炊豕店 (威靈頓街) (已結業)

成日返工午餐都齊曬人落左樓先慢慢諗。今次仲衰，一大班人邊行邊諗。經過間新餐廳，其中一個同事突然叫話呢間佢食過一次，勁好食勁好食。講到咁真係唔試唔得。入到去，佢餐牌都好簡潔，唔算太多選擇，個同事同店員都話豬排飯勁正，大份夾抵食，於是差唔多成村人都揀曬豬排。我就揀左個滷肉汁既，我同個店員姐姐吹水，話唔想咁多肉汁，好肥，但又話怕dry。佢就suggest滷肉汁另上，鍾意點玩都得。好彩佢無嫌我個麻煩客人港女。不得不說其實個碗已經唔算細，個塊豬排鋪滿個碗，勁大塊，仲要好厚身，啲肉都唔柴，好嫩滑，係出色既。但係食到最後，可能係油炸關係，慢慢開始覺得「漏」，無啲青菜或者湯汁去中和，係真係幾dry。但係如果重口或者唔鍾意食菜，呢個飯一定勁滿足。但overall係好味既。

同男友路過見到間幾靚既餐廳，就入去睇下有咩食，發現尼間鋪頭全部都係食豬，而且價錢都合理。而且裝修有種懷舊感覺。餐牌前後中英對照，就算遊客入到鋪頭都可以點餐，係好貼心既設計。「秘製豬扒飯」超大塊的炸豬扒，直情大過個碗，因為即炸，所以都好熱，唔想甘熱氣就放一放涼。店家好貼心甘切開左個豬扒，等大家方便食。豬扒飯底係肉燥汁，用豬肉、醬油同葱煮，送飯一流，可惜個汁唔算多，飯量就超分量。「沖繩豬軟骨飯」好足料既豬軟骨，食極都仲有，豬軟骨熬得好淋身好入味，所以食落好香口，而且個飯底充滿醬汁，好岩汁控。「炸芝麻雞翼」雞翼佈滿七味粉同芝麻，聞落已經好香，咬落好脆口，雞肉好滑，而且七味粉帶點辣味。而且雞翼無炸到乾身，保留到肉汁。「椒鹽魷魚鬚」魷魚鬚預先切細，所以可以一口吃，好貼心。飲品

之前係銅鑼灣都食過一次，覺得好好食但每次想去食既時候，都因為條人龍而卻步朋友仔話係中環開左，未算好多人，趁做gym前有啲時間即刻去試六點三左右嚟到，真係唔使等位正啊係門口嗰陣，聽到有路人行過話依間係銅鑼灣好出名，同好抵食咖係啊，真係好抵食咖依到鋪位唔大，但裝潢都有花啲心機鐘情豬扒飯唔食葱，又唔想食咖喱，所以就揀左肉燥汁再加隻煎蛋今次得自己一個人，所以無試到小食落左單大概等左10分鐘就有得食塊豬扒一樣係咁大塊咁震撼換個角度，就見到好多肉燥好足料，好滿足，豬扒應該係即炸，咬落好鬆脆👍🏻外脆內軟，好好味😆煎蛋煎到燶邊，加左少少豉油，好香🤤蛋黃用嚟撈飯食，真係一流😆依到會問要唔要飲筒，外賣既話會問要唔要餐具夠晒環保食完差唔多7點左右，就開始差唔多滿座嚕唔想排真係要早啲嚟一路食都一路聽到有人打電話嗌外賣，下次可以打電話嗌定再過嚟拎有人氣真係有人氣，keep住咁抵食又好食咁大碗飯，仲有埋嘢飲，$70都唔使係中環嚟講，真係好食又抵食

今日去開中環，想搵間特別d嘅鋪頭食下野，行行下見到呢間鋪，其實銅鑼灣開左好耐，但都未有試過，見中環店試業，就試試啦⋯叫左個蔥油豬扒飯，賣相係ok 的，不過我3點幾非繁忙時間去都等左20分鐘先有得食，好彩個職員都好有禮貌，知我開始唔耐煩，係咁叫我等多陣，唔好意思，就炸好豬扒。味道方面，飯嘅汁同薑蔥撈埋一齊真係好好食，豬扒夠淋，唔會好油，不過個人主觀口味覺得略欠豬味，整體來說，值得試下！

愛情若不動人 世界再無浪漫💕美食唔識翻啅 肚皮豈會滿足😆短短兩個禮拜前係炊豕店銅鑼灣店吔完，一直想知佢幾時開中環店🤭今日行過蓮香附近見到，人龍未起就去馬💕門口寫住試業中，原來16號先開張🚩由幾時開始大家都玩soft opening? 可能做錯唔駛比人鬧得太甘🤭中環店暫時都係20個位以內，枱都未set晒😆 又係紙仔落單，價錢一樣宜人☺️中環店少咗焗飯，但多咗個梅菜扣肉飯😯對葱油無愛，要咗佢個秘製豬扒飯🐷（肉燥汁）加厚餐肉🥓加多個椒鹽魷魚鬚🐙豬扒飯上枱風采同銅鑼灣店一樣👏👏厚厚既豬扒，豬扒表面係燈光下面閃耀🌟 呈現出黃銅優雅神秘既顏色😮 豬扒下面藏住加左既厚餐肉 炸出黎既豬扒同餐肉一啲都唔油膩，咬口落去啲肉汁都係完美鎖起💋飯底溝埋佢既肉燥汁，唔會太搶👏迫走豬扒味，餐肉味又無頂企✌️ 至於小食魷魚鬚🐙 又係將佢炸技發揮得精彩，炸起黎入面水份都仲係度💧其實加埋嘢飲同小食都係70蚊左右一條友，趁住中環未咁多人知佢開咗真係要快啲去💕💕

個次排隊排到一肚氣，職員態度惡劣，佢話人齊先入座，我同後面個位都未齊人，之後同一時間都齊人既時候個職員比4個人入先，之後要我等，仲dum我時間話好快有，但眼見所有人仲食緊，lunch time 分分鐘都趕時間....我都話食第二間個職員仲好得戚咁話：好呀，拜拜👋🏻唔送啦！永遠blacklist 呢間野，之前都係銅鑼灣店食過一次，見有客人都係食到一肚氣咁走，今次自己身受其害，雖知道更好食既店如果態度咁差，我真係不敢恭維