炑八韓烤 (瓊華中心) (已結業)

我一直都鍾意食烤肉，，連鎖店之中，呢間都算係我心中數一數二。今次又試咗一啲未試過嘅款式。芝士溶岩飯 $128上菜時店員會將超多芝士喺你面前加到熱盤中，然後同味飯炒埋一齊，飯嘅本身應該有韓式調味，加埋拉絲芝士，兩個人食晒成盤都幾飽特級牛肋骨 $288擺盤已經好靚，仲有一隻蝦。牛肋骨烤起好香，好有BBQ牛扒嘅風味，蝦亦好新鮮，爽口唔會覺得霉。韓國梅花肉 （厚切） $122食落唔覺得好油，口味偏清啖，但又會食到鮮味。炑八厚切五花腩 $138成舊五花腩上枱超厚，烤到半熟時剪開慢慢烤，烤完皮層連脂肪好香脆，肉味好濃厚而且好彈牙，絕對推介。韓國醬油蝦配紫菜飯 $138一向都覺得醬油蝦偏太咸，但呢間味道剛剛好，反而可以真正試返蝦嘅鮮味，肉質好彈好有趣。夾心棉花糖配朱古力威化餅 $68烤棉花糖好平常，但有埋塊餅俾你夾又好玩好多，餅有朱古力同原味，好玩好食。士多啤梨乳酸梳打 $48香甜嘅士多啤梨味加埋梳打水，好爽。士多啤梨肉唔夠甜，如果甜啲會更正。店員服務好好，會不停收碟同換鐵網。好滿足咁就食完呢餐，埋單$978。

男朋友生日，佢想食烤肉，咁我地上次食左第二間烤肉，今次食呢間。今次我請就食豪啲，總共都食左$978特級牛肋骨$288呢份牛肋骨都幾大份，仲有隻大蝦同菇，隻蝦幾彈牙，味道唔錯！厚切韓國梅花肉$122幾靚，啲肉味好好，無調味既，食到肉既鮮味。炑八厚切五花腩$138超級厚，多到塊鐵板放唔晒，好食，份量又多。韓國醬油蝦配紫菜飯$138啲蝦好大隻，味道好香甘甜，唔咸，都抵食，蝦膏好多，推介！芝士熔岩飯 $128好食呀，咁大碟我地清晒，芝士好多，每啖飯都有，似韓國食到既味道，店員即場撈俾你。夾心棉花糖配朱古力威化餅$68食飽上呢份甜品又幾開心啵！估唔到威化餅同烤棉花糖幾夾，自己烤好好玩！士多啤梨乳酸梳打2杯$48x2士多啤梨係新鮮嘅士多啤梨🍓酸酸甜甜，幾清新。店員會久唔久走黎問你洗唔洗加小菜，好貼心，如果自己成日嗌佢加會唔好意思，但係佢主動問就可以係咁點。生菜、泡菜、芽菜、白蘿蔔片、海帶、沙律同爐邊蛋，芝士粟米都係任加既，淨係食配菜都可以食飽了。

朋友生日就請佢食返餐高質素韓國燒烤，就選擇了位於旺角這間（炑八韓烤）這裏環境及食物都不錯！入座後職員為我們添加了多款韓式前菜、邊爐蛋及芝士粟米等。韓國醬油蝦配紫菜飯一碟有四隻新鮮又大隻的醬油蝦，蝦頭仲有大量蝦膏，啖啖肉好鮮甜，醬油調味適中，撈埋白飯一齊食，超美味。特級牛肋骨牛肋骨色澤好新鮮，而且醃得好入味，肉質鮮嫩，不用沾上任何醬汁就咁食已經好好味韓國梅花肉每一件都切得好薄，品嚐到鮮美和細膩的口感。厚切五花腩在烤的過程中會釋放出豬肉的鮮味和油脂，好香好惹味👍芝士溶岩飯職員上枱時會為我們加入芝士及蛋漿撈勻預先加熱了的泡菜飯，入口每一啖充滿芝士和泡菜的香味，芝士仲有拉絲效果，一啖接一啖食唔停口。夾心棉花糖配朱古力威化餅棉花糖燒熔之後夾入朱古力餅一齊食，甜度適中，口感不錯👍柚子檸檬梳打和青檸梳打都是比較清新的飲料，解膩一流！

今日收工同同事黎咗旺角嘅炑八韓燒。佢嘅前菜可以免費無限添加。佢地用醬汁醃過既特級牛肋骨同埋厚切五花腩，好juicy好美味。除咗呢兩樣，仲有韓國梅花肉，肉質鮮嫩，令人回味無窮😍芝士熔岩飯既芝士香味超級濃郁🤩醬油蝦口感鮮美又帶有鹹香味，配紫菜飯一流👍🏻甜品揀左夾心棉花糖配朱古力威化餅，燒過既棉花糖配上朱古力威化，意外地好味😋王牌士多啤梨乳酸梳打，有士多啤梨肉係底，酸酸甜甜，清新怡人，適合配搭燒烤食品，必試❗️呢度唔止食物好味，職員服務亦好好，而且價錢亦相宜。如果係香港想試下正宗嘅韓式燒烤，炑八會係唔錯嘅選擇😁

Weekend當然要約朋友出嚟聚一聚😅約佐去燒烤不過唔係出外BBQ,而係去佐韓國燒烤店食燒肉肉😋甘啱坐卡位就座,位置十分寬敞,一坐低店員率先上佐幾碟前菜、生菜、爐邊旦和芝士粟米,這些是可以無限追加的😅🥢炑八厚切五花腩 🐖超厚切五花腩大大條,燒到外面金黃色微微焦香, 好似食燒肉皮脆卜卜,肉質非常彈牙,肉味濃郁,加啲泡菜、點埋秘製醬汁,用生菜包住食,好滋味😋如喜愛芝士加埋粟米🌽芝士🧀一齊食仲正👍🥢三味牛小排 🥩三味分別係原味,韓式秘製醬油同青醬...我鍾意原味,沾點鹽食出肉既自然香味 幾款牛小排肉質都係咁甘香幼嫩!!🥢香烤豬五花片 🥓好鍾意呢度嘅豬五花,半肥瘦好入味,一層肉一層脂肪,薄薄一片好快就熟,我鍾意夾泡菜食,辣辣哋“正”😋🥢韓式牛肉炒粉絲粉絲好彈牙唔會太冧,牛炒得好香好食。🥤我就再叫左杯薄荷荔枝梳打「涼浸浸,好解渴,都幾好飲」

講到食韓國嘢， 我最鍾意食嘅都係韓燒同石鍋飯。呢日同朋友一齊係旺角行街街。 心血來潮想食韓國嘢，所以就去咗食朋友去開嗰間炑八燒烤。今次我哋叫咗個$698模範韓牛肉套餐， 再加咗蟹膏像石鍋飯，同埋2杯嘢飲🤤 🔹️模範韓牛肉套餐($698)入面有醬油排骨，護心肉，梅花肉，牛舌，LA骨，韓牛前胸肉，彥陽牛肉，可以嘗試到唔同嘅部位嘅韓牛。 另外再有一啲生菜用黎夾肉食，減低油膩感～我哋一致都覺得護心肉，LA骨&彥陽牛肉係最好食！ 啲肉好嫩， 好夠牛味豬味🤤 最正係佢哋嗰個泡菜邊爐蛋同埋粟米芝士都係無限refill。 我哋都係芝士控，所以encore咗4次🤣🔹️蟹膏醬石鍋飯 ($98)蟹膏石鍋飯好夠熱， 蟹膏醬個味好濃好鮮甜！ 蛋黃，炸蒜同蔥撈埋好夾，唔會覺得咸，再加埋啲燒肉同泡菜一齊食， 令成個味道更加豐富。🔹️荔枝梳打 、菠蘿梳打 ($38 /1)梳打入面真係有成舊果肉😍 味道唔會好甜，有清新嘅果味，夠凍！

我最鍾意既地方係小食 芝士 泡菜雞蛋可以無限♾️加😌而同其他燒肉地方唔同 佢仲有好多款野食叫 我叫左炸雞半份 好好味 🤤佢可以無骨 店員介紹左海鮮煎餅 真係好食 我之前黎個 叫左泡菜煎餅 真係無海鮮煎餅噤好食 另外叫左三款牛燒肉 佢可以有埋牛舌 所以太好喇 豬肉同樣都叫左拼盤 佢簿身個款 我值得推介 都好好味 佢醬汁 可以點聯田簡直絕配😆我哋仲叫左部隊鍋 個麵同腸仔一流 我係OpenRice 訂座 所以消費滿$700 以上 有75折 所以覺得低食😆

今晚食燒肉，老公早到選定餐廳，上到去可以即刻燒，台面除了套餐外，還有不少配菜，有大豆芽、昆布、醃蘿蔔、泡菜、生菜、沙律，極豐富！店員好勤力，食完配菜、泡菜雞蛋、粟米芝士，都來問需不需要追加，重點是這些免費追加，但我們確實已足夠，只追加泡菜一次！記得不要浪費呢。人均：$479.5.模範韓牛肉套餐 一共七款肉，有醬油排骨、護心肉、梅花肉、牛舌、LA骨、韓牛前胸肉、彥陽牛肉，每款都有三件或以上，份量很豐富，爐邊有拉絲粟米芝士，當芝士遇上牛肉，簡直緣份的天空，絕配，又或者牛肉加蒜片、辣椒、泡菜包生菜也是叫人驚艷！.蟹膏醬石鍋飯 (半份) 另加98，男人需要有米落肚，當飯來到店員很細心讓我們拍照後才幫我們撈，蟹膏味香濃，飯粒粒分明！不錯呢！.飲品藍天使梳打、柚子檸檬梳打

每次食到好味嘅嘢食，就覺得好幸福！我哋又去韓燒來尋找幸福嘅感覺啦😂每次嚟到呢度食配菜都已經好開心，因為呢度無論係用嚟包肉嘅菜，定係泡菜、大豆芽、紫菜、蘿蔔，甚至爐邊蛋仲有粟米芝士都係無限添加㗎！尤其呢度啲泡菜真係勁好味，甜甜地唔會太辣，用嚟包肉真係好正！今次試咗模範韓牛肉套餐，套餐包括有醬油排骨、護心肉、梅花肉、牛舌、LA骨、韓牛前胸肉、彥陽牛肉，款式多元化係重點以豬肉同埋牛肉配搭嘅套餐。可以一次過食到唔同嘅肉肉牛感👉🏻爽口脆感嘅牛舌、肉汁肥美油花十足的醬醃L A骨、蔥香十足入口軟糯的彥陽牛肉、仲有啖啖肉口感的大大塊韓牛前胸肉，食完真係勁滿足！👍不過要講到最有驚喜嘅，都可以算係醬油排骨，一路燒已經一路火花噴發，就可以知道幾咁肥美😋炭火將肥膏同肉肉完美融合，食嘅時候，淨係feel到軟綿綿嘅口感同埋迴盪的肉香，好食到停唔到呀！跟餐以優惠價可以食埋蟹膏醬石鍋飯，就叫來試吓！醬油同埋蟹膏仲有鍋巴嘅組合，點會唔好食啊？😂食到熱辣辣就嘆番杯滋味梳打特飲，爽呀😊

每次想食韓燒，除咗尖沙咀條韓國街之外，就一定會嚟炑八食！今次都唔例外，嚟到旺角呢間分店食😝😝《小菜》⭐8.5/10呢度最正就係一叫完個餐，就會比超多小菜，而且味道絕對唔馬虎，細食嘅話食小菜都食得飽啊👍🏼👍🏼《鰻魚榮耀套餐》($898) ⭐9/10女朋友一見到個餐有鰻魚就指明要叫呢個餐，結果就上咗一隻牛嘅餐盤上嚟，份量絕對唔惹少，包括到LA骨，護心肉，豬背肉，醬油五花肉，大蝦，韓牛前胸肉，梨汁雞肉，鰻魚，特級牛肋骨🤩🤩 食到舔舔脷😋😋《蟹膏醬石鍋飯》($98) ⭐9.5/10見到加$98就有一個石鍋飯，於是就貪得意叫左佢，點知發覺呢個係今晚嘅MVP！佢嘅蟹膏份量係超多，店員會好細心咁幫你慢慢拌好，每一啖飯都有濃厚嘅蟹膏味，真係超級正！！滿足晒☺️☺️

今日又去咗旺角到食dinner😋今次去食韓燒！呢間餐廳相信大家都聽過㗎啦❤️，今次食得好滿足好飽啊🔥😌✨模範韓牛肉套餐呢個套餐有醬油排骨，護心肉，梅花肉，牛舌，LA骨，韓牛前胸肉，彥陽牛肉👍🏻🫠醬油排骨啲肉質好滑嫩，醬汁唔會太鹹，有啲微微甜味，好好食❣️😋護心肉含有較少脂肪，比較健康，佢啲肉質嫩滑，但味道相對較淡，需要配合啲韓式醬汁一齊食。我最鍾意就係牛舌，啲肉質十分細嫩，🤓唔會有啲牛肉嘅腥味，加上佢啲纖維較細嫩，好易入口😍‼️套餐入面嘅每樣牛肉都有佢嘅特色同美味，值得一試！👍🏻✨蟹膏醬石鍋飯蟹膏醬石鍋飯，啲飯唔會太軟或者太硬🫶🏻🥹啲蟹膏屬醬汁又夠濃郁，真係食到嘴都唔想停‼️😍✨菠蘿梳打✨荔枝梳打至於飲品😋我嗌咗啲菠蘿梳打同埋荔枝梳打，啲味道唔會太甜，飲落去好解渴❤️👍🏻整體黎講，呢間餐廳係個好好嘅食肆，值得一試❣️🤣

稀蛋浆，四十分钟仍不成形！可看我貼的相片！我係熟客，每月最少光顧兩三次，我食匀炑八所有店，过往都觉得瓊华店不錯，但從上次起，此店每况愈下！連铜锣湾分店都不会如此！真令人失望！

今次同朋友去炑八韓烤試咗佢地嘅鰻魚榮耀套餐 ($898)，真係好滿足啊！餐廳氣氛都好舒服。一落完單就上哂成枱配菜，沙律，芝士同爐邊蛋，勁豐富！LA骨：呢款韓烤經典菜式，好多人都鐘意食。每塊骨頭都好肥美，脆皮軟嫩，加上佢地嘅特製醬汁，真係好開胃！護心肉：肉質好嫩，唔會覺得柴。豬背肉 ：醃得幾好味，個肉質幾嫩滑，唔會太肥膩，好適合搭配埋啲泡菜食。醬油五花肉：個肉好多汁，味道好香濃，配啲生菜同泡菜一齊食，非常開胃。大蝦：燒完可以離殼彈牙既，真係好好食！韓牛前胸肉：呢款牛肉好多汁，醃得好好味，肉質好鮮甜。梨汁雞肉：啲雞肉好嫩，有淡淡嘅梨味，唔會太甜。鰻魚：呢款鰻魚好好食，燒得啱啱好脆，令人一試難忘。特級牛肋骨：勁大件醃好左既牛肋骨，味道濃郁，肉質好嫩，最好食係佢。人蔘雞湯 ($88)：呢個湯好滋補，啲雞肉同啲人蔘一齊煲，湯嘅味道好濃郁，令人一飲就想再飲，暖暖地幾舒服。藍天使梳打 ($38)：呢杯梳打好清新，甜甜地，好解膩。蜜瓜沙冰 ($48)：呢個蜜瓜沙冰好清爽，唔會太甜。總括黎講，呢間韓烤真係好正啊！食物質素高，服務好好，環境舒適，真係值得一試！📍 炑八韓烤 (瓊華中心) (旺角)旺角彌敦道

依間係旺角嘅韓燒好有氣氛☺️令人感覺好似去咗韓國🫶🏻同friend敘舊就最啱啦，仲有靚靚韓牛。呢次就揀咗「模範韓牛肉套餐」，一於擦餐飽。除咗燒肉，依度仲有好多韓式料理選擇。坐低點完餐服務生就放低幾款韓式前菜，包括泡菜丶芽菜丶海帶，全部都可以任添💗然後為我哋準備個爐，爐邊加咗芝士粟米同埋蛋，最鍾意半溶芝士☺️好正，之後食完仲可以無限添加。🔶模範韓牛肉套餐 $698用咗牛形砧板盛著，入面有好多款韓牛，啱晒我哋依啲牛控🤤包括有醬油排骨、護心肉、梅花肉、牛舌、LA骨、韓牛前胸肉、彥陽牛肉。另外仲有一大籃蔬菜🥬可以包住燒肉食。其中最鍾意🥩韓牛前胸肉，油花分佈好平均，入口柔腍juicy有脂香 。LA骨都正！有濃郁牛味。🔶人蔘雞湯想飲啖熱湯，叫咗半份蔘雞湯，份量都好多🤩湯頭鮮甜甘香，入面有半隻雞，滑嫩鮮香好唔錯。🔶飲品 菠蘿梳打 荔枝梳打 啱晒韓燒，入面仲有菠蘿粒/荔枝粒，滿有果香，清甜味美。

好耐無食韓燒啦，炑八可以話係香港韓燒嘅始祖級。最特別就係有任食爐邊蛋同芝士粟米，配埋啲肉一齊食好夾！鰻魚榮耀套餐今排韓劇黑暗榮耀可以話城中熱話，我相信呢個套餐嘅名都有參考到呀，鐘意嘅絕對要試吓。套餐上枱時會用一隻牛牛形狀的碟將所有肉一一放好，分別有LA骨、護心肉、豬背肉、醬油五花肉、大蝦、韓牛前胸肉、梨汁雞肉、鰻魚，仲有啲菇添。而特級牛肋骨就會另外上啦，望落去個份量真係嚇死人。我估成個套餐絕對可以比三至四個人食呀。大部分嘅肉都有醃過嘅，肉質幾好，一定要夾埋泡菜，芽菜同生菜一齊食，咁先正完架嘛。人參雞湯雪白的湯加上已經燉到軟糯的雞肉，入面仲有紅棗同糯米添，同燒肉一齊食唔會話好飽，反而有種清清地咁感覺。青檸梳打一定要飲杯嘢飲啦，先可以繼續努力食落去。梳打大大杯，唔洗驚唔會飲。鍾意飲酒嘅仲可以嗌啲㙮嚟飲！