潮苑 (已結業)

十二月中旬有著兒時成長味道的三坡坊，何時起被常醉酒鬧事者弄得污煙瘴氣？現家住樓上，每晚凌晨也聽到醉漢叫罵，真的不愁沒說話好聽。是獨個兒不會想來的地方式，收夜的一天，與老弟同來，當想吃的鹹菜炆門鱔除牌後，想到的不會是金錢鱔，更不會是蠔仔粥，一味豉油王炒麵、一客鹹菜豬肚與及一尾大眼雞魚飯，一夜大牌檔大炒作。客家人，愛鹹酸菜的味道，鹹菜炆豬肚是心癮起點來試的一味，白胡椒味重的豬肚幾可放湯，炒起來卻不著佳處，與鹹菜的味道風牛馬不相干。大眼雞魚飯，先不說普寧豆醬有著過期味道，魚飯吃腥氣十足，是近年吃過最差的出品，收$78／條，愈吃愈肉赤。豉油王炒麵鑊頭不夠熱，油膩不在話下，韭菜、洋蔥提不了香，豉油味還不及油鑊味鮮明，連老弟也吃得皺眉。變了質的三坡坊，整夜彌漫著夢遊醉漢對現實社會的謾罵與不滿，掛在口邊說被遺棄之人卻沒好好想過席間的粗言冷語的態度，確實是對清醒大眾所下的煩擾咀咒。

天氣稍涼.就急不及待,食久違多月的羊腩煲.接近六點坐落,老闆說羊腩尚在炆燴的階段,那就先來個小食,沙薑雞腳$30 - 送酒小食,味道夠濃,雞腳如能淋些就更好.七點主角羊腩煲上場,羊腩煲$118 - 大大鍋,附菜一碟.羊腩幾多,配料有枝竹,冬菇,馬蹄都好食.豬腰$28,豬粉腸$28 - 兩者都新鮮,洗得乾淨無澀味,掂!加兩枝啤酒,一枝汽水,埋單$240,O.K.

小慧生曰, 佢話想吃打冷, 記得之前有朋友介紹荃灣三波坊有好多打冷鋪, 幾年前已經襯過幾間, 今次見到呢間新既鋪頭真係要一試, 唔知呢間野開左幾耐,人流就真係麻麻, 左右隔離人山人海, 一場黎到, 就試下啦, 點左紅燒乳鴿, 鹵水拼盤, 蠔餅同豆豉鯪魚油墨菜, 賣相ok, 食物就真係普通, 係個拼盤完全無鹵水味, 乳鴒伴碟既蝦片好林身, 油墨菜仲有d苦, 最慘係唔知人手唔夠定點, 叫好耐都唔會有人認你, 叫個飯都叫好耐, 埋單就最快, 唉, 今時今日咁既服務態度, 點會再叫人幫襯你第二次呀!

上星期 個fd生日我同多2個fd同佢一齐食飯 去完千色店買禮物之後都成八点几 吾知食咩好 用i风上openrice睇下有咩好食見三坡坊都好似几好 同fd兵分2路2个fd去塭野食我同生日o個個去come buy買野飲買完打电話问去左邊間佢地話係「潮苑」我就去三坡坊塭佢從聖方仔中学行去三坡坊直行轉左光孟D個间我地叫左:回鍋肉(入味 D肉吾会太肥 辣辣地 OK)辣酒東风螺(我自己吾食螺 D fd話好味)炸墨魚餅(香脆可口 吾只有墨魚交 重有D粟米同墨魚肉)炒白菜(都OK 好新鮮)炸大腸(冇臭味 好脆)乳鴿(有心之作 有肉汁 皮脆 有蝦片)蠔餅(真係超正 食完再叫多个)店內乾淨冷风又OK有大电視服務有禮貌四个人 四佰几 吾算貴(个个都勁飽 食吾落生日旦糕)總括黎講唔錯既選擇OK！

今晚同老公去呢度試下, 因都知佢好多人, 所以我地6點幾就入去食. 2人食, 所以叫唔到很多野食.1) 鹵水鵝片($68) : 肉質唔錯, 份量都ok. 2) 蠔餅($42) : 呢味同出面的有些不同, 係好多蠔, 蠔多個餅的. D蠔都唔"聲", 所以我食到. 我平時唔係好食呢味野, 老公就食開. 不過他說喜歡真係一塊餅的蠔餅.3) 豉椒炒蜆($48) : 味道唔錯, 真係有少少spicy. 不過有好多空殼. 我地叫了支啤酒, 入席時佢會有碟花生/橋頭, 你可叫話唔要, 就等於免茶, 不過幾錢就唔知啦, 因都免左了. 此間店味道都唔錯. 大夥兒食大排檔野可選呢度.

睇了之前的食評, 跟家人特別來此聚餐. 叫了以下食物:孖寶A - 卥水拼盤及豉汁倉魚, 兩款OK, 尤其是魚, 很滑. 若拼盤有鵝便最好蠔仔粥 - 掂, 但蠔仔不夠鮮味. 最後在沒有選擇下都翻叫椒鹽九肚魚 - 正, 只是份量一般炸蠔餅 - 有些好脆, 有些厚的便麻麻, 不夠味, 點魚露又過鹹什菌煲 - 水汪汪, 有點怪豉椒炒蜆 - 無鑊氣, 蜆不鮮甜及細碟除了炸物外, 整體來說沒有預期好, 一般

週六晚上，作病太公沒有去上課，也沒有胃口，靜候遲收工的太公之公共晉晚膳。二人覓食時已屆晚上十時半，店家都差不多打烊；太公伉儷唯有去三彼坊一帶，開得較晚的食肆覓食。雖然見鄰座的蠔餅看似不錯，不過太公是日喉嚨極痛兼狂咳，對一切香口的食物皆敬而遠之，只能要一個生菜鯪魚球煲，和一個古法荷葉蒸雞： 生菜鯪魚球煲：生菜也夠新鮮，加上新鮮草菇，本是不俗，只是鯪魚球味道有點濃濁而不夠香，屬不過不失水準而已。 古法荷葉蒸雞：雞蒸得確滑，但雞鮮得過火而不自然 - 腦袋正在盤旋此念，身旁那「味精indicator」太公之公即時投訴後頸感赤痛 (只需攝取稍多份量的味精即會出現此現象)，果然是加了味精，無怪乎這個「雞鮮」會如此霸道；不過云之「古法」卻用上此等「搶喉作料」，若特級校對仍健在，恐怕也會氣個半死。水準一般，抵食度也未見突出，未能成為我們「撐枱腳」開飯之選；不過，督見這裏有相當豐富的「金牌配搭」套餐供應，最吸引的是貴妃雞半隻加白灼蝦，才$108，看似相當抵食；若人數稍多，不妨前來一試

【潮苑】俾我第一個印象係﹙人﹚, 幾次經過都見到人山人海, 心諗有時間一定要試試。所以今日專登早d, 7點鐘去攞定位，今晚好旺場, 但都唔會有趕客走的情況，點左d野之後好快黎：黃金蝦＄55︰拿沾上咸蛋的蝦去炸，新鮮、香口、好食，份量都夠大。辣酒煮花螺：螺味很鮮甜，而且辣酒的「酒與辣」比例剛好，帶一點酒香，也有充足香辣感，而失不會搶去螺本身的味道，好吃。蠔餅＄42是必叫的。蠔餅剛上桌時很香 - 將蠔仔混在蛋汁裏，再炸成一大片香香脆脆，沒有下過多的粉，粒粒鬆脆，加上芫荽的香味和新鮮蠔仔的清鮮，又將師傅功夫表露無遺；暫時吃過是這裏的最好，不可不試。另外還要了沙嗲芥蘭牛肉，製作的功夫還不錯。沙嗲芥蘭牛肉是家常小菜，炒得隨意，勝在用料都新鮮，火候也夠，出來的芥蘭爽脆，牛肉鮮嫩，沙嗲是略添香味也沒搶風頭，不錯。燒汁局牛仔骨＄48，日菜中煮，味道比日式菜館更出色，值得一讚，粉絲海蝦煲＄48，我們之前從未吃過這味菜，就叫來一試；海蝦很新鮮，剛送來是醬汁還在煲裏滾著，陣陣的鮮蝦味徐徐飄至，教人食指大動；海蝦很鮮也很爽，味很濃很厚，送飯吃不錯。生菜鯪魚球豆腐煲＄38：豆腐荳味欠奉，只勝在夠滑；生菜煮得剛好

本飲食雜誌講呢間潮苑既真係廣告，係講荃灣的廣告特輯黎架。至於呢間潮苑，都食過，坦白講，真係無一樣得，服務差，滷水鵝又鞋又無味，炒碟菜又老到乜，連個蠔仔粥都係淡既，全晚唯一讚得落係氣氛，成幾十檯人坐晒係度，嘈到不得了，夠熱鬧囉。

我係潮洲人，見到依度有潮洲嘢食，梗係要試吓啦！成班同學仔放學來到, 都成10 點仲要坐到出門口， 勁旺！打冷既野唔洗講喇.蠔餅,豬紅,滷水鵝，大腸、豆腐、墨魚、鵝腸 呢D一定要叫架！蠔餅真係超正!!!!:新鮮多蠔無沙重超脆喎!!!而這個酥炸蠔餅，沾上了炸漿炸至香酥，香口惹味是當然的了，小蠔的肉汁也因為有一層炸漿而沒有流失。澎湃的蠔汁和香酥的味道簡值天衣無縫，這個小菜絕對是不可多得。鹵水大腸拼鵝腸 - 本來分開叫, 但落單姐姐話雙拼會抵好多, 所以就聽佢講雙拼. 鹵水好唔好食個汁好緊要, 而呢度個鹵水汁整得好好， 兼且亦無太多花椒八角等香料味, 掂！個鵝腸整得幾爽口。滷水鵝比陳勤記還要入味和嫩滑，師傅刀功極佳。碟鵝片比酒樓切得更企理。豉椒炒蜆: 強勁推介呀!!. 上枱見到碟蜆好足料又大碟, 味道又香又夠辣. 平時食啲炒蜆通常都只係好少配菜一齊炒, 但呢到竟然有好多青, 紅椒一齊炒. 總知就好味到連配菜都清埋啦.韮菜豬紅 - 豬紅幾滑身又唔會有陣怪味, 而韮菜份量就少左D嘞除左打冷之外, 佢D小菜都好得,我最鐘意食佢地既生炒骨/沙拉骨/黑椒牛仔骨煲!!!椒鹽鮮魷同椒鹽九肚魚非常香脆新鮮，

將近母親節，約定屋企人提早同外母慶祝，經過一整天的辛勞, 當然要係晚飯上滿足一下自已啦，一致贊成去三坡坊盡情食、盡情飲，仲可以歎埋支飯後煙，講真最難得仲可以揾到露天食店可以有齊三種享受，讚！其實三坡坊差不多己經成為我屋企飯堂，幾年前已經一星期有幾晚係度開餐，初初係街口新樂飯店開餐，嗰時選擇唔多，明明小菜做得求其，又無服務可言，但都屈就下，鬼叫老婆放工夜，煮唔切飯咩！後嚟真係頂唔順就過檔入Ｄ，叫小炒皇，食嘢都係無得要求，可能條街太旺太多客，唔志在，無計！仲有火鍋店，但係入到去形同放血，埋單嚇死你！泰國菜就真係唔可以日日食啦，仲有陳財記，成條街最貴既小菜，就係呢度，入得嚟，要預咗唔底食至得！但係又唔見得話好食，一句講曬，况親街頭、路口、出入必經之路嘅鋪頭，都係唔憂做，唉！不過最近發現〈新樂飯店〉隔離，新開咗一間【潮苑】，入去試過幾次，次次都有驚喜，初初以為新開會緊張Ｄ，做好Ｄ，點知確實有料到，就算路口比新樂封殺曬，依然成日滿座，眼見識飲識食嘅，都會排除萬難，穿過路新樂築成嘅人牆，直搗黃龍，深入【潮苑】，我地就己經成功突圍，進入潮苑，所以潮苑應該特別獎勵，多送２支啤酒啦！一行10人點了唔知幾