瀧本日式料理

營業中

休息中

地點係銅鑼灣廣場，非常方便，環境都非常光猛，因為窗口都係落地玻璃，但係環境裝修就好一般。。。。刺身款式都係例牌：。赤蝦。甜蝦。三文魚。油甘魚。希靈魚。帶子。榮螺。象拔蚌。北寄貝大部分都係新鮮唔差，以新張質素係幾好醉鮑魚試一次就夠，酒味過重，零鮑魚味，如果佢用返醬油浸反而有特色得多！自助前菜：中華沙律、涼拌雞腎、藤椒魚皮、泰式鳳爪。全部都係現成貨，所以冇差燒鰻魚，熱辣辣上枱唔錯，質素幾好，肉就唔會爽，但係唔會太多汁太濕蒜蓉粉絲蒸扇貝扇貝肉細，粉絲仲多過肉，蒜蓉味夠香鴨肝多士鴨肝過熟，質地唔軟滑，反而好纖維化蒜蓉焗蠔質高蠔肉大隻又多汁，我自己估係B餐生蠔賣唔去，改做法，減輕另外叫貨成本同時去貨燒羊架肉被醃得過淋，外層香料又厚又粉，唔夠肉汁。。。炸物：吉列蠔、燒乳鴿吉列蠔有汁但肉細乳鴿算唔錯，皮唔脆，不過算肉嫩哈根大師任食，味道選擇少，只有雲呢拿同士多啤梨味。。。。。

🥢銅鑼灣最新$248起日式放題 任食蟹腳｜海膽｜榴槤｜鵝肝｜鮑魚｜烤生蠔🥢最近銅鑼灣新開咗一間好抵食嘅日式放題，地點認真方便，喺地鐵站2 分鐘路程就到，鍾意個環境坐得幾闊落，人多嘅時候仲可以包房，三間房間打通咗可以坐二十多人，啱晒成班開party, 價錢仲要好抵食，最平嘅時段二百幾蚊已經食到松葉蟹腳，鵝肝多士，海膽手卷 , D24榴槤蓉任食，燒烤串燒仲有幾好食，今次同大家睇下有乜必試嘅正嘢🥢刺身/壽司刺身盤可以任食松葉蟹腳，放題必食嘅海膽手卷，最鐘意提供甜蝦同埋大赤蝦，玻璃蝦3款，帆立貝都好鮮甜，三文魚，象拔蚌，赤貝，質素都唔錯，仲有火炙壽司同埋創壽司，款式太多一次過食唔曬🥢燒物/ 串燒燒烤串燒一定要食蒜蓉燒生蠔，鹽燒牛舌，同埋串燒鹽燒海蝦，醬燒鲭花魚，西京比目魚香草烤羊架，蒲燒鰻魚，燒菠蘿🥢一品料理 一品料理都有幾多嘢啱食，例如花雕醉鮑魚，鵝肝厚多士，蒜蓉粉絲蒸扇貝，清酒煮蜆，茶碗蒸，牛柳粒，此外仲有鍋物多款，例如牛肉壽喜燒，雜錦海鮮鍋，泡菜豆腐鍋，都可以試試🥢自助區有好多唔同嘅熟食，麻辣小龍蝦，酸菜魚，辣酒煮花螺，藥膳雞腳，仲有好多唔同嘅冷盤小食藤椒魚皮，螺肉等等，要數到最多人鍾意

難得平日補假好想食餐好🤪發現有間放題價錢好吸引～即刻call齊人試試😏生日4人同行1人半價🎂啤酒任飲有興趣記得bookmark🔖🔸回本系列🔸鵝肝多士、D24榴槤蓉、海膽手卷、焗生蠔、乳鴿· 鵝肝多士最驚喜🥰一定要叫· D24榴槤蓉喺自助區任嗶唔嬲 好顛😭🐠刺身 壽司三文魚、油甘魚、帶子、甜蝦、象拔蚌· 油甘魚 / 三文魚 / 帶子 都好食😍· 全部都好肥美、無根🍣壽司/ 卷物 / 手卷 · 黑松露劍魚腩壽司、花之戀都好推薦🫰🏻· 海膽手卷真係必食‼️味道都好鮮甜· 拖羅蓉卷 + 青龍卷 小朋友都好鍾意食～🍢燒物 ·雞軟骨、雞中翼、牛舌、海蝦· 以上四款都幾好食 無咩伏位·燒鰻魚同烤羊架係必叫🫶🏻又軟淋又juicy🍲一品料理· 清酒煮蜆、牛柳粒· 兩款都偏向重口味😎🍴自助區· 麻辣雞煲、小龍蝦、酸菜魚 都有· 4款唔同種類炸物 eg炸雞🍗煎餃子🥟· 是日靚湯 真心足料😂 7點左右已經成壺冇晒🍰甜品· 甜品櫃：布甸、奶凍、小蛋糕· 雪糕：Haagen-Dazs 、 多款雪條· 生果：西瓜🍉哈密瓜🍈

去食lunch定食，入到去先後有2個職員同我地講我地自己出去拎野飲，跟手我地出去拎，之後幾個職員離遠係咁望住（啤？）我地討論。過多陣兩個職員行近張枱，不過唔係同我地講野，而係再近距離望我地再細細聲講野一陣（期間不斷回頭望我地張枱），跟手先再行埋嚟話我哋唔可以自己出去拎野飲（？）。明明係佢地職員溝通問題，拎番黎野飲都係定食提供嘅野飲，最重要係有冇必要多人望（啤住）討論再討論，250ml紙包綠茶真係咁珍貴？

一家人去銅鑼灣食日式放題，揀咗新開未食過嘅瀧本日式料理，因家人想食生蠔，於是就揀咗食B餐極致海鮮盛宴，每位$528，另加一。可惜生蠔剩餘嘅數量實在太少，平均分每人大約只有1隻、魚籽伴海膽刺身、薄切深海池魚，真係薄過張紙，食落無口感，亦無魚味、拖羅蓉三文魚籽杯，味道仲可以，至於熱食叫咗佛跳牆及鮑汁花膠海參，賣相及口感都一般。至於汁燒一口和牛，就真係又硬又韌，甜品叫咗抹茶紅豆雪糕牛角窩夫、黑白生啤、特飲，都覺得還可以。另外叫咗嘅甲羅燒，就無出現過。另外叫咗三文魚刺身，感覺無三文魚嘅味，口感好多冰味。不過鵝肝厚多士、蒜蓉粉絲蒸扇貝及鰻魚玉子燒就覺得口感及味道都唔錯。仲有自助餐區，榴槤蓉、甜品、泰式酸辣鳳爪、生果及Haagen-Dazs 雪糕... 等等。總結：服務及環境都唔錯，不過食物質素就好一般，所以我個入覺得唔抵食。

平安夜 諗住食餐好….結果我錯啦唔應該就是 試新野…如果自問對食嘢冇要求，歡迎過來進食一上來招呼真的一般刺身拼盤 一啲都唔得北寄貝 希靈魚 真心差最好食既食物 榮螺片，中華沙律，無骨鳳爪，翠玉瓜，解茶好飲 刺身點嘅豉油冇味！假蟹柳，天婦羅冇天婦羅汁！落單app非常簡潔 入來飲啤酒都ok 雪花，黑啤，嘉士伯等等甜品不可選供應商錯哂貪平選貨失敗之作，銅鑼灣咁多放題，咁嘅質素難以生存，做學生168價都可以勉強接受！環境不錯！有些原用之前烤肉店既裝修！差點忘記，2個湯 是吊出來嗎？ 好似未夠火候！

本身係網上睇到 賣哂廣告咁諗住就去試吓 點知中哂伏 簡直人間地獄食物 從來未試過拖羅系咁 食落口似食緊香口膠咁 蝦刺身，原來蝦個頭係黑色嘅 海膽陣味似屎水一樣 食落去想嘔 其他刺身好似紙一樣咁薄。天婦羅究竟點解可以做到外邊淋裏面硬？ 啲串燒似炸多過似係燒 仲有啲牛肉根本咬極都咬唔爛 鵝肝多士仲細過我塊手指甲 炸物都可以係凍嘅 成晚，我都唔知喺度食緊啲乜嘢？唯一正正常常就係嘢飲同甜品 兩個人埋單千幾蚊 俾錢買難受 今晚真係一個好好嘅體驗 永無下次！

銅鑼灣又新開左間日式放題，有超過百款刺身壽司、日式料理等美食，環境睇落好寬敞舒適，而且包房不設低消，好適合一大班朋友慶祝聚會🎈餐廳分別有兩個套餐，同樣任飲任食，我哋今次就試下A餐共有78款美食，刺身壽司、一品料理、炸物同串燒都有齊哂❤️刺身選擇都幾多，有三文魚、雪場蟹腳、甜蝦、帶子同象拔蚌等等，我本人就中意甜蝦、帶子同象拔蚌，每樣都好鮮甜，要ENCORE多幾次先得😝壽司同手卷款式都好多樣，有海膽手卷、花之戀等，特別係鵝肝多士好厚實又濃郁，真係必試👍🏻外面都有自助區，有前菜、沙律、生果、炸物同熱盤等熱盤就有酸菜魚、小龍蝦同麻辣雞煲等甜品都有任食Häagen-Dazs雪糕、雪條同蛋糕🍰整體都好豐富，真係食到好滿足🥰而家有開業優惠，直至12月20日前電話訂座或者網上訂座就有9折優惠❣️✨午市長者尊享88折優惠✨生日優惠（4人同行1人半價、8人同行一人免單）

🪭瀧本日式料理🪭🎉喺銅鑼灣廣場2期新開嘅日式放題！ 今次揀左A餐經典刺身盛宴，午市三個半鐘任食！ 有多款刺身、手作壽司🍣、手卷同各式日式料理任你選擇！ 海膽、鵝肝、乳鴿任食，仲有Haagen Daz🍨同榴莲任食，啤酒更係任飲！大廳有個寬敞嘅自助吧區，裡面有麻辣雞煲、小龍蝦🦞、酸菜魚🐟、乳鴿等中式單品，仲有各類新鮮海鮮冷盤、酥炸小食同時令水果🍈🍉，選擇真係豐富到唔得了。🦪刺身嚴選日本每日特色海產，刺身壽司質素高得驚人！三文魚、油甘魚、帶子厚實又鮮嫩，口感超鮮甜，仲可以享受到超厚的刺身。🍣壽司卷物每款創作壽司都係用心設計，值得一試！特別推薦：海膽手卷、蟹膏花之戀，其他仲有黑松露劍魚腩、赤蝦、拖羅、帶子等等。🍢燒物特別推薦嘅有燒生蠔、鵝肝多士、櫻花蝦鰻魚玉子燒、西京燒比目魚、蒜蓉焗生蠔、牛肉壽喜燒、一品牛柳粒、蒜蓉粉絲蒸扇貝、蒲燒鰻魚，質素都係超高。🍛熱食推薦嘅有花雕醉鮑魚、乳鴿、羊架、香脆牛奶卷、天婦羅同埋烤羊架，一口牛柳更係油脂豐腴，入口即化。🍲煲物特別推薦壽喜燒同關東煮。服務💖大部分食物上得非常快，尤其係刺身、壽司同手卷，員工態度友好，送菜同執枱都好殷勤。

唔好食 食物唔新鮮 為左甲羅燒幫襯B餐 估唔到都係中伏。。。刺身都還好 普普通通中規中矩 諗住鰻魚點都唔會中伏啦 一食落去好似塑膠鰻魚咁 咬都咬唔斷 下次都係幫襯返其他 呢間放題真係影衰晒成個飲食業

原本諗住這間餐廳新開去試下，點了個貴餐，有生蠔，海膽拖羅，點知生蠔好腥海膽好腥拖羅無味，熱食鵝肝嚡熠熠，乳鴿乾爭爭，除咗鰻魚比較熱和後期加嘅扇貝粉絲系熱的之外，所有嘅熱盤都唔熱嘅，好難食，我先生食咗兩隻生蠔，我跟住再點幾隻生蠔一食就覺得唔掂啦，而且唔新鮮，我唔可以食落去，唯有埋單，雖然最後佢俾咗個八折我，但係我都覺得好唔抵，我坐落去真係嗌嘢食時間佢只係一個鐘！千祈唔好去啊！請都唔好去啊🥵🥵🥵其實一粒星都冇，只係OpenRice係要俾星！

銅鑼灣廣場新開放題！瀧本日式料理提供多款特色海產刺身同壽司🍣，仲有日式料理～環境同坊間放題店比較更為寬敞舒適😊依家仲有新開業優惠，12月20號前經電話訂座/網上訂座會有九折🫶🏿✨A餐 經典刺身盛宴 （正價 - 星期一至五 任何時段 $248)💫 一入餐廳會見到自助區🙌🏻主要有海鮮凍盤🦐🦪、沙律涼拌、炸物仲有啲熟食。涼拌有爽口既辣魚皮、味付螺肉、麻辣雞腎、泰式鳳爪等～炸物則有炸雞、炸帶子、炸餃子同忌廉蟹肉薯餅😆熟食方面有放題少見既麻辣雞煲🌶️小龍蝦、酸菜魚、胡椒豬肚雞等😯💫 經QR code落單有多款刺身壽司🍣，包括三文魚、油甘魚、帶子、虎蝦🦐、松葉蟹腳🦀等，厚切鮮甜！壽司亦有特色，包括柚子胡椒油甘魚腩、炙燒牛油帆立貝、七味蒜蓉燒熟蝦、牛油果青龍卷、芝士蟹籽火龍卷、櫻花蝦鰻魚玉子燒等😆仲有推介既瀧本花之戀（蟹膏），壽司飯細細舊，唔使擔心勁快就食飽🤣💫 手卷必食海膽手卷🤤入口即化又鮮味；塊紫菜都卜卜脆的😝💫另外仲有天婦羅、燒物、串燒、炸物、鍋物同一品料理🥰K最愛羊架，熱辣辣啖啖肉😝而鹽燒鯖花魚、西京燒比目魚則比較細件。炸物必食黃金乳鴿🙌🏻仲有少見既香脆牛奶卷🤣鍋物包括牛肉壽喜燒、泡菜豆腐鍋等

🔎 瀧本日式料理 (銅鑼灣)今日去咗銅鑼灣一間新開嘅日式放題🇯🇵裝潢好新又舒適空間好闊落！還可以包房！不設低消/額外收費‼️三間包房是大中小房，打通房間可坐20多人適合親朋好友聚會慶生🎉人均只需$2xx就可以享受超過100種日式料理😍真係覺得係暫時香港食過性價比最高的放題店！刺身🍣呢度嘅刺身款式多到傻！雪場蟹腳、雪場蟹腳、象拔蚌、赤蝦、帶子、赤貝、希靈魚、北寄貝、油甘魚、三文魚、虎蝦、甜蝦全部都好新鮮好厚肉😋壽司手卷🍣有黑松露油甘魚腩、黑松露赤蝦、柚子胡椒池魚王、魚籽醬鮮帶子、三文魚腩、櫻花蝦鰻魚玉子燒、瀧本花之戀、吞拿魚沙律、龍蝦沙律他他、芝士熔岩帝王蟹棒、七味蒜蓉燒熟蝦、醬燒蒜香和牛、火炙左口魚邊、炙燒牛油帆立貝、蔥燒三文魚腩、明太子龍蝦沙律卷🦞芝士蟹籽火龍卷、吞拿魚香蔥拖羅蓉卷…手卷有海膽手卷、醬汁鮑魚手卷、芥辣八爪魚手卷🐙飛魚子手卷…有創意得嚟好高質！一品料理🦑花雕醉鮑魚、蒜蓉粉絲蒸扇貝、鮑汁扒時蔬、桃膠紅棗雪耳、茶碗蒸、鵝肝厚多士、清酒煮蜆、一品牛柳粒、牛油栗米杯炸物🍳 黃金燒乳鴿、廣島吉列蠔、芝麻雞翼、榴蓮炸彈、香芋流心球、芝士年糕、香脆牛奶卷🥛天婦羅🍤 皇帝蟹柳🦀大蝦🦐甜番

點解見咁多ig foodie賣廣告，又多一式一樣嘅好評，我都照黎？因為諗住作為一間新開嘅餐廳，QC理論上衰極有個譜掛，點知真係難食到趴街🙏🏻是日星期五晚市其實坐唔爆場，唔知點解出餐極慢之餘啲嘢食基本上都係凍，炸嘢凍食咁仲算係炸嗎？😅天婦羅炸漿仲又厚又淋。所有，係所有肉都好韌，香口膠都好咬過佢嗰種。開頭影咗一兩張食物相咁大把，都冇心機了🚩張2人枱細之餘，同隔離枱距離一定冇5cm，唔知以為成串都係同枱🙏🏻唯一可取之處係有位姐姐收碟快囉☺️最後本應食兩個鐘，一個鐘就頂唔順走咗，雪糕都冇攞😹浪費cheat day，過兩條街大排檔食返三個餸補數算。佢有分A B兩個餐，價錢差200幾蚊，好彩冇食貴🙏🏻真係不了，不了，不了。

銅鑼灣新開咗間日式放題!!$248起兩個鐘任食😚有多款刺身壽司同日式料理任君選擇~海膽鵝肝乳鴿 連Haagen Dazs都系任食架!仲有啤酒任飲🤪史努比就試咗平啲嗰個set 一於講下有咩好食😋-🔸A餐經典刺身盛宴 正價$298/位史努比去嗰日系星期二 早啲遲啲都可以再平啲😚17:30-19:30 $268 20:30後入座就$278👍🏿刺身種類都幾多~三文魚大大塊夠厚切食落有三文魚味 又夠肥美油潤帶子正常 切得比較薄 疊埋食口感好啲🤣唔算好甜 但新鮮赤蝦唔錯 帶啲漿口甜蝦比起赤蝦更加鮮甜😳油甘魚ok唔腥 但冇話特別油潤 不過第二round再嗌嘅時候竟然比近腩位 即刻好食咗好多😂希靈魚唔系個個鍾意 史努比就幾鍾意佢嗰種卜卜脆嘅口感加鹹鹹香香嘅味道🤪其他北寄貝 松葉蟹腳 赤貝 螺片都正常發揮🙌🏿Overall刺身唔錯!味道: 8/10👍🏿壽司首先要讚下壽司飯 軟硬度適中溫度都keep得好好 唔會凍晒硬晒!醋落得比較多 偏酸少少 但史努比幾鍾意🤣開胃啲😜壽司飯都唔會話好大舊 不過手卷嘅就會大咗少少😂款式好多 火炙/卷物乜都有但胃容量有限 史努比冇試好多大家最關注嘅海膽手卷!老實講海膽份量就唔