炑八韓烤 (歐亞銀行大廈) (已結業)

今晚帶仔仔去食飯，諗住試吓韓燒，諗住係Op訂有優惠，都試吓，原來單点先有折，套餐係冇，得2件唔新鮮嘅牛肉同蝦，唔夠飽，叫碟韓式炒粉絲，勁多獲撈，夠膽死話係黑椒，當然唔收貨，員工態度勁差，好似欠左佢咁，唔會再有下次🤬🤬🤬

今日突然好想食燒肉！即刻上網BOOK炑八韓烤，見到佢新推出既熱灸月見和牛套餐勁吸引啊！仲送芝士熔岩泡菜紫菜包飯～必食爐邊蛋同芝士粟米，可以無限任添，勁正。多款前菜都可以任添，特別推薦醃得好入味既泡菜～熱灸月見和牛套餐月見和牛肩肉扒滿佈大理石紋路脂肪，食落牛味濃厚又多汁！韓牛前胸肉質感爽脆又甘香，脂肪分佈均勻、牛味重，令人一試難忘～霜降牛小排油花多、嫩度適中，肉質偏軟嫩，肉汁滿溢。韓國鰻魚鰻魚肉鮮嫩細緻，魚皮燒至焦脆勁香口。牛舌脆嫩多汁有嚼勁。蜜柑牛五花油脂甚多，口感鮮嫩。墨魚同大紅蝦都好新鮮！食落好Q嫩又彈牙~加配特級牛肋骨，油脂分布均勻，肉質甘甜又柔軟，汁多味美，入口即化～附送既芝士熔岩泡菜紫菜包飯都好出色！拉絲芝士勁吸晴，邪惡得黎好香口。飲品揀左兩杯梳打，解渴解膩，絕佳組合。

炑八韓烤嚟呢度食韓燒最開心就係可以免費任食爐邊芝士粟米同埋泡菜蛋，另外除左沙律之外，多款前菜都係隨意添加！佢個泡菜蛋真係幾好食。🔹月見和牛肩肉扒套餐月見即係加入溫泉蛋同埋醬汁，將燒好嘅牛肉沾上蛋汁再品嚐，可以令牛肉嘅口感更加柔滑。和牛脂香肉嫩，上肩肉油脂平衡。套餐仲有霜降牛小排、醬油五花肉、魷魚、鰻魚、冬菇同南瓜等。牛小排、牛五花肉味濃郁，油花分配平均，油香豐腴。鰻魚厚身彈牙，非常出色。🔹芝士熔岩泡菜紫菜包飯半溶芝士加上泡菜紫菜包飯，食完一定夠哂飽。

食韓燒梗係揀中基oppa都去嘅嗰間炑八韓烤la!我哋每逢有新套餐推出都會嚟聚下，一來套餐抵食，以來坐得舒服，同埋勁鍾意呢度有爐邊蛋同埋芝士粟米，連埋前菜都係無限添加㗎！超正囉！❣️$498月見和牛肩肉扒套餐 包括有👉🏻✔️月見和牛肩肉扒✔️醬油五花肉✔️梨汁雞翼✔️墨魚✔️大紅蝦✔️霜降牛小排呢款套餐勁抵食呀！淨係塊月見和牛肩肉扒已經值回票價啦！睇吓個牛肉啲紋理幾靚，就知食起來係幾咁軟綿綿，又幾咁充滿油花啦！就咁食或者包菜都一流啊！另外開邊大紅蝦好鮮甜，醬油五花肉亦都係偷飯賊，燒到兩邊金黃帶炭香，食起嚟完全冇油膩咁㗎，正呀😆最後加咗芝士熔岩泡菜紫菜包飯，集合咗我最鍾意食嘅芝士同埋泡菜同埋紫菜，woo！不能抗拒呢！啲芝士一拉起，超邪惡but我鍾意❤️食韓燒最好就梗係配梳打啦！我呢款柚子梳打夠晒韓feel啦!#炑八 #炑八韓烤 #Meokbangbbq #먹방 #韓燒 #燒肉 #韓國菜 #韓國餐廳 #韓國燒烤 #koreanfood #和牛 #相機食先

•和牛牛舌勝燒套裝•$698前菜比左個小沙律酸酸甜甜夠開胃另外爐邊既泡菜蛋同粟米芝士真係好正仲可以無限refill🧀韓牛前胸肉🐮超吸引嘅韓牛牛味特別香濃有驚喜😳😳霜降牛小排🐮香油花平均入口有油香 個人最推薦👍🏻大八爪魚🐙超大隻八爪魚好厚肉地而且燒完之後好彈牙醃料亦都夠味護心肉🥩罕有部位果然冇失望🤩和牛牛舌👅牛舌本身已經好食仲要係和牛食落去真係好幸福豬梅花肉🐷油花層次分明 個人鐘意包住生菜食可以減低油膩感大啡菇🍄會燒完之後十分Juicy

好耐都冇食過炑八了，今日見到有新套餐推出就忍不住入左去試進了店內，我們選了一個月見和牛套餐， 內裹包括了一塊月見和牛肩肉扒，醬油五花肉， 梨汁雞翼， 墨魚，大紅蝦牛小排。 配菜都是可以無限續的， 但沙拉就不行！ 月見和牛是有一隻溫泉蛋加配，就係係燒完之後點黎食， 好似食壽喜燒咁入口即融的感覺依舊存在。 梨汁雞翼，我都很推薦，因為我第一次食用梨來醃製的雞翼， 有一點清甜的味道。 而飲料方面都有新推的白桃系列， 包括完熟白桃沙冰和白桃梳打， 兩杯都內有半顆新鮮的水蜜桃在內， 味道很甜！

夏天明明咁熱，但點解總係鍾意打邊爐/燒烤🤣🤣今晚放工去左炑八韓烤食新menu🥰 最近出左個和牛餐😚睇到廣告就好想食！.🍴月炙月見和牛套餐$498套餐黎講，佢都好足料，有月見和牛肩扒、梨油雞翼、醬油五花肉、墨魚、大紅蝦、霜降牛小排... 仲要本身前菜同爐邊蛋可以任加😜足料抵食。.🍴$198 特級牛肋肉其實個餐都好夠食，但因為我地3人Share食2人餐，始終係差啲野食🤣所以加點呢個特級牛肋肉，醬汁醃得入味又夠淋身，啖啖肉大大嚿。.🍴芝士熔岩泡菜包飯 free 星期一至四叫月炙月見和牛套餐免費free呢個芝士熔岩泡菜包飯，正呀，芝士拉晒絲咁，泡菜包飯有埋紫菜包埋，口感好似食緊炒飯但又好有多重豐富口感！.跟餐加$40 可以加配梳打，呢度梳打好大杯，share都夠飲，青檸同埋金橘口味我最like ，酸酸地又咁凍好開胃。

無得去韓國感受韓風，唯有食下韓燒啦。炑木可以說是香港最出名的連鎖韓燒店，太子分店比較多位，而且近太子站/彌敦道大街，約friends 好方便。.熱炙月見和牛套餐 $698，夠2-3個人食，食物豐富又高質，性價比很高呢。而且這個套餐還包月見和牛肩肉扒，是和牛呀！特別脂香肉嫩，沾一沾雞蛋醬食更迷人。如果平時A La Carte 叫，一份和牛隨時$200、$300呢。食完之後還有其他牛牛代表：蜜柑牛五花、牛舌、霜降牛小排、韓牛前胸肉，全部都好新鮮，鮮紅色的而且肥瘦適中，一次過可以食不同的部位真的很興奮！鰻魚成日食，今次第一次自己燒鰻魚，第一次見鰻魚真身。既厚身又多汁，即燒即食帶點焦香好正。.附餐附送芝士熔岩壽司，啖啖芝士，大滿足。而且包括泡菜等的前菜是任食免費的，火爐的芝士及雞蛋也是任添的，所以這個餐真的很豐富喎！.另外加錢叫了柚子檸檬梳打及薄荷荔枝梳打，真的很relax 的一夜！

今日order左「熱炙月見和牛套餐」除咗沙律之外所有嘅前菜都可以無限order包括韓式泡菜、醃蘿蔔、醃製蔬菜等等每一樣酸酸甜甜真係好開胃烤盤上面仲有芝士粟米同埋芝士雞蛋套餐嘅肉類都非常豐富包括月見和牛肩肉扒、韓牛前胸肉、霜降牛小排、韓國鰻魚、牛舌、蜜柑牛五花等等整體來講啲肉類都新鮮分量非常充足+$198 仲可以享用厚切帶骨肉眼扒！⁡而家買任何嘅萬事套餐都會送芝士熔岩泡菜紫菜包飯成個紫菜包飯都幾得意入邊係辣辣地嘅泡菜而出邊就係香港人最鍾意嘅芝士一次過食到兩種唔同嘅感覺不過就比較飽肚一份可以幾個朋友share嚟食⁡而家夏天最啱就叫番杯清爽白桃梳打清爽香甜仲有半個水蜜桃🍑喺飲品上面添啊飲晒成杯嘢飲可以食埋個生果⁡

燒肉迷嘅我更係絕對唔會放過任何食燒肉嘅機會～今次係第一次食炑八嘅晚餐～今次喺太子呢間分店，入到去有一刻覺得自己喺韓國燒肉舖，好想去旅行啊🧳！之前一直都好想食佢嘅配菜，特別係圍住嘅烤盤隔離嘅芝士同埋烤蛋🤩果然不負眾望，佢嘅芝士同粟米一啲都唔濟，仲令我忍唔住添多次芝士～～～而今次我哋就食咗熱炙月見和牛套餐～上台時嘅牛盤已經令燒肉迷十分興奮！分別有一碟和牛肩肉扒同埋一盤牛、鰻魚同魷魚嘅拼盤！每一款都係令我流曬口水嘅燒物！喺燒肉前，食咗一個麻醬沙律，係燒肉前的Fresh Start！首先我哋由燒牛前胸肉開始～淹得啱啱好又好夠味道嘅牛前胸肉 入口軟滑 絕對係享受～跟著我哋就食魷魚🦑同埋鰻魚，魷魚一啲都唔un！仲係淹得入味，有口感！我本身以為魷魚可能會好難燒得合乎中道，點知佢哋預備嘅呢個size好容易燒，所以一啲都唔會覺得有負擔～然後我哋燒牛舌，牛舌薄薄哋好容易熟，牛舌都係每逢燒肉必點，所以也是我的推介之一！係我哋食食下燒肉之際，店員就送上一份芝士熔岩泡菜紫菜包飯，真係每道都精彩！！紫菜包飯係每逢食韓式料理必點，而呢個套餐就係會額外送埋，超開心！超滿足！而且又唔會多得濟，食唔曬～份量絕對可觀但又剛

之前去過4，5間炑八都是網燒，呢間用鐵板…D蛋嘅盤是沾底嘅。。人未到齊，我話左吾開爐住，在睇餐牌，2，3分鐘之後，一個侍應冇問就開爐，仲要有個再吾知是店長定經理，冇啦啦冇問過，就擅自夾我哋嘅肉去燒，之後就走左，最後肉燶左。。🙃。。。野飲都是比其他分店差。。淡。。差點懷疑去食左間山寨店舖。。個剪刀，換左2次都是冇辦法剪到肉。。月見和牛。。肉質超差。好心成班鋪嘅人同餐具都換左佢啦。。俾甘嘅價錢食漢和嘅質素。。真心好伏。。

近排好想食韓燒，所以朋友就帶左我去炑八韓烤。我地叫左月見和牛肩肉扒套餐個套餐仲會送芝士熔岩泡菜紫菜包飯，另外點左梳打分別係白桃沙冰、白桃梳打。套餐包左唔少前菜，沙律、泡菜、芽菜等。全部都好開胃，特別鍾意食爐邊嘅泡菜蛋，芝士栗米仲同肉類特別夾！拉絲好邪惡！月見和牛肩肉扒套餐套餐份量十足又夠豐富，除左有大大塊嘅和牛肩肉扒，肉味濃郁，仲有韓牛前胸肉、霜降牛小排、韓國鰻魚、牛舌、蜜柑牛五花等，全部都好正！特別係韓國鰻魚，肉厚鮮甜，好惹味！芝士熔岩泡菜紫菜包飯半溶嘅芝士勁邪惡，加埋泡菜好惹味。白桃沙冰、白桃梳打兩款我都覺得好清新味道唔淡，口味比較fresh，果味濃濃！

之前已去過觀塘嘅炑八餐廳，覺得唔錯，今日一於試下佢地嘅太子分店，地點位於港鐵站附近超方便。點了「月見和牛肩肉扒套餐」$698 + 2杯梳打 （跟餐+$20/杯）前菜有沙律菜、芽菜、白紅蘿蔔、海滯和泡菜，除左沙律菜之外，其他前菜都無限添加。食物有：月見和牛肩肉扒、韓牛前胸肉、霜降牛小排、韓國鰻魚、牛舌、蜜柑牛五花、 魷魚個人很喜歡佢地嘅霜降牛小排，油脂分佈均勻、肉質厚實，香濃肉味。月見和牛肩肉扒，簡單烤兩邊把肉汁鎖在肉內，連埋蛋漿一齊食，軟腍嫩滑。韓國鰻魚厚身，非常鮮甜彈牙。「芝士熔岩泡菜紫菜包飯」（惠顧晚餐套餐送），勁多芝士拉絲，很軟滑滋味。

呢個套餐有齊晒我鍾意嘅月見和牛肩肉扒，韓牛前胸肉，霜降牛小排➕牛舌全部都好香牛味，而且仲好嫩滑😋魷魚有辣冇唔辣，我比較鍾意食唔辣又厚肉果隻，口感爽脆仲有厚燒韓國饅魚，點醬食落都幾惹味juicy，不過就有啲幼骨前菜除咗沙律🥗唔可以再加之外，其他包括泡菜，生菜，海帶，蘿蔔，芽菜，燒粟米芝士同埋泡菜蛋都🉑以refill，期間發現，原來將蛋加入芝士粟米都好滋味❤️仲有個芝士熔岩泡菜紫菜包飯都有驚喜👍🏻個飯唔會好辣，配上芝士一齊食就更好味飲品叫左柚子檸檬梳打同埋藍天使梳打，兩杯都係有檸檬，攪勻後飲，唔會太甜，味道都唔錯

早前和老婆又慶祝一下，帶她到太子的韓式燒烤呢！這間在太子韓式炑八餐廳，老婆說想吃$698 期間限定套餐，套餐混合左日韓元素，仲有韓燒牛舌呢！再加上韓牛前胸肉 、醬油牛小排 、薄切牛舌 、慶洲五花肉 、慶洲豬梅肉 、韓風墨魚等等不同肉類，慢慢燒，有時候燒得輪盡，店員仲會幫忙燒一些，好親民！最後飲下甜蜜蜜芒果梳打好滿足的！下次仲會幫襯，老婆說會想食埋豚肉為主的韓燒烤呢！炑八韓烤餐廳地址: 太子彌敦道749號歐亞銀行大廈地庫