炑八韓烤 (已結業)

炑爪韓烤嘅午市韓國定食一向好味又抵食，HK$48~68一個套餐包杯野飲，免加一，而且加6蚊就可以轉特飲。定食有10+款可撿，每月仲有唔同菜式推出。#煎蛋泡菜海鮮炒飯 + 青檸檬梳打（HK$56+6）Kimchi Seafood Fried Rice with Egg + Lime Soda泡菜炒飯D泡菜切得好碎，size啱好唔會太"搶眼"，但個人建議可以再放多D泡菜粒；炒飯入面的魷魚片同花甲肉都唔少！加埋兩條炸蝦同半生熟煎蛋好夠食。定食整體份量算好多，個碟直徑有22cm，炒飯同沙拉仲要擺到滿曬，好實在！次次食都覺得擺盤同飲品整得幾靚，睇落都有加分😄哩次上前菜時見我大肚仲話泡菜生嘅唔好食啦，問我粉絲食唔食得，Service貼心，讚！👍🏻

年三十同朋友來食下午茶，其實我無食lunch, 因為聽講呢度嘅下午茶份量幾多 就乾脆tea當作lunch! 入到去都幾熱鬧，幾枱年輕人在聚會吧！呢個時段應該多學生黎食。叫咗個牛肉蛋包飯set， 兩個人有前菜兩碟，每人一碗湯，仲送魚糕。蛋包飯份量其實同lunch menu 果個一樣，差d食唔曬！仲有任添的特飲，大大杯，應該有500ml ... 盡咗力只添了一次咋。服務方面，幫我地嘅小妹可能係新的，因為聽到佢問其他同事野。不過都好有禮貌呀，樣樣野都跟足，而且生得幾可愛呢！

服務非常差，態度好差，又收加一！價錢又唔係平，茶餐廳服務都仲好d，老婆叫加配料扮聽唔到，等我大大聲叫先應下，仲要走去第二度搵野做都唔行過黎加配料，聽到時候又話轉頭，轉頭冇左件事，加蛋又話冇野燒係唔會加，唔知咩道理！就算燒完枱上燒肉，客人唔可以再落單叫肉燒咩？但仲有野食未燒完又睇唔到，，最後咪又係要加比我，成班都唔想做依份工就轉第二份啦，間公司就係需要幫客人添配料，青瓜，蘿白，生菜，唔想做這些工作就轉做大排檔啦，以後唔會再黎，如果想食得開心大家真係去第二間穩陣，去依到食想要有小小服務都包你後悔。

檯面不乾淨，落完order之後上菜很久都未有小食，漏給調味碟，說了三次想要一杯冰水但是到埋單都未有，算。職員懶懶散散，愛理不理，玩電話，企埋一邊角落，舉手當睇唔到。個底已經燒成咁都未有有主動去換。見職員黑面，算，唔換啦。完全冇服務可言但收加一。真是心安理得。大家想食韓燒都係去銅鑼灣算了，花錢買難受。仲有，座位真係相當不衛生，有職員將人客食過的東西往座位上一撥就當清潔檯面，檯面油膩，座位有食物留下。

This is a nice looking restaurant and usually with customers any time of the day. The outside decoration looks good and inside looks fairly clean and tidy.I ordered the tea set for takeaway. It cost $68 but the lady without telling me add 2 x box charge and 1 x plastic bag charge. She looked quite angry and not friendly. The beef ribs were tasty but a small portion the carrots and turnips were soft enough. Not that soft but the flavour is there. The rice was ok portion. When I got the takeaway I

2017年1月1日晚去食生日飯。叫咗個烤牛套餐。裏面有蝦、八爪魚，牛肩肉，牛花腩肉……等等。牛肩肉值得一讚：肉夠新鮮，醃料及時間啱啱好，texture靚，好有口感。蝦都夠新鮮。伴爐邊還有蛋及芝士粟米，啱哂小朋友，仲可以免費添加。唯一要改善係泡菜：醃得未夠時候，唔入味。總括嚟講值得推介。

一坐下就發現檯面很污糟，叫員工清潔一下但被黑面。員工服務態度超差！不知為何黑口黑面！食物一送來就求其放係枱中間嘅爐上。點了泡菜豬肉飯，菜多肉少。食飯食到咁受氣，不會再幫襯！

同事突然間心血來潮想午餐食笑容，所以就嚟咗呢度食。佢午餐都有得揀燒肉食。我order咗一個牛肋骨煲，同事就order左一個燒肉set。牛肋骨煲到好lum d肉，咬落去全不費勁，加上個醬汁有少少甜味，非常開胃。至於同事個燒肉，set仲有得燒蛋，幾抵食。

聽同事講話開左間新野夜晚食過 但日頭先無食過見到有lunch set梗係衝去食啦-因為午飯時間 人比較多我地十幾個被迫分枱坐 分開左四張枱坐lunch set最平的係$38既雞扒蛋包飯其他選擇係辛辣麵,石頭鍋飯但我都係揀左蛋包飯估唔到有驚喜-以為平野無好野!?原來都幾大份 雞扒都有三塊 飯既份量就剛剛好仲有個小沙律 不過佢個滑蛋只係放係個飯上面賣相係靚既 所以加分食落都幾好味,雞扒煎到好香 同個飯係夾既我只係食左2塊同成個飯就已經停唒手飽到放工都仲係飽 感覺好抵食另外,加$6既藍天使梳打係見到令人好開心既顏色

香港雖小但五臟俱全，度度都有韓國料理餐廳。但如果堅好食的話我個人認為就莫過於呢間餐廳喇！男女叫到成枱都係埋單都係300蚊左右，堅低食又好味！個海鮮煎餅粉漿應該調我幾好，因為食落口好鬆軟，海鮮佈滿成塊煎餅，好滿足！石頭鍋飯d料滿到跟本見唔到個飯底，出面連高級少少既餐廳都未必會咁足料囉⋯裡面的燒牛肉好juicy, 再撈埋個醬汁食口感一流。另外，排骨就冇咩特別但勝在有d肉俾呀男友食，唔係一陣又瓜瓜嘈又肚餓⋯紫薯沙冰presents得好靚，配埋練奶超級魔鬼！唔明點解會配練奶但原來撈埋食反面帶出個紫薯冇咁甜仲有個層次響度tim。非筆墨可形容呀！正正正！

今晚又韓燒，都唔記得係呢個月既第N次，就嚟變左半個韓國人！呢間食過幾次，今次見有個新新地既套餐”韓式牛肉大八爪魚套餐”，$490，3個人食都夠夠地，唔洗煩揀咩，最啱我地呢D好似好有主見又心多多嘅人！每枱都有大大座強勁抽煙機，食落唔會成頭成面都係油煙，一個餐有齊芝士生蠔、大八爪魚、牛小排、牛肋肉、春川雞、大蝦、多春魚等，種類好多，好過散叫。牛肋肉我地鍾意煮到大約7成熟，食落多汁鬆化夠味；大八爪魚燒香後好彈牙，份量好多；春川雞之前喺韓國join local tour時食過當地正宗春川炒辣雞，好味到無朋友，呢度燒雞要有d耐性，始終雞肉無牛肉咁易熟，但又要小心佢個皮燒焦，所以要好好睇住佢，先可以燒得出又滑又嫩嘅雞肉來。3個女仔share呢個餐真係perfect，如果有男仔可能就要叫多少少肉。

近排天氣都係忽冷忽熱, 本身天氣預告話中秋前後幾日橫風橫雨, 結果又係喎, 反而勁好天陽光普照, 仲覺得有D熱, 所以趁假期約左個姊妹談心兼食D消暑嘢冷麵可以話係非常適合胃口細細嘅女孩子食, 好似呢個水冷麵, 冰冰涼涼食落口好舒暢, 酸酸甜甜令人開胃, 配料有梨, 青瓜, 蛋, 食完完全唔洗怕會肥, 蕎麥麵感覺加倍健康有益腸道 好姊妹叫左個全新嘅宮廷冷麵, 一樣清新怡人, 賣相又靚, 一放相上網即引嚟勁多朋友爆like狂問邊度有得食 J 有青瓜絲, 蛋絲, 蘿蔔絲, 芽菜等等, 全部都係健康之選飲品方面見佢都有幾多特飲梳打, 所以一人叫左一杯, 荔枝梳打同魔法梳打, 味道幾天然, 甜味唔會好人造好假, 同冷麵好夾, 成個人真係refresh晒食完上面嘅嘢我地已經好透心涼, 最後再嚟個紫薯冰沬, 份量相當多, 好在先前嘅冷面唔heavy, 先可以好好歎埋呢個甜品, 冰沫味道酸酸地有點似益X多，紫薯味濃，但係係薯味重而唔係甜味重, 可以按個人口味加入淡奶 

今日同男朋友過海準備睇結婚擺酒D場地, 行之前早早地搵左個地方醫左肚先, 於是決定簡簡單單食韓國菜.我輕食D要左個宮廷冷麵($128), 職員一倒D唔知咩出黎, 成個冷面即係標晒煙, 好神奇呢@@ 佢都好識做, 慢慢倒, 畀機會我地瘋狂影相同拍片. 味道清清啖啖感覺健康, 好fresh, 無乜胃口都會食晒. 男朋友無肉不歡, 所以點左牛肉石頭窩飯($118), 一上枱都聞到超香, 撈混食連埋D飯焦好有口感, 除左牛肉又有好多其他配料, 有蔬菜加入返感覺平衡健康返D.仲叫左個大醬湯($78)一齊飲, 入面主要係蔬菜、海鮮同豆腐, 味道有D似味增湯, 好啱我口味.

韓燒店成行成市,所以除左野食要吸引外,我仲會更留意下佢嘅抽氣系統,因為真係唔多鍾意次次食完燒烤之後成大陣燒烤味纏身,另外仲會睇下D服務員有無服務可言,呢D都會係加分位,因為競爭咁大,呢D增值服務往往就係吸客既原因.呢間韓燒店好短時間開左好多分店,之前幫襯過尖咀同旺角分店,覺得都OK,今日過北角搵朋友聚舊,就試下呢間分店既質素啦!呢度嘅抽煙系統唔錯,唔會搞到成間舖污煙瘴氣,而過程中職員亦樂意甚至會主動幫手換個燒烤板,呢D就係加分位!前菜之豐富亦係值得一讚,生菜,酸蘿蔔,泡菜,泡菜,麻醬沙律…食完呢堆野主菜都可以點少D,HAHA~肉類選擇多,單係豬肉就有厚切/薄切五花腩,豬頸肉,護心豬肉,梅頭肉,豬大腸,豬皮,豬排骨…應有盡有,特別想講講豬排骨,有D似金沙骨,肉夠入味同腍,唔覺唔覺又食左一件~鍾意生蠔嘅人就唔可以錯過呢度嘅芝士生蠔,隨自己喜好煮到幾熟都得,鍾意口感滑D定實D又可以自己控制,芝士沾滿成隻蠔身,每咬一細啖我都會再將隻蠔放返入個錫紙兜入面沾芝士,太正~

電器道新開一間韓燒餐廳 - 炑八。一於同家人都嗰度做節刷番餐好既。叫左個combo, 大蝦鮮甜，牛肉雪花脂肪分佈平均，入口雖則唔係即溶但係好有牛肉香味！多春鱼好難handle燒得好，皮易chi網！不過大大條幾抵食。大醬湯配白米飯一流，個湯有d咸，要配白飯食先至好味。配料相比其他小店多，足料！宮廷冷面係焦點，可惜冇得加底，我地5人一人分得少少，面彈牙又清涼，不過有d d 貴⋯川雞腿肉質滑溜，雖然食到冰鮮味但個人認為比起街市/supermarket 既好食好多！整體而言，好食，有機會再約班friends下次黎過，多人可以試多d唔同菜色！