濟州燒肉食堂

營業中

休息中

呢次嚟到北角新地標商場北角匯搵食，搵到呢間人氣甚高嘅濟洲燒肉食堂。呢次叫左佢哋嘅濟洲五花肉套餐，入面包括有特選黑毛和牛上貝身肉，特選牛五花，濟洲五花肉，豪快嚴選牛舌，醬油梅花肉等。仲可以揀韓式炒粉絲或大醬湯作主食。特選牛五花：油脂滿滿，經過火烤，油香四溢，好啱用嚟做生菜包。特選黑毛和牛上貝身肉：肉質嘅色澤鮮紅，油脂嘅分布均勻，牛味十足，口感軟滑。濟洲五花肉：五花肉油脂含量高，用嚟包生菜一齊食就最啱。豪快嚴選牛舌：兩大塊嘅牛舌，牛味特濃，口感獨特，一試難忘。醬油梅花肉：一整塊嘅豬梅扒，加埋秘製醬油醃製，肉味更突出。大大隻雞髀：雞髀大大隻，但係店家細心將肉剪開令雞髀更快更易燒熟，肉質嫩滑，肉汁豐富，好滿足。韓式炒粉絲：粉絲大大份，用料十足，口感煙韌彈牙，調味得宜，鑊氣十足。荔枝梳打，柑橘梳打：清甜清爽，係炎炎夏日同埋喺食油膩感較重嘅燒肉最佳嘅飲品選擇。呢度泡菜，醃蘿蔔，爐邊蛋，粟米芝士仲有包住肉嚟食嘅生菜都係可以無限追加，令大家可以大吃特吃。