火鳥日式放題 (已結業)

團購來的，其實計落無平幾多。算，當做試試新野，見好評好似幾多，點知。。。刺身，特別系甜蝦，有頭，但是仲過人地·無頭果的，完全就系將生既甜蝦飛水后攤凍，真系第一次食“無味甜蝦”個什麽招牌芝士撈烏冬，真系要見識下，賣相。。。。。好既野。。三文魚系ok既燒蠔系真心好食的，夠香CC lemon 都好飲。。。經過今次，終於知道點樣分打手文章同真正食評鳥。。。

獎勵細妹考試考得唔錯,帶左佢黎食放題外加睇戲.睇埋行到過去差不多6點3,等左15分鍾就入得去細妹好興奮因為未試過食放題.佢request左好多隻焗蠔,什麼跟芝士有關都要左,好彩我對芝士唔反感姐,咪真係幾驚吓下面個幾樣都係佢叫既, 芝士焗蠔,芝士焗滑豆腐,燒三文魚鮫,仲有唯獨靜係鍾意食既三文魚刺身,仲有奄列炒飯,燒栗米串!!!!焗蠔芝士味淡d白汁味重,如果加多樣洋蔥應該會好味d添,可以考慮下!!!個隻蠔size唔算太細隻,都可以!!蠔味亦算重.呢件豆腐我都食左1小份,真係幾滑吓喎!!呢個芝士溝豆腐出奇地夾.食到魚鮫個時細妹已經好飽,佢仲改口話特登tick比俾我食添!!真係識做!!!|好normal,因為平時自己都經常買呢個位番屋企食,食慣左.不過佢燒得好香,由其個魚油魚肉好香滑吓,同好嫩.

旺角的放題，到處也是，陷阱到處也是，這次的因貪便宜，想省回數十元，結果受到教訓。白汁焗蠔：白汁無味，蠔肉細，腥吉列炸蠔：個炸皮好硬，隻蠔同樣細隻炸物：好大陣油益味火島唐揚：係推介，但啲肉係梅嘅，我兩個人叫每款食物都係1至2件，唔想浪費同埋食晒佢，但呢次真係頂唔順，食左一啖，放棄串燒：食過雞翼同火雞腎，正常水準，菠蘿，生生地，無燒過一樣火炙海鰻壽司：比一般魚生壽司仲凍，又腥魚生：食過三文魚、吞拿魚同榮螺，正常水準鐵板牛柳粒：一份十粒以內，仲有四粒係肥GO，油淋淋五點半至六點入座$149/位仲要加一，上菜速度好慢，已經唔係繁忙時間兼大把吉位，ORDER紙成十幾款，叫左幾樣牛嘅食物都無嚟，可能牛貴啩，一路上嘅食物唔多對板，費時浪費都無再催，侍應嘅態度OK，有幫我添水，仲話依家見到就添啦，過多一陣都未必得閒。最後嘅甜品更加係迎頭痛擊，百福豆腐花，百福豆腐花唔係問題，仲要係特別SIZE，出面買唔到咁細，好心甜品一球雪球有幾貴呀？自己整又唔好食，買返嚟又要慳，我都係俾多幾十蚊去和田好過。

come日來了百老睇戲，之後夜晚我ar PONG plan左食放題.既然係咁就順從"大佬"意~哈哈！哩度裝潢好有日本feel，由其戈個卡位，可惜come晚full晒無得坐雞軟骨d骨好硬下，不過我只係梅左旁邊既脂肪黎食，肥膩得黎好好食啊而且佢d粉唔厚我中意食佢個飯，有dd醋味北寄貝又唔干身

今日book 佐17:30個時段。預好我地踩完單車，之後搭火車去到嗰時間。成班人做完運動都超肚餓，畫左唔少野食，第1轉黎到已經成枱滿晒！呢碟野真係無得彈，真係好味！真係要試下見佢張紙度只有ICE呢個啤酒飲，多幾款選擇的話就完美啦！年糕煙韌裡面芝士佔左1半，有些許漏！不過唔差既

自從之前買其他放題的團購中伏後，最少有半年無食過放題啦，本來情非得意也不會再去做團購的放題，但偏偏一眾好友聚會，日式放題真是一個好選擇。這次火鳥一聚，沒有期侍，反而有驚喜。火鳥在銀城廣場9樓，要在銀城廣場坐電梯上3樓，再轉電梯，位置較隱蔽。店舖裝修還算不錯，坐得算舒適，雖是放題，但坐位也不算擠迫。菜單上雖沒令人驚喜的食物，但選擇也應有盡有，值得推介的是自制日式海鮮pizza和山賊牛柳粒，pizza面上很多芝士，材料有尤魚等海鮮，餅底像燒餅差不多，雖芝士太多略為膩口，但味道值得一讚山賊牛柳粒有蔥花、洋蔥、蒜片等黑椒等放面，可見十分香口，醬汁濃郁，肉質也夠juicy，為必叫之選而刺身方面也有１０多款的選擇，質素不過不失，和其他放題分別不大，值得一題的是刺身有冰震底，希靈魚醃制得成橙紅色且甜味較酸味突出，甜蝦是原隻連頭的。

食物質素不過不失，團購價錢可以接受，但態度超差，果日同屋企人團購去食晚餐，入去ge時候已經同greeter講左團購同埋出示左團購果張紙，但greeter冇收到，佢問加吾加$20升級都話左吾升，到埋單ge時侯再出示團購果張，有個應該係負責人同我地講團購應該要係入黎之前比greeter，我地同佢講比左係果個人吾收，跟著佢竟然同我地講要睇番個閉路電視睇下有冇出示，呢刻已經覺呢個得有無搞錯，同個客講要睇閉路電視check番，我覺得佢好吾尊重個客，但都算，等佢check完番睇下仲有咩講，之後佢番黎就冇提閉路電視睇到咩，淨係話其實冇比紙都可以用團購價，好啦諗著件事告一段落，點知拎張單黎要比升級$20即除左加一我地三個人要比多$60，之後又嘈過，佢話得地講左升級，如果吾係吾會有咁多選擇，同埋升級吾係坐呢邊，大佬我地入黎已經講左吾升，而且係你地D人帶位我點知邊個位係for團購邊個位係for升級，講真比多$60吾係貴但啖氣吞吾落！但屋企人話吾想煩所以比左佢算數=.=成個過程冇人同我地say過sorry，基本ge服務態度都冇做咩經理，吾該train下D員工!!!

朋友在雜誌剪下 coupon 可減 $20 人頭費。但之前走去山長水遠吃乳酪後。晚上的放題有點吃不消。刺身沒有每一款都吃。但賣相不錯。三文魚：厚身。但沒有味道。甜蝦：連蝦頭上碟。白肉豚：清甜的味道。鮑片：有嚼勁。煎．炸物其他放題店都會分開上碟。只有它是全部放在同一碟裡。所以什麼是什麼都不知道。憑外表看起來都差不多。串燒牛脷硬得可以。雖然這家沒有甜品任食。但埋單後會送迷你豆腐花。這家放題暫時算不錯。還想再去吃多次。

上星期5約左班中學朋友聚聚舊,朋友話呢間好食,最緊要係好少漏單(堅嫁!)!!所以我地就事先卜左8點幾個個時間.坐低見到有成十幾張野食紙,我地好快咁咩都tick左少少.勢估唔到佢地上菜都超快.轉個頭就差唔多黎齊晒成台野食.我地叫左咁多樣最值得讚下既係呢幾樣:牛柳粒呢個幾好味,由其佢隻類似鼔汁溝埋洋蔥味好香口,咬落去仲有啖啖牛肉汁,好嫩口阿!芝士蛋黃醬焗豆腐雖然黎到得個一舊,大家share食左少少,好香濃juicy既芝士味,加上豆腐似山水豆腐1樣,隻感覺好滑,當然我地之後有再續多幾碟添啦!!海鮮pizza我中意!由其佢夠晒多芝士,拉起仲有1條條絲嫁!!細細1塊整個口感都好豐富!我覺得比pizza hut好味添阿!!牛肉薄燒呢個超讚!!!!燒汁加上燒到岩好既肥牛卷住d蔥花係裡面,超香超好味!!!值得試下!燒羊架1份1件,火喉控制得好所以肉7成熟左右.食入口唔韌不過我嫌唔夠羶jack!!!三文魚頭好有1陣三文魚特有既魚油香味,如果拎黎炒飯應該一流!!魚肉唔多,不過就幾香滑.炸蝦天婦籮蝦肉幾大粒下,我食個幾件既炸粉都唔會好厚.沙律鮮蝦果春卷春卷皮裡面有好多生果,雖然食得出係罐頭果肉,不過又幾甜咼

約了很久不見的朋友晚飯，決定試試之前買的「火鳥日式放題」團購。結果有以下經歷。訂了 7:45 pm 的桌子，結果 8:00 pm 才可以入座。團購包一人一隻法國生蠔，但門外貼出 暫停供應生蠔 的告示。要主動問，侍應才告訴你會用額外甜品補償。生蠔變甜品 ...？ 感覺降級了。餐廳一心促進人與人之間的接觸，所以座位擠得幾乎與鄰座 肩擦肩、背貼背。不過我們比較喜歡有空間，要求侍應稍稍拉開與鄰座座位的距離。還好我們坐在內側。兩個小時之內，食物、飲品、吃完的東西，在鄰座頭頂上橫飛，吃到口中的羊排都被迫吐出來。他們初初都有些不耐煩，後來低聲苦笑「習慣了」逆來順受。也對，最重要是吃飯的心情。跟重要的人一起吃飯，有時候就不大會介懷食物和環境中的一些瑕疵。客觀來說，這間位於旺角銀城廣場九樓的火鳥，可能會讓不少人火的。起了個惹人注目浮誇的標題，但實際心情還是挺好的。顧著聊天分享，已沒有理會多餘事的空間。就算店員總是黑口黑面，就算額外甜品最後沒來，就算清酒是你不主動問就會消失的，就算在香港放題而言食物質素勉強及格，就算有額外附加費及加一小費 其實這團購一點也不便宜 ......　　基本　$138　　不想 6

一早去完政府總部，2個人搵左$400.一於要食好d但元旦日，旺角放題唔易有位，起街見有人派傳單有新野，就走上去試試六點正去到，人唔多，坐位唔算太迫，唔錯估唔到食物黎得幾快，整體唔錯，香港一般放題的質素難得完全無拉布的情況出現出野好快，一個鐘都差唔多飽，成晚只係漏左個火龍卷壽司詳情無乜特別，唔多講，睇相好過……鐵板的牛柳粒好硬，天富羅太多粉，串燒牛琍好好食

今日同成家人一齊去左旺角食放題..以前都係食開吉壽,不過有D悶,所以家姐話試間新既我地一行9人BOOK左8:30,果日人頭加價$20 收$208加10%去到既時候已經好多人在門口,入都入唔到,好彩有BOOK到台,唔係既話真係唔知要等幾耐.一入到去就當然係寫爆佢啦,因為真係好餓交完點菜紙等左10分鐘左右就黎左盤大刺身,太肚餓所以相都廢是影,食左先講,三文魚正正常常,間間都係差唔多,佢地流量咁大所以想唔新鮮都難,最驚喜係佢地既原隻甜蝦大隻到你唔信,超好食,去料理店$38兩件都冇佢咁大咁好食,不過白鳥貝就好普通,跟住到熟食,串燒牛肉,燒波蘿.正!!蟹膏炒飯冇得頂,但係其他串燒好咸食左半個鐘..突然有抽獎活動..可惜我地咩都抽唔到大獎係人咁大既毛公仔..見住佢比人抽左真係唔開心不過呢間野氣氛同食物都唔錯,,絕對有下次!

再一次團購中伏加了$20 要升級版美食, 一心歡喜來食甜蝦, 點知d甜蝦竟然係腥的 吃了兩隻, 只能棄屍荒野了...其他刺身都係咁, 感覺百佳的三文魚刺身都比佢好, 火烏d三文魚瘦過非洲可憐的兒童, 我真心不忍心食佢...另一恐怖的是大蝦天婦羅, 個炸漿係蝦的20倍, 當我把炸漿咬開的時候, 我發現佢原來只不過係一粒蝦米...炸漿太太太多了...見到有焗蠔, 我即刻Order了6隻, 誰知道送來時那6隻蠔正在一PatPat 白色粉漿鼻涕粉中, 食了一隻後就再沒力氣吃其他5隻...總結來說, 只有燒牛舌是可以吃下肚, 其他食物如以上及壽司卻令人拍爛手掌, 因為係拍枱...以109+10+20+20= $159的價錢來說, 我有更多選擇, 根本不用食傳說中的火鳥來對待自己的胃...火鳥, 永別了~

朋友買左團購劵，請我食飯，呵呵~SO HAPPY~平時都好少食放題，因為食得唔多，成日覺得好蝕。。。今次有人請，食幾少都係賺，嘻嘻~朋友係專業放題食家，所以佢先入刺身既單，以免熟食上先，我地全部款都只剔2-4件，費時剔太多食唔哂啦，好味先ENCORE， 刺身其實選擇唔多，但味道都新鮮，三文魚、甜蝦、鱆紅魚、赤貝都ENCORE左等緊刺身時就剔埋壽司，為芝士花蝦&芝士海龍係我FAVOR、黑蟹籽(只敢叫一舊，純粹貪得意，味道無特別)其次叫左海鰻、八爪魚、軟殼蟹、玉子等等 (有D我地淨返舊飯，好似好衰添)其實上野速度都真係幾慢，最後熟食就一次過入啦 (驚無得食)先數讚的: 芝士XXX豆腐(唔記得個名，BUT超正)芝士年糕芝士竹輪 (其實幾乎有芝士既我都岩，都覺得好味)廣島燒餅焗蠔 (係迷你蠔，不過味道幾好)不同款的天婦羅 (等左好耐先到，不過全部新鮮炸，原諒佢啦)魷魚鬚燒牛脷、菠蘿、牛肉、雞腎叫左但無食哂 (我都唔想架)鐵板牛柳粒 (好UN)牛油炒菇 (好牛油)打邊爐D野 (唔關味道事，由於係最後先叫，已經頂上心口了)有D叫左無黎，不過都費時追啦，因為太滿足了(阿媽教呻饑不呻飽)有機會再去先食

意想不到的放題可能最早段時間 無乜人.最深刻的是叫了幾次接單 無任何回應心諗的是...服務態度那么差勁特別深刻印象的是一位帶眼鏡女生身為最早段客人..竟然半粒鐘後先有一份鐵板牛柳粒..而且份量不多 洋蔥太多唯特是飲品o黎得快 期待好耐o既刺身仲要黎o吾足叫3文魚...10件只得5件 白玉豚5件只得2片..先o吾講刺身方面.. 想起都嬲嬲地再過幾個字 o黎左份牛油帶子 無乜味而且好多油坐低成個鐘 脾氣好的我終於忍o吾住要追追單意想不到的答覆是 入面冇無單喎!請你地落多次單寫個追字結果2個鐘頭入面食極都o吾飽 如何放題呢??有一樣不得不提 員工情願睇電視都o吾接單 too bad衷心希望可以有所改善