火鍋煮場 (已結業)

真係好好食！上星期難得去深水埗食野，行黎行去都，諗唔到食乜好。我朋友就話不如試下呢間啦。咁我份人都中意試新野，咁就無乜所謂啦。入左去試，地方都幾乾淨企理，d待應都無話西口西臉，態度唔錯，落單個時重同我地講今日d海鮮幾好，可以試下，可惜我唔太好海鮮，淨係叫左一碟蝦，其他都係d肉呀響鈴d大路野。叫左最正路嘅豬骨湯，都幾好味，食得岀唔係味精粉，係落料褒岀黎，幾甜幾有肉味。然後，落肉啦，d火都夠猛，淥幾淥就熟。食落都無話好多筋，師傅d刀功值得一讚。試埋d蝦，都幾新鮮，無雪藏味，唔似街邊其他舖頭一樣，食落成舊道具咁。d蝦淥完重有d蝦味入左落個湯底到，令到成個湯底嘅鮮味昇華左至少一個層次！有機會再去深水埗一定會再幫親！

在深水埗工作了好久，最近知道這裏有間不錯的火鍋店，今晚便打算早點和好友過來食飯。這裏有地下和二樓，座位比較多，坐得還蠻舒服。我們點的是花膠冬瓜湯底, 湯底不錯，牛肉肉質鮮嫩, 食落好鬆軟，一點都不肥膩！鵝肝味道不算太濃，感覺一般。之後都叫咗好多火鍋配料，當中有蟹籽墨魚滑，什菜籃，南瓜片，鮮淮山，蜂巢豆腐,食材都好新鮮，食落唔錯。服務態度還可以,餐廳環境很普通,味道尚可, 就是收費比較貴!

D 手打丸好正，好彩我同班 friend 剛剛好四個人，有龍蝦送。感覺好抵食！屠房無開無本地牛食，叫左羊肉和安格斯牛都唔錯！最後試在佢地德國生啤，買一送一。平過出面德國餐廳飲好多。

朋友食飯自然要揾個可以坐得耐同多野食既地方, 打邊爐自然係最好既選擇今次揀左深水埗既火鍋煮場試試佢啤啤雞煲平時酒香湯底見得多，以百分百麥啤酒代湯的則甚為罕見。啤酒在酒精揮發後剩下麥香，令雞肉味道更複雜和新鮮。即劏新鮮龍蝦肉質超彈牙, 而且鋪頭好細心, 會幫你切埋啲鬚同鉗碎個蟹鉗, 食落超方便蝦膠釀鮮冬菇新鮮冬菇味香濃，蝦膠爽口彈牙。鮮淮山淮山清鮮爽脆餐廳嘅服務都唔錯，服務會好細心指示我地每樣食材嘅烹調時間，每當我地遞手亦好快到來

本想食小菜卻沒有訂位，結果當然是要等，為了不等，見呢間唔洗等，於是入去試下。牛肉選了安格斯，因為比牛頸脊平，伙記亦說味道也不錯，所以點了，也真的好味。另外選了手打蝦丸和墨魚丸，個人覺得蝦丸非常出色，很彈牙。其他配料亦不錯，起碼不會是一吃便知的那些平價貨式。最後最有驚喜的竟然是他的烏冬，真心推介要試！當晚德國啤酒買一送一，味道很好，不過我也忘記了飲了那個牌子，總之叫伙記介紹即可。這家會encore，下次會試試他的海鮮，尤其是象拔蚝

今日同朋友係深水埗做義工啦，咁做完都接近7點幾，大家都肚餓，聽講附近有得打邊爐，就睇下啦，跟住就去咗呢間火鍋煮場，佢有唔同嘅湯底，有啤啤雞煲,蕃茄海鮮蟹鍋同艇家鮮魚花甲鍋，我地就叫咗蕃茄海鮮蟹鍋，佢係由新鮮的農場蕃茄，加上原隻鮮活靚蟹、花甲海蝦做湯底，帶出名種海鮮的鮮甜，同時不會喧賓奪主，蓋過材料的鮮味。我地叫咗打邊爐一定要嘅四寶丸啦，龍蝦丸、海膽丸、芝士丸同貢丸，打邊爐必備，另外仲叫咗即炸紫菜響鈴，幾特別，浸一浸又會吸哂啲湯，又有少少脆，當然仲有海鮮拼盤，有蠔啦，青口啦，象拔蚌等海鮮，再添海鮮嘅鮮甜同洗鮮，最後唔小得嘅，緊係牛啦，我地就叫咗安格斯牛小排，口感鮮嫩多汁食完大家都好飽，呢間火鍋煮場值得再戰，下次試埋嗰啤啤雞煲！

同朋友聚餐最岩就係去打邊爐,所以我地黎到火鍋煮埸共聚晚餐, 揀完湯底之後，服務員就比左個配料盒我地自己調配醬料，佢地啲炸蒜好香。一黎我地就叫左個小食香煎蝦餅醫下肚先,估吾到熱食都一啲都吾差,金黃色既外層,蝦味濃厚。我地再叫左碟本地手切牛頸脊,賣相已經非常靚,睇到啲雪花紋理好吸引,食落去好濃牛肉味,重加埋啲油脂, 每一啖都好滿足。之後點左脆鯇腩,啲骨大大條,肉質好滑好鮮甜,吾洗滾好耐就食得~其他野食都絕對吾差,不過個人就覺得最出色係牛肉同海鮮類,新鮮度滿分! 

今日就去咗火鍋煮場食火鍋同一班朋友，之前就見到有嗰啤啤雞堡，係以招牌徳國小麥啤酒秘製，香濃麥啤味帶出雞堡的鮮味。於是我地就叫咗呢嗰啤啤雞堡做湯底，亦都有精選配料，我地就叫咗脆炸五餐肉，就算放咗落嗰鍋到煮完都仲會有脆卜卜嘅口感，仲有手打蝦丸拼墨魚丸，真係滑口彈牙，有口感，好有彈性，鐘意打邊爐食丸嘅可以叫呢嗰，另外仲有羊肉片同埋脆鯇魚，羊肉片唔會有酥味，脆鯇魚撘上啤酒味湯底好夾，唔會好奇怪，同埋真係會食上癮，值得一試呢間火煱煮場

之前睇openrice 話有7折所以訂位試下，一去到一枱都無。已經心感不妙，一坐低問折扣詳情，點知原來得d丸類有折🤢真心伏左，食物質素係ok既 不過無食海鮮 同只叫左一碟細肥牛情況下。每人都要$350以上，我諗就未必會撰佢啦。性格比太低，火鍋對手太強下，老闆要諗諗計啦，唔係既話真係只會俾你伏一次就算

禮拜日同朋友去左行黃金,睇左D NOTEBOOK同顯卡,行完攰攰地就去附近搵野食,朋友想去打邊爐,於是我地就簡左間係福榮街既火鍋店。我地叫左個沙爹,點左成枱都係餸,等我介紹幾樣好食既吧。手打墨魚丸-墨魚丸非常彈牙,手打的果然比機器的有D唔同活魚刺身-刺身十分新鮮,魚肉嫩滑,骨頭有點多,要小心唔好吞埋D骨炸枝竹-口感滑溜,有嚼勁,索左D沙爹湯好好味。除左呢三樣外,我地仲叫左肥牛,一堆丸,生菜,鳥冬,雞子等等,食到超飽,呢間鋪D野食質素都算幾高,價錢又唔算好貴,係一個唔錯既打邊爐好去處,值得推薦。

環境不錯，服務態度超好，還會提醒你可以煮食前喝喝湯，都幾細心。食物質素都唔錯，個花膠冬瓜煲都幾足料，湯一煮沸就可以先飲一飲！只是剛好坐在電視機前，會有一點小吵。

因需要到深水埗買o野，買完後想吃火鍋作晚餐，朋友便推介了我火鍋煮場本以為她之前食過，問佢點解推介呢間既時候，佢話佢都未試過這火鍋店的名字很有趣，而且亦不是在常去的深水埗市中心到達後見到店入面也不是太多檯數，相信如果無預訂都未必會食到話需如此，佢既位置亦令我覺得係識途老馬先會搵食搵到黎呢度因朋友未到，我便無聊聊玩下電話先，隔離檯叫了招牌火鍋湯底瑤柱花膠上湯冬瓜鍋，香味不斷飄來，令我不禁狂吞口水店員妹妹可能洞悉到呢件事，熱情地問我需要先叫些飲品嗎？我說不用了，便繼續等待朋友的到來終於接近八點時朋友出現了，我們便立刻叫了瑤柱花膠上湯冬瓜鍋，果然名不虛傳，湯底有大量瑤柱冬瓜等喝一口簡直不得之了，非常清甜，讓人停不了口繼續喝下去，但我覺得鍋中的花膠屬於爽口路線，就算煲到最尾也不太淋，不是我喜歡的口味我們點了即炸紫菜響鈴，雲吞，生菜及鵝肝墨魚丸及特選美國穀飼牛原以為看似不太多料，未必食得飽，但食下食下都令我們兩位女孩子飽起來即炸紫菜響鈴新鮮炸起，店員也有提醒我們小心熱，不過打邊爐食比就咁食好味D，中間層紫菜有畫龍點晴既效果，令響鈴變得無咁漏，令人不自覺會食多幾舊最令人失望既係鵝肝墨魚丸，食第一粒既

今晚約埋三五知己嚟到深水埗呢間 “火鍋煮場” 打邊爐。 雖然門口好似冇咩特別，但係入面啲嘢呀真係好有驚喜。 好在我哋早去打邊爐，所以唔洗點等位，空間好闊落，坐得都幾舒服。 1. 自製三色餃： 餃子粒粒都係拳頭咁大隻， 啖啖肉，好好咬口。2. 即炸紫菜響鈴： 侍應話呢個紫菜響鈴係 即叫即炸， 一上碟仲係熱辣辣， 第一次食響鈴夾埋紫菜，效果一流。3. 蟶子： 聖子連埋粉絲非常之甜，聖子成隻碟咁長添，清爽正呀！！4. 三色牛肉拼盤： 呢個拼盤包括安格斯牛小排、本地牛頸脊、牛展。 肉色好靚，雪花邊好平均，超級有牛味。5. 冰豆腐： 食落感覺好似蜜蜂巢嘅豆腐咁樣， 口感硬硬地，幾特別。6. 蕃茄海鮮湯底： 放上枱已經聞到番茄嘅香味，滾起咗之後更加香。 加上有海鮮嘅關係， 啖湯味更加鮮甜。

呢間餐廳我平時都有同老公嚟開餐， 食咗幾次啲水準都冇變過, 今日飯局朋友叫我揸主意, 咁有好嘢梗係同老友分享啦今日book咗7:30, 去到就可以入座啦! 第一時間梗係叫啲小食啦~ 酸薑皮蛋係我必食, 因為係流心皮蛋仲無硫酸味, 仲叫咗酒糟鴨舌開下胃先!湯底叫咗芫茜皮蛋, 清清地咁樣就可以試到啲食物夠唔夠新鮮.打邊爐點可以少得牛肉, 所以每次都必叫嘅本地手切牛頸脊, 有咬口又有牛肉味, 仲有黑栢葉, 好少地方有得賣, 新鮮鵝腸, 夠曬肥美, 墨魚滑, 好彈牙仲有一粒粒墨魚, 其他有脆鯇片, 四寶丸，三色餃，冰豆腐…大家飲飽食醉之後, 都讚我好介紹, 啲嘢好食之餘仲要冇限時, 以後聚會又有個好地方喇

好耐冇試過成班frd去打邊爐6下6下喇！！壽星想試火鍋煮場，緊係要俾面！！很好的冇限時亦冇切餅費，唔洗趕頭趕命~試左幾款牛，都好鮮味啊！！厚薄適中！ 仲有最出名既紫菜響鈴，熱辣辣，再浸一浸個蕃茄湯，回味冇窮呢！當然都唔少得午餐肉，丸類同芝士腸，都係邊爐必備。服務其實都很不錯，我地講笑佢地又一齊講笑知道我地有人生日仲送生日刺身！！大家都食到好滿足，又有得睇延嬉攻略，一流既happy friday ar!!