灃味館

營業中

休息中

My friend organized a wine blind tasing dinner here and had arrange a menu of 8 courses. First we ordered the juicy fresh octopus to start. First courseDeep fried scallop with yamA big scallop surrounded by crispy yam. Tasty!!! Second courseSouth African abalone with chicken soupWith great ingredients! You can taste they prepare this soup with so much efforts! Third courseSpecial dish— steamed razor clams with chinese wine, egg white and flat noodlesLoveeeee! The razor clams are so fresh! Egg wh

話說經OpenRice訂枱之後佢哋同事confirm 跟住叫我有需要就自己經過OpenRice cancel，咁我冇諗住cancel啦然後我幾日後無故取消訂枱再打返去電話嘅時候話已經full左冇枱比我。好彩我自己睇到取消咗如果唔係嗰日真係成棚人去到食風。職員仲要非常態度惡劣話係我自己問題，永不光顧大家小心自己張枱俾人無故取消。是諗吓如果自己定完枱之後去到原來俾人取消咗仲要星期五夜晚上真係非常之不愉快。亦都曾經叫過職員叫經理打電話跟進完全沒有

餐廳員工同老闆都好有親和力，會好主動同客人傾偈，介紹菜式，我哋今次第一次嚟，就叫咗佢哋嘅招牌菜。📍鮑汁扣12頭原件花膠扒公 $398 🫓價錢 9/10味道 9/10市面上有好多花膠買，12頭可能唔難揾，但呢個價錢幫你燜埋，絕對超值。花膠夠厚，配上特製鮑汁，絕對唔馬虎架！📍三黃雞濃湯雞煲翅（約六兩）$388 🐣價錢 8/10味道 9/10每碗都有足料翅，夾起成杷梳咁大梳，夾雜濃濃雞湯味，絕對冇一絲油膩感。好耐冇食過翅，好味！📍鮮菠蘿拔絲脆皮咕嚕肉 $138 🍍價錢 9/10味道 10/10咬落去有咬口得嚟偏淋，原來餐廳係用咗豬頸肉。呢個位唔算出色，最出色係餐廳做咗拔絲，表層醬汁凍咗少少之後有脆皮效果之餘，仲甜而不膩。鮮菠蘿切開咗，分開一件件，表面燒過，食落更加甜。📍荷香客家梅菜蒸芥蘭 $128 🥬價錢 8/10味道 9.5/10十分有驚喜。餐廳用荷葉包住精選嘅芥蘭，芥蘭上面舖左一層梅菜、葱、熟油，食落真係有淡淡荷香同梅菜味，而且每條芥蘭咬落都冇渣，好嫩，梅菜份量亦恰到好處，唔會太咸/太淡，推介推介！📍金沙大刀脆魚皮 $68 🐟價錢 10/10味道 7/10本身冇留意到，但見到隔離枱上呢碟

是晚同99慶祝生日，當然係要食啲正嘢。 必食之選「拔絲燒菠蘿咕嚕肉」，皮脆肉滑，連小朋友都可以成舊放入口趙，燒菠蘿超甜 ，一上枱掛住食，無影到相「足料雞燉翅」，超多翅，乳白色嘅湯，鮮甜無比，小朋友都食到舔舔脷 「百花雞」，脆皮之下有嫩滑嘅蝦滑，加埋香脆芝蔴，好惹味！不過真心唔明點解叫哩個菜式做「雞」，真係唔放隻雞翼尖響度都唔知佢係碟雞，好盞鬼 跟住係全晚嘅戲肉「花膠扒」，成塊碟咁大塊，冧滑膠口，配埋個撈粗面，真係汁都撈到乾乾淨淨 餐飯食得好滿足，攬住個肚走，99都好滿意；另外餐廳嘅叔叔、EE個個都超級nice, 服務周到，態度好好

Chinese dinner that was super worth it! This sounds kinda snobby but I haven't had a filling dinner in a restaurant for less than 300 per person in quite a while. This places gives you value for money, nice atmosphere and great dishes for a super friendly price.We had their signature sweet and sour pork, chicken wings stuffed with glutinous rice, chicken skin and shrimp paste and more. It was also free corkage so had a great night!

星期日晚同屋企人去左呢間位於銅鑼灣廣場附近既樓上餐廳食中菜假日比較多人所以我地預早訂左位同預訂左個燉湯鮑汁扣原件12頭花膠扒公 $398呢款幾乎每枱必點既菜式大大件花膠扒夠哂骨膠原啱我餐廳選用鹹水花膠扒、再以流浮山蠔汁、雞濃湯及金華火腿汁調味一份大概切到8至10件鮑汁都好濃郁撈飯一流松露金磚豆腐 $68六件精緻既金磚豆腐灑上松露鹽好香口作為前菜小食都唔錯金沙大刀魚皮 ($68)大大塊既炸魚皮撈左D鹹蛋黃當然要係相機食先啦魚皮炸到脆卜卜好好食懷舊江南百花脆皮雞 (半隻$288; 一隻$568)我地叫左半隻試下半隻有10件左右全手工將新鮮本地雞去骨及低溫風乾一天釀入蝦膠用滾油淋至皮脆蝦膠好彈牙配埋脆卜卜既雞皮同芝麻好夾杏汁花膠燉豬肺 ($538 - 四至六位)需一日前預訂呢個燉湯要預先訂定湯料好多分到6至7碗左右每碗都有一件花膠牡丹蝦汁脆米伴北海道帶子 ($68/位)賣相一流用左扇貝裝住大大粒珍寶size既北海道帶子帶子煎到剛熟好厚肉又夠彈牙加埋脆卜卜既脆米墊底好夾銓哥炒飯 ($118)呢款炒飯好夠鑊氣加左D菜同切粒既蝦仁一齊炒辣辣地都幾惹味鮮百合雞湯浸菜苗 ($98)食左咁多款肉類要叫碟

8月26日book左呢日要見四大長老, 準備結婚事宜, 雙方家長傾計食飯, 所以希望可以安排到一個較私隱的位置結果男方家長先到, 上到去比左成間餐廳最中間張檯比我地, 仲講"冇得揀位"OK FINE我地女方後少少到, 一上到來 熱死店員話冷氣壞左, 所以係咁熱咁... 有冇風扇呢? 冇咁都要照食啦 唔通離場咩由於其中一位家長食齋所以叫左一個雜菌時菜 同埋另一個就由經理提意話廚師煮個齋菜結果兩個齋來到...都係差唔多嘅野... 好無奈 對未來奶奶亦唔好意思經理仲不停sell我食脆米東星 我之前食過, 仲比哂片我睇........ 但我唔需要食物方面, 咕嚕肉唔錯 配上燒菠蘿係OK炒飯都ok百花雞都不錯的最後想叫甜品 不純廣東話的女侍應 問佢有咩甜品佢話綠豆沙 之後仲話比個menu我睇我想叫其他, 佢話冇。。。咁比本menu我做咩呢?我叫左焦糖燉蛋食到口先知係凍嘅上面加菠蘿碎及桃膠碎下面個燉蛋 好。難。食菠蘿好酸，燉蛋冇味　何來焦糖？食左一啖就係。。。早知我都食綠豆沙Book檯去到9點 8點9催我埋單???你係唔係有病啊?真係搞到我同我未婚夫好唔好意思比你地搞壞哂氣氛食完仲流汗條街都涼過間

尋日食完今日忍唔住出post因為真係有幾樣野都幾伏😂首先講咗好味嘅地方成餐飯最好食就係咕嚕肉，呢個都係佢哋馳名小菜，係幾好食，果皮夠脆，唔會厚粉，酸甜味適中，仲有新鮮菠蘿仲有預訂嘅江南脆皮百花雞，呢味餸好考功夫，雞皮入邊樣住咗蝦滑，再炸，呢味餸係我哋食完其他餸最後出現，差啲唔記得佢，跟住我哋都話好彩有呢個叫做OK，不過想講佢有個汁俾我哋點嘅，但係個汁冇味㗎，其實唔使點，唔使整呢個汁，就咁食OK😂我哋叫咗嘅餸係：1) 咕嚕肉 2）懷舊江南百花脆皮雞3）雞油花雕蛋白蒸花蟹跟陳村粉4）澧味生炸皇子鴿 5）頭抽煎大虎蝦 6）花膠扒 7）鮑汁扣原條關西遼參8）姬松茸南非鮑魚花膠燉烏雞 - 9）小食：炸豆腐，墨魚仔，冰鎮黃金球配話梅首先要講吓雞油花雕蛋白蒸花蟹跟陳村粉，完全冇味，一啲花雕味同埋雞油味都冇，好失望，要加啲醋食先得，當佢賽螃蟹咁囉，好彩隻蟹都叫新鮮，陳村粉要加醋先有味⋯⋯🥶🙈 個經理入嚟問我地啲嘢食點，我哋直接話真係冇味，佢講咗一大堆唔知咩嘅理由，又話來貨貴又剩，咁我哋話關冇味咩事？😂😂佢話陳年花雕冇攞出嚟😅 又話其實好耐冇做呢味菜，知道冇人哋做得咁好，我心諗其實既然做唔好你應該取消

媽媽生日及朋友生日都安排去灃味館吃晚飯。翅湯丶花膠扒配粗麵超級正！👍🏻👍🏻粗麵吸收了扒汁後非常鮮味。東星班炒球丶蒸蟶子皇等海鮮推介也非常有水準！餐前小吃「炸魚皮」可以說是必吃之選😜

有一種味道叫享受！話說A姐嘅屋企人好鍾意食粤菜，作為未來女婿嘅我，腦海即刻浮現銅鑼灣嘅灃味館，呢度主打高質手工粵菜，其中代表菜式之一嘅巨型花膠扒，真係出得廳堂，而價錢夠晒貼地親民。適合嚟緊嘅長輩生日、父親節、母親節等慶祝聚餐，絕對會令長輩們食到舔舔脷，對你安排非常滿意！金沙大刀脆魚皮你無睇錯，呢個真係炸魚皮呀！魚皮超大塊，上面佈滿起沙質感嘅金沙鹹蛋，所以食嘅時候除咗夠香脆，仲充滿無限滿足感嘅鹹蛋香味，味道超香濃，真係好罪惡呀，但又忍唔到口係咁食。身為鹹蛋黃控必食！鮑汁扣原件12頭花膠扒大家估吓呢隻原件12頭花膠扒幾錢？答案係$368咋，所以眼見每枱食客都一定會order呢個菜。請恕我孤陋寡聞，呢隻花膠有成兩隻手掌咁長，我真係未試過食花膠都可以用刀叉切嚟食，真係抵食過去食据扒呀！加上花膠非常厚身，所以勁膠口，非常有口感。當然精華所在係佢哋秘製嘅鮑汁，夠晒濃郁，花膠入晒味，非常滿一！魚湯脆米海東星斑呢道菜係另一個必點推介，記得訂位時要預訂埋呀！因為老闆要預先揀條新鮮，足2斤嘅東星斑，如果嗰段時間東星斑嘅質素未如理想，真係想食都無得食，可見餐廳對食物出品嘅執著呀！喺上枱之前，大廚特意將最後烹

之前一早有留意到灃味館，但因為時間一直夾不到，所以等到現在想有機會一嚐美食。店員於早一天致電確認訂座時已經十分熱心介紹餐廳的出名菜式，令人留下良好印象！當天訂了8點的枱，但餐廳內仍然座無虛席，十分熱鬧。店員熱心介紹菜式，態度十分好。因為我們只有2個人，所以沒有點太多主菜，店員推介了2款前菜給我們，分別是酸梅冬瓜和薑蔥墨魚仔。冬瓜酸酸甜甜十分適合夏天作開胃菜，冬瓜質地較爽口，不會過淋。而墨魚仔同薑蔥的味道十分相襯，剛好掩蓋了海鮮的腥味。當晚的燉湯只餘下最後一蛊，我們毫不猶豫便點了，果然沒有失望，十分足料，有鮑魚也有花膠，湯品充滿姖松茸的香氣，而且飲得出沒有味精。主菜方面我們點了招牌的咕嚕肉和甜豆炒星斑。咕嚕肉沒有用到過肥的豬肉，食入口肥瘦勻稱，不會過分油膩。而星斑則不過不失，正常水平。最後我們點了一個甜品柚子燉蛋share食，柚子醬加上少量柚子肉，帶點酸甜味，不會過甜，友人十分喜歡。整體用餐都十分滿意，美中不足當晚我們只得2人，未能試更多的菜式，下次定會多約幾位朋友嘗試更多招牌菜式！

其實我一直都私藏左一間隱世樓上私房菜🙊坐落銅鑼灣地鐵站附近但沒有高調宣傳到達餐廳之後發現原來座無虛席的確～默默做好自家出品設計既中菜菜式總會不知不覺吸引一班識食食客今次請師傅安排既四人套餐非常抵食👍🏻一共八道手工菜🤩每道都超細緻、用料靚、工序繁多💆🏼屬心機之作以私房菜黎講～每人只需$700💰CP值非常高💯而且同行小編表示值得一讚既～喺味道調味方面唔會過鹹、亦唔會特別多味精反正真係食番多啲食材既原汁原味😋.【🧑‍🍳 金沙大刀脆魚皮 $68】黃金脆魚皮勁大塊！好有排場😍唔係細細片鹹蛋味濃厚而且呈流沙狀態～唔太油膩亦保持酥脆.【🧑‍🍳 冰鎮話梅黃金球 $78】黃金球其實即係東瓜粒以話梅入饌後～兩者相輔相成帶來獨特既酸甜味而正所謂不時不食呢道菜式好岩炎炎夏日作為開胃小吃☀️.【🧑‍🍳鮑汁扣原件12頭花膠扒 $368】我會叫呢個做Bug價🤫點解會抵食到咁樣！原件花膠扒足足有兩隻手掌咁長四個人分食每人都有四五件鮑汁真材實料食完無口乾～配白飯食應該一流🔝下次再黎食應該每人一碟🤪.【🧑‍🍳魚湯黃金脆米海東星斑 $1,480】呢道菜必點～必點～必點❗️同埋book 位時記得預訂～真係有錢都未必食到因為老板要

用電話落單，想叫蝦子柚皮，職員介紹食柚皮鵝掌，又冇特別講價錢，以為價錢一樣，最後發現原來佢菜單根本冇呢個餸，佢夾硬用「花膠花菇拼鵝掌」個價$288，再另外加$88。埋單後再check 單，之後msg 問清楚佢收費，有個經理一打嚟就不斷講對唔住，唔好意思，話廚房出錯，漏咗俾花膠，話下次嚟請我哋食翻個餸，我哋話唔使，想問清楚係收多幾多錢，單叫柚皮鵝掌收幾多錢，經理淨係好似錄音機話柚皮$88，鵝掌$56/隻，咁話知道收多咗我$64，經理又再錄音機上身咁講話，知道佢哋唔啱，所以老闆話請我哋食一次。我地強調我地唔係想R著數，不過想攪清楚，經理又再錄音機咁講話，老闆知道佢哋做錯，所以同我講對唔住，話請我嚟食多一次嗰味餸，之後話老闆都想同我講唔好意思。然後老闆出場，改口風話其實係廚房未有呢個code，嗰個System未整好，所以未有有柚皮鵝掌個價錢，要用花膠花菇拼鵝掌嘅價錢再on top加$88先至等如柚皮鵝掌，即係話蝦子柚皮：$88花膠花菇併鵝掌：288柚皮鵝掌：$376其實之後佢再講會同廚房溝通翻，咁先至可以令到張單唔會令客有誤會，講到其實係我誤會咗佢一樣，個龍門搬完，其實都唔需要再講所以我哋好

由一開始有濃味中茶至開胃雞湯，高級質素主中菜一流👍試過花膠扒，咕嚕肉好食又有特色，價錢大眾化，銅鑼灣平過深水埗小炒王實在難得，服務員推介紅酒亦有質素，誠意推介

黑洞之前介紹過嘅瀛豐放題🥢最近喺同一棟大廈開埋粵菜館👀餐廳全層有大概6/7張枱相對放題店坐得比較舒服🥰-🔸三黃雞濃湯雞煲翅（$98/位）用三黃雞同老雞煲成🐔奶白色嘅濃湯😍味道超濃郁惹味底部除咗雞肉絲 仲食到啖啖翅💓補身養顏之選🤓-🔸鮮菠蘿拔絲脆皮咕嚕肉（$138）黑洞私心必食推介‼️咕嚕肉用豬頸肉 肉質特別嫩冧👍🏻炸皮勁脆薄🤤睇得出師傅嘅真功夫加埋山楂同片糖高溫整成拔絲效果🤩一啖鮮菠蘿一啖咕嚕肉 perfect池🥳-🔸鮑汁扣原件12頭花膠扒公（$368）呢款菜一上枱霸氣十足😎花膠扒足足超過兩隻手板咁長🖐🏻鮑汁用本地流浮山蠔汁 雞濃湯 金華火腿調味 花膠煮到好冧 而且吸收晒鮑汁精華😋啱晒初老黑洞進補下骨膠原🤪-🔸銓哥炒飯（ $118 ）炒飯配料有蝦肉 帶子整體黎講炒得幾夠乾身✅黑洞食晒成碗都唔會有成口油嘅感覺😉但如果調味淡番少少會更加好🤏🏻-🔸日式焦糖燉蛋（ $38 ）食到尾梗係要有甜品中和下😏燉蛋底有黑糖糖水⚠️食嗰時記得要一啖過由面到底將桃膠連燉蛋一齊食😗-P.s 呢間餐飯嘅菜式幾啱一家人聚餐👨‍👩‍👧‍👧特別係同長輩食飯👴🏻👵🏻唔錯嘅選擇