咗個芝士響鈴同埋手打丸 ,芝士響鈴好好食,響鈴迷必定一試.手打丸都好新鮮,不過要耐小小先食得,加埋湯底味道好正

因卜卜蜆關係吸引了來試試！我們一起四人，大滿足整體食物很新鮮，冷氣又足夠，牛肉併盤樣樣吃齊，夠淋有肉味，鮑魚新鮮，但卜卜蜆有點多沙，整體所有食物都非常新鮮，而價錢方面大概每位350左右，為一雲吞過份厚皮，個餡料又差！其他都算OK好味！而且起碼食完之後，冇覺得口喝，唔會覺得太重味精！

一次不愉快的用餐經歷，希望能助大家對餐廳了解些，今次已經係第三次惠顧這店，頭兩次印象不錯，今次有點失望，原因係叫了$48雞煲，味道一般，想轉吃卜卜蜆，但店員話只能幫我加湯，我和朋友只好先結帳，後加 原味的卜卜蜆，等了約半小時，蜆都未熟，一點動靜也沒有，店員沒有幫助，蜆殼很多，店員沒有來清理，態度很差🖓沒有禮貌

🥢#tagnshare旺角篇……………………《烚下烚下🥘卜卜蜆》💰$168 卜卜蜆煲個名幾得意😂一行9個人去食卜卜蜆，都幾多蜆👍🏻唔算細隻* 煮滾既時候睇住佢開，搞到真係好似有卜卜聲咁😂落勁多蒜蓉🤤蜆都幾新鮮..係有幾隻有小小沙，唔算多🙌🏻食哂d蜆仲可以用返d湯打邊爐🤤朋友推介食完d蜆...放個烏冬落去吸哂d蜆味勁正🤤不過大家食得太飽，無叫到烏冬😂📣即日起至8月31日，用Openrice book位👉🏻優惠期間每晚9:30pm前...仲可以用$48試食價試下🌶18禁卜卜蜆雞煲🐔9:30後入座仲任加卜卜蜆半個鐘😮😮詳情可以致電餐廳/ 上openrice查詢☺️。#卜卜蜆#雞煲#旺角 ...……………………👧🏻肥妹小編.........................

星期六日又係時候幾朋友仔食個飯見個面，，打個靚邊實冇死今次仲一次過食到龍蝦+蜆+生蠔18禁卜卜蜆煲蜆肉味濃，湯底鮮甜，越煲越濃！用黎打邊爐大大煲既沙白蜆，加左蒜茸、辣椒、蔥花，住佢慢慢開，係有「卜卜」聲架 重點係隻隻開哂！法國生蠔 口感好肥美，鮮甜度都唔錯，食落好好味,好滿足火鍋材料推介：極級安格斯手切肥牛 $138 小 / $268 大肥瘦均勻，牛味重，肉質嫩滑，將近入口即溶話明手打真係好彈牙個人鍾意黑松露同芝士餡，值得一試！最後食埋個飯底,朋友同我都飽曬整體水準都算唔錯，三五好友飯聚好去處。