炳記牛牛 (已結業)

今日同羊同學搞完去台灣D野就去食飯羊同學要求唔好咁貴，又見好耐無食過炳記牛牛所以就黎左食啦一向覺得呢度D野唔難食都可以接受，所以我都OK最後我叫左:芝士三文魚焗意粉"麻麻地啦〝無咩味塊三文魚如果多肉D會好D而家有D滑嘟嘟既野...我唔係太鍾意黑珍珠香蕉奶"呢個我鍾意呀次次黎親都會叫...大家覺得香蕉好恐怖但我就覺得好好味好香D珍珠都幾好食呀!不過我唔明點解佢要加一囉，完全唔覺得有服務可言......

算少料~~如果可以原隻筒會開心DD飯粒粒分明汁料岩岩好有菠蘿粒同少少蛋(真係好少)如果有什豆粒會靚好多亦會FRESH好多

呢個焗飯幾好味. 夠芝士, 又唔會太"膩". 不過我嫌豬頸肉唔夠多 $27算抵食, +$2仲有hot lemon tea staff service唔錯, 見佢鋪頭幾忙但仍樂意介紹下d焗飯 ((最怕遇著懶懶閒/10問9唔應的waiter)) 地方細但坐位唔算好迫, 有tv睇, 落完單好快就有得食一定會再去試食其他焗飯!!

第一次到炳記牛牛食晚飯個裝潢好似金太郎=.=我們點了..比目魚焗飯三文魚焗意粉pizza金菇肥牛卷蒜香雞翼香茫珍珠奶茶雪糕珍珠奶茶雪糕青蘋果奶茶食物質素一般..意粉好似茶餐廳咁..粗而無味: (但係兩種魚都好好味: )可惜汁太少,,同埋有d肥,,好多油個底pizza都唔錯,芝士尚算足小食就過得去..not so gd=.=飲品都唔錯,無乜特別整體係無甚驚喜: (可惜..同埋要加一服務,我覺得收得無理無乜服務可言間餐廳!

焗飯癮起又想食平D, 炳記係好選擇, 不過唔係樣樣都好, 睇下識唔識叫今次大膽嘗試叫個肉醬火腿片豆腐焗飯, 貪佢個名夠長.1. 肉醬火腿片豆腐焗飯 ($27) - 果然足秤, 茄汁肉醬夠多, 酸甜開胃, 百福豆腐片, 清清地中和下, 面頭一片微焦芝士, 加分 2. 香蕉奶珍殊 ($6) - 不嬲對佢D飲品唔大期望, 叫有蕉奶味, 水多冰又多, 下次叫少冰得唔得呢?!3. 小食: 炒螺肉 (有張"金卡" + $6) - 洋蔥炒螺肉, 生菜墊底, 急凍螺肉, 冇咩味, 就算有調味都冇咩用, 當然街邊10蚊碗好食D, 不過平平地, 唔好要求咁多雖然佢加一, 不過比同區平, 可以接受, "金卡" 優惠3間食肆共用, 20蚊一年唔貴 宜家做緊1蚊小食, 同20蚊肉醬燴意粉, 有機會再試

以前一直都係牛牛捧場客~但係自從以前分別o係深水步分店同埋mk另一間分店食完之後~非常之失望~焗飯質素大不如前~又細又少汁~所以都唔敢再去食....但係琴日突然間又好想食焗飯~就建議同男朋友去食~不過今次揀間比較多笑臉食評o既通菜街分店~今次總算無令我失望~叫左巴黎汁雙拼焗飯同肉醬腿片豆腐焗飯~飯個份量同我第一次黎食有得fight~慶幸無繼續縮水~肉醬腿片豆腐焗飯d肉醬又幾開胃~overall黎講都幾滿意~以後我再想食焗飯都會黎返呢間lu~不過要加一就真係.....幾唔抵囉.....

太公與其組員都是收工收九點的可憐蟲，晚餐又要在外解決。等待同事執手尾時隨意查了旺角的食肆，以為炳記牛牛似乎不錯，價錢也相宜，就齊齊出發。這兒的招牌菜似乎是焗飯和焗意粉；太公要了卡邦尼汁海鮮意粉 ($27)；卡邦尼汁不夠香滑，芝士不足，大半部份是以粟粉溝水充撐過去，味道不夠濃郁；煙肉粒也很糟糕，乾巴巴不香也不鮮。海鮮用料倒有一點驚喜；本來，太公對$27一碟的焗意粉的「海鮮」沒太大期望，以為都是雪藏的小蝦小青口等，但竟不然，魷魚和蝦不是一般雪藏貨，魷魚吃時還具鮮味，可惜只有小小的兩片；蝦雖鮮味欠奉，但勝在夠爽脆，比一般雪藏貨好；另外的假蟹柳和獅子狗，則一般。意粉不過不失；不能期望有Al Dente, 但求爽口不過淋就好，猶幸總算合格。加$6要了杯西瓜汁，是鮮打之物，但用的西瓜不好，味道不夠濃。如此價錢，如此質素，勉強算合理，但絕不能稱之抵食。埋單，方發現此店原來要加一；一家服務只及茶餐廳水準，要客人自己寫紙點菜，而且一定要人搭枱的食肆，還敢收取加一服務費？！此店的食物水準很一般，沒甚特別，但面皮之厚，倒令人大開眼界！

今日下午陪女朋友去mk佢未食飯,so亂咁行咁搵行到女人街就求其揀左呢間入左去啦~~見到下午茶時間見到仲有飯食wo...女朋友就叫左個牛柳粒焗飯我叫左個雪糕青蘋果茶個焗飯好好食呀!!!我估佢係即刻焗ga因為到女朋友食完,都仲係幾熱下呀!!d牛肉又"林"d汁又好味雪糕青蘋果茶好得意我問侍應係咪青蘋果綠茶佢答我係青蘋果+茶+雪糕咁同我講ge有咩分別呢??不過都還可以啦~~呢間野雖然係女人街入面好少人見到但係d野食都整得唔錯價錢又相宜,可以再去

上OPENRICE 睇有咩抵食野. 結果就簡左呢間試試.去到門口, 已經是9.15, 人都算多, 但2個人入去都仲有位.雖然人迫迫, 但都安排到我地坐一張4人檯搭1 PAIR一齊坐.坐低後睇餐牌, 以焗飯為主, 另外仲有小食, PIZZA. 當然有飲料啦.我地ORDER 左個至尊PIZZA, 1個肉醬焗飯, 1個豉椒螺肉, 1個乜乜山賊煎餅同2杯野飲.好快唔夠5分鐘就已經黎左個PIZZA, 都熱辣辣既, 大約6-7寸大, 薄批切開有4件. 之後唔夠10分鐘其他野食都黎埋. 我女朋友就話個肉醬焗飯咸左DD, 但我就唔覺.另外個山賊煎餅就真係差小小, 雖然個小食係12蚊一個, 但如果比落去, 我叫多個豉椒螺肉仲好. (因為真係幾好味又抵食)可能因為小小夜, 佢都冇趕人走, 結果我地就坐左大約45分鐘就埋單走人.唯一唔OK, 就係原來有加1收費, 原本覺得非常抵食就扣左小小分.

昨午來到旺角，和友人選了去炳記牛牛吃午飯。我點了沙嗲牛肉麵，友人則叫了海鮮焗飯。沙嗲牛肉麵所用的並不是一般牛肉，而是肥牛，但有太多肥膏了！沙嗲味怪怪，麵又太硬，令人失望！友人所點的海鮮焗飯也不見得有何突出之處，份量又少，普通之極。雖然兩個餐加埋都只是55元，算很抵吃，但這處的環境、服務及食物質素都平庸非常，真不明白可以憑什麼叫客人付加一服務費。

昨天中午在這一間吃了飯，吃了芝士三文魚焗飯，再加一杯凍的奶茶。這個還要加一。我都是聽朋友說才知道的。怎麼以前來的時候都不覺得的呢，不過這是我第三次來的。我挺喜歡我所叫的，芝士味很多。超愛的。三文魚就不過不失喇。間中吃一吃都算不錯的。

同老公行完街，諗住係女人街內街搵間好野食下~老公唔想食日本野...從無去過炳記牛牛，但係見佢間間都咁多人...衰極有限既應該~!!!所以入左去試下~入到去...坐~~唔舒服ga，鬼死咁迫~!!! 又要搭台~幅牆貼左好多餐牌，睇都有排睇....揀左幾款小食...最好食係魷魚.....個味整得唔錯~牛柳粒又唔會太熟...另外仲叫左一份set~份量都唔小野ga....夠哂食~係杯野飲差小小ja~~~

十點鐘, 諗住小食, 所以入左黎呢間D野好平我地叫既小食全部12蚊黑椒牛仔粒－賣相好差, 好求其, 攪到好似垃圾咁帶子串－有3串, 中間加左d青椒同洋蔥, 12蚊黎講算係咁咖哩雞軟骨－唔係好鍾意d咖哩味, 因為加左d椰汁黎去, 同埋d雞軟骨唔似雞軟骨, 似雞肉多d魷魚－有d好硬, 唔太爽口整體黎講, 以前好食d

今日同兩個朋友去到通菜街呢頭，原本想食泰國菜，但原來原本想去嗰間咁貴…哈，聽我其中一個朋友話，佢食過炳記牛牛，話幾好食，加上見到價錢咁平，真係好吸引，於是就入咗裡面。人都幾多，所以環境相對上感覺都幾擠迫。望望個餐牌，見到啲嘢食真係好平，真係幾唔錯喎！於是我叫咗個芝士三文魚焗意粉($29)，有個朋友叫咗常餐($24)。其實見到我個意粉$29蚊，都唔會期望咁高，所以當我食我個意粉嘅時候，就冇咁失望。三文魚唔係太好味，而且意粉焗得麻麻地啦。最後我都食唔晒…我朋友話，佢之前黎食真係ok架。嗯，所以正如我個標題所寫，可能今日間餐廳咁啱水準冇咁好。不過最值得一提係，當我地埋單嘅時候，發覺畀少咗錢。我地就好奇怪，明明我地夾好晒條數先出去埋單喎。個女侍應見我地畀唔足錢，而且好似冇好快回應嘅時候，就冷冷咁話：「要加一架！」我真係有點愕然，因為我地從來都睇唔到餐牌有咁寫，可能係我地大意睇漏咗啦。不過若果服務更加好嘅話，我會覺得呢個加一「服務」費會畀得更值得。雖然呢餐晚餐唔係太好味，不過我下次都一定會再黎試。P.S. 因為食飯時唔記得帶相機，所以冇得畀大家睇相。下次黎食飯，一定會影！

雞排配意粉 ( 葡汁 ),跟餐仲有什菜沙律同椰汁 <$36> : 雞排ok..有兩粒蕃茄同兩條菜. 什菜沙律係d青瓜,紅蘿蔔同薯仔....黑椒牛仔粒 < $12 > : 我冇食,我男朋友說唔錯,好過和民....燒雪魚排 < $15 > :唔係銀雪魚,只係比目魚 ,佢煎得好dry..加一合共 = $70..