160
3
0
港鐵上環站 E1 出口, 步行約5分鐘 繼續閱讀
所有分店 (2)
電話號碼
25561808
營業時間
今日營業
12:00 - 21:00
星期一至六
12:00 - 21:00
星期日
全日休息
付款方式
現金
食評 (176)
等級6 2020-01-12
1991 瀏覽
週四晚中環有新舞場,收咗工就約同女伴舞前食個簡單晚餐。得知喺銅鑼灣幫襯開間「炊豕店」喺區內新開咗間分店喎,兩口子就決定去試一試,睇吓同本店有冇得比。喺威靈頓街上,新店鮮明突出。為方便排隊嘅食客揀選食物,門外有大大張中英對照嘅彩圖餐牌任君參考。店內嘅木造枱櫈、海報剪報及日曆燈飾等,都顯出裝潢簡樸得十分懷舊有特色。餐桌上擺有自助餐具及調味料。只有中文版嘅點菜紙講明每位客人設有最低消費$40,並且每人要填一張。新贈嘅啤酒及紅白酒項目就貼咗喺窗邊。酒鬼XO仔就要咗枝清爽嘅Corona($30/樽)。秘製豬扒飯(肉燥汁;$58):招牌靚飯嘅白飯底粒粒飽滿肥潤,即叫即炸嘅秘製豬扒金黃吸睛,咬落香脆無比,肉質厚潤鬆爽,伴上帶甜嘅肉燥汁已夠濃郁惹味,絕不比銅鑼灣本店遜色!沖繩豬軟骨撈粗麵($60):意外地,靚女所點嘅沖繩豬軟骨撈粗麵個粗麵煙韌軟潤,而且入哂味,豬軟骨量足軟腍,極易入口。厚午餐肉(另加$10):厚午餐肉熱辣香口,外脆內嫩,正到包大家食過返尋味,簡直係冇得頂呀!豬豬專門店「炊豕店」於中環新設之分店格調輕鬆懷舊,服務生友善效率高,招牌「秘製豬扒飯」、「厚午餐肉」及「沖繩豬軟骨撈粗麵」均質高味佳,屬實可遇不可求之超值隱蔽美食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-21
0 瀏覽
之前就食過銅鑼灣間分店,中環呢邊位置比較闊落。呢度嘅招牌係豬扒飯,所以今次就食另一款豬扒!食咗秘製肉操汁豬扒,轉左撈粗麵底。塊炸豬扒超大塊好厚身,好足料嘅感覺。雖然係炸豬扒,但係炸粉一啲都唔厚,所以食到大大啖豬扒!肉燥汁入邊仲有少少肉碎撈落粗麵度食一流!另外仲加咗滷水雞蛋,好入味。另外朋友就叫咗蔥油豬扒撈粗麵,豬扒一樣大大份,蔥油好香!仲有叫咗梅菜扣肉飯,扣肉肥瘦分明,好好送飯。呢度嘅小食選擇都唔少,仲叫咗款唐揚炸雞,一樣都係炸粉一啲都唔厚,配埋個沙律醬食,真係好好味。另外仲叫咗款咖喱角,上枱嘅時候所有炸物都非常之熱辣辣。一碗麵嘅份量都幾足夠,最後都食到好飽!而且係中環地段來講,價錢都好相宜。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-21
15 瀏覽
行過威靈頓街,俾佢簡約裝修吸引住。 終於今次同同事試吓呢間出名嘅炸豬扒。 ⭐️秘製豬扒飯 (肉燥汁) $58超級大塊豬扒,有成個碗咁大塊。炸得卜卜脆,炸粉唔算太厚,食落啖啖肉。 肉燥汁味濃但唔算多,未必夠你撈曬成碗飯。不過對我呢啲細食嘅人,份量係超級大,真係冇可能食得晒。 ⭐️沖繩豬軟骨撈粗 $60 豬軟骨好林,粗面好入味。 成件事俾炸豬扒感覺健康d . 份量都無炸豬扒咁大得可怕 不過枱比較細,有d 迫,同其他食客有d 太親近. 味道可以補救加番分😊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-17
92 瀏覽
今日嚟到中環食白色情人節飯, 想食得實惠D所以就嚟食炊豕啦!! 又抵食又正~我地叫左一個蔥油豬跟撈粗($62). 豬扒好松脆, 但唔會油啊! 上面仲有大量蔥油, 同粗面撈埋一齊食好香蔥味~ 另一個叫左豬軟骨撈粗($60). 主角豬軟骨好入味, 甜甜地好惹味的. 再加上有D jelly口感嘅part, 食落口仲有D”漿”. 小食叫左新item~ 唐揚炸雞 ($28). 呢度D炸物都係出色的! 食落口好juicy~ 上面撒上左辣椒粉, 再點上D mayo食好夾! 飲品加$5就有soft drink / 熱飲. 今次要左hot ginger tea^^ 暖身好飲! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-16
70 瀏覽
係餐廳門口見到有木嘅裝修,幾有特色,就入左去。我點左呢間嘅signature推介葱油豬扒塊豬扒係厚切,每一塊都3cm 咁厚。好多餐廳煮到啲肉好鞋,呢間做到入口鬆化,肉汁豐盛,不會乾身,很易咀嚼!葱油炸至焦黃,份量很多,香味四溢!不過,醬汁比較少,如果多啲醬汁,就不會咁乾身。女仔食的話,可以剔少飯,因為飯都頗多,食完豬扒已飽了一半!鹵水雞翼非常入味,雞肉保持到嫩嫩的!非常值得推介!呢期限定泰好味豬扒飯~泰式酸辣醬再配一些花生,青瓜絲等。大家都可以試下!吾係成日有的!飲品點左個蘋果汁🧃雖然比較小瓶,不過幾好飲! 繼續閱讀
(以上食評乃用戶個人意見 , 並不代表OpenRice之觀點。)