瀧

營業中

休息中

第二次訂位去瀧食午餐 Lunch set比夜晚正價時段嘅收費真係抵好多 餐廳主打嘅天婦羅真心高質 好多出面唔常見嘅款式 又唔厚粉 真係必食😋😋第一次因為小插曲 識左主廚哥哥 之後仲好有禮貌好好人親自幫我訂位 唔係鋪頭都交代同事好好招呼我 服務態度100分！第一次揀左雙拼 天婦羅蕎麥面同吞拿魚腩飯 主廚哥哥仲送左瀨尿蝦天婦羅俾我 第一次見第一次食 正👍🏻👍🏻 仲請埋我地食櫻花雪糕做甜品第二次去轉左餐牌 天婦買蕎麥面冇得再配雙拼 又開眼界 食到熟客先送嘅半隻鮑魚天婦羅 第一次見隔離個熟客有得食好羡慕 終於輪到我！仲見識到椰菜花天婦羅雙拼嘅松葉蟹飯好足料 仲啖啖蟹肉 送晒成碗飯冇難道 唯一美中不足嘅係吞拿魚腩唔及花串嘅水準 不過瀧始終以天婦羅做主打 另外跟餐附送嘅刺身、小碟同甜品 日式風味十足 瀧午餐嘅精緻程度比起其他中環高級日式料理 真係綽綽有餘 人均$250-300對於打工嘅小薯的確小貴 但偶爾奬勵一下自己 論食物質素、環境、服務、高級感等性價比真係非常高 又係元氣滿滿嘅一餐🥰🥰

男朋友一早book咗呢間餐廳同我提早慶祝情人節❤️。我地點左兩set Omakase同兩支細清酒。前菜入面最鍾意海膽鵪鶉蛋，因為真係非常少見，另外鹽燒銀杏呢個煮法都幾好味。刺身方面，佢嘅拖羅真係好新鮮，同埋佢個深海八爪魚吸盤係超脆，加埋梅醬感覺好清新。主菜熱食方面，我最推介嘅有子持魷魚，酥皮銀雪魚，同埋京都青椒蠔。第一次食魷魚既膏！好香酥皮銀雪魚呢個配搭都好襯，外脆內軟口感一流仲有呢份炸蠔係經理推介，加埋青椒喺入面令成件炸蠔感覺冇咁漏同油膩。最後甜品方面，我非常喜歡北海道番薯天婦羅配日本白蘭地，好香甜

朋友預先book 左中午去瀧食好西,去到不用等位,即刻有位,它安排我地坐於餐廳中間位置,比較嘈,幸好後來經理安排我們轉位,坐了餐廳後面的窗口位,寧靜好多.我地叫左午市二重湊,比較抵食化算我叫左小貝柱明太子飯燒牛肉飯,朋友叫左碎吞拿魚腩飯加燒牛肉飯.D野食都嚟得好快,前菜那沙律蕃茄超级好味,好多汁,而且冇蕃茄皮,正主菜小貝柱和吞拿魚腩都好新鮮,每碗都小巧精緻,好食！燒牛肉D肉就比較肥,一般D.食完仲有飯後甜品,都好好食整體都好ok,值得一試

第一次光顧這間餐廳～幸好有一早預訂左⋯原來非常之多人光顧！整體服務+食物不錯.唯獨上菜速度比較緩慢.午餐有lunch set...非常優惠.喜歡有飯後有甜品，一頓飯的完美結局！

當日同另一半因為見到網上既介紹而黎主要想試下天婦羅有網友Share話似omakase問題黎啦, 因為經網上訂座亦因為第一次黎唔知道原來可以預訂吧檯, 網上OPENRICE亦無標明有咩選擇亦原來要坐吧檯先有得簡Tempura既omakase!傻豬豬既我地就只可以簡商務或者行政套餐或是普通日式定食其間叫做淺嚐到佢地既天婦羅脆漿薄身亦唔會掩蓋左食物本身既味道BABYCORN天婦羅都真係第一次試 (利申: 好憎BABY CORN)但以成餐飯黎講既用後感係”好普通”無咩特別難忘同出眾*反而服務個度就好深刻, 話說我地因為網上訂座而又唔知道坐位會影響餐點既選擇男侍應就提出問我地要唔要坐吧檯 (但當時都係無講到點餐選擇既詳細)而當時L字至吧檯眼見人少得2個人,當然想坐返靠店內無咁熱既位置既呢個時候係吧檯內煮緊野既Executive Chef Eric Chan (你既官網有你大頭好難認唔到lol)就一句砍埋黎 , 佢似同侍應, 實際似同緊我地2個好大聲講左句 : 呢度我HOLD左比人架啦, 唔坐得! 3個! （同時比手劃腳指咩位置唔坐得)男侍應之後繼續好好態度話不如坐另一邊吧檯(近門口)我們婉拒

香港比較少見嘅天婦羅omakase!初初都擔心咁多炸嘢會好熱氣 不過食物嘅多樣化完全解決了這個問題瀧 Taki Omakase～$1300/ppl*🌟先付前菜係松葉腳似配海膽及蛋白 配上超濃三文魚籽醬汁😝鮮味100分💯*🌟前菜有鞍康魚肝配平目魚、螢光魷魚、蕃薯及黑豆 黑豆出奇地好食😍甜滑軟糯😝*🌟湯炸過既紫蘇葉配上粟米凍湯 幾有特色 但不夠濃郁*🌟刺身刺身全部非急凍 由日本新鮮直送 特別喜歡池魚及拖羅 新鮮肥美😋*🌟天婦羅有花竹蝦、沙追魚、蜆、蟹肉腐皮蝦湯 天婦羅即炸熱辣 炸粉夠薄😋*🌟合肴子嗣魷魚好肥美！有膏係入面超級豐腴🤤十分驚喜既一道菜！另一道係燒雞 味道正常*🌟食事松葉蟹腳用蟹膏撈過 配上海膽雞湯稻庭烏冬 好鮮甜啊！😍*🌟甜品餐廳名物鹿兒島安納芋 連皮炸一小時 再沾上白蘭地及砂糖一齊食 又香脆又甜😆另外仲有情人節特有櫻花水信玄餅 配上黃豆粉及黑糖 清甜健康☺️*13道菜食足3個半鐘 侍應亦好細心地講解每道菜既特色 service都非常唔錯 絕對值得一試！

今次同事帶我去食日本菜。一行入去見到餐廳啲佈置就知道又有好嘢食。 一入去見到張長長嘅吧枱，有廚師即刻係你面前煮俾你食。好型㗎呢👨🏻‍🍳 打開個餐牌，行政同商業套餐對我黎講太貴啦。👉🏻👈🏻 留返等我搵多啲錢先再食啦⋯⋯今次食嘅係，午市特選二重奏 $198 +10 %你可以揀兩樣你鍾意ge 野食，真心多選擇😍我就揀咗碎吞拿魚腩飯 同呢度最出名嘅天婦羅蕎麥面套餐仲包一啲前菜小食同埋湯。碎吞拿魚腩飯好香好滑好有口感，忍唔住不停「不下不下」係咁食天婦羅蕎麥面🍤呢度啲天婦羅個皮唔會太厚，食落完全唔會有油膩感。同事仲教我要試點佢三種醬汁，咁就有三種味道。好特別，好好食。果然冇令我失望好開心又搵到一間好好食嘅日本野，下次儲多啲錢一定要來試下佢個晚餐😋

最近非常累需要一個'food therapy',所以想自己一個人安靜地吃一頓有儀式感的、精致的、口味細膩的omakase治愈一下自己。我是一個有一點點picky的食客，除了食物的品質是否驚艷還會考慮其他會影響我用餐experience的因素。1. PhysicalAttributes位置不算太難找，樓上店，環境很安靜。廁所裝修有用心，很寬闊，也有放微微一些香油不會刺鼻/鼻敏感，一切體現出餐廳的用心。裝修的品味……我還是不要挑刺了....2.ServicePros: 我是當天在open rice 上下定，有85折扣，而且可以寫明自己有什麽敏感。之後會有電話來confirm booking不過我以爲是junk call無聼。行程改動讓我可以早點到達餐廳用餐，店方說沒問題。這就是香港人的好處，夠flexible. 對不認識的客人，廚師也會主動跟客人聊天，吃完會給name card說可以whatsapp聯絡拉近距離。結帳的時候也很誠實。Cons: 到達之後，waiter很清楚的記得我對蝦蟹、魚子、牛、敏感，我看waiter記得，就沒有特意告知廚師，然而這個消息看來並没有傳遞給廚師知道，這讓我有

中環一向好多唔同類別嘅日本菜，而今晚就揀咗呢一間大鑊好評嘅「瀧」，我地點左「極」呢個套餐。首先師傅先用左蟹肉腐皮豆腐作為餐前的點綴，令口腔嘅感覺更加清新。師傅非常細心處理每一樣食材。先來左前菜三款，廚師推薦順序食，淡至濃今日就有子持螢光魷魚，非常當做而且爽口又滑溜。另外蟹膏豆腐配上木魚湯昆布啫喱，亦都非常清新可口。之後就會送上鮮甜嘅湯就會準備刺身。刺身嘅環節我哋就食左平政，拖羅，石立魚生。果然非常新鮮而且又油脂重，係口腔徘徊嘅感覺真係爽。廚師介紹每日嘅魚都係新鮮到港，所以入口嘅時候唔需要點太多豉油就可以食更加可以享受到食物嘅滋味。 到咗呢間餐廳其中一大特點，天婦羅。海藻鹽，咖哩鹽，檸檬汁，調味蘿蔔蓉可以比顧客調味。天婦羅蝦皮薄，蝦頭配上咖哩鹽，脆口而且蝦肉彈牙鮮甜食天婦羅我最愛嘅其中一樣係目光魚，魚肉嫩滑而且外脆內軟，質感非常佳。接着就係立魚白魚，配上蔥花嘅調味，豐富嘅蛋白質，入口好creamy。金鯛魚蝦湯，魚肉給一半浸住喺湯入邊吸收湯汁精華，魚鱗保持喺湯而保留爽脆口感。 熊本牛 係2018得獎和牛，西冷嘅位置配上海鹽，肉味香濃小小嘅油脂味亦都令到口感好豐富。 食到呢度已經非常飽啦不

終於等到男朋友生日啦！期待的不是他的生日 是慶祝生日的餐廳呢間餐廳已經第二次去對上一次係同好朋友慶祝生日 今次是男朋友❤呢度最出名就係食Tempura 識食之人都會知道呢度嘅Tempura 係香港數一數二好食的！第一道食物係分別有幾樣食物組成我覺得最出色就係螢光魷魚 識落非常鮮甜柚子豆腐亦都令人開胃然後就係刺身嘅部份分別有池魚、拖羅同石鯛當時見到有拖羅嘅時候已經雙眼發光食落去唔算油脂太多 係口裡半溶化嘅效果然後就嚟到戲 肉 了～T E M P U R A剛才都講過呢一度嘅天婦羅係相當出色食天婦羅嘅時候 分別有三種調味料可以點 白鹽、芥末鹽同檸檬汁 但我自己就偏向淨係連埋蘿蔔蓉一齊食唔點呢三種調味料 因為我怕會蓋過左本身嘅鮮味 就咁食已經可以流淚了除咗炸蝦仲有炸白子🥺雖然唔係每個人都接受到嗰一種口感同味道但白子如果新鮮 就咁沾上少許醋 已經好好味呢度既炸白子 外脆內軟 放入口嘅時候有一種入口即溶嘅效果 白子嘅味道亦都超級濃郁！鍾意食嘅人一定要試一試！之後就係天婦羅金鯛魚配蝦湯個湯係呢個時候出現實在太合時因為剛才食嘅tempura 都好惹味 飲番個湯中和返剛剛好 但就咁睇相你都會睇到蝦湯濃

自從食過一次omakase之後，就已經深深地愛上了。耐不耐都會搵下一d高質數既餐廳去食。今次，朋友介紹我地食呢間瀧，食完之後，真係覺得無推介錯，絕對值得再回頭。先講下地點，地點位於中環，雖然平時好少黎中環食野，但呢間餐廳既位置都好方便，地鐵站行5分鐘左右就到，非常易搵。Omakase有3款選擇，包括天、瀧、極，價錢由$880至$1480。諗左一陣，最後決定食食最貴果個餐——極。等左一陣，食物終於都黎到了。先付：係蟹肉蒸蛋，用左2款蟹肉，松葉蟹同竹蟹，蟹肉味香，而且蒸蛋食落啖啖蟹肉，口感十分豐富。而面頭係薑汁mouse,mouse 清甜，但又帶有薑汁味，同蒸蛋出奇地夾。跟住到前菜，單單睇伴碟都覺得花了不少心機。順時針方向，最上既係山芋紫菜，細細粒，又滑又爽口，夠哂清甜。之後係鵪鶉蛋，但唔係普通鵪鶉蛋咁簡單，佢張原先既蛋拎起，變左海膽，好有驚喜。跟住係瑩光魷魚配酸梅醬，魷魚夠爽口，而酸梅醬酸酸甜甜，非常開胃。最後係蟹膏豆腐，豆腐帶有蟹膏既鮮味，咸咸地，配面頭上既啫喱，味道崎岩岩好。食完前菜之後到飲湯了，湯係北海道小貝柱清湯，入面有海帶同3粒蜆肉。湯十分清甜，而當中又有有一點鮮味。刺身方面有

生病😷又嘴癢想吃日本菜，快打烊的時候鑽進位於中環的瀧- tempura taki. 香港主打tempura 的Omakase 實屬不多。想在眾多的日料裡佔有一席之地也是要有一定的段位。除了中規中矩的菜餚之外，有三道別出心裁 。1）鹿兒島蕃薯佐白蘭地和白糖- 一定要先炸的生蕃薯🍠，入座後下鍋，大火炸一個小時，白蘭地和白糖吊出濃濃的紅薯香。2）看似龍蝦湯的蝦湯：不似龍蝦湯厚重，比較適合於菜餚中間，清甜爽滑，中間的鯛魚連魚鱗一起炸，皮脆肉滑3）櫻花🌸布丁，這個純粹是顏值取勝。一直吃到打烊，真是不好意思。午餐餐單看起來也不錯，約起來吧中環的吃貨們。服務非常到位，對菜式不是簡單的復述，而是很有個人特色。

這間位於the Loop嘅餐廳,雖然行貴價路線，但係lunch set最平大概$200都有交易。試咗呢個招牌嘅天婦羅同烏冬嘅lunch set。一上枱就睇得出好正宗，點睇呢？首先，烏冬放左邊，麵豉湯放右邊，係傳統嘅日本做法。事關日本人覺得左手邊係主人位，所以主食係放左邊嘅。另一個加分位係餐廳用嘅碗碟，精緻可愛，而餐廳裝修亦都有品味，唯一係空間細咗啲。不過中環地方淺窄，都冇計啦。總括來講，係一間有心思嘅日本餐廳，如果有咩生日慶祝或者大日子，都不妨花費嚟食一餐。

出咗糧緊係獎勵自己食餐好嘅所以就決定去瀧食omakase,我都係第一次喺香港食omakase先付: 松葉蟹蟹肉好爽口,蟹殼入面既仲有木魚湯昆布啫喱,啫喱有好濃既昆布味,唔會好咸刺身師傅講話刺身每日都會喺九洲直接送黎香港,保證新鮮。3款刺身入面,我最鍾意就係大拖羅,入口即溶,油份好充足,食完都唔會好漏天婦羅: 蝦 & 帶子 & 金鯛魚喺食天婦羅之前,就試左蘿蔔蓉先,因為入面有2種蘿蔔,所以口感好特別！！蝦天婦羅既麵衣好薄,加埋海藻鹽,食到蝦既鮮味而唔油膩,最尾食埋個蝦頭,炸得好脆最後叫左個甜品鹿兒島種子島安納芋蕃薯因為生炸左既關係,所以外皮係好脆既,蕃薯質地好creamy,味道好甜

約左朋友今晚去蘭桂芳飲野，所以係附近食埋飯再去下場，朋友訂左呢間日本菜「瀧」我地意見一致揀左「極」，有9道菜式，想試多D野先付，新鮮腐皮做底層，淡淡嘅豆香，大量嘅蟹肉置頂，旁邊襯托枝豆蓉，當頭盤食，感覺清新，清清喉嚨前菜有4款食物長芋即係淮山，爽脆，配左紫菜一齊食，增添味道海膽豆腐幼滑，而且海膽味突出甘薯叫得甘薯就緊係甘甜可口炸白蝦之前係第二間日本餐廳食過白蝦壽司，已經愛上，今次呢到用左第二種食法，「炸」，非常香脆、香口小貝柱湯，小貝柱即係細小嘅扇貝，鮮甜天婦羅職員係食天婦羅之前送上檸檬汁、白鹽、咖哩鹽、蘿蔔蓉天婦羅蝦師父介紹蘸白鹽食，更能帶出蝦嘅味道，烤左嘅蝦依然爽口，蝦頭炸左成個依食得，好脆沙錐魚，炸過嘅魚肉都咁嫩滑，啖啖肉，無骨，細心大蜆係九洲特產，整整一隻連殼炸，直接食，蜆同殼中間蜆中間釀左香葉同菇調味，所以夠味之餘，食落蜆味突出又香金鯛魚，魚連魚鱗一齊做左天婦羅，再放落蝦湯，湯非常濃郁蝦味，魚鱗炸過非常脆，唔錯嘅食法日本牛肉，熊本牛兩種嘅部位，西冷同牛肩肉，西冷係鐵板燒，油脂平均，肉質有彈性，牛肩肉係慢煮，非常腍，配自製醬汁，正，另有wasabi、蒜片、煙燻鹽、芥末，增添口味