濟州燒肉食堂

營業中

休息中

男經理態度極差！我係來食野，唔係受你氣，你心情唔好都唔使大大聲同客人講嘢嘅☹️我攪錯booking 時間係自己大意，我已經再排過隊，你使唔使態度咁惡劣呀？唔理有幾好食，一定唔會再去呢間垃圾，唔係得你有野食嘅

近來燒肉食到上癮，來到北角都不忘找找有咩燒肉好味道，就比我發現到濟洲燒肉食堂，仲唔入去食番一餐。超胃食嘅我當然要睇下有咩抵食之選，其中濟州燒肉套就非常吸引，特選黑毛和牛上貝身肉、食堂黑毛豬五花、豪快和牛燒、煙肉大蝦、壺漬牛肋骨及墨魚，仲可以加配八爪魚海鮮部隊鍋，坐低就即時落單啦！其中卡位可遠望維港景色，叫埋2杯梳打飲品，慢慢燒肉，慢慢享受夕陽美景，一流！炸醬麵先來一杯碗炸醬麵，極有韓國特色，炸醬麵中的麵條非常彈牙煙韌，與炸醬攪勻，甘香無比。八爪魚海鮮部隊鍋一睇就見到大大隻八爪魚、午餐肉、豆腐、腸仔、年糕等...更奉上即食麵，真係非常吸引。即時加上熱燙燙的上湯，美味八爪魚海鮮部隊鍋就誕生了，加配真是一個正確嘅選擇！特選黑毛和牛上貝身肉、豪快和牛燒、食堂黑毛豬五花3款肉都非常高質，色澤鮮紅有光澤，香烤時油脂盡出，肉味濃郁，令人回味。壺漬牛肋骨牛肋骨份量超大，超長，香烤後還保持了軟嫩甘香，牛味濃郁。煙肉大蝦煙肉包著大蝦在香燒時，煙肉的肉汁滲入大蝦內，味道更滋味。黑毛豬五花香烤一會，香氣撲鼻，鮮美爽口。黑毛豬五花肉包上生菜、泡菜、芽菜，入口清爽，而又不失其豐富肉汁，更覺美味。好食就係咁簡單！

環境寬敞，抽風系統非常好，店內不會有煙霧瀰漫的情況出現，亦不會被燻了一身油煙味。窗邊一列卡位，景觀開揚，維港無敵海景盡收眼底，可欣賞到夕陽西斜美景，別具風味。吃韓國菜，當然少不了嬌小的韓式小碟拌菜、爐邊烤蛋和芝士粟米，全都是無限添加的。濟州燒肉套餐 ($756)特選黑毛和牛上貝身肉、食堂黑毛豬五花、豪快和牛燒、煙肉大蝦、壺漬牛肋骨及墨魚食堂黑毛豬五花肉質爽脆富嚼勁，肉味濃郁，肉汁充沛，帶有陣陣油香。壺漬牛肋骨份量十足，肉質軟嫩juicy，帶有油脂香氣。拌以清爽生菜同吃，有助減低油膩感。煙肉包裹著大蝦來燒，蝦肉吸收了煙肉的味道，更香口惹味。炸醬麵 ($78)麵條彈牙有嚼勁，搭配韓式炸醬增添不少甜美氣息。

位於北角匯呢間新商場入面既濟州燒肉食堂，估唔到平日都咁多人食，搞到我地滿心期待，結果無令我地失望。餐廳侍應推薦左我地叫個套餐，只係$756，三個人食份量岩岩好。另外，套餐無包野飲，佢啲梳打特飲都幾吸引，而且走飲管減$10，非常抵，一定支持環保，$20幾蚊一杯都值得叫，因為食燒肉點可以唔飲凍飲。套餐咩都有啲，有豬、牛、蝦、墨魚、炸醬麵，一定可以滿足晒所有要求。啲肉質澤都好靚，又有擺盤，絕對係相機食先。另外佢啲小菜同泡菜蛋&芝士蛋都係無限添加。

依間喺北角滙 韓燒 ，都多人食，可能喺北角冇咁多間有這種形式，上星期六7月28號，一家人去食，叫了一個套餐 再加啲食品，食物唔講住，只係講個爐，個爐雖然用火調教，但可惜只係一個度數，因為店舖開關掣調教，用膠帶綁住不能給客人調教，火力完全好弱，側邊有粟米芝士和雞蛋蕃茄燒烤當作小點，話叫做任食小點，根本冇可能任食，咁簡單芝士同雞蛋，都需要20分鐘至25分鐘芝士才溶化7成 ，還有雞蛋就半生熟還有蛋水，不是我哋這樣講，連啲職員都係咁講，收野快，所有肉類都可以，我嗌咗散叫炸雞 半份都好多，都好好味，石頭飯就一般，其他上枱啲韓式小食 就一般 ，不過如果我比分數，只係講肉類，我都會去多一次食，因為某啲好食某啲唔好食，咁一定有，只係個人意見

濟州燒肉一向出名好食，今次同幾個朋友仔一齊食，原來佢定期會轉menu，今次又多左唔同野，為左廢是諗，我地叫左個濟州燒肉套餐，$756，可以for 3-4個人。如果係男仔或者大食啲，可能未必夠，但係如果較為細食，都會食到好飽。個餐入面有我最鍾意食既特選黑毛和牛上貝身肉，燒到岩岩好放入口即溶既感覺太滿足，然後陣和牛香味係無得頂。另外，佢個墨魚都出奇地好食，唔洗燒太耐，否則會太乾，燒完都唔洗沾醬，都有味。

朋友生日話想食韓燒，上網見到宜間餐廳環境不錯，訂咗位去試試。我地一行四個女仔嗌左濟州燒肉套餐，套餐$756，特選黑毛和牛上貝身肉及黑毛豬五花肉各四片，兩隻大蝦，魷魚，原條牛肋骨，同埋有一塊豪快和牛燒，另外仲有個湯可以選擇人蔘雞湯或者薯仔排骨湯。個套餐其實份量唔係話好大份，同埋感覺上唔係特別平，因為佢比正常份量減少左。牛肉油脂分泌不錯及嫩滑！因為我地當中有個朋友唔食牛，所以我地另外再叫咗一隻雞髀同豬皮。豬皮不會有臭豬味，彈牙！燒到個皮少少脆好正！食韓燒最正應該係無限refill 前菜，爐邊蛋同埋芝士粟米，但宜間餐廳其實叫極都唔係好理你，叫佢refill 一樣野起碼要叫兩次都算最奇怪係佢有個侍應走埋嚟話我地差唔多要還枱叫我地俾錢，當時我地個爐仲燒緊食物，佢無啦啦熄咗我地個爐，我地上面既肉仲係生的，咁樣其實係咩意思？要我地立刻走？明白而家餐廳經營困難，想做第二輪，但真係唔係咁樣趕客走………其實食物是不錯的，但係服務態度真係好差…..希望可以改善下

北角匯有好多餐廳，今日就嚟食吓韓式燒烤。餐廳有很多套餐，主食套餐都係$70起。我哋一行4人就決定食個燒烤套餐。套餐未到前菜先上，有泡菜，醃蘿蔔，同沙律。前2款都係可以refill.主食方面套餐配咗炸醬麵，配合香港人口味，唔會太多醬。燒肉套餐牛仔骨，和牛，黑豚肉都很好味。呢度嘅肉係醃好的，所以都唔洗再加咩調味料。另外有不同嘅蔬菜，好似大蔥，蘋果，雞脾菇，唔會咁肥膩。爐邊有泡菜蛋同芝士粟米可以任食。套餐仲有2杯嘢飲跟埋。大家食完個套餐都仲想食，點咗個豚肉部隊鍋收尾。

食肉獸又出動<3今次去左北角匯的濟州燒肉食堂，北角匯呢個新商場真好靚，我地仲被安排坐窗口位，望住海景食飯，超爽，不過夜晚又多燈光影唔到出黎，但現場環境係幾好！睇下食左Ｄ咩：濟州豬梅肉／八爪魚鬚／韓牛拼盤／牛小排／黃金厚切五花肉／海鮮湯（都話食肉獸啦，兩個人都食到咁多野，哈！）濟州豬梅肉脂肪分佈幾平均，燒起上黎有咬口，讚！今次燒八爪魚鬚非常爽口，勁彈，又唔會咬唔開！韓牛拼盤（識食的人都知韓牛有幾出名，肉味濃，正）有牛舌，奄左的牛肉同牛小排，因為我唔食牛舌，但我好鍾意奄左的牛肉同牛小排，由其係牛小排。。。豐富的油香，入口軟滑～忍唔住要叫一份淨牛小排黎encore！海鮮湯都好味，超大只蝦勁爽口仲有蝦子～個湯底雖然加左辣油但仍飲得出有海鮮的鮮甜味，所以辣油唔會搶哂海鮮味，正！但我最鍾意一定係黃金厚切五花肉，廚房預先幫你燒過個面，感覺好似炸過咁，你自己再燒多陣，整熟佢，唔係講笑，一燒呢塊五花肉，佢即刻著火咁，Ｄ油標哂出黎，超邪惡，老公燒到佢脆卜卜，唔知以為食緊燒腩仔咁丫，配埋炸蒜，真係重口味寶寶的天堂！爐邊的泡菜蛋同芝士粟米，我地不停咁叫侍應哥哥幫我地加，哈哈，我覺得芝士好食，芝士味濃濃

濟州燒肉食堂，位於北角匯商場三樓，估計餐廳近來推出經濟實惠韓燒套餐，故此餐廳於閒日晚上都全場爆滿，門外更大排長龍，建議必需提前訂座。餐廳以韓式燒肉為主打，二人套餐$300多，四人套餐$756，平均大約每人$200，確實經濟實惠。餐廳前菜，盤邊泡菜雞蛋，芝士粟米均無限添加，絕對可以飽肚而回。餐廳套餐肉類豐富，味道亦好，大蝦煙肉卷，和牛，醃牛排骨，魷魚，最特別是有蘋果片幫助去解油膩，以醃牛排骨味道最好。套餐更包括有韓式撈烏冬，味道一般。三數好友共聚，定必仿傚韓國人傳統，套餐外再追加一個五花肉部隊鍋，材料如韓國正宗部隊鍋無異，火腿腸仔午餐肉芽菜泡菜拉麵，湯底味道亦非常韓式。

呢次嚟到北角新地標商場北角匯搵食，搵到呢間人氣甚高嘅濟洲燒肉食堂。呢次叫左佢哋嘅濟洲五花肉套餐，入面包括有特選黑毛和牛上貝身肉，特選牛五花，濟洲五花肉，豪快嚴選牛舌，醬油梅花肉等。仲可以揀韓式炒粉絲或大醬湯作主食。特選牛五花：油脂滿滿，經過火烤，油香四溢，好啱用嚟做生菜包。特選黑毛和牛上貝身肉：肉質嘅色澤鮮紅，油脂嘅分布均勻，牛味十足，口感軟滑。濟洲五花肉：五花肉油脂含量高，用嚟包生菜一齊食就最啱。豪快嚴選牛舌：兩大塊嘅牛舌，牛味特濃，口感獨特，一試難忘。醬油梅花肉：一整塊嘅豬梅扒，加埋秘製醬油醃製，肉味更突出。大大隻雞髀：雞髀大大隻，但係店家細心將肉剪開令雞髀更快更易燒熟，肉質嫩滑，肉汁豐富，好滿足。韓式炒粉絲：粉絲大大份，用料十足，口感煙韌彈牙，調味得宜，鑊氣十足。荔枝梳打，柑橘梳打：清甜清爽，係炎炎夏日同埋喺食油膩感較重嘅燒肉最佳嘅飲品選擇。呢度泡菜，醃蘿蔔，爐邊蛋，粟米芝士仲有包住肉嚟食嘅生菜都係可以無限追加，令大家可以大吃特吃。

上次同朋友食過一次覺得唔錯，今次同屋企人再嚟食🔥🔥餐廳環境寬敞舒適，兩次嚟到咁啱都可以坐到窗邊位，好開心😃大八爪魚鬚🐙 $116🐙好新鮮，口感煙煙韌韌，燒後更香口😋食堂韓牛拼盤 $218拼盤有幾款牛，特選牛五花，食堂牛小排同大蔥切牛舌，特別鍾意牛小排，入口軟腍👍🏻特選黑毛和牛上貝身肉 $198和牛雪花分布均勻，油脂感豐富，濃郁滋味黃金厚切五花肉 $198濟州豬梅肉 $120兩款肉都好大塊，最鍾意燒到有啲燶邊，點埋大醬包埋生菜食一流🥬濟州海鮮湯 $88海鮮份量都幾多，入面有青口同蝦，湯都幾辣，啱晒愛辣嘅朋友🌶荔枝梳打 $32柑橘梳打 $32食燒肉點可以唔叫梳打飲，入口清新解膩！

放工比人拉左去做電燈膽 食韓燒好彩冇靠窗位 景觀開揚乾淨有位專門嘅位置放我係幾欣賞，不過都造成左我係serve 人個個🤣🤣🤣小菜味道唔錯 我地加左幾次（任添）周圍嘅芝士玉米都係任添，不過等佢芝士融都要少少時間 大家如果好鐘意食可以注意下味道還好 不過不失，未必會有好大興趣再食e 間

記得上年去影紫藤花時嚟過北角滙1次，之後仲去濟州燒肉食堂食咗個好正嘅燒肉，今日同朋友重拾舊地，又再嚟呢度食。 今次揀咗個濟洲五花肉套餐，有特選黑毛和牛上貝身肉、特選牛五花、濟州五花肉、醬油梅花肉、韓式炒粉絲。 最正係特選黑毛和牛上貝身肉，油花充足，牛味濃郁，肉質鮮嫩，食落去有入口即溶嘅感覺。 其他特選黑毛和牛上貝身肉、特選牛五花一樣都好正，肉味突出。 另外再加多隻大雞脾，肉質滑溜，而且無雪味。 韓國嘅五花肉係最正㗎，油脂甘香，味道鮮嫩。 韓式炒粉絲份量充足，炒得夠乾身。 仲有兩杯冰涼嘅梳打當然唔少得有泡菜蛋同粟米拉絲芝士，職員keep住會幫你成日加。 呢度嘅前菜都整得好好味，又會生菜免費添加，可以包住啲肉食無咁膩。

今日放工去咗北角食燒肉呢間燒肉隔兩三個月就黎食一次每次黎都係full 曬 好彩有book位😂今次order咗個濟州五花肉套餐特選黑毛和牛上貝身肉黑毛和牛相信大家都會比較熟識上貝肉其實就係腰脊心肉質比較結實 有咬口我就鍾意配生菜🥬食 特選牛五花牛五花係肋骨側邊嘅肉肉同脂肪分佈平均 我鍾意點少少鹽食就已經好鮮豪快嚴選牛舌每次食牛我都必食牛舌燒牛舌嘅時間要控制得好好唔夠熟會咬唔斷😂😂 燒得啱啱好嘅牛舌好彈牙 醬油梅花肉醃好嘅梅花肉 脂肪同肉比較均勻肉質好結實 唔需要點汁都已經好入味濟州五花肉大大塊嘅五花肉建議燒熟咗先剪開佢再包埋生菜🥬 加泡菜 蒜頭🧄 一流👍🏻韓式炒粉絲平時好少食韓式粉絲怕整到好乾身呢款又幾彈牙入味整體黎講食物質素保持👍🏻其中一個吸引我就係個爐邊蛋 / 芝士粟米 食到停唔到口一定要叫嘢飲 soda 啱曬🤭🤭走嘅時9點零仲係full曬黎食一定要book位 😂