炳記 (已結業)

昨晚食過之後同意以前的食評說三杯雞差，與台灣的三杯雞比簡直不合格。稀汁多得像湯一樣，但當然是黑色的啦。湯裏浮著杞子和雞塊。正宗三杯雞上檯時香味惹人，這處一絲兒香味也沒有。雞塊大小不一，但都是粗而「鞋」的。勉強用汁吃了半碗飯，燒鱔只得六件，金銀旦波菜超韌兼「痴」牙，人人笑時牙齒都現出絲絲綠，煩死人，下次要去大酒店都要另找地方吃飯呀！

雖然已經食完餐飯好耐（８月１日）但想起那些食物就不希望有人再中招因為兩個朋友打完波尚早，就貪近食少少嘢，之前同relatives一大棚人來食過兩次都ｏｋ的，但今次真係無論食物或服務都唔得杏汁豬肺湯，以前我好欣賞的！！杏汁好多飲到有起沙的感覺，今次好稀味又淡，唔得！牛仔骨煲又油又唔香口及very salty!!!!三杯雞，仲話招牌菜，炳記靚雞，我呸！！雞比煲完湯的雞老十倍！！根本扯唔開！！汁又咸！！我蠢應該一早嘗試叫佢換過煲但可能我feel到佢地態度唔好（因為叫餸少）都估佢唔會換比我，之後我忍不住向阿姐投訢下d雞阿姐只係話’可能呢隻雞老d",都痴線打死都唁會再來！！！！大家都唔好浪費金錢在此餐廳！！

我們一行2人go,一進去坐低,waiter 推介斑塊,但牆上完全找不到價錢,問一問先知$15x, 好明顕想我們落貴菜先 then 咪任意點了黃金蝦同個fish煲, 唔掂 黃金蝦唔入味, 老實講,我覺得係雪藏........失望fish煲好普通,一d都唔似要這個價錢, 失望again2碟菜 + 1個 飯 埋單要 $ 220 嚇... 到.....嘔... 想客人再返去開飯 難d啦 ............

想叫餸食飯...醒起炳記....下午一時，坐低發現無人，已兩年無來過，都覺得有唔妥﹗個waiter一開始就推介三樣餸，蕃茄薯仔西思骨例湯，又大聲問重有無糯米飯!好似唔叫就無架喇!我地叫了湯，但無叫糯米飯，改叫三杯雞...個唔知老闆定waiter又問我地食唔食黃金蝦...好彩有個同事話要食蠔…個湯應該是用鹽來煮的...得幾塊紅蘿蔔同薯仔...骨都唔見一塊...個蠔有怪味...全部餸超咸!應該係超多味精....最後埋單要1038大元，最貴就係個salt soup...要188元...大家唔定咁鬧啦...大係都好慶幸...個老闆推介三樣嘢...我地都只係中咗一招...唔係都唔知要激氣多幾耐!

差咗!! 唔怪得少咗人, 星期五lunch都唔滿, 風沙雞$88, 好彩we order half, 千祈咪試, 大佬, 隻雞橙色ga! 都唔知咩染料!三色蛋..皮蛋臭的豉汁燒鱔- 仲ok , 肥得黎令人想起孔雀石綠, 枇琶豆腐- 友人說腥, 我不敢吃, 油麥菜-ok la糖水- ok無叫貴野- 老闆面燶燶是次$837 每人$76 , 不會再來慶祝生日了..

寫完母親節, 跟著不如寫埋父親節. 始終能夠一家人一齊食飯, 係一種福氣.今年父親節正日, 仲係緣份的天空, 父親節飯順延一星期. 唔係正日, 但人都唔少, 坐了一輪已見有人要等位. 環境係一般, 不過沒有想像中差, 係可接受的程度.這裡無餐牌, 就跟住牆上的手寫菜牌點菜, 要了回味無窮全力推介的杏汁白菜膽紅蘿蔔煲白肺同砵仔焗魚腸, 仲有好正的燒汁鱔球同超正的正宗糯米雞.杏汁白菜膽紅蘿蔔煲白肺: 6分, 回味無窮全力推介就係正, 似乎唔係. 跟校友會同蓮香樓的比較, 係差唔止一班. 飲落去係覺得似白菜湯多過白肺湯, 係清清的, 完全沒有杰身的感覺. 令人覺得係未夠火候就夾硬上臺的. 味道仲算清甜的, 但真係無白肺湯的效果.加上老闆娘的大力推介, 更有此地無銀之感.燒汁鱔球: 7分, 肥大的鱔球, 不算腥, 但燒汁唔係好入味, 算不錯, 但未係好出色.砵仔焗魚腸: 2分, 比神燈的仲差, 真係相當令人失望. 一上臺已經係一陣燒焦味,食落口仲有苦味, 問老闆娘, 竟然答, 這碟無燒焦, 但這裡的魚腸係有苦味的. 難道這店覺得弄爆了個膽而令到全碟變苦係無問題? 苦魚腸係這裡的風格?平日愛吃魚

一直都好想試炳記，原來就係細妹新居附近，終於可以有藉口來試下。細妹之前試過糯米雞，佢話麻麻地，所以今次預訂o左隻八寶鴨，好大隻，我o地6個人都食唔晒。饀料與蓮香有些出入，但份量十足，有五六個蛋黃、差不多有十粒栗子、蝦、叉燒等。味道雖然比蓮香較淡，但仍然好入味、鴨肉算嫩滑。豉汁燒鱔-鱔球肥美肉厚、爆得好又脆口，只可惜每人一件，真係唔多夠喉；豉汁好惹味，老豆同老公用來撈飯，佢o地話勁正。生炒骨-其實係咕嚕肉，整得幾有水準，肉質唔錯，件件炸得脆口，甜酸汁的味道及濃度兩者均適中。焗魚腸-做得麻麻，蛋幾實，雖然魚腸夠多唔算肥，不過一點香味都無，因為焗燶o左，食到底都係蛋焦，早知換過一碟。蒜茸白菜仔-炒得唔算太油，白菜幾嫩口。可惜人少試唔到其他菜色，下次有機會可以試試其他。

題外話先說：「不值得專程拉大隊去試」的店，跟「想吃就去安排」，有抵觸嗎？咦？幾時還有本「字典」的？不知何來的興致，年青食友發起來吃糯米雞，當然「舉筷」贊成。這裡縮在麗池一條窄巷內，食友坐足一圍，也很熱鬧。例牌有酒，飯局先由師姐的汽酒帶頭，再由Christy的法紅及我的意紅接力，最後就是x2的「勁乾」汽酒埋尾，還追加專兄的一支澳紅，五湖四海，也喝過不易樂乎。菜色全由年青食友打點，大家也不用操心。坐下時見到沙薑雞腳，細細隻不太有看頭，見爪甲也未除的，沒有什麼興趣，索性不吃；一大窩豬肺湯上檯，呈奶白色，不喝已知是煲得幾夠火候。喝起來清甜滋潤，口感不夠滑身，但都是真材實料的。用上雞公碗來喝湯，雖然對味道沒有幫助，但感覺是良好的；幾味小菜，也都不錯。蔥爆牛肉是色香味俱全，牛肉不太覺得是用化學品醃過，夠味又不太韌，蔥段下足，吃得盡興；鼓油皇爆鱔球醬油味道十分香，鱔圈界花走油，再用醬汁煮透，味道濃又甜味，跟鱔圈肥美的口感對得剛好，深受同檯食友愛戴，轉眼已掃清。之後再追加一碟「鼓椒炒」的，但上檯卻跟「豉油皇」是一式一樣，大家爆笑之際，一樣清碟，此味值得一試；要了黃金蝦，上檯卻怎看也只像蒜片蝦，炸得乾身

阿姐每次上菜收碟都會推開人, 焗"火農"左魚腸勁大陣"火羅"味都話"係咁架, 咁"火農"先會香",當人白痴仔!黃金蝦勁難食

一行十幾人去食午餐，叫o左十個餸，老版叫我地試o下個黃金蝦，咁諗住試o下啦，點知....第一碟餸等o左二十分鐘先o黎，跟住每五分鐘先有一碟上枱，三碟之後就再等十分鐘先上多一碟（大佬呀，宜家去飲咩），食多一半大家都冇晒心機，就同伙計講話取消剩番ｏ個五個餸，咁伙計話己有三個整緊，咁我地就要埋ｏ個三個餸啦，一共八個餸（有蒸水旦，黃金蝦，油麥菜，魚香茄子煲，椒鹽鮮魷，蔥爆牛肉，枇琶豆腐，仲有一個唔記得ｏ左．．．加埋十二個白飯，一個粥）埋單＄１０ｘｘ，有冇攪錯．．．咁咪即係平均每碟百幾蚊，唔係呀嘛．．．跟住叫個伙計俾張單我地睇啦，原來碟黃金蝦＄３ｘｘ．．．以後都唔會去食！！！不過佢ｏ的野食係幾好食既．

在店的門外看見街坊鏞記的字樣, 因而被吸引進店內試一試其菜式。上址是一間不很大的店子,當時是晚上六時廿二分, 沒有很多人。坐下後一名女子過來招呼, 並介紹一些小菜。我們二人點了杏汁豬肺湯$70,湯裏可以嚐到杏仁的粒子, 豬肺乾淨軟滑。第二道是燒汁鱔球$75, 皮脆肉香滑, 燒汁剛好不會蓋過鮮味。第三道是黃金蝦$120, 與以往所試的還有一段距離。第四道菜是蒜蓉豆苖, 可惜是油太多。結帳找數$335, 無加一。店的玻璃門上有數張名星簽名的咭紙, 其中一張是周華健。

講起炳記，是幾地痞迫硤的小菜館，星期初已打電話訂了限量發售的原隻糯米雞、炆斑尾同豬肺湯，臨場再點些即興小炒，配埋幾支紅、白變了簡單的酒局。無餐牌的小菜館，牆上掛著手寫菜牌，見什麼點什麼，前前後後連點錯的菜計起有：糯米雞、炆斑尾、豬肺湯、薑蔥牛肉、咕嚕肉、燒汁鱔片X2、焗魚腸、黃金蝦、炒豆苗、大良奶炒蝦仁、滷水鳳爪、椒鹽鮮魷、蝦醬炆五花腩同埋三色蒸水蛋共15碟菜。預訂的三味菜中，豬肺湯最先上，稀白色的湯底，足料但就煲唔出奶白而杰身的效果，反而豬肺是清得幾好，起碼腥味唔重，期間Christy說起洗豬肺的經驗之談，一些負面新聞後，最後還是清鍋。炆斑尾中段上場，大鍋上，分量足夠一圍人分，先炸後炆出到來的效果認真麻麻，皮、肉各自為政卻談不上精彩，皮太薄之餘亦做不到炆該有的膠質感，此品還是蓮香的吃得最過癮。最後上場的糯米雞是將煮好敵糯米釀入雞內落油炸，由老頭子三兩下手腳的分好後，見到幾濕腍的糯米，唔夠香而口感亦欠奉，是有點失望的，好唔好都叫做試過，亦算幾特別的地道菜，質素有待改善。反而臨場點的燒鱔是幾對版，肉身上落過刀，肉身肥厚油脂十足，唔錯的，但對於淡水魚尤其是鱔類，幾怕那份泥味的，最後都是一件

上星期六,同一班長輩滿懷希望去炳記食晚飯,但極之十分非常…失望!!~~ 味道差~~叫了八個一湯，除豬肺湯有預期水準外，其他的都比預期差，有部分更是強差人意……招牌菜１　糯米雞: 糯米一ｄ咬口都無，用米碎，油林林．隻雞無特別．招牌菜２　焗魚腸: 魚腸好苦，完全食唔到！屬美女廚房－１０分之作．最後要換,老板娘黑口黑面換碟生菜, 油林林的!招牌菜３　炆班尾: 普普通通．三杯雞: 肉韌，好一般．炸膳球: ok啦,但以炸物來說,並不出色．海棠翠豆付: 都可以,不過淡了些．斑片炒西蘭花: 斑片好薄, 無口感．西蘭花要特別加錢,但無特別~~ 環境差~~舊式食店,簡陋裝潢,不過早已預左~~ 勁差服務~~老板娘好hill, 想叫斑片炒時菜,她說:黎呢到,梗係食d出面食唔到的……不過有長輩話想食,都叫了斑片炒西蘭花, 老板娘說:要貴d,我地用靚西蘭花…講到好似無錢俾咁~~ 不衛生~~間食店係橫巷,你話呢~~ 不抵食~~部分無貼價錢,諗住張單會列出來,但一張單,八個一湯,一個大數,完全唔知點計出黎!好離譜!真係唔明做到咁差點解可以咁出名!!!!!!!!!!

朋友介紹這食店, 所以去試試.在北角官小對面, 要入一條巷仔.一進店, 感覺很舊.牆上貼滿不同菜式的名稱...點了三杯雞, 魚腸, 炒雜菜, 豬肚湯,...因為同家人一同食, 所以冇叫炸物...但那幾味餸真是很普通, 不特別...

點菜叫了：三杯雞：肉韌、汁濃，大家也覺得好一般杏汁豬肺湯: 一般海棠翠豆付- 蛋白蛋黄 混豆付，最上面淋上有蝦和帶子粒的獻。好食!砵酒焗生蠔: 一般椒鹽魷魚: 一般