瀛喜日本料理 (已結業)

9月17日7點多同老婆經過南豐天橋有人派傳單，"瀛喜放題第二位$88“，好，去試下，好似口碑唔錯。去到，唔使等位。原來綽頭，$238一位，第二位88折，食2個鐘。我自己睇漏眼，冇所謂，試下。7:35入座，環境可以，出菜都快，但刺身好細好薄，炸物、天婦羅粉厚，但芝士焗扇貝，牛柳粒，辣味炒雞腎好食，到8:45落單，侍應問係唔係lostcall，我話夠鐘咩?答"係"冇所謂，都飽啦。侍應跟住冇講野放張單落檯，我冇理，繼續食，中間20分鐘有4個侍應嚟揭下張單，其中一個仲問"唔該，你未埋單"，我話"我都未食完"，最後8:20埋單走，侍應黑面，多謝都冇句，出到門口接待先多謝，得唔得，自己諗