炊豕店 (威靈頓街) (已結業)

星期六下晝同屋企人去左中環食炊豕店，顧名思義，係食豬肉嘅～ 好好彩因爲唔係午飯時間，所以唔駛等位～我地分別叫左2款飯食👇🏻🥢 葱油豬扒飯 +滷水雞蛋 +厚午餐肉見到係人氣推介，一定係呢間餐廳嘅signature啦，加上見到好多枱都食佢，唔駛諗就試佢！ 一大碗送到黎，心裡嘩左一聲，真係好大啊！塊豬扒差唔多舖滿晒成碗飯，加埋其他配菜，完全見唔到啲飯！豬扒上面有一大堆葱油，起初都有少少擔心，因為本人平時其實都唔食葱，而且見到咁大堆，心諗到底會唔會好鹹呢！結果一食就覺得大量嘅葱油撈飯真係perfect match，好食。最欣賞係佢唔係好鹹，唔同平時用來點白切雞嘅葱油啊！豬扒係炸嘅，都幾厚，咬落外層香脆，入面嘅肉又唔會鞋或者韌，好味！而且份量好大，食到好飽！雖然已經有大大塊豬扒，但見到隔離枱嘅厚切午餐肉，又忍唔住加$10加咗塊！煎香咗嘅厚餐肉，正！ 另外滷水雞蛋一隻加$8，幾入味，又唔會好鹹，唔錯！🥢 秘製豬扒飯配咖喱汁 +煎蛋呢個飯件豬扒都係一樣咁大塊！ 咖喱汁係另上嘅，少少少少辣味，幾香！煎蛋個底都煎得幾香脆！整體都好好味，份量大，夠晒飽！至於嘢飲方面，分別嗌左熱蜂蜜柚子同熱蜂蜜生薑茶。生薑

放假來到港島區中環覓食，今次來到小店食台式飯菜。由地鐵🚇站步行8分鐘就到，見到有設排隊位置，假日慶幸不用。餐廳不大，但設計有傳統特色,也帶文青feel.牆上的掛畫帶出歷史故事。二人點了1.蔥油🐷扒飯2.🐷扒粗面3.炸雞翼4.黑豆漿 Black Soy(這裡沒有水提供的)不消5分鐘有得食，豬扒好大塊，好香，蔥夠多也挺香。咬一口豬扒，外脆肉嫩。飯粒夠軟。面質有口感。至於炸雞翼,,也炸得很香，熟度剛好。同樣外脆肉嫩，很不錯。整體而言，性價比高抵食的蔥油豬扒飯。

有d事做要去中環一轉，周圍都係貴價餐廳，上網揾左揾有咩平價d野食，就見到炊豕店，感覺都唔錯就決定試下。到既時候過左高峰晚飯時間唔洗點等位就入得，餐廳用點餐紙點菜，款式唔算好多，主打都係食豬扒飯，同埋少少台式菜式。自己叫左個人氣推介既葱油豬扒撈粗麵，男朋友就叫左肉燥汁秘製豬扒飯，再加左個滷水雞翼。野飲就叫左豆漿同熱蜂蜜生薑茶。首先上左野飲，豆漿係支裝好飲既牌子，男朋友今日既生薑茶一上就聞到好大薑味，咁啱佢感冒飲熱薑茶啱啱好。之後黎左葱油豬扒粗麵，一上菜都比佢個份量嚇親，幾舊大豬扒鋪係麵上面，然後一堆葱油鋪係豬扒上面，非常吸引。即刻試左一啖，豬扒外脆内嫩，煮得啱啱好唔會咬極都唔斷，食落亦都好香口。以前多數食叉雞飯先會配葱油，宜家先發覺原來配豬扒味道都唔錯！至於個粗麵就正正常常，都好吸到醬汁既香味， 分量亦適中。男朋友食既肉燥汁豬扒飯都好惹味，豬扒同樣大份鬆脆。之後黎埋雞翼，滷得都好入味，一碟有三隻。係中環呢d地段，炊豕店算係好抵食既食飯落腳點，非常推薦佢既豬扒，又大份又好味，值得再試！

炊豕店其實有好幾間分店，中環尼間真係記得，記得，記得，要早少少去排隊。午餐黃金免排隊時間：上午11點55分多人排一定有佢吸引既地方。正正就係佢塊豬扒同蔥油，真係好好味。豬扒外皮香脆，內裡滑嫩，加上蔥油，簡直天衣無縫既組合。建議order有蛋既選項，因為佢既煎蛋真係十分香口。蛋汁流滿整塊蔥油豬扒之後，放入口，好感動的！！不過中環店有個問題，就係座位比較少而且比較狹窄。雖然會有好多野想食，但叫太多真係會放唔到。大家一人一個飯加杯嘢飲就perfect啦🤣

今晚喺港島區睇concert前去左中環醫一醫肚先，黎左呢間台式小店--炊豕店。餐廳內裡環境行懷舊樸素風，幾骨子整齊。每枱枱面都有一疊點餐紙比食客自己落單，幾方便。野食款式唔算多，唔花巧，價錢喺中環區黎講真係好經濟實惠👍🏼落完單先發現原來呢排仲有個期間限定嘅款式😂下次先黎再試下野食我地嗌左兩款加一個小食。分別係炸豬扒飯配肉燥，炸豬扒飯配咖哩，同炸芝麻雞翼。塊炸豬扒好大塊同厚，佔左個碗面積嘅三份之二。以往我食親炸豬扒飯次次唔係配咖哩就滑蛋，好少配肉燥，估唔到今次新嘗試撈肉燥食都幾夾喎！至於個炸雞翼同樣炸得好香口，表面仲落左七味粉，辣辣地好開胃。

在網上搜尋到呢間人氣食店，趁著是晚老公有空陪自己食個晚飯，一於就去昵間店舖試下啦！雖然網上教人到上環站出然後行五分鐘路程，不過個人覺得到中環站出再行上威靈頓街仲好似方便D當晚18:30已行到店舖, 因為早到既關係，客人未算太多，但見到門口有設起排隊線，估計高峯時侯都需要排下隊店舖位於威靈頓街，在筷子簊與蓮香樓中間，都唔算大難搵晚上食店門口室內裝修以懷舊佈置為主，見到有張二人枱係學校用既上課枱，牆上既海報充滿五，六十年代,電影海報寫住由奇哥主演😆期間限定泰式豬扒飯，味道酸酸甜甜，配上洋蔥作為醬料放在豬扒上，跟餐可加飲品，一般汽水加五蚊，黑豆漿同原味豆漿就加十蚊，當然有order佢地既人氣推介蔥油豬扒飯，蔥油撈飯一流，仲有order左一個小吃麻辣海哲

之前已經食過依間豬扒飯，但係嗰日行過中環上OpenRice search竟然見到佢有中環分店，所以就過咗去食啦😬呢個係佢門口同埋門口嘅餐牌，價錢上都係五十幾六十蚊就有個飯加埋嘢飲都只不過係加$10。今次我就叫咗蔥油豬扒飯同埋肉燥汁嘅秘製豬扒飯，加咗一支黑豆漿同白豆漿王，同埋叫咗個立美海蜇小食辣味海蜇好入味，送飯一流！豬扒大塊到就快大過隻碗，份量又多，我驚我食唔晒啲豬扒所以都係叫咗小飯，而佢嘅肉燥係甜甜地，係我鍾意食嘅味道，另外仲有半棵小棠菜😆睇相都可以見到塊豬扒有幾嫩滑幾多汁🥰豬扒係即炸熱辣辣，入口嗰陣都要小心啲，但係真係好juicy！好滑！啖啖肉好好味😋呢個係蔥油豬扒飯，係佢店舖特色嘅推介。兩個人埋單食餐晚飯都只不過係百六蚊，要留意番個地點係中環！所以真係抵到不得了😬

炊豕店呢間出名嘅炸豬扒飯以前已經聽朋友介紹過。臨近月尾冇乜錢剩又要約朋友就嚟咗呢度食。主打豬扒飯嘅關係，選擇唔算太多。個人認為飲品方面冇茶啡稍為有啲失色。原味豆漿原來係支裝壹品豆漿。想有啲菜落肚，所以叫咗個涼拌大豆芽。味道清新，微酸，豆芽爽口，不過豆芽嘅份量就唔多，反而豆卜比較多朋友叫嘅秘製豬扒飯，因為飯份量較多，可以根據個人嘅喜好要多啲汁至於我自己嘅差粒豆角蔥花炒滑蛋飯，雖然唔係呢度嘅主打，我自己就非常喜歡。炒蛋好滑有蛋香，叉燒軟熟，肥瘦均勻，夾埋爽脆豆角，同甜鼓油，口感同味道豐富。飯粒粒粒分明，口感煙韌可以挑剔嘅就係，靸菜嘅味道比較清淡，同味道豐富嘅炒蛋有點落差中環區嘅食肆埋單每人大概$70左右，算係呢佢抵食之選

這天與朋友打算去PMQ元創方，去之前在介乎上環和中環的這家店先吃飯。 我們大概六點半到，那個時候人很少。我們坐下之後下單，叫了一份泰好味豬扒飯，這是期間限定的所以想試試看，我轉了撈粗麵。 朋友叫了一份豬軟骨飯，我們喝的叫了一瓶黑豆漿，一杯熱蜂蜜生薑茶。額外還叫了一份椒鹽魷魚酥。豬扒撈粗方面，豬扒非常出色，肉的口感厚而嫩，上面的泰式醬料很吊胃口麵條方面有一點乾，不過有東西喝就還好。  豬手飯也很出色，豬手煮得很軟，入口即溶。而飯的口感也非常棒，朋友大讚。 但椒鹽魷魚酥就一般般，比較硬。不過味道挺好。環境也挺有香港特色，總的來說在中上環來說，價格不貴，食物質素也好，這家值得推薦。

🔎 中環威靈頓街148號地下*📍 炊豕店 (中環).蔥油豬扒飯($)呢到豬扒飯聞名都聽過唔小朋友講,閒日難得可以唔駛排食下又幾唔錯😛平日對蔥都幾喜愛,特別以前食四寶飯必定落唔少蔥油撈埋飯食!餐廳嘅蔥油絕對唔小,未講豬扒單單同飯食都好唔錯!豬扒炸得還好,皮脆肉質鮮嫩!重要是份量唔小,絕對夠食.如果細食嘅,要少飯仲可以減$1😬肉燥汁豬扒飯($68)另一個飯都係fans推介.肉燥汁味濃,豬扒份量依然都係好多.的確十分好下飯!肉燥蠻多,性價比起台灣食更出色,推介大家要試試啊!椒鹽魷魚鬚($38)椒鹽味幾濃,魷魚鬚非常脆口.唔會太粗太難進食,價錢少少貴,但味道好惹味.

友人介紹下，中午到了這家110正評、0負評的餐廳用餐12時半左右到達，有大約十人在前面排隊可見餐廳有一定的吸引力餐牌的選擇不少，但第一次到來，自然是選最有名氣的豬扒飯而豬扒飯亦有三款去選最後選了友人介紹的肉燥豬扒飯豬扒非常香口，有咬口，算少見高質素的豬扒而價錢亦合理，不用六十元以中環這地段以而，實在是划算另外加了芝麻雞翼，亦是水準之作總體而言，這餐廳是值得推薦的考慮到其價錢、食物質素要挑剔的話，唯獨是座位問題因為剛剛好坐在風口位置下比較涼

中環區一間很地道嘅美食每人限坐45分鐘 環境好有人情味餐牌選擇不多 但係每樣望落都好似幾正甘設有中英文餐牌，很方便價錢方面 亦都比較划算！應該係中環數一數二平主菜 嗌左秘製豬扒飯（$62）份量好多！！ 飯唔會好硬，已一早加左豉油所以食落好易入口而且秘製 我估就係蔥油，份量又係好多預客人可以撈曬成個飯豬扒係煎得好香口，好諗身，好厚身！配搭d蔥油，簡直係完美！另外 再加左一塊厚午餐肉 （$10）真係好厚身，食落啖啖肉！小食方面，嗌左兩個第一個係 麻辣炸魚蛋 （$22）有5粒，個辣醬加左d蒜粒所以個辣醬好食得黎又會幾香口而且個魚蛋係半炸，一啲都唔熱氣！第二個小食 係秘製魷魚鬚 （$38）一啲都唔熱氣，而且配上喼汁，不錯呢！飲品 蘋果汁 （跟餐$8/單點 $12）

經朋友介紹得知中環有一間抵食豬扒飯事前上一上OPEN RICE睇一睇：嘩 110正評、3OK、零負評見到眼已經發左下光再睇多少少哦！原來係銅鑼灣大大件夾抵食豬扒飯既分店中午十二時四十分左右到預左多人排隊，前面有十人左右大約一時十分入去坐正風口位有點凍招牌係食豬扒飯有三款揀我就食朋友介紹既肉燥豬扒飯肉燥無菇，非常好豬扒都好快就到炸到好香，咬落JUICY只係大約五、六十蚊作為中環打工仔係必到打卡試食既地方！

見到門口有十個八個食客排隊，見到門口大大個餐牌，最平$58一個豬扒飯，合乎速食經濟效益，好憎排隊嘅我，決定一排！可能因為快餐，5分鐘巳安排座位，店舖裝修懷舊， 外形裝修矚目，比對附近擠迫街市環境份外精神爽利，坐低後，自選食物✍🏻，小食，飮品，第一次試，當然點招牌豬扒飯，等候食物期間，留意到鋪頭地方不大， 但突然見到隔離枱食客食緊豬扒撈粗麵， 我也好想由飯轉撈粗，立即向侍應要求，可惜因為係快餐，已經改變唔到，店員已遞上食品，但真係好吸引，大大塊豬扒加滷肉汁， 用珍珠米，扒香脆好味，點解炸粉同肉中間有一層啫喱，究竟係什麼，細心睇吓原來係肥肉， 要健康d應該唔好食嘅，但係都忍唔住照咬入口， 好啫喱，下次一定可以再試埋咖哩汁，努力用心經營呀！

呢個簡直係我嘅lunch Time飯堂，一有唔高興就好想梨大食一餐豬扒豬扒每次都炸得好香好好味加埋個滷肉飯簡直係非常大滿足，雖然每次都要排一段時間但係好快就會有位所以我先咁差成日都幫襯