火鍋煮場 (已結業)

黎深水㻉打邊爐，位置就比較入，但食物都不俗架湯的款式都幾多～打邊爐最重要，當然係湯底！鮮魚活蜆鍋 $188，好足料有魚有蜆，仲要俾你自己倒～～湯底飲落唔會話太淡～都幾清甜架手打孖寶$98 有墨丸蝦丸，食落幾彈牙，唔會太淋，蝦丸幾香添紫菜炸響鈴，$68，即炸既，仲熱熱地，夾上紫菜，食落更香，但配d重口味既湯應會仲正黑豚肉，薄片，就富肉香，咬落有肉汁，唔會嚡口娃娃菜，配湯一流，索哂魚湯，夠入味，感覺又健康

嚟到深水埗, 本來想食小菜, 但是太多人, 又沒有訂位, 咁岩隔離有間新開的火鍋店, 就入去試試。我地點左個蕃茄海鮮蟹鍋, 花蟹好大隻, 其他海鮮有: 青口, 大蝦, 大蜆 等等。蕃茄湯底滾起後好香, 跟著把所有海鮮都一齊放晒落去一齊滾, 湯味更加鮮甜。火鍋料點左牛爽肉, 聽說系牛既脂肪, 但食落去一點都唔油膩, 好爽脆, 同埋只須滾幾秒就食得, 我個人覺得好味過牛肉。其他配料仲有點左萵筍,粟米, 手打3式丸, 聖子皇, 脆肉鯇片。食到中段, 試下啖湯, 真系好鮮甜, 海鮮精華系晒裡面。呢度飲品除了一般汽水, 仲有其他日本清酒, 價錢又合理, 喜歡飲酒嘅朋友 絕對超值。

今日放工約左朋友落深水埗食飯...大家好耐都冇打邊爐。 上網見介紹話呢間有海鮮食咪黎試試。位置都幾方面，由地鐵站行五分鐘左右。店鋪唔算好大...不過有個優勢就係人少冇咁嘈服務好😂😂一黎當然係簡湯底簡左蕃茄海鮮鍋$188...估唔到有咁多海鮮。又蝦又蟹又蜆。蕃茄湯又足料。為左可以保證唔會煮太耐...我地兩塊兩塊咁煮😂😂 好有口感，食落就知高級野。呢個響鈴真係推介，好少食到即炸，好脆口再加上紫菜。好正估唔到咁鬼大隻，好鮮好似岩岩釣上黎咁好少地方有得簡竹笙，吸收左個湯底之黎好入味手打丸真係無敵...無論口質同味道都好好。食完唔會想再叫急凍既肉類。叫得蕃茄湯...當然要叫什菜同蜂巢豆腐啦。咁先食到精華嘛

見今晚涼涼地，又係打邊爐嘅時候喇！😍朋友住深水埗，帶左我黎福榮街呢間火鍋煮場。竹蔗茅根水好清甜足料，唔會過甜好似糖水咁，而且夠晒冰凍呀！湯底係杏汁白菜豬肺， 湯底係治癒嘅奶白色而且好足料！ 一煲滾已經有濃濃嘅杏汁味，即刻可以飲返2-3碗~鵝肝墨丸幾特別嘅配搭。墨丸係新鮮手打，特愛佢咬落去果種彈牙口感同墨魚嘅鮮味，而中間嘅鵝肝大少剛好，豐腴留香！生菜&鮮淮山蔬菜方面都幾新鮮，菜好嫩綠同大塊，淮山清鮮爽脆👍🏻一級雲耳木耳可以活血，防血管硬化，仲可以降血脂同減肥~ 係我呢期大愛😛呢度嘅雲耳色澤通明，口感都唔錯，非常爽口！紐西蘭蟶子皇好大隻！而且洗得好乾淨，食落口一啲沙都無~味道亦鮮甜爽口😋南非鮮活鮑魚口感彈牙之餘仲幾嫩滑，鮑味亦濃郁~餐廳嘅服務都唔錯，服務會好細心指示我地每樣食材嘅烹調時間，每當我地遞手亦好快到來😎

同老豆兩個搵食 喺深水埗 ，見到有一間以火鍋為主題 同埋刺身為主題 既火鍋料理 ，就入去試一試 入面裝修得都唔差 環境唔錯坐得舒服嘅 ，湯底我哋揀咗艇家鮮魚活蜆湯 佢同平時打邊爐嗰啲唔同 平時打邊爐嗰啲係 連埋材料上 而呢度嘅火鍋係先上一個魚湯 然後其他海鮮配料係分開上嘅 咁你可以試一試咗魚湯嗰個鮮味然後再放其他嘢落去 都幾特別， 呢度嘅刺身都好出名 我哋叫咗 本地手切牛頸脊 珊瑚蚌 帶子 手打孖寶丸 分別係蝦丸墨魚丸 新鮮蝦雲吞 紫菜炸響鈴 粉絲同埋菜 ，呢度嘅手切牛頸脊 肥瘦啱啱好 有口感牛肉味龍 超正 ，而佢嘅珊瑚蚌同帶子 好新鮮好鮮甜 佢哋嘅份量係都好大份嘅 適合好多人食 ，手打蝦丸同墨魚丸 超彈牙 ，雲吞 啲蝦係好新鮮嘅 皮薄 唔會太厚， 不得不提 佢個紫菜炸響鈴 而家真係買少見少 佢仲要係新鮮即炸紫菜仲要係脆嘅 口感一流 ，菜同粉絲 吸咗呢個新鮮魚湯嘅味道 亦都係超級好味 ，喺度打邊爐一句講曬正 ，適合大班朋友飲下啤酒傾下偈又想享受到好味嘅食物 不妨一試 ，下面有啲 圖片 同大家分享下。

今次約左朋友黎到深水埗既火鍋煮場地方算大 有兩層 冷氣充足 好乾淨而且坐得舒服一坐入嚟侍應就幫我地倒左咗豉油然後調味料就自己揀 有生蒜 炸蒜 蔥 芫荽 辣椒因為我唔食辣所以同朋友叫咗個鴛鴦湯底朋友話沙嗲湯底好濃郁 我覺得清湯湯底都好足料 加上放左馬蹄所以成個湯底都清甜 另外清湯入面既粟米超甜好好食 十分推介！鍾意食粟米嘅朋友可以單點Menu上嘅超甜粟米！紫菜響鈴 必食之選老闆話響鈴全部都係即叫即炸食落熱辣辣好香脆 重點係唔會起油益就咁即食同放落湯一樣都咁好食牛肉厚薄切得啱啱好雪花分布都好平均煮完既牛油甘香仲係到 而且入口溶化 好食！豬肉既肥肉分佈平均 豬肉味濃 加上大大片 好抵食！手打墨魚丸同蝦丸 十分新鮮同口感彈牙！食落唔會覺得好粉漿 一碟八粒 都幾大粒架。整體環境服務質素都好好而且食物擺得好靚期間服務員都不斷幫我地加湯！同朋友傾計食野聚舊一流既好地方！

之前都在聽過朋友講話深水埗個面有間打邊爐幾正的，果然有驚喜！火鍋煮場～～從深水埗地鐵站行大約7分鐘就到，非常方便。餐廳有兩層，老腦非常好好比我地坐樓上，一去到就叫左個鴛鴦湯底，估你唔到個沙嗲湯底咁有驚喜，味濃好香,濃郁湯底！ 聽老腦講係自己制的個醬，好有態度！講下醬料方面，十分齊全，要嘜有嘜。食物方面都好新鮮，特別推薦以下幾樣〜紫菜響鈴！個個去過食過都話正！真係即叫即炸，攞過來的時候仲熱的！紫菜加響鈴組合好夾，鐘意食響鈴一定要叫.其次仲有安格斯牛小排！好新鮮好大份！平時打邊爐的時候都會係雪到好硬無肉味，但呢個真係完全無雪味，好鮮牛味。當然仲有大大魚皮，真係比起平時食的大塊！又脆又爽，都係十分推薦的！最後當然不能不提的就係手打墨魚丸，好彈牙好鮮味，一定要叫！整體而言，火鍋煮場的食物都比左我好多驚喜，打邊爐都可以好有態度的

友人介紹的*人氣專業的火鍋刺身專門店*在深水埗福榮街。今日在附近工作至五點幾，就來火鍋煮場打邊爐。店鋪裝修簡潔，坐位舒適，就算滿坐都唔會逼逼夾夾。鍋底有很多選擇，經理推介「艇家鮮魚活蜆鍋」，十分美味，只有三至四個，如果我哋而家叫就可以即刻留返俾我哋，所以我哋就用左魚湯做鍋底。餐廳仲預備左白雪雪豆腐、消暑冬瓜、大大隻蜆，作為湯料，所以我哋每人飲咗兩大碗魚湯，因為有蜆所以十分鮮味。🐥⭐⭐⭐⭐⭐火鍋配料：牛牛選擇了安格斯牛、牛頸脊、牛𦟌（三併）師父刀功好掂，牛牛唔會太薄、保留咬口又唔會太硬，肉汁美美。🐥⭐⭐⭐⭐蟶子皇大大隻，洗得很乾淨，只需滾十秒，就可以吃得，爽脆又鮮甜。🐥⭐⭐⭐⭐⭐脆炸午餐肉，不會有太多油、外脆內軟。讚👍。🐥⭐⭐⭐⭐我十分推薦它的手工丸 。手打孖寶（蝦丸/墨丸）真係新鮮打好的，丸丸外表透光，柔潤細緻、入口彈牙。讚👍。🐥⭐⭐⭐⭐⭐佢仲有其他嘅手打丸同埋魚滑，下次一定要食埋其他味道。健康蔬菜一大盆，蔬菜吸左魚湯所以好鮮甜。🐥⭐⭐⭐⭐⭐飲品有好多選擇，啱晒喜歡嘗試新口味的我。🐥⭐⭐⭐

多年前在深水埗工作，最近知道這裡有間火鍋店的質素不錯，今晚便早點來到。這裡有地下和二樓，座位寛闊，坐得舒服。老闆介紹了一個『艇家鲜魚活蜆鍋』，這個魚湯每日限量三、四個，當然點了一個。艇家鲜魚活蜆鍋，分為兩部份，一是魚湯，另一份蜆、豆腐、冬瓜，待魚湯滾起，就加入蜆、豆腐、冬瓜，再滾一會便可以。老闆提示先喝湯，才開始火鍋，魚湯加上蜆的鮮味，果然是很美味，而且湯內有白胡椒，所以喝完胃部發熱，結果喝了兩碗湯，先開始火鍋。三式牛肉拼盤，有安格斯牛小排、本地牛頸脊和牛𦟌。廚師切功一流，厚薄適中，吃落帶點嚼勁而不靱，而且牛肉味濃，最喜歡安格斯牛小排、本地牛頸脊。手打孖寶是墨魚🦑丸和蝦🦐丸，兩種都非常新鮮彈牙，尤其是蝦🦐丸，最為好味👍。酥炸午餐肉，午餐肉經過酥炸之後，外皮酥脆，內𥚃鬆軟，適合即食，我就淥一淥，吸收魚湯的的鮮味才吃，因為炸了的午餐肉，吸湯能力一流。花竹蝦刺身，市面上很少有30厘米的花竹蝦，當然要用來刺身，肉質鮮嫩爽甜。吃到最後當然是來個什菜籃及萵筍來健康一下。

香港人一年四季，唔理凍熱，打邊爐都係最佳活動，今次就去左位置非常方便既火鍋煮場，門口好光猛，離遠已經見得到，入到去地方唔算太大，但都坐得好舒適。打邊爐最重要當然係個湯底，我地今次揀左蕃茄海鮮蟹鍋，老闆話呢個蕃茄湯底係佢地用心制作，絕對唔係坊間一般水加茄膏溝成，講到咁當然試下啦。揀完湯底，侍應就會比配料盒比你自己調配，極力推薦落炸蒜，好香。湯底一上枱已經聞到勁香蕃茄味，好多蕃茄超足料。另外上既海鮮有蝦，蟹，蜆同青口，海鮮係湯鍋入面滾幾滾，令到蕃茄既清甜同蟹鮮融合埋一齊，仲可以帶出海鮮既鮮味添。重頭戲三式牛肉拼盤，有本地手切既牛頸脊，安格斯牛小排同牛𦟌，三款牛肉都好新鮮，每款都有不同口感，肥瘦均勻，嫩滑有牛脂香。呢度即響玲係必試呀，新鮮即叫即炸，配埋個甜酸醬比你即食，好脆！就算放落湯到都唔會即刻淋曬。另一個我覺得都係必試既係墨魚丸拼蝦丸，全部都係手打架，足料有質素，每一粒都食到好多墨魚同蝦，唔會好似出面果d勁粉。桂花蚌新鮮，份量多又大條，爽口鮮美，好食。最尾叫多一個雜菜籃，有三款菜，仲有粟米同蕃茄，好抵食，而且d菜都好新鮮，唔點豉油就咁食都好好食。

朋友生日就同佢黎食海鮮火鍋賀賀佢。海鮮湯底只需要188蚊就有好多海鮮配料，隻蟹真係好驚喜，好甜好實肉。個蕃茄係勁蕃茄煲。非常入味呀❤️❤️❤️配料非常齊全。打邊爐點小得野飲呢打邊爐就係要坐得耐，野飲真係好需要好多款揀先得。聖子皇足足一隻碟咁長呀❤️❤️❤️❤️非常鮮甜爽口。肉可以咁樣拼，就有更多款可以試。好過質呀。丸都係佢地自家手打，好彈牙，一d都唔粉，啖啖都係肉。更誇張，連個響玲都自家製。同紫菜非常襯呀。 一定一定要食個響玲呀❤️❤️❤️❤️

肥妹仔琴日同屋企人去咗深水埗嗰邊買嘢，行到差唔多晚飯時間，見到一間火鍋店。外表望落去雖然幾普通，但係見到入面都坐滿曬人，肥妹仔我就估應該都不錯，所以就同屋企人入咗去試下啦。豬骨湯底 $128呢一個豬骨湯底本身就已經有好多料， 有兩大舊筒骨，紅蘿蔔，白蘿蔔，雞腳 等等，所以未落任何料打邊爐已經非常濃豬骨味，肥妹仔我飲咗幾啖湯，好鮮甜。介醬 $36/2本地手切牛頸脊  $328未食就咁睇已經覺得會非常新鮮，非常好食!佢嘅牛肉切得啱啱好，唔會太厚，亦都唔會好薄。佢嘅雪花紋理非常靚，每一片牛肉上面都有點點白色嘅油脂， 而且佢食落去好新鮮，唔似喺雪櫃雪咗好耐嘅貨色!肥妹仔我成餐差唔多清曬成碟牛，因為食落去好濃牛味，肉質好嫩滑，輕輕焯十零秒已經可以攞起食得。脆鯇腩 $88脆鯇腩又係肥妹仔打邊爐必食嘅海鮮，食落去啖啖肉。呢個脆鯇腩食落去口感好爽脆，好新鮮，冇魚腥味。白鱔片  $98肥妹仔食鮮通常會食豉汁蒸鱔，但係原來白鱔片就咁灼都好好食!白鱔片嘅肉質亦都好嫩滑，但同時食落去好爽口，一啲都唔霉，新鮮好食。墨魚丸  $88呢度嘅墨魚丸並唔係喺街市買嗰啲用粉溝出嚟，而係用墨魚滑打膠打出嚟嘅。佢既墨魚味幾濃

本人覺得打邊爐唔需要多花式，最緊要材料新鮮，湯底濃厚。而今期我就推介呢一間深水埗嘅火鍋店啦豬骨湯底 $128呢度嘅湯底唔似日式嗰啲火鍋湯底，淨係得色水。佢嘅湯底本身已經有超級多食材，包括有兩大舊筒骨，紅蘿蔔，白蘿蔔，仲有雞腳添！每一樣嘢都好新鮮，所以飲落去個湯好濃厚。介醬 $36/2本地手切牛頸脊  $328新鮮牛肉幾時都咁好食，佢嘅牛肉勁多雪花紋，油脂分佈得非常靚， 厚度剛剛好，唔會好薄！食落去有口感，牛味超級濃，而且唔係雪藏貨色，唔會雪到硬掘掘！ 輕輕灼十零秒， 點豉油已經好食到爆。脆鯇腩 $88脆鯇腩好新鮮脆口，肉質好嫩滑，而且唔會好多骨！白鱔片  $98我平時就食開蒸鱔片，多嘅但係原來打邊爐食鱔片都好好食！佢嘅鱔片鮮味好濃，食落去好脆，口感一流！墨魚丸  $88新鮮用墨魚膠打出嚟，食落去好滑，墨魚味濃，好食。芝士蝦丸  $98超級好食，個蝦膠入面有蝦粒， 食落去超濃蝦既鮮味。 灼熟咗既芝士蝦丸咬落去啲芝士爆出嚟，流心效果超級澎湃， 我嘅至愛。豬粉腸 $68其實我好少出街食豬既內臟，因為好多時候都清潔得唔乾淨，有一陣騷味。呢一間火鍋店就冇呢一個問題，佢嘅豬腸粉非常爽口，食落去好新

已立秋但還未感覺到有秋意，但同朋友們已急不及待去嘗火鍋了！ 今次就揀左間係深水埗既火鍋店，Openrice評價也不錯嘅火鍋店。呢間店主打海鮮掛帥，火鍋食材一定要新鮮，能食出簡單原味同海鮮鮮味。坐低後就想睇下有乜好野食，原來有多款小食，當然順便揀埋個湯底啦！湯底大家決定了選蕃茄海鮮蟹窩 蕃茄湯微酸甜甜香香滾起都聞到，即刻開胃準備試口湯，竟然係鮮茄唔係茄膏之類，真材實料！跟手落埋蟹，虾，青口，大蜆同再加鮮茄，湯底都已咁豐富，肯定鮮味都極。響鈴火鍋必備今次就試佢地特色紫菜響鈴，賣相已經好靚，仲要係熱辣辣剛炸起，放湯吸收晒湯精華無得輸微脆又飲到湯汁！另外加咗蟶子王同鮮鮑魚，色澤亮麗就知是即劏啦！ 灼1mins就剛熟鮑魚軟淋， 蟶子彈牙又鮮甜。火鍋除海鮮又點少得靚牛肉，呢間就可以揀牛拼盤，三款頂級牛展，手切牛頸脊同安格斯牛小排，油脂分佈均勻，口感覺有不一，牛展較有咬口，牛頸脊最濃牛味有嚼頭，小排就香滑。鮮淮山健康之選，爽口但有點粉，有白色吸收到蕃茄嘅紅色。萵苣青色翠綠煮後還脆卜卜，口感爽。手打芝士墨魚丸我最鐘意，食過後亦無失望反而更喜愛，彈牙嘅墨魚丸外層包著爆醬芝士汁！總結新鮮就是火鍋的必殺技！

兩個人唔知食乜好，好耐無見又要坐得舒服又想食得他調，朋友帶左我去佢食開嘅火鍋店，位置方便係深水埗區，店內坐滿人，因為無訂位諗住轉場，原來他們係有上層架！ 老闆還特別開比我地，好高慶還可追埋電視劇添！發亮的menu推介是日時令海鮮 調味盤都幾別致，簡單配料已足夠，最緊要火鍋食材新鮮！送上湯底發現用久違嘅銅煲 易滾同特別有風味 蕃茄海鮮蟹窩用上鮮茄，虾，蟹，大蜆同青口，濃郁鮮甜美味，真係無得舒！桂花蚌$118爽脆彈牙配埋濃郁茄海鮮湯底也夾到。三式牛肉拼盤有齊本地手切牛頸脊，濃味有嚼頭。頂級安格斯牛小排，香濃滑油脂分佈平均。頂級牛展較咬勁同彈牙，但越食越出味。花雕醉蝦超新鮮睇到d虾還好生猛，飲緊酒還用上玫瑰花吊味。到灼時就會食到淡淡酒香，虾肉仲爽口鮮味！塘生菜洗得乾淨翠綠芝士手打墨魚丸芝心食時要小心，一咬就爆出熱辣辣芝士，加上手打無加粉去撈，所以彈性極高，實的的每口也是墨魚粒！