瀛喜日本料理 (已結業)

今日決定同男朋友搵食搵到黎荃灣，突然想食日式放題，而前日朋友話食過依間ok，所以就決定試一試。餐廳係2/F，座位都算多，等左一陣就可以入座。刺身我地就叫左左三文魚，甜蝦，元貝，鮑片等等嘅刺身，佢地仲會送一板海膽，全部都好新鮮，唔會有雪味，特別係甜蝦，又大只，又鮮味。自助區跟住當然係拎飲品同小食啦，飲品區有好多選擇，唔會話得汽水咁單調，有啤酒，烏龍茶等。我飲左檸檬汁，呢個幾特別，出面無見過。仲有我鐘意食嘅芝麻八爪魚，擺喺自助區嘅雪櫃，一黎到就可以攞黎食， 唔使等！值得一讚！之後我地就逐一逐一咁剔佢d小食，有壽司，炸物，熱食等等……款式好多同有圖片睇，唔駛估估下。天婦羅、壽司我同男朋友都好鍾意佢地既天婦羅同壽司，全部都係新鮮炸起同即刻整。當然仲有我必食嘅南瓜天婦羅，炸得好脆，食落又香口又甜甜地。天婦羅既炸粉漿好薄，唔似出面D炸到好厚，食多幾件都唔會好飽。仲有紫薯天婦羅，幾特別，好食過普通番薯，肉比較實，口感一流，但唔會太濟！創意壽司另外佢有一part係創意壽司，第一次試甜蝦三文魚壽司，原來可以出奇地夾，甜蝦會增加三文魚既鮮味，而花之戀又會加埋海膽，一樣係充滿驚喜!!服務依間放題上菜速度好快

環境差到爆，我同朋友兩個人被安排坐角落頭，入左去唔係要走都唔好旨意離開個位，成間鋪又黑又暗好似入店disco,野食又小款式又唔好食，刺身全部有雪水味，又溜單又上得晚，張檯似小學個張，放左刺身個盆其他野唔洗旨意放到，價錢又唔係平個人，未夠鐘已經吹你賣單，真係請我都唔去

最近班同事話荃灣有間日式放題有政同行一人半價，而且2個鐘任食，6個大人訂位仲有一板海膽送架，於是大家決定放工去試下。我地準時9點半去到，入口附近已經見到雪櫃裏有好多唔同款式既汽水、雪米糍同雪糕添，雖然唔係貴價既雪糕，但係都睇得出老闆相當有誠意侍應安排左我地坐係比較入既位，有啲vip房既感覺，班同事一坐低就急不及待走去攞飲品同大嗌特嗌野啦！而且食物都黎得好快，剌身既擺放都好有心機，味道新鮮，唔似普通平價魚生。但係最令我滿意既依度既熟食，羊架無咩穌味，岩岩夠熟特別係炸物，天婦羅炸得岩岩好，咬落去脆不特止仲有啲辣口，明顯係即叫即炸，其他包括炸芝士波，炸雞翼等等都好出色 仲有個朱古力脆脆波，相當特別外皮脆之餘，入面仲有流心既效果非常好味 但係牛肉火鍋就有點失望，牛肉有啲碎，而且有啲過熟，湯底都係濃湯底，味道岩岩好 整體黎講，以依個價錢食到中上級既味道，非常唔錯，我下次都會再返黎食

見到少有又平又多好評既日式放題，即刻同男友去試，去到人流唔算多，坐低見食物種類都唔太多，唔緊要啦 照叫 點知樣樣黎到 賣相差唔在講 雞翼生既 個咩翅勁大陣怪味 食左一啖完全食唔落口 d海鮮全部腥味勁重 撈埋芝士都蓋唔住陣味 食品款式少 魚生當時食落覺得過得去....但之後最恐怖既事情發生喇!!!個日番屋企之後冇再食野 第二朝一訓醒又屙又嘔 屙到宜家...嬲死 以後唔會再去😡😡😡劣評劣評劣評!!!!!

之前有朋友介紹荃灣呢間日本放題話呢間d野食唔錯，今日就約左朋友去試下！前一日bk左位，去到都唔洗點等就可以入去！地方都唔會太迫，行出行入拎飲品雪糕都方便，地方都算乾淨～我地兩個食量都唔係好大，樣樣點少量試下～第一轉當然點刺身～

由荃灣港鐵站一出，行天橋落地面，都見到有呢間餐廳既易拉架同有人派傳單，單張上話第二位$88 就試下！去到個場都幾大，要讚下啲度既座位幾舒服，大大張卡位枱，私隱度高，出入都好方便！出食物快，成晚叫既野食都無錯單漏單，間中仲有職員同你換碟！！讚！呢度有我最中意既食物！估下係咩？？無錯！就係榴蓮炸彈！入面真係榴蓮肉！熱lala, 流心！正！！好香好幼滑！encore 左幾次！呢度其他既炸物都唔錯，例如紫薯、天婦羅同紫薯波波等！刺身最近少食刺身，所以唔係叫左好多。上枱時擺放整齊，仲有乾冰，啲煙漂出黎，高檔左！啲甜蝦好新鮮，又大只，啖啖肉，好鮮甜！日本薯仔細細粒，一啖一粒剛好！又淋又熱又清甜！不過唔知點解有牛油係底？第一次遇到，香啲？又幾香既😁另外，幾鍾意佢地既壽司，包捨花之戀、美人魚壽司、鰻魚壽司、火炙三文魚壽司等。好多係自創，夾唔同既食材。勇於嘗試！👍壽司飯細細舊，有啲濕潤，唔太乾、硬。料比飯多，岩晒我心意！👍飲品櫃有汽水，茶，啤酒，紙包飲品等。總有一款岩你！甜品櫃好多款揀！！有雪糕，雪條，豆腐花，乳酪等！最喜歡有豆腐花同乳酪，出面都少見有！食到超飽！好滿足，多謝朋友請客！😀

平時放假約朋友食放題或打邊爐都要選擇大家既中間點，今次有朋友黎荃灣搵我，大家行下商場，行到去路德圍有人派傳單，見到放題同行第二位平d，大家都來話食放題！我地食5:30果轉，上到去唔洗等位！可能係時段第一批，未到晚餐時段！都幾好有大卡位比我地坐點左好多野食，最好食有幾樣！刺身拼盤，仲有海膽食，海膽唔錯，唔會苦，三文魚係厚切，正！油甘魚好鮮甜，甜蝦都好鮮！仲有虎蝦食👍🏼～鮑片同八爪魚同劍魚腩朋友食既，佢都清哂瀛之壽司好好味，大蝦米紙卷口感好得意，爽爽地咁！仲有我最愛既花之戀，呢隻佢就加左海膽，唔錯唔錯炸蠔好大粒肉！旺角食好多放題肉好細，粉好多！榴槤波波膽紫芋波波！榴槤味唔會勁濃，ok既，紫芋波超好味，好濃紫芋味，好甜鯖魚，好味，魚肉好嫩！芝麻雞翼好香口，好脆唔會乾！

同女朋友去慶祝，行過見到瀛喜有優惠，第二位88蚊，去試下啦！咁就出事了！叫刺身，有冷底，賣相已經唔合格，一食落，點解會有渣既？到壽司了，賣相都算不錯，但食落口，我女朋友哇左一声，點解啲反係暖既？火炙個啲我已經不計其內！熱食，雞串超咸，有兩款燒雞翼，好重雪味！牛柳粒，又硬又咸！本人係個啲叫左就會盡量食哂既人，基本上由熱食開始，食左一半唔食既野仲多過食既。。。但係有好有唔好，三文魚頭同放埋一邊既味噌湯(唔知煲左幾耐)尚算合格，又有自助雪糕區，有自助飲品！本人食過好多間放題，呢間真係唔掂！大家唔好貪得意走去試，你會後悔的！

食放題就係食佢既包羅萬有！路德圍出名多正野食！係呢到開放題都要夠平先可以突圍！我就係因為第二位$88所以先過黎！除返一人都係百幾蚊，正！其實我鍾意佢咁放d放題紙多過成本簿咁，唔使咁難揭同埋好似整齊d！選擇都幾多呀！個人覺得已經好夠令我個選擇困難症發作不過好彩放題食幾多都得！先上既係靚靚刺身！材料好新鮮，無雪味，仲有煙出(乾冰效果)我最愛甜蝦，所以叫左好多！d蝦係大頭蝦，唔使自己剝殼。三文魚切得好厚身，所以食落質感好好。仲有劍魚等等好多魚，其實除左三文魚希靈魚吞拿魚個樣or個色特別d, 我都唔係太分到咩魚打咩魚不過d魚都幾通透好味！要讚下呢到d火炙壽司！做得好出色！燒得好平均，而且飯上面既魚，蟹柳厚度都好夠。加埋d沙律醬，係食左會幸福既味道天婦羅正正常常。有紫薯係有驚喜既，好多放題都係得蕃薯。蝦應該係甜蝦個種，包左係天婦羅內蝦肉仲係好嫩滑！炸物係我最喜歡既！圖入面個粒雞軟骨蝦丸真心一定要試！我覺得佢好有創意！將軟骨放埋係蝦餅感覺既蝦丸之中，令個口感好豐富！無聊用左紫芋ballball整笑哈哈基本上我每次去放題都差不多會食半打紫芋ballball！因為真係太正！最喜歡炸甜野！呢個芒果蟹柳青

冇咩錢又想大食特食，所以同朋友去左間出名既平價放題到食，又唔算好肉赤既食放題，一定要叫刺身啦！刺身有心思加小杯乾冰出煙，刺身新鮮厚身大件，三文魚夠厚食落有口感，魚脂分布幾好，質素唔錯！象拔蚌爽口!！海膽唔大舊但以質素取勝，鮮味十足！醬燒三文魚腩壽司超正！壽司細三文魚上有沙律醬，三文魚腩的魚油口內溶化，壽司亦唔會太大件，方便我試多D！另外就要推介燒羊架，燒到鎖住肉汁，一點都唔會有羶味。炸魷魚鬚好大條,又唔粉!好岩我口味。至於螺都幾惹味，唔會淡某某，辣辣地，但又未至於好辣牛柳粒煎得剛好，七成熟，香口！蝦天婦羅炸得熱辣辣又鬆脆。螺夠入味!!!煮得好好食!!!個燒菠蘿無點燒過既痕跡，入口熱，酸酸甜甜，消滯開胃一流。海鮮湯有蝦有蜆，食好之餘又好飲~熟食生野總睇都幾好!野飲方面有我鐘意既烏龍茶，解渴得黎又消滯，方便我食得再多D野!而且唔係間間放題都有，真係照顧到我呢D唔鐘意飲咁多甜野既人既需要~環境舒適,唔會好迫,最緊要夠位擺野食!呢個價錢有呢種質素，本來諗住有點參差，雖然一定比唔上二百幾三百蚊既放題，但相對都唔錯

見網上好多好評，就同朋友去試下放題。2人同行一人半價，每人計埋加一$24X。價錢都合理，但食物選擇唔多，例如手卷得3個選擇，仲有係「迷你」，得一人隻手指甘長食物味道又唔係特別好，不過不失。又甩單甩到乜都唔黎，要催佢幾次先黎，有d野食更加係影都冇 我地點左個八爪魚刺身，寫第一次單好耐都唔黎，問佢個侍應，佢叫我寫多次單，再寫多次都係唔黎，直到佢話last order我同佢講佢先至肯黎。見網上甘多好評先慕名去食，點知食物唔係好好服務又差，好失望。

坐低落order,落單叫刺身，黎左一盤，叫左油甘同劍魚腩無黎，無叫既三文魚就有，都算。第二次order又係咁。同職員講返，佢先識話無乜無乜。我接受到你同我講賣晒，但唔係求其質d野黎當有。食物一般，牛柳粒接近茶記爹牛水準，刺身入得口但味道欠奉，虎皮尖椒落第一次落單要左4，張order紙量詞係「條」，佢俾左3件（砌得返埋一條），第二次落單寫6，佢今次切4件（依然可以砌埋一條）。吉列蠔有蠔豉既味道。熱食烏冬蟹粥算唔錯，牛肉比較熟味道尚算正常，羊架黎得最齊同味道最正常。壽司可以入口但肉比較乾身同散。佢做緊優惠（第一個正價第二個88），預左QP成正比，但整體below average,唔會有下次

太耐無食日本放題，就同男友黎荃灣呢間開左一年多既放題試試啦！係門口大大張Poster寫住3人同行，1人半價，不過最衰今次得2人啦！上到去，地方都幾寬蔽。放題當然來個刺身先，由于我今日不適宜食太多生冷野，所以只點了油甘魚、八爪魚、鮑片、馬刀貝、劍魚腩和深海鱸魚刺身。刺身好新鮮，上刺身既速度都好快，有好多放題上刺身上得好慢，呢間都真系幾快。有一d前菜係雪櫃自助既，我地拿左3樣，八爪魚、中華沙津、素魚翅，都唔錯！另外，重叫左黑松露三文魚、油甘魚、同深海鱸魚壽司。特別想稱讚黑松露既香加上新鮮既三文魚，真系好好味！熱食方面，叫左黃金燒大蝦、燒羊架、翡翠軟殻蟹天婦羅、炸軟殻同牛肉壽喜燒。黃金燒大蝦上面鋪上左一層厚厚既芝士，好滋味！燒羊架都燒得好香，但略嫌有些肥。炸物類炸得好香脆，粉唔會厚👍👍甜品方面，都有好多選擇，好多不同既雪糕、雪條揀。最特別有一款阿波羅既朱古力脆皮粒粒雪糕，係其他既放題未見過。最啱開心share!!!重有餐廳版既百福豆腐花，同焗日本蕃薯仔。同焗日本蕃薯仔係好似手指公咁細粒，甜甜地，食落又幾得意！整體黎講，價錢不貴，食物質素高，同都坐得幾舒服，係絕對可以下次再來既餐廳！😋😋😋

9月17日7點多同老婆經過南豐天橋有人派傳單，"瀛喜放題第二位$88“，好，去試下，好似口碑唔錯。去到，唔使等位。原來綽頭，$238一位，第二位88折，食2個鐘。我自己睇漏眼，冇所謂，試下。7:35入座，環境可以，出菜都快，但刺身好細好薄，炸物、天婦羅粉厚，但芝士焗扇貝，牛柳粒，辣味炒雞腎好食，到8:45落單，侍應問係唔係lostcall，我話夠鐘咩?答"係"冇所謂，都飽啦。侍應跟住冇講野放張單落檯，我冇理，繼續食，中間20分鐘有4個侍應嚟揭下張單，其中一個仲問"唔該，你未埋單"，我話"我都未食完"，最後8:20埋單走，侍應黑面，多謝都冇句，出到門口接待先多謝，得唔得，自己諗

今日同朋友食中秋節晚餐，之前多人都係諗住食放題而且味道都吾錯，所以今次同朋友都專登訂位黎食日式放題，大約7點鐘到達，一入到去已經見到有吾同食品和湯，當然雪糕櫃和飲品櫃都有吾少選擇。我地食下食下都差不多3小時，好彩今日平日吾叫十分多人，所以待應都冇吹我地走，每人$220左右食飽飽離開！～當然黎到第一件事就係叫刺身先啦，款式都多選擇今次當然食我最愛的三文魚，剑魚腩，油甘魚，甜蝦，馬刀貝，黎到沒想到拼得十分漂亮又新鮮，少少乾冰散發出黎十分吸引，食落去都新鮮冇咩雪味，馬刀貝脆口新鮮，三文魚切得厚身而吾太瘦，有少少油脂味道好香，剑魚和油甘魚細細件好快比我地掃晒，之後我地再叫多左一盤添！～而壽司我地都叫左吾少，細細件易食又可以食多幾件，其中我影左幾款壽司三文魚海膽魚籽花之戀，鰻魚壽司，火炙蟹腳壽司，鰻魚和蟹腳有少少燒過好香口，海膽都OK吾錯和魚籽都新鮮。食得多刺身都要食返少少熱食啦，最愛的燒菠蘿一定要叫，這裡燒得好又香口，一口氣食左4件添。串燒就吾夠熱，蟹子沙律多沙律醬青瓜絲都幾清新。每人再黎多隻焗原隻帆立貝芝士，芝士味香口而帆立貝大大粒不錯，只係本人對太多沙律醬就麻麻地。沒想到這個地獄蒜心炒火雞