炑八韓烤 (已結業)

去完韓國睇水晶男孩演唱會, 正到無朋友，返到香港超失落, 今晚決定即興約個FD出黎食韓菜兼大講追星所見所聞~喺韓國果陣勁鍾意叫石頭窩飯食，今日都唔例外，叫左個牛肉石頭窩飯，係有少少熱氣架喇, 所以咪叫埋杯菊花梳打下火囉~牛肉飯個窩燒到好熱，令飯乾身得黎又有少少飯焦，食到最後果啖飯都仲噴緊煙，熱辣辣，底層飯焦香香脆脆，配埋牛肉、其他配料同甜味辣椒醬，令口感同味道都大大提升 , YUMMY!  而杯菊花梳打味道天然唔過甜，飲起嚟喉嚨好舒服，仲可以明目，清肝火，啱晒呢幾晚訓得唔好既我！朋友仔貪新鮮要左個新出既宮廷冷麵，好似好多麵團放埋一齊咁，好得意，好清新，我係驚佢唔知夠唔夠飽姐~佢就配杯魔法梳打，佢真係好大膽，係咁試新野，比我就唔敢喇，勁驚會係藥水味，不過試飲左啖，個味又幾獨特喎，唔覺得好假，幾好飲下!最後仲叫左個紫薯冰沬SHARE，冰沫分量相當大，入面有麻糬，紫薯味濃，有淡奶比埋你調味，但我地覺得就咁食都好夠味，除非你真係好”好”甜啦！呢個份量兩個人都覺多，好在頭先朋友個冷麵唔係好飽，所以佢可以幫手食多D咋~~!

這間韓燒店是自助的， 你可以自由選擇醬料自由加醬，還有肉也是自己燒的， 所以想吃的時候才燒，肉就最新鮮了我們點了牛豬雞, 多春魚,還有八爪魚和芝士生蠔。牛雞豬燒起上嚟很好食， 有一點像bbq的感覺， 八爪魚很特別， 比我們想像中大， 芝士生蠔的芝士很多配上蠔，好吃呀我是芝士迷 所有點了另一樣芝士產品， 便是這個芝士熔岩飯。 這個芝士飯真的稱得上是溶岩， 因為之是很多，還拉的出衣， 對於愛芝士的你， 一定要點這個飯来吃這個是魔法飲品，侍應會給你一杯透明液體，倒進去紫色会由深色變了淺色的，很神奇

今天放工後 到了公司附近的 韓燒點去晚飯。雖然我們沒有訂位， 但也能很快入座了。以下這個宫廷冷麵，是看到鄰桌的客人食才點滴的。傷賽後事件會加上乾冰， 把面條冷卻，還會噴出陣陣香烟，好像仙氣一樣我不同的配料如蘿蔔絲青瓜絲豆芽 背上中間的那面來吃十分爽口和滋味另外這個也是夏日冰涼系列，是水冷麵，上面有芝麻，你也可以配上白醋和芥末享用。吃了這麼多燒烤的熱氣後，我們也點了一個香芋冰沫，來消消暑。 這個也是十分推薦的，因為紫薯很好味，不甜，而且下面的冰像棉花，很軟很易入口燒烤爐旁有芝士粟米和泡菜， 可以沾在肉上吃， 是一個很特别的小驚喜

約女仔食飯應該食d咩成日都拎我r爆頭~老友提議想了解個女仔多d就帶佢食韓燒，可以慢慢食，又唔怕dead air，最重要係可以睇下個女仔對煮食既態度(老友話有d控制欲好強就要小心….)我無諗咁多，最緊要開開心心舒舒服服食一餐~想坐耐d又坐得舒服，炑八係唔錯既選擇，起碼無限時又有梳化椅坐~叫左好多檯都有叫既二人套餐，前菜已經多野食，碟沙律好大份，仲有青瓜泡菜等等，食晒都飽左3成。套餐黎到，賣相唔錯，上層海鮮下層肉，仲有幾舊年糕，燒年糕第一次~又幾好食喎，煙煙軔軔，我仲以為燒出黎會好乾八爪魚好大隻，一放上爐d肉係咁收縮，好似仲識”旭”咁~牛小排非常正，所以最好食左牛肋肉先~到冷麵上場~勁吸睛~下面放左乾冰好似仙境咁~不過無咩味要自己加醬食Overall整體環境食物都唔錯

lee輪炑八開左好多分店，好想試但係都無機會，而家開左間係公司附近，终於可以易d约到人去~我同同事兩個叫左大醬湯，芝士溶岩飯，大蝦同埋牛肋肉。牛肋肉同大醬湯相對效普通，大蝦彈牙，芝士溶岩飯非常之正，芝士夠多，炒飯中間有泡菜粒，所以食多幾啖都唔會覺得膩，十分邪惡!最後我地仲加左個香桃冰沬，lee個係同事極力推介~雖然好似幾貴下，但係佢份量好足，入口好清新，意料之外咁好食~

老公生日，阿仔又開始大，終於可以輕輕鬆鬆一齊出街食下飯~老公話好耐無食過韓燒，咁岩附近新開左間炑八，就請老公黎呢度食生日飯啦~六點入坐無咩人，比左張卡位我地，阿仔第一次食韓燒好新奇，咩都想試想玩本來想叫套餐，但係怕阿仔太熱氣，於是只係叫左兩款燒肉再加飯。怕牛同豬阿仔難咬，叫左個雞比阿仔，老公就簡左個護心豬肉，另外仲叫左個海鮮煎蔥餅同石頭鍋飯~燒雞肉非常嫩滑，就算燒耐左都唔會老，護心豬肉就爽口彈牙，石頭鍋飯都唔錯，勁多飯焦，海鮮煎蔥餅就反而普通，可能粉太厚料太多，唔夠脆身。全餐飯最開心應該係阿仔，可以捉住佢隻手一齊燒肉，佢仲好鍾意用芝士粟米撈飯食~其實出街食飯都可以係好好既親子活動

服務人員服務態度非常良好又細心不厭其煩地幫手加蛋同芝士 又幫手換爐個個笑住做，無嫌我地諸多要求食物幾好食我地有朋友生日，所以有生日優惠兼禮物不過記得book位前要講定，唔係可能無貨所以如果有朋友生日就非常推薦黎食

服務超級差叫左5次先有人肯行過黎落order態度又惡劣 野食到既時候就禁放埋一邊咩都無講就行開左 今次無叫烤肉同行4人都系一人一碟飯我個芝士熔岩蛋飯 無芝士味 無蛋味 就係一pat濕笠笠小小辣味既飯細妹叫既泡菜五花肉飯 泡菜極多 無乜肉 同好咸呢個價錢同service唔值得我地等25分鐘先有位同禁貴唯一好既系無加一所以可能就搞到的service禁差

其實吾係第一次食炑八，之前食過幾次係吾同分店，次次都食得好開心，好滿足……唯獨呢間北角分店真係好吾掂！服務態度很差，而且食物質素較其他分店差！我地點左個八爪魚豬肉燒烤set, 個八爪魚冇味，口感同味道似一舊冇味橡筋另外set內包4個芝士燒蠔，4隻蝦，自問無蠔不歡的我，果啲芝士燒蠔直情係地獄，黑暗料理！腥到爆！難以入口蝦還可以啦正常冇特別食物整體吾夠味，其他分店好食好多。至於服務態度方面，我地眼見台台點燒烤既，大部分都有人幫手燒下，而且我地點既係難剪八爪魚，吾幫手剪都算喇，我地個燒烤盤燒到痴哂底，都冇話見到幫我地換，但其他台又有去換……另外落單時，我地都未講完該店員工已走開去，無視左我地，食完半路，話加20蚊有甜品，之後就一論咀，又講到吾清吾楚咁講有咩甜品，但我地聽吾清楚，叫佢比個 menu黎睇，又話：頭先未講左比你聽囉！吾洗睇menu啦！咩態度啊！？好似黎食野要受氣咁服務態度真係好差成餐飯得個甜品係好食，總括經過今次，吾會再係北角店食！

昨晚和朋友第一次嚟呢間食晚餐！食物味道唔錯！服務態度好！當中他們介紹一喋厚切豬腩肉又真係幾好食！最後食埋甜品！個甜品真係好好味！聽佢哋啲人講，整甜品師傅走咗，後來叫個師傅返嚟整！真係感謝他們！！

晨早已經book咗5:30pm，total6個人，去到時全場都未有人，但佢竟然要我地6個人迫埋張4人枱到，投訴後都冇人理我地，最後嬲爆走人。 真係不知所謂嘅食市！