瀛喜日本料理 (已結業)

同老公2人星期五去食，一早訂左位唔洗煩。先講魚生，款式算多，都幾新鮮，仲有d出面放題比較少見嘅魚。壽司方面，有個海膽三文魚子花之戀，細細件唔怕食到好飽，難得係上面真係有一舊海膽。呢個我一人都食左3件。炸物有個叫雞軟骨玉子丸，好味，係出面未食過，口感幾得意。串燒雞軟骨就冇落到調味...好淡。芝士燒帆立貝，唔錯，好多芝士。迷你三文魚子手捲，細細件，一啖size。佢有好多雪糕雪條食，連榴連雪條都有。

失望ing 本身就開開心心來食放題，一個月會來食1-2次，第二位總有半價，食物都好ok咖，但係要遞單個時舉左n耐手都冇人理，樓面一個個好似木頭企係到傾解，經理就系到玩手機，同幾條女有講有笑，真係上樑不正下樑歪，雪糕櫃冇雪糕同樓面講，樓面總怨氣很大甘回復，冇就冇啦！飲品冇曬又唔家加，四個人卑三個碟兩對筷子😓😓極度失望！！！！好彩d刺身熟食都可以，唉 希望可以調整翻d樓面

媽咪好鐘意食放題，一早bk左今晚帶佢去食！近近地就係路德圍果間瀛喜放題，我bk左5:15，兩位同行一位半價，另外要加一，咁就354蚊兩位，係bk位時個職員已經講定！其實都幾平丫！比起旺角既放題，埋單都要二百幾蚊個啦！媽咪最鐘意食刺身，刺身都叫左兩轉，仲有炸物，壽司，一口料理，焗帶子，沙津等等！我地唔貪心食幾多點幾多！大致上都ok既，我就搵左幾款覺得應該要點黎食既食物既介紹下！刺身都好新鮮，都係算切得厚，甜蝦好鮮甜！焗扇貝，外層有芝士，入面有沙津醬！好好味！炸物紫芋波，外脆內軟，有濃濃既紫芋蓉，唔會塞得太full太甜太溜～炸蠔都好味，粉唔會太厚！炸雞翼！必食！好香口，加埋芝麻上去炸！好香芝麻味！必食

無食過咁差的放題！一入去，環境陰陰沈沈，坐低了，枱面的碟有水漬，感覺不衛生，好了，落柯打，等幾個字先有得食，叫了三文魚刺身還可以，帶子，甜蝦就完全唔掂，鯹到嘔，碗仔翅，所有串燒，海鮮煱，手卷，壽司，炸物就完全唔得，飲品甜品選擇又少，唉差差差，服務態度又不好，d侍應一邊做一邊自己喺度食嘢，叫了串燒蝦8隻，足足等了1個鐘都未有，追單兩次才來了4隻，蝦又沒味道。一句講晒，下次免費也不去食

平時去開佐敦，今晚諗住試下新地方的放題，就上open rice 睇下荃灣有冇放題試下，見到呢間野咁多開心share，諗住試試，點知完全係伏...首先，刺身完全無味，佢雖然有帶子的樣貌，但完全冇帶子的味道...諗住試下三文魚，點知三文魚都有渣跟住食壽司，佢d 新派壽司名就吸引，味道只係一般。而普通的就同名一樣，普普通通，無甚麼特別，但未至於死。天婦羅就一般的，但唔夠熱，而且佢個翡翠蝦天婦羅，見個樣應該係加左紫菜，但食落無紫菜味炸物係一個經典，叫左個吉列蠔，咬開隻蠔細到同煲粥的蠔鼓冇分別...燒物既代表作又係蝦，叫左鹽燒蝦，送到黎一睇，鹽就係鹽燒，不過係"梅"左既鹽燒蝦。食落口就更加唔掂，呢個咸味，蝦完全冇肉質可言...最後諗住叫個烏冬填肚，黎到睇，頂...噹噹黎既...仲要係散既噹噹...真係omg到埋單，我們一行5 位， 除返每位$205，呢個價已經係減左2位半價後的價錢...呢個價錢，呢個質素，真係食到一肚氣，no second time...

懶得煮飯，想食放題。見呢間多好評，就諗住試下。點知大失所望！刺身壽司份量少，唔新鮮。鹽燒三文魚頭無落鹽。飲品選擇少，最簡單熱茶都無。唯一覺得ok嘅係熱食。無下次。

是次與同事聚會，相約去瀛喜食放題。時段由7:30-9:30，每位$238，已加一。我地一行十人，一去到已經有同事寫左紙入去，但等左成20分鐘先來左一碟天婦羅，因為好肚餓已極速消滅左，之後仲要催佢先有嘢食來😡。仲要次次寫左啲嘢食都唔齊。去到只是飲嘢飲飽😡😡🛠到last order ，刺身我地寫60件，只來10零20件，我地同職員反映，職員先講，唔會來到60件咖啦，最多來10零20件咖咋，但問題我地10個人食，得個10零件點夠食啊，之後果職員話同我地反映睇下可唔可以加多啲，點知最後都係來左10零件😡😡😡😡 羊架又係，寫左7件，淨係來左4件，我地咁多個人唔夠食，同職員講，但係都係超耐都唔來，之後有人仲要催我地要交枱。嘢食都未來點交枱啊，呢間真係好差啊😒😒😡😡😒另外，食物方面，帶子刺身好煤，所以叫左一次就無再叫，但次次都會出現而其他食物都還好，最好食係羊架

係一開張的時候，我跟朋友就已經去試呢間餐廳，當時服務好、食物水準高，而且多優惠。相比起係荃灣的日式放題，例如漁x、浦×，瀛喜相比下較為好。當有不同活動的時候，都會去瀛喜，最近一次去瀛喜，食的時候已經味道變差，份量變少，而且漏了幾次單。如果再食放題的話可能會選擇漁屋×

臨時睇到荃灣呢間日本放題幾正甘喎👍🏻~ 太好了~ 即日都 book 到位😁估唔到閒日五點半場都甘旺場~ 五點半至七點半限時食二小時~ 餐廳編位好貼心唔會將客人迫左一堆坐~ 超讚👍🏻 張枱又夠大~ 就算叫多左食物都夠位擺放😁 刺身同海膽好新鮮呀👍🏻 睇得又食得😁食物種類都好多選擇~ 炸物係即做熱騰騰的~ 推介👍🏻👍🏻另一貼心點係中段時間會有職員主動提問有無食物係 order 好耐但仲未到的大部分食物都幾好味~ 有誠意的~ 甜品仲有勁多款雪條雪糕糖水選擇~ 好滿意的一餐

父親節本身諗住同爸爸食餐好 見openrice comment唔錯就訂咗位 點知就中伏了首先 食物質素方面雖然對放題食物質素要求唔高 但係魚生真係唔新鮮 食落有腥味 其他煮物味道一般個炸雞軟骨粉多過骨另外 上菜速度慢 經常漏單間餐廳應該係儲夠十碟以上先煮一次 有啲食物落咗單食個鐘先到食放題是限時的 真係第一次食放題食唔飽不過可取嘅係飲品同雪糕選擇多囉

我同朋友一行4人好耐無聚，所以諗住搵間坐得舒服，又可以傾吓計嘅餐廳，於是揀咗放題，至於點解揀呢間，因為貪佢附近可以泊車～～我哋8：30p.m.入坐，一坐底當然叫剌身先啦~~好大盤呀一盤都唔夠，要encore 呀啲剌身都好新鮮，又厚又多肉熟食方面，當然唔少得芝麻雞翼呀，天婦羅等等，全部都香脆可口真係樣樣都好好食，另外如果鍾意食榴櫣嘅朋友，就一定更加要嚟，呢度除咗有榴櫣波波之外，仲有榴櫣雪條添順帶一提，呢度都有好多款甜品架，雪糕呀雪條呀，仲有雪米糍添，有芒果，綠茶，黑芝麻等等全單88折，除返大概$214/位

荃灣多野食好多人都知，而好食既放題我會推薦瀛喜日本料理! 平時聽朋友話呢間好多人，要早d去排隊，今次18:30 就到左,唔使等就入得喇放題黎講，呢間野食款式唔算多，但一d大路野都會有╴壽司刺身串燒炸物小食卷物沙律小料理等一應俱全!同大家推介下d必食既野啦!迷你手卷-外型的的色色，可愛之餘又可以過下口引，食多幾個都唔會飽 味道方面亦唔錯，材料夠新鮮炸物-款式多羅羅，而且炸得夠乾身同唔會太硬刺身-好新鮮，雖然款式唔係太多，但每樣都好鮮味 三文魚不妨可以叫多d醬汁炒大西洋魷魚鬚- 個人最鍾意食既料理，魷魚鬚吸哂醬汁d味,炒得好香又唔會太UN 絕對要一試價錢黎講唔算太貴，算係值得食!

被瀛喜的二人同行一人半價吸引去食，不過要早訂位（當日一小時前訂）。他雖然是便宜，但也有很多食物可以選擇。下了單約五分鐘就會送上食物，不過燒焗類有時會漏單，不過可以接受。壽司細細舊，可以1口進食。而我個人認為手卷太過迷你同朱古力棒棒球太甜，食完後飽飽濟濟。燒羊架肉質不錯，都算新鮮，但沒有芥辣，這方面有待改善。而飲品選擇多。甜品最好食是牛奶布丁，香濃牛奶味，細滑。待應大多數都是年輕人，也很有耐性為客人服務。整體上食物都可以接受。呢個價錢都算係咁。

荃灣區都有幾間日式放題, 一般都是200元至300元, 留意到這間開了一段時間, 但一到時間就好多人排隊等入座, 上網睇食評都多讚少彈, 所以就引到我黎食, 究竟抵唔抵食.訂位後, 到時間也要排除等入座, 因為清走上一段時間的客人及清潔枱面, 終於到我地入座啦.首先填好點食品紙, 每間的做法都如是. 飲品我們出去自選自取的, 茶及汽水比較受歡迎.很快刺身就送到, 三文魚一定要肥美,油香,嫩滑. 三樣都到位, 很好味. 甜蝦有大有細, 好明顯唔同貨, 有點不解, 而且部份未溶雪帶少少腥味. 油甘魚同樣肥美而且厚身不腥. 吞拿魚不太吸引.食放題都少食壽司類, 怕太飽試唔到其他食物. 揀選了三款, 甜蝦反而好食過刺身的蝦. 另外二款都一般. 問題應該係飯, 太硬太多飯, 感覺一般.另外4款壽司, 味道都幾好, 火炙三文魚同樣嫩滑魚脂燒過很香. 和牛也軟淋好咬. 其餘2款都正常. 創意壽司3款也太特別啦. 3款都有點腥, 而且散亂地排放, 一點也不吸引, 看到會減分.特大刺身蝦, 超好味, 大大隻肉多又甜滑, 一點也不腥. 應該只叫呢款蝦刺身.芝士焗帆立貝, 很多放題都有, 也是必叫來虐. 芝

    之前經過荃灣見到9點半後半價一直心郁郁想試下，但系又驚中伏，之前聽朋友仔試過話OK見到Openrice評價都好好就決定星期五約埋女朋友一齊食食食，作為一個吃貨，每次去之前一定望menu不下十次，見到好多野食，堅期待。點知...完全中曬伏...    首先，講下餐廳環境入座，餐廳系二樓，要上樓梯，好窄好逼好焗，不過唔系重點，重點系，點解間鋪頭可以安排得咁混亂？book佐，排緊隊，居然唔系入先？反而系後面黎，沖入去果d先入座？咁我想問我BOOK黎做咩？我提早黎排隊摞飛做咩？之後安排入座，超級無敵逼，我明白香港寸金尺土，但系都唔系逼到咁呱？算啦，我黎食野唔系食環境，野食OK就得...    跟住食放題果斷第一時間叫刺身喇，哎...原本最最最期待既，反而系最最最失望，勁唔新鮮勁難吃，老實講，我食其他放題，閑閑地都4，5round，今次第一round以為系意外，果斷叫第二round，點知一樣難吃，失望！！！      刺身：三文魚唔新鮮薄細，甜蝦一直系我最愛，但呢度d同街邊壽司鋪有咩分別？細隻到呢，虎蝦食佐一隻就想嘔，睇個樣完全系過時食物，油甘魚吞拿魚不過不失，其他都系大陸普通野，真心第