炯記餐室 (美麗閣)

營業中

休息中

今日叫左鹹蛋腩仔飯，去到果陣餐廳剛剛開門，一個食客都無。囉到返屋企，打開個盒，令人喜出望外係，鹹蛋腩仔飯無鹹蛋，無鹹蛋無鹹蛋無鹹蛋（重要的事情說三次）。腩仔有十一小片，飯都真係有，份量圖中可見，再三 check 清楚有無叫錯，係咪自己叫走鹹蛋都有懷疑係咪餐廳好好人，將鹹蛋剝殼放入飯，或者係腩仔脆皮其實塗上鹹蛋。但沒有什麼也沒有真係無鹹蛋推介食量極少，減肥，喜歡食白飯的人可以食呢間點解要打200字先可以評分!!!

初初開始非常好食，燒鵝質素非常之高，而家越嚟越差，特別係下午茶時間，比你嘅燒鵝瀨嗰啲部份根本就係皮加骨，初初以為唔好彩，但係最近幾個月次次都係咁，仲有啲嘢無論係白切雞或者油雞飯，真係越嚟越鹹，好似成斤鹽放入口咁樣，為咗屋企人嘅身體健康，真係食少啲講真果句，冇乜特別下次都唔會再去幫襯，再加上服務態度越嚟越差，個個姐姐都黑面好似全世界欠咗佢咁嘅款仲有唔收八達通淨係大陸支付寶好似淨唔當香港人係一回事，完全唔知佢哋想點

全日常餐，包括有五香肉丁瀨粉、牛油多士、火腿炒滑蛋，五香肉丁味道香辣，食落好惹味，瀨粉口感爽滑，牛油多士麵包口感鬆軟，食落好香口，火腿炒滑蛋肉味濃厚，口感薄身，滑蛋半生熟，蛋香味濃，口感滑溜。蝦子冬菇撈粗，份量多，表面鋪滿蝦子，口感爽脆，粗麵食落好入味，充滿醬油味道，味道咸香帶甜，冬菇食落好Juicy，食落鮮味十足，菜芯味道清甜。熱檸蜜，西洋菜蜜配以新鮮檸檬，味道香甜帶酸。熱杏霜，杏仁味道濃厚、清甜。

昨天冬至，冇得出街食，唯有買外賣啦！可惜中伏遇著呢間貨不對版的燒味鋪，一個义燒飯、一個下裝鵝，但付了錢回家打開是上裝鵝，皮黑肉更黑、义燒就好似隔夜又硬又乾！兩盒買$168 , 真係完全唔對版，同櫉窗掛住的完全不是那回事！門前大把客在等外賣，真係唔知呢間燒臘店吸引之處在那裡？！之前都試過買，但實在買一次衰一次，越來越唔似様，真係冇下次，不過都要上OpenRice 俾負評，勸介街坊千祈咪上當呀！如果嫌生意多得滯，可以唔做晚市，甚至執埋間鋪啦，唔好再欺騙顧客喇！

今日放假，行過時候，見到烔記燒味，有新推出手撕雞腸粉，我叫在鹽焗手撕雞腸粉，佢地好好人，請我食麻辣手撕雞同請我飲凍檸茶，員工非常細心，腸粉同手撕雞，分開上，腸粉非常滑，好似，豆腐花咁滑

之前陪屋企人食飯👨‍👩‍👧‍👧就隨便入咗炯記餐室食😝.醬皇叉燒飯🍚肉質偏瘦少肥，唔柴🐷叉燒燒到微焦🔥望落好靚😍聞落有少少煙燻味💨燒到好入味、鬆化👍🏻蜜汁味又唔會太甜😋.脆皮燒腩仔飯🐖燒肉層皮好脆😆脆到發出「卡卡」聲😙而且唔會太肥☺️都有瘦肉位置可以食😬味道僱鹹帶少少甘香🤤鍾意嘅可以點黃芥末食🤗.凍檸蜜🥤蜜糖味好濃，拮翻啲檸檬汁嘅酸中和一下就啱啱好🍋.凍朱古力🍫朱古力味都幾濃😌而且幾

普通燒味飯盒都好食過呢一個燒鵝燻蹄飯 可能係我話呢個飯唔係佢哋嘅招牌 但係講真我真係好失望囉 燒鵝係就係有嗰種木味嘅 但係就乾到爆囉 朋友話個撈麵幾好食但係其實我都唔覺得有咩咁好食好普通 就咁一個面或者一個飯就買成六十幾$70我不如買個普通飯俠算數啦 買個燒鴨都好過食佢個燒鵝 但係如果未試過都可以試吓嘅 或者唔知食啲乜好鬼肚餓嘅時候都真係可以食下佢嘅又唔係話好難食嘅可以當係一餐囉可能真係期望越大失望越大啦 個個都話好好食。。

其實幫襯過呢間好多次次次都系食下午茶因為好抵食又有湯送的確唔錯～雖然之後兩次食個湯又細碗左，又淡左，但個鵝油撈粗都keep到水準👌🏻今次就叫左燒鴨撈同燒肉佬粗，兩碗份量都好足。燒鴨好香，淡淡肉，有陣煙燻味，不過有部分位置過肥～但整體都系好食既。不過另一個燒肉就真系唔得啦。睇圖都見到d燒肉舊舊到好肥，肥到根本無瘦既部分可以食到🙃同翻店員講，獲得既回應就系：下？全部都系咁上下架啦。希望今次既燒肉只系個別事件🙃

2020年3月2號夜晚7點幾.本身一直都有食開呢間 次次都係叫麻辣手撕雞飯 因為覺得好好食 份量又多 價錢連埋湯都係$40 的確唔錯 .但係今晚完全令我失望 叫麻辣手撕雞飯 就比個鹽焗手撕雞飯我 仲要我係外賣 返到屋企先知 .之後又要特登曬個口罩又再出返去 點知再返到屋企打開個飯既時候..比一堆雞皮雞骨我係咩事？我食過呢間呢個飯咁多次 未見過一次係咁 個中湯又淡 淡到好似水咁 手撕雞又冇咩味 換左師傅定係點呢？可唔可以專業少少呢...

炯記餐室 (北角).醬皇豬手撈粗.豬手非常惗身入味，醬油微甜，麵底份量多.燒味五寶轉瀨粉.燒味五寶有切雞，叉燒，紅腸，燒鴨，仲有鹹蛋！ 全部另上唔怕浸到淋曬！.常餐 叉燒瀨粉配多士炒蛋.$46仲可以轉食叉燒瀨個人覺得幾抵食，再配埋牛乳蛋多士！ .冬菇扒生菜.最令我們驚喜的菜式， $20有生菜有冬菇扒，非常好食入味！.. —————————————————-.📌 炯記餐室 (北角)北角英皇道376-380號美麗閣地舖.—————————————————————-

炯記餐室 (北角).爸爸最喜歡食呢啲茶餐廳類，聽聞佢嘅撈粗好似唔錯！.⚜️醬皇豬手撈粗⚜️.店員表示呢個係佢地招牌之一，之前推出完停左一排好多客人話要encore再推出番！豬手非常之入味又夠惗身，粗麵每一條都入曬味，而且都好大碗份量好多，唯獨係食到後面好快就覺得飽了🤣.⚜️燒味五寶轉瀨粉⚜️.媽媽唔想食飯想食濕口野，轉左瀨粉燒味另上，燒味有燒鴨白切雞叉燒紅腸以及鹹蛋半隻(⁎⁍̴̛ᴗ⁍̴̛⁎) .⚜️常餐 叉燒瀨粉配多士炒蛋⚜️.我唔算好餓叫個常餐，都好大份下，牛油多士配上牛乳炒蛋，$46好抵食啊都，而且呢到嘅咖啡奶茶都好好飲好醇厚！ .⚜️冬菇扒生菜⚜️.呢個真係又平又好食，套餐+$20就有冬菇扒生菜🥬，平日$20得碟菜咋🤣 重點係個冬菇好入味好好食😋大家都一定要加！.另外【炯記餐室】入圍左Yahoo! 熱搜餐廳大賞，上以下網址投票及購買78折炯記餐室現金劵: http://bit.ly/38qOXbt仲更加抵食！ ！. —————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 炯記餐室 (北角)北角英皇道376-380號美麗閣地舖.——————————————————

首先介紹左最有驚喜個個常餐($46)常餐入面嘅五香肉丁瀨粉🍜意外地夾😱😱，好有驚喜蝦🦐籽冬菇撈粗（$42）冬菇既分量幾多，冬菇個汁都幾好味，蝦籽嘅口感幾特別，但係成碗野有啲油膩嘅感覺如果佢有比碗湯就更好。燒腩仔飯套餐($53)啲腩仔夠趣卜卜，份量又多，抵食蜜汁叉燒飯套餐($53)但係喺飲品方面，我叫咗個凍檸蜜，佢味道太甜，但係溝番少少水落去，但係味道有變到好怪😰基本上佢全部份量都好足夠，所以幾抵食

We came to this Chinese restaurant to try their popular duck oil noodles and shedded chicken today as we have heard a lot of good reviews about it. Luckily we only had to wait 10 mins to be seated. We ordered three of their signature dishes. Which was the bbq roasted pork, duck, noodles with pig knuckles and also their shedded chicken in sesame! the roasted combo of roasted Bbq pork and duck was perfectly delivered - juicy, tasted delicious and not too fat. The sauce goes well with the whole dis

話說之前幫襯過好多次炯記，不過次次都係食鵝油撈粗，所以今次想試吓佢哋啲飯。又話說其實猴子鍾意食麵多過食飯，不過做人嘅嘢，梗係乜都要試吓。或者係炯記嘅鵝油撈粗太出名，相比起上嚟，佢啲飯就好似遜色咗少少，冇期待中咁香咁惹味，平淡咗少少，飯粒嘅水份亦好似多咗少少。至於手撕雞就一貫咁好味，又香又滑，未放入口已經流晒口水。雖然今餐嘅滿意度冇之前咁高，不過整體嚟講仍然係唔錯。再者，炯記亦算係相當抵食，飯連凍飲都只係HK$43，況且對比起新開張嗰陣，座位空間已經改善咗、寬敞咗，所以猴子一定會繼續幫襯。

提起「鵝油」兩個字，猴子以為女士們一定耍手擰頭，奇就奇在公司嘅女同事居然愛上炯記嘅鵝油，最近隔幾日就要去一次，難怪鵝油能夠稱得上為炯記嘅鎮店之寶。其實一早已經想介紹吓呢間炯記，不過猴子近排勁忙，所以攤到依家先寫。今次食嘅係醬皇豬手撈粗，豬手炆到夠淋夠入味，爽滑兼備，而鵝油粗麵亦係一貫滑溜，而且食完都唔覺得滯，直情係傳說中嘅「油而不膩」。講到價錢亦係值得一讚，下午茶時段，送例湯連熱飲都只係HK$40，確實抵食。