為食仔海鮮火鍋專門店

營業中

休息中

10:15分卜左去食卜卜蜆，我地有5個人，店員就提議我地拎間房$1200低消，咁見都唔算貴就要左間房坐，我地5個人地方唔算大 但都坐得舒服既，只要係佢門口掃QR code 就可以任食蜆！叫左兩個卜卜蜆，一個係招牌卜卜蜆，十八禁卜卜蜆小辣！十八禁卜卜蜆得個辣字，辣得麻麻地，招牌就好好食，啲湯好鮮！咁鮮甜既湯好自然叫左好多蔬菜，冬瓜片土豆片都勁入味，凍豆腐都好出色，唯一一樣麻麻地就係脆魚腩，同埋好多野食都無，可能夜啦！最閉既係佢今日個WiFi 壞左，用csl既我又收唔到 🤦🏻‍♀️有樣出奇就係估唔到香港仲有踎廁🤷🏻‍♀️

呢間係見細佬what’s app sd相黎好似幾吸引決定去試食早幾日已Book定位，但我地黎到都要等成半個鐘.....可能係假日所以先咁果然唔錯，啲蜆好鮮甜而且無沙！！！而且一煲卜卜蜆啲份量好多，好抵食呢度啲辣椒好辣，見落小小落個蜆煲成個湯已經變到勁辣，好正個自家製嚮鈴推薦order左飛拔蚌刺身，超好味但份量都算少。老公只係望左幾十秒電視，成碟刺身就秒速比我地3個女人清晒😂另外叫左個珊瑚蚌打邊爐，個蚌無問題既，只係口感真心唔識欣賞🤣🤣唔岩我口味

食過3次一樣有水準🤭每次嚟到必叫卜卜蜆，因為太鍾意食算蒜加上個蜆清甜又冇沙真係好好食，牛脊椎一定要食，份量夠大食落入口即溶冇雪味，朋友推介七味一口豆腐，外脆內軟夠入味，十分滿意👍

The price and service actually are good. I reserved the table by OpenRice and bought the cash certificates which has 15% off. After I finished the dinner and told the servers that I have the cash certificates. I have told that I am unable to use it because it needs to tell before one day I use it! What an unpredictable night I have. So, before you purchase the cash certificates, please read the policy carefully! This is my second time visiting and would be the last.

屋企人小聚，雞㷛同卜卜蜆兩個choice，揀左黎食卜卜蜆。因為兩個屋企人都試過，認為可以再試。不過哩間鋪嘅內部溝通有待改善，我哋七個人，訂左一間VIP 房，min pay 係$1800 。WhatsApp 連電話，總共有5個confirmation🙈 電話姐姐話 WhatsApp 嗰個唔會返餐廳，只會喺office ，所以佢要打黎問。建議自己溝通好，少煩啲客。點左10+碟，無續碟影，以下係簡介：7個人，點左兩款湯底，上面係「招牌卜卜蜆」⋯⋯好似清湯加蜆咁；另一個係下圖前方嘅「冬蔭公湯底」，無影到close-up，有酸味，少少辣，係真心少辣，因為連唔食辣嘅屋企人都食到。我自己比較鍾意「冬蔭公味」，因為惹味啲，同蜆好夾。但一加湯就⋯⋯兩個煲嘅味好似一樣左🤔👍🏽👍🏽👍🏽👍🏽👦🏻👦🏻家人提我要讚下個侍應。話說開鍋時，只係見到煙同火，湯點都滾唔起，完全呈現唔到「卜卜蜆」嘅聲勢。討論內容俾侍應喺房外聽到，佢主動幫我哋換左兩支gas。好！由於哩間VIP 房最低費係$1800，好牛嘅家人就隨手點左兩大碟牛 （上面嗰碟係「本地新鮮牛頸脊（大）」；相左下方係「頂級安格斯肥牛」）個人覺得前者比較好食，牛味香

友人約左來呢間食卜卜蜆煲。嗌左嗰冬蔭公湯底，d蜆鮮味，食完一轉之後 ，like facebook 可以無限追加，第二轉的蜆都一樣，唔會俾d次貨，無多沙同細隻左，值得like！手切牛肩肉 紋理清晰，肥瘦均勻鮑魚新鮮，不過價錢稍貴 $28/隻貴花蚌爽脆墨魚滑爽口彈牙，食過翻尋味手打丸十分彈牙脆肉鯇魚腩 /魚片新鮮值得推介係鹹蛋黃響鈴，一秒感動，味道都幾夾

很化算的宵夜推介！2-5人吃也不成問題！看著蜆仔一個個打開 心裡有種莫名的期待感！🥺 滾起來的時候店員會馬上幫你揭蓋 服務很周到～ 先吃一口胡椒雞湯 清而不淡 加上蜆味四散 使湯底都充滿鮮味～🥰 然後到蜆仔 都鮮味十足 不過偶爾一兩只會有沙 是在所難免嗎？🤔 太肚餓的關係我們點了其他菜 來個海鮮火鍋🍲 其中的餃子是很驚喜的🌟 很新鮮 內有木耳和鮮蝦 一點也不敷衍～ 店員也很勤力幫忙換碟 不會把蜆殼吃到周邊都是～ 整體食物質素也很好👍🏼 服務很周到店員也很禮貌👍🏼 令人愉快的一餐🍴（追加食物價目參考：芋絲 $28／鮮制韭菜餃 $58／ 娃娃菜 $23／午餐肉 $28）

今日終於試左呢間卜卜蜆邊爐喇唔夠膽試18禁🔞卜卜蜆，怕太辣🤭，所以叫左招牌卜卜蜆原來招牌卜卜蜆都已經係少辣架喇蜆嘅份量都好夠，食極都仲有，食到最後都食唔哂😯d蜆湯越煮越甜，之後要嚟煮菜食好甜呀🤤

上網見到宣傳有2小時任食任加卜卜硯優惠，$98/鍋（1-4人使用），要9:30後先有這優惠，同埋要叫其中一款火鍋配料，不計飲品及雞蛋。今次係第2次食這個卜卜硯優惠，同埋朋友夾埋3人食。叫咗個十八禁口味中辣鍋底，辣味一般唔算好辣，但卜卜硯超多，滿哂成個鍋，食完成鍋卜卜硯後我地叫職員加第一次硯，都有差不多半鍋甘多的份量，加硯的速度都好快，10-15分鐘就加到比你。不過加硯的硯大細就無一開始的硯咁大粒，但都正常可接受。2小時共加5次硯，職員都好好招呼和態度，無因為加得多次就減慢加硯的時間，喱點值得一讚同埋職員見到你的碟滿哂硯殻，會經常幫你清倒，服務態度真係好好。總結：卜卜硯鍋好抵食，味道都好鮮甜好正，加咗幾次硯後個湯底變得好有硯的鮮甜味道，真係飲湯咁飲咁好味，不過個湯底愈煮愈咸，可能係硯的海水味煮哂出黎。服務態度好和快速，值得再返黎食過（已經食過幾次，水準保持得好好）

#為食仔海鮮火鍋專門店 又是火煱時間🍲，很喜歡來這裡吃，除了好味，主因是沒有好濃火煱味，抽風特很好，吃完後衫褲都不是太大味🆒 我點得太多。。。。了。🔹招牌卜卜蜆煲 $168 超大煲勁多蜆食極都有，好鮮甜，正啊👍👍👍🔹頂級安格斯肥牛 $188 (細), 唔錯 但個人比較喜歡吃牛肩👍👍🔹本地新鮮牛胸爽 $98 幾抵食因為份量都算多，我是牛胸爽fans 好爽口😋😋😋😋🔹松葉蟹棒 $48 正常唔特別💛🔹黑松露蝦餃 $88 好香黑松露味👍👍👍🔹紫菜炸響鈴 $58 必點😋😋😋🔹皇帝菜 $32 🔹娃娃菜 $29 最好先食菜，之後才食肉，會健康好多☺☺

尋晚突然好想食卜卜蜆，上ig search到呢間好多人推介，仲2130後98蚊兼任加蜆，於是book左2245。最後2230去到，2250左右都可以入坐👍🏼但入坐前已講到明蜆淨番唔多，預只可加兩碟。嗌左招牌卜卜蜆，第一轉蜆係最好，洗乾淨，無咩沙，但唔大粒，算瘦，湯底係無味！就算煮完第一轉蜆之後，個湯底都係無味！之前係澳門食，個湯底個好甜，好鮮！加第一轉蜆分量唔算多，但開始多沙，同埋個湯底變到好咸！我地嗌左嚮鈴，咸到食唔到。加埋第二轉仲衰，咸到好似海水咁！朋友話啲蜆洗得唔乾淨，又多沙，食完之後個煲底滿沙🙃仲要叫左幾次先加蜆😐因為諗住落烏冬可以吸湯嘅鮮味，點知得咸味！😕😕浪費左其他火鍋材料。叫左個蝦膠奶皇包，蝦膠同奶皇（其實好似普通蛋黃）出奇地唔夾！反而蝦膠係爽口，但唔鮮甜。。其實98蚊食到蜆煲已經好抵，用任加蜆黎吸客但又加得唔甘願，無論你幾抵，客人感覺都好差！

第一次寫食評 因為感覺真的很差！不得不寫！首先一入去感覺不錯 全場10幾張枱都有一半 之後落單 勁耐無人理 之後發現連收銀都系得3個人在樓面..之後叫左打火鍋（無食蜆） 一般食材無乜特別啦（偏貴） 好！都吾緊要 叫左個至尊牛拼盤，哇！真系由底食到上頂（3層）全部垃圾（連街市40$一磅個種都不如！）仲要收398？？我心念咩料呀 之後同佢地反映 佢地仲話系咁架 因為系雪櫃凍完拎出黎的（咁我都明 都無理由硬到咁..）最後食到一肚火 將所有野掉哂落去煮 之後埋單走人 3個人8xx 仲要一肚火 最尾去左格離再食（有圖有真相）

今天試呢個打邊爐，價錢唔算貴，用app 都唔難預約，昨晚才book.地點方便容易找。店員都友善，有推介。選了幾樣食評都介紹嘅十八禁卜卜蜆、牛拼盤、黑毛豬片、脆魚腩，蘿蔔、菜等，味道都可以，個人較喜歡牛，五款都美味。本身對紫菜響鈴有祈待但又唔覺好出色而且有d硬。大致上都好味道，四人用消費1127元。

見食評這間不錯便來一試，話說想食卜卜蜆很久，來到這當然叫招牌卜卜蜆煲！煲送到來蜆還是生的！慢慢在爐上滾起時見到蜆一隻一隻打開都好治癒！蜆相當新鮮，成鍋食晒都係得一隻死蜆！但可能要用大量的蜆，吐沙工序做不夠，頗多的蜆都有沙較為可惜！消滅蜆後侍應加湯後就打邊爐！二個人食唔到多，叫左一碟細牛、一份美國筒蠔、蝦、手打墨魚丸、竹笙、象拔蚌仔和炸紫菜響鈴。牛肉肥瘦適中，美味。美國筒蠔不知怎麼蠔肚像是有沙🤔蝦新鮮送上來還動。手打墨丸一碟6粒很美味。竹笙吸湯後一流。象拔蚌仔新鮮美味。炸紫菜響鈴有點失色，紫菜放一陣已經淋曬唔吸滿湯咬不到。不過通風太差食完成身味🤦🏻‍♂️

其實2個人淨係食蜆煲都夠，但今次有4個人就叫多左個海鮮煲試。蜆煲無叫辣，多蜆，無沙，比較細隻，估計都有2斤蜆。湯底本身有咸鮮，唔算係清湯，同蜆好夾呀。另外重有叫多份紫菜響鈴，幾特別，出面無架，店家話自家製。重叫左份餃子，因為怕唔飽肚。海鮮煲上台時真係好吸引，大大隻龍蝦，又有蝦。但係個湯底唔同左味，真係麻麻地，大家叫番蜆煲算