炑八Taste (已結業)

我今次去咗一間餐廳試咗佢嘅黑毛豬餐同埋韓式醬油牛五花餐。兩款餐都係配埋飯同前菜、湯、飲品，價格分別係$88同$92。我先試咗佢嘅黑毛豬餐。佢嘅黑毛豬豬肉燒得好啱口，顏色深嗰幾塊呢就比較好味，入味啲同埋啲肉淋啲有味。不過，其他猪肉就真係好一般。不過，我食咗個迷你五花肉飯，呢個額外加嘅驚喜真係好抵食，份量一啲都唔迷你，好多泡菜同埋幾多五花肉，味道方面除咗泡菜鹹咗啲，但五花肉好好味，好味過黑毛豬餐嘅烤豬肉。另外一款韓式醬油牛五花餐就比較特別啦，牛五花都有少少肉味，醃料味道都唔錯，不過每一件牛五花都有渣，可能係因為佢哋唔係特別處理過。不過我覺得呢一款餐好處係可以試下唔同嘅肉類，有啲新鮮感。同埋呢一款餐嘅湯好飲，唔係太鹹同唔係太濃，適合味蕾比較敏感嘅人。總括而言，呢兩款餐嘅口感真係有好大嘅差異。如果你鍾意豬肉嘅話，咁就選擇黑毛豬餐啦。如果你想試下唔同種類嘅肉類，又想要啱口味嘅話，就可以揀韓式醬油牛五花餐。而迷你五花肉飯就係可以加$16嚟試下啦，份量夠食同埋味道好好。

weekend同男朋友係油塘附近行山，中午想食燒肉，搵到大本型有得食，原來係food court入面，中午去到都唔算太多人，唔洗等位，最舒服係有sofa卡位坐。我地叫左個烤肉set同牛肉骨湯配飯。個燒肉肉質都算唔錯，有些小牛肉味，對得起個價錢。牛骨湯飯個牛肉就更加重牛肉味，燉到軟爛入味，都推薦。

今次又嚟幫襯呢間超差嘅炑八分店😂話說上次食烤肉套餐覺得好失望，而且服務態度又差 ，今次我哋轉食烤雞同飯， 睇下係唔係到咁伏？其實份炸雞上到嚟都幾邪惡，雖然佢個皮比較厚，但係佢啲甜辣汁幾有韓國炸雞嘅味道👍🏼如果幾十蚊一份嚟講，我覺得可以接受，而且份量都大分，個底再配埋薯條一定夠飽👍🏼跟餐仲要包一份餐飲，如果冇乜選擇之下，又想食韓國炸雞，又想平平地，不失係一個選擇👍🏼然後我哋叫咗個泡菜豚肉飯... 呢個就比較失望，飯嘅份量應該啱啱好夠一個細食嘅女仔飽，而且啲豚肉都比較硬🥲 泡菜都算多嘅...但整體來講覺得普普通通...下次應該試下石頭鍋可能好啲？不過幾十蚊一份，跟餐飲就算啦😂食過咁多間炑八， 次次過嚟呢間質素最差😂😂#炑八韓烤 #油塘美食 #香港特色 #韓國菜 #食 #食評 #食好d食平d #食好西 #食好d #食食食 #中伏 #炸雞 #薯仔 #薯條 #泡菜 #韓國炸雞 #黃怪獸 #黃怪獸覓食 #想要更多真實食評搜尋ig黃怪獸覓食

女友收工，同佢去行下商場同食野，因為比較夜，都差唔多9點，覺得冇乜好選擇，就求其入food court睇下見到炢八有啲一人餐，問佢地仲有冇得叫，得到話有既回覆，咪叫啲一人燒烤餐食。黎個燒牛同燒豬，但係就冇爐邊蛋同芝士，灰😒😒😒跟住食2舊肉，發覺差咁個湯，就走去問佢地，佢地話賣哂啦，冇啦。下？？！！咁就冇啦？係呀，收左啦，冇架啦。我真係企左喺度......其他炑八都冇咁hea，呢間真係多乜謝，成餐食得求求其其。唔一定black list炑八，不過呢間一定唔再幫襯。

心血來潮想食烤肉~ 見到油塘大本型有嘉炑八燒烤喺food court入面， 心諗應該都唔會太伏， 入咗去食了~因為之前都去過其他分店嘅炑八燒烤， 前菜都會大大碟， 而且燒烤係會包埋蛋漿， 都算乾淨企理衛生~點知大本營呢間分店真係慘不忍睹💥由於我哋係好早入到去，所以大把枱可以揀心， 不過我哋都轉咗幾次枱， 原因係鐵板燒上面有好污糟嘅油漬，應該係嗰個吸油嘅器具漏落嚟... 嗰啲係萬年油漬嚟㗎喎，有啲核突囉！ 見到同場的另一個家庭都係不斷轉枱， 都係同一個原因。今次我哋叫咗一個豬套餐同牛套餐，份量睇落去都唔夠普通分店多，味道都仲算正常，不過套餐入面唔包蛋漿，要另外加10蚊畀錢買🙃以往豬套餐係會包一塊豬公仔嘅薯仔，呢度冇😑而且前菜大家都睇到，勁細一份， 同平時大大份真係好有出入🙃咁樣嘅價錢我寧願返返去普通炑八燒烤算啦， food court嘅質素真係差好多🥲#大食代 #foodcourt #foodie #foodiehk #大本型 #油塘美食 #食好d食平d #食好西 #食 #香港特色 #香港 #yum #yummy #黃怪獸 #黃怪獸覓食

係food court 入面食韓燒，自己叫餐自己攞，快餐模式。一次過攞份餐，先開始燒肉。可以先食前菜同飲咗湯先，等肉燒好個飯都凍左D🥺D肉係okay既，肉質味道都唔錯，唔係韓燒自助餐，全部一樣味嗰啲肉，可以追加小食，例如芝士粟米，爐邊蛋，魚糕，年糕等。唔建議加迷你泡菜豬肉飯，因為得五塊肥肉，我問呀姐，仲要俾佢話係得五塊，勁無禮貌。跟餐包一杯飲品，但次次都勁多冰，一係加大或走冰比較好。 因為food court都唔可以要求太高，但食物質素OK嘅。

出街食燒肉，好多時一係就放題，一係就單點，但係單點嘅份量一個人又食唔晒🙈🙈所以如果得一兩個人嘅話就真係好少食燒肉🥺🥺依間炑八嘅設計真係好好，因為佢係有燒肉set，一個人份量，可以試到唔同嘅肉啊😻😻如果唔夠食仲可以一份份咁樣追加，係幾貼心嘅😋😋-除咗燒肉之外佢亦都有好多唔同嘅韓式主食，例如係牛肉炒粉絲同埋韓國石頭鍋飯，而我同埋屋企人最鍾意就係食泡菜豬肉飯，好有喺韓國食嘅感覺😋❤️❤️

油塘大本型而家都有幾多食肆選擇，見到呢間韓國嘢幾抵食，都有得食燒肉嘅，不過自己一個人就唔食燒肉啦人蔘雞湯分量超多，有成半隻雞，個湯都幾好飲，雞肉都好淋，越咬越香，個人蔘雞仲跟埋白飯一碗，嘢飲，泡菜同埋湯，算係幾抵食

本來想叫個紫菜包飯做lunch, 去到嘅時候已經係11：15, 佢地係開10點的. 去到嘅時候, 前面已有一名男子等緊比staff serve, 但我同佢都等咗好耐, 入面3個呀姐原全唔理我地, 繼續係到吹水整嘢. 佢地見到我地都冇諗住過嚟最後我地兩個都走咗, 服務態度好差.

由啱啱開張食到依家 疫情嚴重嗰排外賣既肉明顯少咗 但唔緊要 生意難做我明 呢排消費券出咗 生意好咗但啲肉少咗更多 啱啱買個外賣啲豬肉夾埋兩舊都冇 $50買咗一碗泡菜+飯 好過分 唔會再食

午市抵食味道不錯，好難得找到平價的午市韓食😚雖然是food court ,但味道也不輸蝕👍🏻有前茶和湯，飲品.💠石頭鍋飯 𝗦𝘁𝗼𝗻𝗲 𝗕𝗶𝗯𝗶𝗺𝗯𝗮𝗽$52好噴噴，牛肉嫩滑，超足料😋加了韓國辣椒醬後，超野味😍食到淡淡飯焦.味道也很正宗😊💠大醬湯飯 𝗦𝗼𝘆𝗯𝗲𝗮𝗻 𝗣𝗮𝘀𝘁𝗮 𝘀𝘁𝗲𝘄 𝘄/𝗿𝗶𝗰𝗲 $50幾香濃，豆腐有很多，牛肉，還有幾隻硯.大醬可以再落多點，喜歡濃味朋友可自行加大醬料😉通常吃了一半後，就會喜歡將飯倒進湯變湯飯裡食😍😍雖然重口味，但好正🤓💠辣炒年糕 𝗧𝘁𝗲𝗼𝗸𝗯𝗼𝗸𝗸𝗶 +$12跟餐加，年糕味不正宗，不辣而且味道不太好食.

今日買2個温泉蛋牛肉飯,結果個飯無蛋...咁叫咩温泉蛋?問返朋友先知呢間成日俾漏嘢打俾佢地又無人聽電話,連大本營既都無人聽..SO出黎既電話懷疑係假既條氣好唔順,又唔想特登行返去大本營同佢嘈..搞到我心情好矛盾

1. 黑毛豬餐 配飯配前菜配湯配飲品 $88黑毛豬豬肉燒呢就， 圖片顏色深嗰幾塊呢就比較好味啲入味啲同埋啲肉淋啲有味囉， 其他猪肉嘅話就真是好一般2- 韓式醬油牛五花餐 配飯配前菜配湯配飲品 $92牛五花都有少少肉味嘅， 醃料味道都唔錯， 可惜每一件牛五花都有渣😔3 -驚喜係個額外加嘅 迷你五花肉飯呢個飯上面都好多泡菜同埋幾多五花肉， 份量一啲都唔迷你， 味道呢除咗泡菜鹹咗啲，但五花肉好好味 好味個黑毛豬餐嘅烤豬肉呀， 同呢個飯呢淨係加16蚊真係好抵食整體嚟講呢，呢間油塘炑八呢，就唔同我喺黃大仙食嗰間分店咁好味囉，黃大仙嗰間既前菜仲可以任加仲有三樣㖭， 感覺上個烤盤呢係容易烤啲囉， 油塘呢間呢個烤盤烤一烤就燶， 烤得非常之困難

係油塘大本型嘅大食代3樓入面間炑八Taste食下午茶選著個套餐D 紫菜卷加魚糕 再加杯汽水 送著個例湯加泡菜2小塊 28紋紫菜卷OK 不過不失，同韓國當地比係無得比，諗起韓國哋紫菜包飯就留晒口水，好想去呀（疫情快哋走啦）魚糕都入味，食得出係韓國魚糕，但杯嘢飲可樂就衰過汽水機出來嘅汽水，無咩味 泡菜就偏酸同其他分店比，反而個例湯好飲呢個下午茶套餐28紋來講，咁多嘢食，份量又唔少，唔介意味道，想求其醫飽個肚，可以試下食

真心好過分。油塘既韓國野真係唔多，咁就去左呢間食左個泡菜豬肉飯。上到枱，咁我突然諗，不如數下佢俾左幾多塊豬肉啦，因為餐牌上面既圖見到豬肉既份量都唔少，一塊塊整齊咁排上面。點知我一數就大鑊啦，發現佢既豬肉，首先，係要以粒計既，非常非常細粒，平均都係手指甲咁大。當你以為大塊既，一塊塊既，好深色既，係豬肉既時候，其實一切都係假嘅，全部都係泡菜。細細粒既先係豬肉。佢完全係以顏色欺騙世人。其次，佢粒粒豬肉都算啦，已經咬都無咩口感，而且佢份量仲好鬼少。鬼我諗唔超過十粒。其實，豬肉係貴，但係都唔使份量咁少掛，你既價錢又唔平，都要俾番啲應有既質素掛。以後，絕對唔會再食，一定。